- ಪ್ರತಿ ಹಳ್ಳಿ, ಪ್ರತಿ ಕಾರ್ಯಕ್ರಮ ಭೇಟಿ: ಜನರ ಜತೆ ಮಾತುಕತೆ
- ತೀರ್ಥಹಳ್ಳಿ ಕಾರ್ಯಕ್ಷೇತ್ರ: ಜನರ ಸಮಸ್ಯೆಗೆ ದನಿ
- ಕಾಂಗ್ರೆಸ್ ಪಕ್ಷದ ಸಂಘಟನೆಗೆ ಹೊಸ ಹೊಸ ಪ್ಲಾನ್
NAMMUR EXPRESS NEWS
ತೀರ್ಥಹಳ್ಳಿ: ರಾಜ್ಯ ಸಹಕಾರಿ ಕ್ಷೇತ್ರದಲ್ಲಿ ಸಾಧನೆ ಮಾಡಿ ಕಳೆದ ಎರಡು ದಶಕಗಳಿಂದ ತೀರ್ಥಹಳ್ಳಿ ಕ್ಷೇತ್ರದ ಜನರ ಜತೆ ಇರುವ ಮಾಜಿ ಅಪೆಕ್ಸ್ ಬ್ಯಾಂಕ್ ಅಧ್ಯಕ್ಷರು, ಸಹಕಾರಿ ನಾಯಕರು, ಕಾಂಗ್ರೆಸ್ ನಾಯಕ ಡಾ.ಆರ್. ಎಂ.ಮಂಜುನಾಥ ಗೌಡ ಕ್ಷೇತ್ರದಲ್ಲಿ ತಮ್ಮದೇ ವರ್ಚಸ್ಸನ್ನು ಹೆಚ್ಚಿಸಿಕೊಳ್ಳುವ ಜತೆಗೆ ಪಕ್ಷ ಸಂಘಟನೆಯಲ್ಲಿ ತೊಡಗಿದ್ದಾರೆ.
ಹಳ್ಳಿ ಹಳ್ಳಿಯಲ್ಲಿ ಯುವ ಪಡೆ ಕಟ್ಟಿರುವ ಗೌಡರು ಕಾಂಗ್ರೆಸ್ ಪಕ್ಷವನ್ನು ಕಟ್ಟುತ್ತಿದ್ದಾರೆ. ಪ್ರತಿ ದಿನ ಹತ್ತಾರು ಕಾರ್ಯಕ್ರಮಗಳಿಗೆ ಭೇಟಿ ನೀಡಿ ಒಂದಲ್ಲ ಒಂದು ಕಡೆ ಸಭೆ ನಡೆಸುವ ಮೂಲಕ ಪಕ್ಷಕ್ಕೆ ಬಲ ತರುತ್ತಿದ್ದಾರೆ.
ರಾಜ್ಯ ನಾಯಕರೊಂದಿಗೆ ಅತ್ಯುತ್ತಮ ಸ್ನೇಹ ಹೊಂದಿರುವ ಗೌಡರು ಇದೀಗ ತೀರ್ಥಹಳ್ಳಿ ಕ್ಷೇತ್ರದ ಪ್ರತಿ ಗ್ರಾಮ ಮಟ್ಟದಲ್ಲಿ ಭೇಟಿ ನೀಡಿ ಜನರ ಕಷ್ಟ ಸುಖಕ್ಕೆ ಜತೆಯಾಗುತ್ತಿದ್ದಾರೆ.
ಚುನಾವಣೆಗೆ ಒಂದು ವರ್ಷ ಬಾಕಿ ಇದ್ದರೂ ಕಷ್ಟ ಎಂದು ಬಂದವರ ಜತೆಗೆ ನಿಂತು ಹೋರಾಟ ಮಾಡುತ್ತಿದ್ದಾರೆ.
ಕಿಮ್ಮನೆ ಅಮೇರಿಕಾಕ್ಕೆ!
ವಯುಕ್ತಿಕ ಕಾರಣಗಳಿಂದ ಮಾಜಿ ಸಚಿವ ಕಿಮ್ಮನೆ ರತ್ನಾಕರ್ ಅಮೇರಿಕಾಕ್ಕೆ ತೆರಳಿದ್ದಾರೆ. ಮೇ 31ಕ್ಕೆ ಅವರು ವಾಪಾಸಾಗಲಿದ್ದಾರೆ ಎನ್ನಲಾಗಿದೆ. ಕಿಮ್ಮನೆ ಕೂಡ ಕಾಂಗ್ರೆಸ್ ಪಕ್ಷ ಸಂಘಟನೆ ಮಾಡುತ್ತಿದ್ದು ಇಬ್ಬರೂ ನಾಯಕರು ಒಟ್ಟಾಗಿ ಚುನಾವಣೆ ಮಾಡುವ ವಾತಾವರಣ ಕಾಣುತ್ತಿದೆ.