Month: December 2020

• ರಾತ್ರಿ, ಹಗಲು ಕರಾಮತ್ತು
• ಕರೋನಾ ಭಯ ಕಾಣಲಿಲ್ಲ..
• ಮತ ಮಾರಿಕೊಂಡರೆ ಮತದಾರರು?

ಶಿವಮೊಗ್ಗ: ಗ್ರಾಮ ಪಂಚಾಯತ್ ಚುನಾವಣೆ ಪಕ್ಷಾತೀತವಾಗಿ ನ್ಯಾಯ ಸಮ್ಮತವಾಗಿ ನಡೆಸಲು ಚುನಾವಣಾ ಆಯೋಗ ಕ್ರಮ ಕೈಗೊಂಡಿದೆ. ಆದರೆ ಅದು ಸುಳ್ಳಾಗಿದೆ.
ಬಹುತೇಕ ಕಡೆ ಹಣ, ಹೆಂಡ, ಪ್ರಭಾವ ಗ್ರಾಮ ಪಂಚಾಯತ್ ಚುನಾವಣೆಯಲ್ಲಿ ಕರಾಮತ್ತು ಮಾಡಿದೆ.
ಒಂದು ಮತಕ್ಕೆ 100 ರೂ ನಿಂದ ಹಿಡಿದು 2000 ರೂ.ವರೆಗೆ ಬಿಕಾರಿಯಾಗಿದೆ ಎಂಬ ಮಾತುಗಳು ಕೇಳಿ ಬಂದಿವೆ.
ಸೋಮವಾರ ಮತ್ತು ಮಂಗಳವಾರ ಬೆಳಗ್ಗೆವರೆಗೆ ಹಣ, ಹೆಂಡ ಹಂಚಲಾಗಿದೆ. ಕೆಲವೆಡೆ ವಸ್ತುಗಳನ್ನು ಕೂಡ ನೀಡಲಾಗಿದೆ.ಶಿವಮೊಗ್ಗ ಗ್ರಾಮಾಂತರದಲ್ಲಿ ಕುಕ್ಕರ್ಗಳನ್ನು ವಶಪಡಿಸಿಕೊಳ್ಳಲಾಗಿತ್ತು.
ಇನ್ನು ಚುನಾವಣಾ ಅಕ್ರಮದ ಮೇಲೆ ಇಲಾಖೆ ನಿಗಾ ಇದ್ದರೂ ಹಲವೆಡೆ ಕರಾಮತ್ತು ನಡೆದಿದೆ.
ಕರೋನಾ ನಿಯಮ ಕೂಡ ಎಲ್ಲಿಯೂ ಕಾಣಲಿಲ್ಲ. ಆದರೆ ಆಶಾ ಕಾರ್ಯಕರ್ತೆಯರು ಮತದಾರರಿಗೆ ಸ್ಯಾನಿಟೈಸರ್ ಮಾಡಿದ್ದಾರೆ.

• ಎಲ್ಲೆಡೆ ಶಾಂತಿಯುತ ಮತದಾನ
  -113 ಗ್ರಾಮ ಪಂಚಾಯತಿಗಳ ಮತ ಸಮರಕ್ಕೆ ತೆರೆ
• ಸ್ನೇಹದ ಜತೆ ಗ್ರಾಮ ಪಂಚಾಯತ್ ಚುನಾವಣೆ!

ಶಿವಮೊಗ್ಗ: ಶಿವಮೊಗ್ಗ ಜಿಲ್ಲೆಯ 3 ತಾಲೂಕು ವ್ಯಾಪ್ತಿಯಲ್ಲಿ ಗ್ರಾಮ ಪಂಚಾಯತ್ ಸಮರ ತೆರೆ ಕಂಡಿದೆ. 3 ತಾಲೂಕಿನ 113 ಗ್ರಾಮ ಪಂಚಾಯತ್ ಚುನಾವಣೆಯ 3, 284 ಜನರ ಅಭ್ಯರ್ಥಿಗಳ ಭವಿಷ್ಯ ಡಿ.30ರಂದು ಗೊತ್ತಾಗಲಿದೆ.
ಡಿ.22ರಂದು ಬೆಳಗ್ಗೆ 7ರಿಂದ ಆರಂಭಗೊಂಡ ಮೊದಲ ಹಂತದ ಚುನಾವಣೆಯ ಮತದಾನ ಸಂಜೆ 5 ಗಂಟೆಗೆ ಮುಕ್ತಾಯವಾಗಿದೆ
ಜಿಲ್ಲೆಯಲ್ಲಿ ಶೇ.83ರಷ್ಟು ಮತದಾನವಾಗಿದೆ. 82 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ.
ತೀರ್ಥಹಳ್ಳಿಯಲ್ಲಿ ಶೇ.81.33, ಭದ್ರಾವತಿಯಲ್ಲಿ ಶೇ.82.07 ಹಾಗೂ ಶಿವಮೊಗ್ಗದಲ್ಲಿ ಶೇ.84.91 ರಷ್ಟು ಮತದಾನವಾಗಿದೆ. ತೀರ್ಥಹಳ್ಳಿಯಲ್ಲಿ ಶಾಸಕ ಆರಗ ಜ್ಞಾನೇಂದ್ರ, ಶಿವಮೊಗ್ಗ ಗ್ರಾಮಾಂತರ ಶಾಸಕ ಅಶೋಕ್ ನಾಯ್ಕ್ ಮತದಾನ ಮಾಡಿದ್ದಾರೆ.
ಬಹುತೇಕ ಎಲ್ಲಾ ಕಡೆ ಶಾಂತಿಯುತ ಮತದಾನವಾಗಿದೆ. ಎಲ್ಲಾ ಅಭ್ಯರ್ಥಿಗಳು ಪರಸ್ಪರ ಸಹಕಾರ, ಸ್ನೇಹದಿಂದ ಚುನಾವಣೆ ಮಾಡಿದ್ದಾರೆ. ಎಲ್ಲಾ ಕಡೆ ಸ್ಯಾನಿಟೈಸರ್ ಮಾಡಲಾಗಿತ್ತು. ಪೊಲೀಸ್ ವ್ಯವಸ್ಥೆ ಕೂಡ ಮಾಡಲಾಗಿತ್ತು. ಹಳ್ಳಿಗಳ ಆಡಳಿತದ ಬೆನ್ನೆಲುಬು ಗ್ರಾಮ ಪಂಚಾಯತ್ ಆಡಳಿತಕ್ಕೆ ಕೊನೆಗೂ ಮತದಾನ ನಡೆದಿದೆ.
ಹಿರಿಯರು, ಯುವ ಜನತೆ ಆಸಕ್ತಿಯಿಂದ ಮತದಾನ ಮಾಡಿದ್ದಾರೆ.

• ಇನ್ನೇನಿದ್ರೂ ಮತದಾನ!
• ಎಲ್ಲೆಡೆ ಬಂದೋಬಸ್ತ್
• ಮತದಾರನೇ ಬಾಸ್..!

ತೀರ್ಥಹಳ್ಳಿ: ಗ್ರಾಮ ಪಂಚಾಯಿತಿ ಚುನಾವಣೆ ಪ್ರಚಾರ ಮುಕ್ತಾಯವಾಗಿದೆ.
ಚುನಾವಣೆಗೆ ತಾಲ್ಲೂಕು ಆಡಳಿತ ಸರ್ವ ಸಿದ್ದತೆ ನಡೆಸಿದ್ದು, ಮುಂಜಾನೆಯಿಂದಲೇ ಮತದಾನ ಶುರುವಾಗುತ್ತದೆ.

ಅತ್ಯಂತ ಅಚ್ಚುಕಟ್ಟು, ಶಿಸ್ತುಬದ್ದವಾಗಿ ಚುನಾವಣೆ ನಡೆಸಲು ಮತಗಟ್ಟೆಗೆ ತೆರಳಲು ಸಿಬ್ಬಂದಿಗಳಿಗೆ ತಾಲ್ಲೂಕು ಆಡಳಿತ ಸಂಪೂರ್ಣ ಭದ್ರತೆಯ ವ್ಯವಸ್ಥೆಯೊಂದಿಗೆ ಚಾಲನೆ ನೀಡಲಾಯಿತು. ತೀರ್ಥಹಳ್ಳಿ ಪಟ್ಟಣದ ಅನಂತಮೂರ್ತಿ ಪ್ರೌಢಶಾಲೆ ಆವರಣದಲ್ಲಿ ತಹಶೀಲ್ದಾರ್ ಡಾ. ಶ್ರೀಪಾದ, ತಾಪಂ ಇಒ ಡಾ.ಆಶಾಲತಾ, ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ ನಾಗೇಂದ್ರಪ್ಪ, ಡಿವೈಎಸ್‌ಪಿ ಡಾ.ಸಂತೋಷ್ ಕುಮಾರ್, ಸರ್ಕಲ್ ಇನ್ಸ್‌ಪೆಕ್ಟರ್ ಪ್ರವೀಣ್, ಸಬ್ ಇನ್ಸ್‌ಪೆಕ್ಟರ್ ಯಲ್ಲಪ್ಪ, ಮಾಳೂರು ಸಬ್ ಇನ್ಸ್‌ಪೆಕ್ಟರ್ ಸುರೇಶ್, ಆಗುಂಬೆ ಸಬ್ ಇನ್ಸ್‌ಪೆಕ್ಟರ್ ದೇವರಾಜು ಸೇರಿ ಎಲ್ಲಾ ಅಧಿಕಾರಿಗಳ ಸಮ್ಮುಖದಲ್ಲಿ ಸುಮಾರು 4೦೦ ಪೊಲೀಸ್ ಸಿಬ್ಬಂದಿ, 125 ಕಂದಾಯ ಇಲಾಖೆ ಸಿಬ್ಬಂದಿ ಹಾಗೂ ಮತಗಟ್ಟೆ ಅಧಿಕಾರಿಗಳು ಸುಮಾರು 850, ಒಟ್ಟು ಅಂದಾಜು 1500 ಸಿಬ್ಬಂದಿಗಳು, 35 ಸರ್ಕಾರಿ ಕೆಎಸ್ ಆರ್‌ಸಿ ಬಸ್ ಗಳು 25 ಸರ್ಕಾರಿ ವಾಹನಗಳು, ಜೀಪು-ಕಾರುಗಳೊಂದಿಗೆ ಸೂಕ್ತ ಭದ್ರತೆಯೊಂದಿಗೆ ಮತಗಟ್ಟೆಗೆ ತೆರಳುವ ಸಿಬ್ಬಂದಿಗಳನ್ನು ಸಜ್ಜುಗೊಳಿಸಲಾಯಿತು. ಬಳಿಕ ಅವರೆಲ್ಲರೂ ಮತಗಟ್ಟೆಗಳಿಗೆ ತೆರಳಿದರು. ಬ್ಯಾಲೆಟ್ ಪೇಪರ್ ಮೂಲಕ ಚುನಾವಣೆ ನಡೆಯಲಿದೆ.

ಸೂಕ್ಷ್ಮ, ಅತೀ ಸೂಕ್ಷ್ಮ ಮತಗಟ್ಟೆಗೆ ಭದ್ರತೆ ಒದಗಿಸಲಾಗಿದೆ.
ತೀರ್ಥಹಳ್ಳಿ ತಾಲೂಕಲ್ಲಿ 38 ಗ್ರಾಮ ಪಂಚಾಯತ್ ಚುನಾವಣೆ ನಡೆಯಲಿದೆ. ಕೆಲವೆಡೆ ರಾತ್ರಿ ಕರಾಮತ್ತು ನಡೆಯುತ್ತಿದೆ. ಇನ್ನು ಅಭ್ಯರ್ಥಿಗಳ ಎದೆಯಲ್ಲಿ ಢವ ಢವ ಶುರುವಾಗಿದೆ. ಮಂಗಳವಾರ ಮತದಾರ ಏನು ಮಾಡುತ್ತಾನೆ ಎಂಬುದು ಕುತೂಹಲ ಮೂಡಿಸಿದೆ.

ನಾನುಭಾರತೀಯ…ಪ್ರಜಾಪ್ರ ಭುತ್ವ ನಮ್ಮ ಶಕ್ತಿ
ಮತದಾನ ನಮ್ಮ ನಿಮ್ಮ ಹಕ್ಕು..ಗ್ರಾಮದ ಆಡಳಿತವೇ ದೇಶದ ಉಸಿರು
ನಿಮ್ಮ ಮತ…ನಿಮ್ಮ ಹಕ್ಕು
ತಪ್ಪದೇ ಮತದಾನ ಮಾಡಿ..ಅರ್ಹ ಅಭ್ಯರ್ಥಿಯನ್ನು ಆಯ್ಕೆ ಮಾಡಿ…ಇದು ನಮ್ಮ ಕಳಕಳಿ.
ಡಿ.22, ಮಂಗಳವಾರ, ಸಮಯ ಬೆಳಗ್ಗೆ 7ರಿಂದ ಸಂಜೆ 5.
ಕರೋನಾ ನಿಯಮ ಪಾಲಿಸಿ…ಭಾರತವನ್ನು ಕಾಪಾಡೋಣ..!

• ಅಮಾನತು ಮಾಡಲು ಆದೇಶ
• ನೊಂದ ರೈತನ ಪರ ನಾನಿದ್ದೇನೆ
• ಗಿಡದಲ್ಲಿ ಹೆಸರಲ್ಲಿ ಕಾಂಗ್ರೆಸ್ ರಾಜಕೀಯ!

ತೀರ್ಥಹಳ್ಳಿ: ಬೀಸುವಿನಲ್ಲಿ ನಡೆದ ಘಟನೆ ಖಂಡನೀಯ. ಅಡಿಕೆ ಗಿಡ ಕಡಿಸಿದ ಅಧಿಕಾರಿ ಅಮಾನತು ಮಾಡಲು ಒತ್ತಾಯಿಸಿದ್ದೇನೆ. ಎಲ್ಲಾ ರೈತರ ಪರ ನಾನಿದ್ದೇನೆ. ಈ ಘಟನೆಯಲ್ಲಿ ರಾಜಕೀಯ ಬೇಡ ಎಂದು ತೀರ್ಥಹಳ್ಳಿ ಶಾಸಕ ಆರಗ ಜ್ಞಾನೇಂದ್ರ ಹೇಳಿದ್ದಾರೆ.

ಘಟನೆ ಖಂಡಿಸಿ ಕಾಂಗ್ರೆಸ್ ನಾಯಕ ಕಿಮ್ಮನೆ ಧರಣಿ ಬಗ್ಗೆ Nammur Express ಜತೆ ಮಾತನಾಡಿದ ಆರಗ ಜ್ಞಾನೇಂದ್ರ, ಈ ಘಟನೆ ಖಂಡನೀಯ. ಅಧಿಕಾರಿ ಅಮಾನತು, ಕಠಿಣ ಕ್ರಮ ತೆಗೆದುಕೊಳ್ಳಲು ಈಗಾಗಲೇ ಅರಣ್ಯ ಸಚಿವ ಆನಂದ್ ಸಿಂಗ್ ಜತೆ ಮಾತುಕತೆ ಮಾಡಿದ್ದೇನೆ. ಸಿಎಂ ಜೊತೆ ನಾಳೆ ಚರ್ಚೆ ನಡೆಸುತ್ತೇನೆ. ಯಾವ ರೈತನಿಗೂ ಹೀಗೆ ಆಗಲು ಬಿಡುವುದಿಲ್ಲ ಎಂದು ಹೇಳಿದರು.

ಕಾಂಗ್ರೆಸ್ ಪಕ್ಷಕ್ಕೆ ಗ್ರಾಮ ಪಂಚಾಯತ್ ಚುನಾವಣೆಯಲ್ಲಿ ಗೆಲ್ಲಲು ಆಗಲ್ಲ ಅಂತ ಗೊತ್ತಾಗಿ ಈ ನಾಟಕ ಶುರು ಮಾಡಿದೆ. ನಾವು ರೈತರ ಪರ ಇದ್ದೇವೆ ಎಂದು ಹೇಳಿದ್ದಾರೆ.

• ರಾಜಕೀಯ ಪ್ರೇರಿತ ಕೃತ್ಯ ಕಿಮ್ಮನೆ ಆರೋಪ
• ಅರಣ್ಯ ಇಲಾಖೆ ಎದುರು ಕಿಮ್ಮನೆ ರಾತ್ರಿ ಧರಣಿ
• ಮಲೆನಾಡಿನಲ್ಲಿ ಮಿಂಚಿನ ಸಂಚಲನ

ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಿನ ಆರಗ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಬೀಸು ಗ್ರಾಮದಲ್ಲಿ ರೈತ ರಂಜನ್ ಎಂಬುವರ 2000 ಅಡಿಕೆ ಗಿಡಗಳನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಕಡಿದಿದ್ದಾರೆ ಎಂದು ಆರೋಪಿಸಿ ಮಾಜಿ ಸಚಿವ ಕಿಮ್ಮನೆ ರತ್ನಾಕರ್ ತೀರ್ಥಹಳ್ಳಿ ಅರಣ್ಯ ಇಲಾಖೆ ಎದುರು ರಾತ್ರಿ ಧರಣಿ ಆರಂಭಿಸಿದ್ದಾರೆ.

ಬೀಸು ಗ್ರಾಮದಿಂದ ಸುಪ್ರಿತಾ ರಂಜನ್ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿದ್ದು, ಬಿಜೆಪಿ ನಾಮಪತ್ರ ವಾಪಾಸ್ ತೆಗೆಯುವಂತೆ ದಬ್ಬಾಳಿಕೆ ಮಾಡಿತ್ತು. ಇದಾಗದ ಕಾರಣ ಈಗ ಶಾಸಕರ ಒತ್ತಡಕ್ಕೆ ಮಣಿದು ಅರಣ್ಯ ಅಧಿಕಾರಿಗಳು 2000 ಅಡಿಕೆ ಗಿಡ ಕಡಿದಿದ್ದಾರೆ ಎಂದು ಪ್ರತಿಭಟನಾನಿರತರು ಆರೋಪಿಸಿದ್ದಾರೆ. ಜೊತೆಗೆ ರೈತರಿಗೆ ನ್ಯಾಯ ಸಿಗುವವರೆಗೆ ರಾತ್ರಿ ಇಡೀ ಧರಣಿ ಮಾಡುವುದಾಗಿ ಕಿಮ್ಮನೆ ರತ್ನಾಕರ್ nammur express ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಬಗರ್ ಹುಕುಂ ಜಾಗದಲ್ಲಿ ಸಾಗುವಳಿ ಮಾಡಿದ್ದ ರೈತನ ತೋಟ ಕಡಿದ ಅಧಿಕಾರಿಗಳನ್ನು ಅಮಾನತು ಮಾಡಬೇಕು. ಜೊತೆಗೆ ನ್ಯಾಯ ಕೊಡಬೇಕು. ಬಿಜೆಪಿ ನಾಯಕರು ಎಲ್ಲಾ ಕಡೆ ಅಧಿಕಾರ ದುರ್ಬಳಕೆ ಮಾಡಿಕೊಂಡಿದ್ದಾರೆ. ಈ ಘಟನೆ ಮಲೆನಾಡಿನ ರೈತರ ಕೆರಳಿಸಿದೆ ಎಂದು ಕಿಮ್ಮನೆ ರತ್ನಾಕರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಸಾಮಾನ್ಯ ಮಹಿಳೆ
ಅಡಿಕೆ 1000
ಒತ್ತುವರಿ
ಅರಣ್ಯ ಇಲಾಖೆ ಬೀಸು
ಕಂಪ್ಲೇಂಟ್
ಕೋರ್ಟ್ ನಡೀತಾ ಇದೆ
ಅಡಿಕೆ ಸಸಿ, ಬೇಲಿ ತೆಗೆದು ಹಾಕಿದ್ದಾರೆ.
ಕಿಮ್ಮನೆ ರತ್ನಾಕರ್ ಭೇಟಿ ನೀಡಿ, ಇದೀಗ ಹೋರಾಟ ನಡೆಯುತ್ತಿದೆ.
ಅರಣ್ಯ ಇಲಾಖೆ ಅಧಿಕಾರಿಗಳು, ಶಾಸಕರ ಅಧಿಕಾರ ಬಳಸಿ ದೌರ್ಜನ್ಯ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ.
ಪಕ್ಷಪಾತದಲ್ಲಿ ಈ ಘಟನೆ ನಡೆದಿದೆ. ಅರಣ್ಯ ಅಧಿಕಾರಿ ಇದೀಗ ರಕ್ಷಣೆಗಾಗಿ ಠಾಣೆ ಮೊರೆ ಹೋಗಿದ್ದಾರೆ ಎಂದು ತಿಳಿದು ಬಂದಿದೆ.
ಕೋರ್ಟ್ ಆದೇಶ ಇಲ್ಲದೆ ತೋಟ ಕಡಿದ ಘಟನೆ ಮಲೆನಾಡಿನಲ್ಲಿ ಭಾರೀ ಕೋಲಾಹಲ ಸೃಷ್ಟಿ ಮಾಡಿದೆ.

• ಕಿತ್ತಂದೂರಲ್ಲಿ ನೆಲೆಸಿರುವ ದೇವತೆ
• 150 ವರ್ಷದ ಹಿಂದೆ ಘಟ್ಟದ ಕೆಳಗಿಂದ ಬಂತು
• ಭಕ್ತರ ಸಮ್ಮುಖದಲ್ಲಿ ದೀಪೋತ್ಸವ..!

ತೀರ್ಥಹಳ್ಳಿ: ಕೋಣಂದೂರು ಸಮೀಪದ ಕಿತ್ತಂದೂರಿನ ಶ್ರೀ ರಕ್ತೇಶ್ವರಿ ಬನದಲ್ಲಿ ಕಾರ್ತಿಕ ದೀಪೋತ್ಸವ ಭಕ್ತರ ಸಮ್ಮುಖದಲ್ಲಿ ನಡೆಯಿತು. ಸುಮಾರು 150 ವರ್ಷದ ಹಿಂದೆ ಘಟ್ಟದ ಕೆಳಗಿನಿಂದ ಬಂದು ನೆಲೆ ನಿಂತಿರುವ ದೇವರ ಬನದಲ್ಲಿ ಭಕ್ತರ ಕೋರಿಕೆ ನೆರವೇರಿಸುವ ದೇವತೆಗೆ ವಿಶೇಷ ಪೂಜೆ ನಡೆಸಲಾಯಿತು. ಇನ್ನು ಕಿತ್ತಂದೂರು ರಾಮಕೃಷ್ಣ ಭಟ್ ಅವರ ತಂದೆ ತಿಪ್ಪಾ ಭಟ್ ಈ ದೇವತೆ ಪ್ರತಿಷ್ಠಾಪನೆ ಮಾಡಿದ್ದು, ಇದೀಗ ಈ ದೇವತೆ ಗ್ರಾಮದ ಜನರ ಕಾಯುವ ದೇವತೆಯಾಗಿದ್ದಾಳೆ. ಕಾಡಿನಲ್ಲಿ ನೆಲೆಸಿರುವ ಕಾರಣಕ್ಕೆ ವನದುರ್ಗಿ ಎಂದೂ ಕರೆಯಲಾಗುತ್ತದೆ. ಸುಮಾರು 100 ಕ್ಕೂ ಹೆಚ್ಚು ಕುಟುಂಬಗಳು ಈ ದೇವರ ಭಕ್ತರಾಗಿದ್ದಾರೆ.

2016-17ರಲ್ಲಿ ದೇವತೆಯ ಹೆಸರಿನಲ್ಲೇ ಉದ್ಯಮ ಸ್ಥಾಪನೆ ಮಾಡಿರುವ ಹುಲ್ಲತ್ತಿ ಪ್ರಗತೀಪರ ರೈತ, ಶ್ರೀ ರಕ್ತೇಶ್ವರಿ ಫುಡ್ ಅಂಡ್ ಬೇವರೀಸ್ ಮಾಲಿಕ ಯಜ್ನನಾರಾಯಣ್ ಭಟ್ ಕೆ.ಎಸ್ ಅವರ ನೇತೃತ್ವದಲ್ಲಿ ಎಲ್ಲಾ ಭಕ್ತರ ಸಮ್ಮುಖದಲ್ಲಿ ದೇವತೆಯನ್ನು ಪುನರ್ ಪ್ರತಿಷ್ಠಾಪನೆ ಮಾಡಲಾಗಿತ್ತು.

ಬಳಿಕ ಪ್ರತೀ ವರ್ಷ ದುರ್ಗಾಹೋಮ, ಚಂಡಿಕಾಹೋಮ, ಜೇಷ್ಠ ಮಾಸದಲ್ಲಿ ಪಾರಾಯಣ, ಕಾರ್ತಿಕ ದೀಪೋತ್ಸವ ನಡೆಸಲಾಗುತ್ತದೆ. ಮಂಗಳವಾರ ಸಂಜೆ ದೀಪೋತ್ಸವ ನಡೆಯಿತು. ಇದರ ಸಾರಥ್ಯವನ್ನು ದೇವತೆಯ ಹೆಸರಿನಲ್ಲಿ ಉದ್ಯಮ ಶುರು ಮಾಡಿರುವ ಶ್ರೀ ರಕ್ತೇಶ್ವರಿ ಫುಡ್ ಅಂಡ್ ಬೇವರ್ಜೀಸ್ ಮಾಲಿಕರರಾದ ಯಜ್ನನಾರಾಯಣ ಭಟ್ ವಹಿಸಿದ್ದರು. ದೇವತೆಯ ಹೆಸರಿನ ಈ ಉದ್ಯಮದ “ಗಂಗೋಧಕ” ಪ್ಯಾಕೇಜ್ಡ್ ನೀರು ರಾಜ್ಯದ ಹಲವೆಡೆ ಸರಬರಾಜಾಗುತ್ತಿದೆ. ದೇವಿಯ ಆಶೀರ್ವಾದ ಇದ್ದರೆ ಎಂತಹ ಕಷ್ಟ ಕೂಡ ನಿವಾರಣೆಯಾಗುತ್ತದೆ ಎಂದು ಅವರು ಹೇಳುತ್ತಾರೆ.

• ಡಿಜಿಟಲ್ ಕ್ಷೇತ್ರಕ್ಕೆ ಕಾಲಿಟ್ಟ “ನ್ಯಾಷನಲ್ ಸಮೂಹ ಸಂಸ್ಥೆ”
• ಮೊಬೈಲ್ಸ್, ಟೀವಿ ಸೇರಿ ಡಿಜಿಟಲ್ ವಸ್ತುಗಳು ಲಭ್ಯ

ತೀರ್ಥಹಳ್ಳಿ: ತೀರ್ಥಹಳ್ಳಿಗೆ ಇದೀಗ ಹೊಸ ಹೊಸ ಉದ್ಯಮಗಳು ಕಾಲಿಡುತ್ತಿವೆ. ಈ ನಡುವೆ ಹೊಸ ಶೋ ರೂಂಗಳು ಗ್ರಾಹಕರನ್ನು ಸೆಳೆಯುತ್ತಿವೆ. ತೀರ್ಥಹಳ್ಳಿ ಸೇರಿ ರಾಜ್ಯದ ಹೆಸರಾಂತ ಸಂಸ್ಥೆಯಾದ ನ್ಯಾಶಿನಲ್ ಸಮೂಹ ಸಂಸ್ಥೆ ಇದೀಗ ಡಿಜಿಟಲ್ ಕ್ಷೇತ್ರಕ್ಕೂ ಎಂಟ್ರಿಯಾಗಿದೆ.

ನ್ಯಾಷನಲ್ ಸಂಸ್ಥೆ ಈಗಾಗಲೇ ಗುತ್ತಿಗೆ. ಗ್ಯಾಸ್ ಏಜೆನ್ಸಿ, ಸೂಪರ್ ಮಾರ್ಕೆಟ್, ನ್ಯಾಷನಲ್ ಗೋಲ್ಡ್ ಅಂಡ್ ಡೈಮಂಡ್ಸ್, ನ್ಯಾಷನಲ್ ಎಂಟರ್‍ಪ್ರೈಸಸ್, ರೈನ್ ಲ್ಯಾಂಡ್ ಆಟೋ ಕಾರ್ಪ್ ಪ್ರೈ.ಲಿ ಮೂಲಕ ಉತ್ತಮ ಹೆಸರು ಪಡೆದಿದೆ. ಇದೀಗ ತೀರ್ಥಹಳ್ಳಿಯ ಗಾಂಧಿ ಚೌಕ ಸಮೀಪದಲ್ಲಿ ಎಂಐ ಎಕ್ಸ್‍ಕ್ಲ್ಯೂಸಿವ್ ಶೋ ರೂಂ ಬುಧವಾರ ಆರಂಭ ಮಾಡಿದೆ. ಆಜಾದ್ ರಸ್ತೆಯ ನ್ಯಾಷಿನಲ್ ಎನ್‍ಕ್ಲೇವ್‍ನಲ್ಲಿ ಆರಂಭಗೊಂಡ ಈ ಶೋ ರೂಂನಲ್ಲಿ ಎಲ್‍ಇಡಿ ಟೀವಿ, ಮೊಬೈಲ್ಸ್, ಲ್ಯಾಪ್‍ಟಾಪ್, ಮೊಬೈಲ್ ಬಿಡಿಭಾಗಗಳು, ಫ್ಯಾಷನ್ ವಸ್ತುಗಳು, ಸೌಂಡ್ ಸಿಟ್ಟಮ್ಸ್ ಲಭ್ಯವಿದೆ. ಈಗಾಗಲೇ ಎಂಐ ಬ್ರಾಂಡ್ ಇಡೀ ದೇಶದಲ್ಲೇ ಹೆಸರು ಪಡೆದಿದೆ. ಉತ್ತಮ ಗುಣಮಟ್ಟ, ಅತ್ಯುತ್ತಮ ಸೇವೆ, ಸದಾ ಗ್ರಾಹಕರ ಜೊತೆಗಿರುವ ಬ್ರಾಂಡ್‍ಗಳು ಇದೀಗ ಈ ಸ್ಟೋರ್‍ನಲ್ಲಿ ಲಭ್ಯವಿದೆ.

ನ್ಯಾಷನಲ್ ಸಂಸ್ಥೆಯ ಮುಖ್ಯಸ್ಥರಾದ ಹಾಜಿ ಇಬ್ರಾಹಿಂ ಷರೀಫ್, ಅಬ್ದುಲ್ ರೆಹಮಾನ್, ಅಬ್ದುಲ್ ಕಲಾಂ, ಕಬೀರ್, ಹೈದರ್, ಸುಲೇಮಾನ್, ಶಾಹಿಲ್, ಸಲ್ಮಾನ್, ರಜಾಫ್ ಸೇರಿದಂತೆ ಸಂಸ್ಥೆಯ ಪ್ರಮುಖರು, ಆತ್ಮೀಯರು ಇದ್ದರು. ಸಮಾಜ ಸೇವೆ, ಉತ್ತಮ ಗುಣಮಟ್ಟದ ರಸ್ತೆಗಳ ನಿರ್ಮಾಣದ ಮೂಲಕ ರಾಜ್ಯದಲ್ಲೇ ಸಂಸ್ಥೆ ಹೆಸರು ಮಾಡಿದೆ. ಮಲೆನಾಡಿನ ಸರ್ವರನ್ನೂ ಸಂಸ್ಥೆ ಸ್ವಾಗತಿಸಿದೆ. ಬ್ರಾಂಡೆಡ್ ಮೊಬೈಲ್ಸ್, ಎಲ್‍ಇಡಿ ಟೀವಿ, ಲ್ಯಾಪ್ ಟಾಪ್ ಸೇರಿ ಎಲ್ಲಾ ಎಂಐ ಬ್ರಾಂಡ್ ಉತ್ಪನ್ನಗಳು ಲಭ್ಯವಿದೆ.