ತೀರ್ಥಹಳ್ಳಿಯ ಶ್ರೀ ಕ್ಷೇತ್ರ ಜಯಪುರದಲ್ಲಿ 15ನೇ ವರ್ಷದ ವಾರ್ಷಿಕೋತ್ಸವ..!
– ಸುದರ್ಶನ್ ಉಡುಪರಿಂದ ನಾಗ ಸಂದರ್ಶನ
– ವಿವಿಧ ಧಾರ್ಮಿಕ ಕಾರ್ಯಕ್ರಮ, ಸಾರ್ವಜನಿಕ ಅನ್ನ ಸಂತರ್ಪಣೆ
NAMMUR EXPRESS NEWS
ತೀರ್ಥಹಳ್ಳಿ: ಪರಮಪೂಜ್ಯ ಡಾ|| ಡಿ. ವೀರೇಂದ್ರ ಹೆಗ್ಗಡೆಯವರ ಕೃಪಾರ್ಶಿವಾದದೊಂದಿಗೆ ಮಹಾಸತಿ ದೇವಸ್ಥಾನ ಸೇವಾ ಟ್ರಸ್ಟ್ (ರಿ.) ಆದಿಶಕ್ತಿ ಮಹಾಸತಿ, ಅಣ್ಣಪ್ಪಪಂಜುರ್ಲಿ, ನಾಗ-ನಾಗಯಕ್ಷಿ ಪರಿಹಾರ ದೇವತೆಗಳ ದೇವಸ್ಥಾನ ಶ್ರೀ ಕ್ಷೇತ್ರ ಜಯಪುರ, ಗುಡ್ಡೆಕೊಪ್ಪ ಇಲ್ಲಿ 15 ನೇ ವರ್ಷದ ವಾರ್ಷಿಕೋತ್ಸವವನ್ನು ದಿನಾಂಕ 29-04-2024 ಸೋಮವಾರದಂದು ನಡೆಸಲಾಗುವುದು. ಬೆಳಗ್ಗೆ ಚಂಡಿಕಾಹೋಮ ಮತ್ತು ಸಂಜೆ ಪಂಚದುರ್ಗಾ ದೀಪ ನಮಸ್ಕಾರ ಪೂಜೆ ಹಾಗೂ ದಿನಾಂಕ 30-04-2024 ನೇ ಮಂಗಳವಾರದಂದು ಶ್ರೀ ಕ್ಷೇತ್ರ ಜಯಪುರದಲ್ಲಿ ಇರತಕ್ಕಂಹ ಸಪರಿವಾರ ನಾಗದೇವರ 15ನೇ ವರ್ಷದ ವರ್ಧಂತ್ಯೋವವನ್ನು ಮಾಡಲಾಗುವುದು.
ಆಪ್ರಯುಕ್ತ ಬೆಳಿಗ್ಗೆ ಗಂಟೆ 9-00 ರಿಂದ ಗಣಪತಿ ಪೂಜೆ ಮಾಸ್ತಿಗೆ ದುರ್ಗಾಹೋಮ, ಗಣಪತಿ ಹೋಮ, ಸತ್ಯನಾರಾಯಣ ಪೂಜೆ, ನಾಗ-ನಾಗಯಕ್ಷಿಗೆ ಅಷ್ಟೋತರ ಪರಿಕಲಶ ಸಹಿತ ಪ್ರಧಾನ ಬ್ರಹ್ಮಕುಂಭ ಸ್ಥಾಪನಾ ಅದಿವಾಸಹೋಮ, ಬ್ರಹ್ಮ ಕಲಶಾಭಿಷೇಕ ಮಹಾಪೂಜೆ, ನಾಗ ಸಂದರ್ಶನ ಹಾಗೂ ಮಹಾಮಂಗಳಾರತಿ ನಂತರ ತೀರ್ಥಪ್ರಸಾದ ವಿನಿಯೋಗವಿರುತ್ತದೆ. ಶ್ರೀಯುತ ಸುದರ್ಶನ್ ಉಡುಪ ಇವರಿಂದ ನಾಗ ಸಂದರ್ಶನ ಇರುತ್ತದೆ.
ಮಧ್ಯಾಹ್ನ 1-00 ಕ್ಕೆ ಸಾರ್ವಜನಿಕ ಅನ್ನ ಸಂತರ್ಪಣೆ ಇರುತ್ತದೆ. ಇದೇ ದಿನ ಸಂಜೆ ಸರ್ವಪ್ರಾಯಶ್ಚಿತ ಆಶ್ಲೇಷಬಲಿ, ಉದ್ಯಾಪನಹೋಮ, ಮಹಾಪೂಜೆ ಮತ್ತು ಪ್ರಸಾದ ವಿತರಣೆ ಈ ಕಾರ್ಯಕ್ರಮದ ಆಚಾರ್ಯತ್ವವನ್ನು ಶ್ರೀ ಕ್ಷೇತ್ರ ಮಂದಾರ್ತಿಯ ಆರ್ಚಕರಾದ ಶ್ರೀ ಶ್ರೀ ವೇ। ಬ್ರ॥ ವೆಂಕಟೇಶ್ ಮಯ್ಯ ಇವರು ನಡೆಸಿಕೊಡುವವರು. ಇದೇ ದಿನ ರಾತ್ರಿ 8-30ಕ್ಕೆ ಶ್ರೀ ದೇವರ ಸನ್ನಿಧಿಯಲ್ಲಿ ಶ್ರೀ ಕ್ಷೇತ್ರ ಗೋಳಿಗರಡಿ ಸಾಸ್ತಾನ ಯಕ್ಷಗಾನ ಮೇಳದವರಿಂದ ದಶಾವತಾರ ಯಕ್ಷಗಾನ ಬಯಲಾಟ ಆಡಿ ತೋರಿಸಲಿರುವವರು.
ಈ ಕಾರ್ಯಕ್ರಮಕ್ಕೆ ಭಕ್ತಾಧಿಗಳು ಹಾಗೂ ಗ್ರಾಮಸ್ಥರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ತಮ್ಮ ತನು-ಮನ-ಧನ ಸಹಕಾರದೊಂದಿಗೆ ಸಹಕರಿಸಿ ಶ್ರೀ ದೇವರ ಮುಡಿಗಂಧ ಪ್ರಸಾದ ಸ್ವೀಕರಿಸಿ ಶ್ರೀ ದೇವರ ಕೃಪೆಗೆ ಪಾತ್ರರಾಗಬೇಕಾಗಿ ಶ್ರೀ ಕ್ಷೇತ್ರ ಜಯಪುರ ಧರ್ಮದರ್ಶಿಗಳಾದ ಶ್ರೀ ರಾಜೇಂದ ಡಿ.ಎಸ್. ಹಾಗೂ ದೇವಸ್ಥಾನದ ಸಮಿತಿ ವಿನಂತಿಸಿಕೊಂಡಿದೆ.
ವಿಶೇಷ ಸೂಚನೆ:
ಸಾನಿಧ್ಯದಲ್ಲಿ ಪ್ರತಿ ಅಮವಾಸೆ ಹುಣ್ಣಿಮೆಯೆಂದು ದೇವರ ದರ್ಶನ ವಿದ್ದು ಹೇಳಿಕೆ ಕೇಳಿಕೆ ಇರುತ್ತದೆ. ಮತ್ತು ಎಲ್ಲಾ ದಿನಗಳಂದು ಪ್ರಶ್ನ, ಚಿಂತನೆ ಇರುತ್ತದೆ.
ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕಿಸಿ ಶ್ರೀ ರಾಜೇಂದ್ರ ಜೈಪುರ : 6360337682
