ಎನ್ ಆರ್ ಪುರ ಪೊಲೀಸ್‌ಗೆ ದಂಡ ಹಾಕಿದ ಕೊಪ್ಪ ಪೊಲೀಸ್
* ನೋ ಪಾರ್ಕಿಂಗ್ನಲ್ಲಿ ಎನ್ ಆರ್ ಪುರ ಪೊಲೀಸ್ ವಾಹನ ಪಾರ್ಕಿಂಗ್
* ಕಾನೂನು ಎಲ್ಲರಿಗೂ ಒಂದೇ ಎಂದು ಸಾರಿದ ಕೊಪ್ಪ ಪಿಎಸ್ಐ ಕಾರ್ಯಕ್ಕೆ ಶ್ಲಾಘನೆ
NAMMMUR EXPRESS NEWS
ಕೊಪ್ಪ: ಪೊಲೀಸರಿಗೆ ಪೊಲೀಸರೇ ದಂಡ ವಿಧಿಸಿ ಕಾನೂನು ಎಲ್ಲರಿಗೂ ಒಂದೇ ಎಂದು ಸಾರಿದ ವಿಶೇಷ ಘಟನೆಯೊಂದು ಕೊಪ್ಪ ಪಟ್ಟಣದಲ್ಲಿ ನಡೆದಿದೆ.
ನೋ ಪಾರ್ಕಿಂಗ್ನಲ್ಲಿ ನಿಲ್ಲಿಸಿದ್ದ ಎನ್‍ಆರ್ ಪುರ ಪೊಲೀಸ್ ಠಾಣೆಯ ಪೊಲೀಸ್ ಜೀಪಿಗೆ ಕೊಪ್ಪದ ಪೊಲೀಸರು ದಂಡ ವಿಧಿಸಿದ್ದಾರೆ.
ಎನ್‍ಆರ್ ಪುರ ಠಾಣೆಯ ಸಿಪಿಐ ಜೀಪು ನೋ ಪಾರ್ಕಿಂಗ್ನಲ್ಲಿ ನಿಲ್ಲಿಸಲಾಗಿತ್ತು. ಈ ವೇಳೆ ರೌಂಡ್ಸ್‌ನಲ್ಲಿದ್ದ ಕೊಪ್ಪ ಪೊಲೀಸರು ವಾಹನ ಲಾಕ್ ಮಾಡಿದ್ದರು. ಬಳಿಕ ಪಿಎಸ್ಐ 500 ರೂ. ದಂಡ ವಿಧಿಸಿದ್ದಾರೆ.
500 ದಂಡ ಕಟ್ಟಿ ಚಾಲಕ ವಾಹನವನ್ನು ಬಿಡಿಸಿಕೊಂಡು ಹೋಗಿದ್ದಾರೆ. ಕೊಪ್ಪ ಪಿಎಸ್ಐ ಬಸವರಾಜ್ ಕಾರ್ಯಕ್ಕೆ ಕೊಪ್ಪ ತಾಲೂಕಿನ ಜನ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಪೊಲೀಸ್ ಪೊಲೀಸರಿಗೆ ದಂಡ ವಿಧಿಸುವ ಮೂಲಕ ಕಾನೂನು ಎಲ್ಲರಿಗೂ ಒಂದೇ ಎಂಬ ಸಂದೇಶವನ್ನು ಪಿಎಸ್ಐ ಸಾರಿದ್ದಾರೆ ಎಂದು ಜನ ಕೊಂಡಾಡಿದ್ದಾರೆ.