ವಿದುಷಿ ದೀಕ್ಷಾ ವಿ ವಿಶ್ವ ದಾಖಲೆ..!

ವಿದುಷಿ ದೀಕ್ಷಾ ವಿ ವಿಶ್ವ ದಾಖಲೆ..!
– ಗೋಲ್ಡನ್ ಬುಕ್ ಆಫ್ ವರ್ಡ್ ರೆಕಾರ್ಡ್ ದಾಖಲೆ ಸೃಷ್ಠಿಸಿದ ದೀಕ್ಷಾ
– 7 ದಿನಗಳಲ್ಲಿ 170 ಗಂಟೆ ಭರತನಾಟ್ಯ ಪ್ರದರ್ಶಿಸಿದ್ದ ರೆಮೋನಾ ದಾಖಲೆ
– 9 ದಿನದಲ್ಲಿ 216 ಗಂಟೆ ಭರತನಾಟ್ಯ ಪ್ರದರ್ಶಿಸುವ ಹೊಸ ಗುರಿ

NAMMMUR EXPRESS NEWS
ಉಡುಪಿ: ಸತತ 9 ದಿನದಲ್ಲಿ 216 ಗಂಟೆಗಳ ಕಾಲ ಭರತನಾಟ್ಯ ಪ್ರದರ್ಶಿಸಿ ನೂತನ ವಿಶ್ವ ದಾಖಲೆ ನಿರ್ಮಿಸುವ ಗುರಿ ಹೊಂದಿ ಭರತನಾಟ್ಯ ಪ್ರದರ್ಶಿಸುತ್ತಿರುವ ವಿದೂಷಿ ದೀಕ್ಷಾ ವಿ ಇದೀಗ ಮತ್ತೊಂದು ವಿಶ್ವ ದಾಖಲೆ ಮಾಡಿದ್ದಾರೆ.
,ಈ ಹಿಂದೆ ವಿಶ್ವದಾಖಲೆಗಾಗಿ 7 ದಿನಗಳಲ್ಲಿ 170 ಗಂಟೆ ನಿರಂತರ ಭರತನಾಟ್ಯ ಪ್ರದರ್ಶಸಿ ಮಂಗಳೂರಿನ ರೆಮೋನಾ ಪೆರೇರಾ ನಿರ್ಮಿಸಿದ್ದ ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ದಾಖಲೆ ಇದೀಗ ದೀಕ್ಷಾ ಮುಡಿಗೆ ಏರಿದೆ.

ಆ. 21ರಂದು ಶುರು ಮಾಡಿದ್ದ ನೃತ್ಯಗಾರ್ತಿ

ಹೊಸ ದಾಖಲೆ ಬರೆಯುವಲ್ಲಿ ಸಾಗುತ್ತಿರುವ ಉಡುಪಿಯ ವಿದುಷಿ ದೀಕ್ಷಾ ವಿ ಆ. 21 ರಂದು ಮಧ್ಯಾಹ್ನ 3:30 ಕ್ಕೆ ನೃತ್ಯ ಪ್ರದರ್ಶನ ಆರಂಭಿಸಿ, 9 ದಿನಗಳಲ್ಲಿ 216 ಗಂಟೆ ಪೂರ್ಣಗೊಳಿಸುವ ಗುರಿ ಹೊಂದಿದ್ದಾರೆ. ಸದ್ಯ ಅವರ 170 ಗಂಟೆಗಳ ಪ್ರದರ್ಶನ ಪೂರ್ಣಗೊಳ್ಳುತ್ತಿದ್ದಂತೆ ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಮುಖ್ಯಸ್ಥ ಮನೀಶ್ ವಿಷ್ಟೋಯಿ ಘೋಷಿಸಿದರು. ಬಳಿಕ ಹಲವಾರು ಮಂದಿ ಗಣ್ಯರು ಅಭಿನಂದಿಸಿದರು.

ಇನ್ನು 1 ದಿನ ಬಾಕಿ: ಸಾವಿರಾರು ಜನರ ಹಾರೈಕೆ

ಶನಿವಾರ ಮಧ್ಯಾಹ್ನ 3:30ಕ್ಕೆ 216 ಗಂಟೆ ಪೂರೈಸಲಿರುವ ದೀಕ್ಷಾ ಅವರಿಗೆ ನಾಡಿನ ಹಾಗೂ ದೇಶದ ವಿವಿಧ ಕಡೆಯಿಂದ ಹಾರೈಕೆಗಳು ಬರುತ್ತಿವೆ. ಕರಾವಳಿಯ ಈ ಪ್ರತಿಭೆಗೆ ಶುಭಾಶಯಗಳು

ನಮ್ಮೂರ್ ಎಕ್ಸ್ ಪ್ರೆಸ್ ಮೀಡಿಯಾ
ಕರಾವಳಿ