* ಅಪಾಯದ ಮಟ್ಟ ತಲುಪಿದ ನೇತ್ರಾವತಿ ನದಿ
* 28. 5 ರಷ್ಟು ಎತ್ತರದಲ್ಲಿ ಹರಿಯುತ್ತಿದ್ದಾಳೆ ನೇತ್ರಾವತಿ
ನಮ್ಮೂರ ಎಕ್ಸ್ ಪ್ರೆಸ್ ನ್ಯೂಸ್
ಉಪ್ಪಿನಂಗಡಿ: ಕೆಲವು ದಿನಗಳಿಂದ ಎಡೆಬಿಡದೆ ಸುರಿಯುತ್ತಿರುವ ಮಳೆಗೆ ನೇತ್ರಾವತಿ ನದಿ ಉಪ್ಪಿನಂಗಡಿಯಲ್ಲಿ ಅಪಾಯದ ಮಟ್ಟ ತಲುಪಿದೆ. ಕುಮಾರಧಾರ ನೀರಿಗಿಂತ ಅಧಿಕ ಪ್ರಮಾಣದ ಹರಿವು ಈ ನದಿಯಲ್ಲಿ ಕಂಡುಬಂದಿದೆ. ಸಹಸ್ರಲಿಂಗೇಶ್ವರ ಮತ್ತು ಮಹಾಕಾಳಿ ದೇವಾಲಯದ ಬಳಿ ಇರುವ 36 ಮೆಟ್ಟಿಲುಗಳಲ್ಲಿ ಸುಮಾರು 27 ಮೆಟ್ಟಿಲುಗಳು ಈಗಾಗಲೇ ನದಿಯ ನೀರಿನಲ್ಲಿ ಮುಳುಗಿ ಹೋಗಿರುವುದು ಜನರಲ್ಲಿ ಆತಂಕ ಸೃಷ್ಟಿಸಿದೆ. ನೇತ್ರಾವತಿ ನದಿಯ ಅತಿಯಾದ ರಭಸದಿಂದಾಗಿ ದೇವಾಲಯದ ಹಿಂದಿನಿಂದ ಹರಿದು ಬಂದು ನೇತ್ರಾವತಿಯನ್ನು ಸಂಗಮಿಸುತ್ತಿದ್ದ ಕುಮಾರ ಧಾರ ನದಿಯ ಸರಾಗವಾದ ಹರಿಯುವಿಕೆಗೆ ತಡೆಯುಂಟಾಗಿ ಕಸ, ಕಡ್ಡಿ, ಪ್ಲಾಸ್ಟಿಕ್ ಬಾಟಲಿಗಳಂತ ತ್ಯಾಜ್ಯ ವಸ್ತುಗಳು ಹಳೆಯ ಸೇತುವೆ ಬಳಿ ಸಂಗ್ರಹಗೊಳ್ಳುವಂತಾಗಿದೆ. ಇವುಗಳನ್ನು ನಿಭಾಯಿಸುವ ನಿಟ್ಟಿನಲ್ಲಿ ಉಪ ತಹಶೀಲ್ದಾರ್ ಚೆನ್ನಪ್ಪ ಗೌಡ ಅವರ ನೇತೃತ್ವದಲ್ಲಿ ಗೃಹ ರಕ್ಷಕ ದಳದ ಪ್ರವಾಹ ರಕ್ಷಣಾ ತಂಡವು ದೇವಾಲಯದ ಬಳಿ ಬೀಡುಬಿಟ್ಟಿದೆ.