Categories
ರಾಜ್ಯ

ದ್ವಿತೀಯ ಪಿಯುಸಿ, ಎಸ್ ಎಸ್ ಎಲ್ ಸಿ ತಾತ್ಕಾಲಿಕ ವೇಳಾಪಟ್ಟಿ

ದ್ವಿತೀಯ ಪಿಯುಸಿ, ಎಸ್ ಎಸ್ ಎಲ್ ಸಿ ತಾತ್ಕಾಲಿಕ ವೇಳಾಪಟ್ಟಿ

– ದ್ವಿತೀಯ ಪಿಯುಸಿ, ಎಸ್ ಎಸ್ ಎಲ್ ಸಿ ವಾರ್ಷಿಕ ಪರೀಕ್ಷೆ 1 ತಾತ್ಕಾಲಿಕ ಪ್ರಕಟ
– ಮಾರ್ಚ್ 1 ರಿಂದ 19 ರವರೆಗೆ ದ್ವಿತೀಯ ಪಿಯುಸಿ ಪರೀಕ್ಷೆ?

NAMMUR EXPRESS NEWS
ಬೆಂಗಳೂರು: ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯನಿರ್ಣಯ ಮಂಡಲಿಯು ದ್ವಿತೀಯ ಪಿಯುಸಿ ಪರೀಕ್ಷೆ 2025 ರ ತಾತ್ಕಾಲಿಕ ಆಯ್ಕೆಯನ್ನು ಪ್ರಕಟಿಸಲಾಗಿದೆ.
ಮಾರ್ಚ್ 1 ರಿಂದ 19 ರ ವರೆಗೆ ದ್ವಿತೀಯ ಪಿಯುಸಿ ಪರೀಕ್ಷೆಗಳು ನಡೆದಿವೆ, ಮಾರ್ಚ್ 20 ರಿಂದ ಏಪ್ರಿಲ್ 2 ರವರೆಗೆ ಎಸ್‌ಎಸ್‌ಎಸ್‌ಎಲ್‌ಸಿ ಪರೀಕ್ಷೆಗಳು ನಡೆಯಲಿವೆ, ತಾತ್ಕಾಲಿಕ ಕಾರ್ಯಕ್ರಮದ ಅಂತಿಮ ಪರೀಕ್ಷೆ.

ದ್ವಿತೀಯ ಪಿಯುಸಿ ಪರೀಕ್ಷೆ ಯಾವಾಗ?(ತಾತ್ಕಾಲಿಕ)

– ಎಲ್ಲಾ ಪರೀಕ್ಷೆಗಳು ಬೆಳಗ್ಗೆ 10 ಗಂಟೆಯಿಂದ ಮಧ್ಯಾಹ್ನ 1 ಗಂಟೆಯವರೆಗೆ ನಂತರ.

* ಮಾರ್ಚ್ 1, 2025, ಶನಿವಾರ: ಕನ್ನಡ/ಅರೇಬಿಕ್
* ಮಾರ್ಚ್ 3, 2025, ಸೋಮವಾರ: ಗಣಿತ/ ಶಿಕ್ಷಣ ಶಾಸ್ತ್ರ/ ತರ್ಕಶಾಸ್ತ್ರ, ವ್ಯವಹಾರ ಅಧ್ಯಯನ
* ಮಾರ್ಚ್ 4, 2025, ಮಂಗಳವಾರ: ತಮಿಳು, ತೆಲುಗು, ಮಲಯಾಳಂ, ಮರಾಠಿ, ಉರ್ದು, ಸಂಸ್ಕೃತ, ಫ್ರೆಂಚ್
* ಮಾರ್ಚ್ 5, 2025, ಬುಧವಾರ: ರಾಜ್ಯಶಾಸ್ತ್ರ/ ಸಂಖ್ಯಾಶಾಸ್ತ್ರ
* ಮಾರ್ಚ್ 7, 2025: ಶುಕ್ರವಾರ: ಇತಿಹಾಸ, ಭೌತಶಾಸ್ತ್ರ
* ಮಾರ್ಚ್ 8, 2025 ಶನಿವಾರ: ಹಿಂದಿ
* ಮಾರ್ಚ್ 9 ಭಾನುವಾರ ರಜಾದಿನ
* ಮಾರ್ಚ್ 10: ಐಚ್ಛಿಕ ಕನ್ನಡ/ ಲೆಕ್ಕಶಾಸ್ತ್ರ/
ಭೂರ್ಗಭಶಾಸ್ತ್ರ/ ಗೃಹ ವಿಜ್ಞಾನ
* ಮಾರ್ಚ್ 11 ಮಂಗಳವಾರ ಪರೀಕ್ಷೆ ಇರುವುದಿಲ್ಲ.
* ಮಾರ್ಚ್ 12, ಬುಧವಾರ: ಮನಶಾಸ್ತ್ರ, ರಸಾಯನಶಾಸ್ತ್ರ, ಮೂಲ ಗಣಿತ
* ಮಾರ್ಚ್ 13, ಗುರುವಾರ: ಅರ್ಥಶಾಸ್ತ್ರ
* ಮಾರ್ಚ್ 14 ಶುಕ್ರವಾರ ಪರೀಕ್ಷೆ ಇರುವುದಿಲ್ಲ.
* ಮಾರ್ಚ್ 15, 2025, ಶನಿವಾರ: ಇಂಗ್ಲಿಷ್
* ಮಾರ್ಚ್ 16 ಭಾನುವಾರ ಪರೀಕ್ಷೆ ಇರುವುದಿಲ್ಲ.
* ಮಾರ್ಚ್ 17 ಸೋಮವಾರ: ಭೂಗೋಳಶಾಸ್ತ್ರ/ ಜೀವಶಾಸ್ತ್ರ
* ಮಾರ್ಚ್ 18, ಮಂಗಳವಾರ: ಸಮಾಜಶಾಸ್ತ್ರ/ ವಿದ್ಯುನ್ಮಾನಶಾಸ್ತ್ರ/ ಗಣಕ ವಿಜ್ಞಾನ
* ಮಾರ್ಚ್ 19, ಬುಧವಾರ: ಹಿಂದೂಸ್ತಾನಿಸಂಗೀತ/ ಮಾಹಿತಿ/ ರಿಟೇಲ್/ ಆಟೋಮೊಬೈಲ್/ ಹೆಲ್ತ್‌ಕೇರ್/ ಬ್ಯೂಟಿ ಆಂಡ್‌ ವೆಲ್‌ನೆಸ್‌

SSLC ಪರೀಕ್ಷೆ ಯಾವಾಗ?- 1 ನಿರ್ದಿಷ್ಟ

* ಮಾರ್ಚ್ 20- ಪ್ರಥಮ ಭಾಷೆಯ ವಿಷಯಗಳು
* ಮಾರ್ಚ್ 22- ಸಮಾಜ ವಿಜ್ಞಾನ
* ಮಾರ್ಚ್ 24- ದ್ವಿತೀಯ ಭಾಷೆಯ ವಿಷಯಗಳು
* ಮಾರ್ಚ್ 27- ಗಣಿತ
* ಮಾರ್ಚ್ 29- ತೃತೀಯ ಭಾಷೆಯ ವಿಷಯಗಳು
* ಏಪ್ರಿಲ್ 2- ವಿಜ್ಞಾನ

Categories
ಕರಾವಳಿ

ವರ್ಧಮಾನ ಪ್ರಾಥಮಿಕ ಶಾಲೆ ವಿದ್ಯಾರ್ಥಿಗಳ ಸಾಧನೆ

ವರ್ಧಮಾನ ಪ್ರಾಥಮಿಕ ಶಾಲೆ ವಿದ್ಯಾರ್ಥಿಗಳ ಸಾಧನೆ
– ವಿದ್ಯಾರ್ಥಿಗಳಿಗೆ ರಾಜ್ಯ ಮಟ್ಟದ ಗೀತಾ ಗಾಯನ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನ
– ಸಾಧಕ ವಿದ್ಯಾರ್ಥಿಗಳಿಗೆ ಅಭಿನಂದನೆಗಳು

NAMMUR EXPRESS NEWS
ಕಾರ್ಕಳ: ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಕರ್ನಾಟಕ ರಾಜ್ಯ ಸಂಸ್ಥೆಯ ವತಿಯಿಂದ ದಿನಾಂಕ 01.12.2024ರಂದು ತುಮಕೂರಿನಲ್ಲಿ ಆಯೋಜಿಸಲಾದ ಗೀತಾ ಗಾಯನ ದೇಶಭಕ್ತಿ ಗೀತೆ ಸ್ಪರ್ಧೆಯಲ್ಲಿ ಕಾರ್ಕಳದ ವರ್ಧಮಾನ ಪ್ರಾಥಮಿಕ ಶಾಲೆ ವಿದ್ಯಾರ್ಥಿಗಳು ಅತ್ಯುನ್ನತ ಸಾಧನೆ ಮೆರೆದಿದ್ದಾರೆ. ಈ ಸ್ಪರ್ಧೆಯಲ್ಲಿ ಆದಿತ್ ವರ್ಮ ಜೈನ್, ಮೇದಾಂಶ್ ಪಡುಮಲೆ, ಆರ್ಯನ್ ಜೈನ್, ಪ್ರಜ್ಞಾನ್ ಕೋಟ್ಯಾನ್, ಅಮೋಘ್ ಬಾಳಿಗ, ಹಾಗೂ ದೃವ್ ನಾಯಕ್ ವಿದ್ಯಾರ್ಥಿಗಳು ಅತ್ಯುತ್ತಮ ಪ್ರದರ್ಶನ ನೀಡಿ ರಾಜ್ಯ ಮಟ್ಟದಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದು ತಮ್ಮ ಪ್ರತಿಭೆಯನ್ನು ಮೆರೆದಿದ್ದಾರೆ. ವಿದ್ಯಾರ್ಥಿಗಳ ಈ ಸಾಧನೆಗೆ ಶಾಲೆಯ ಸಂಚಾಲಕರಾದ ಶಶಿಕಲಾ ಕೆ. ಹೆಗ್ಡೆ, ಕುಮಾರಯ್ಯ ಹೆಗ್ಡೆ, ಆಡಳಿತಾಧಿಕಾರ ಕರ್ತವ್ಯ ಜೈನ್, ಹಾಗೂ ಶಿಕ್ಷಕ ವೃಂದದವರು ಅಭಿನಂದಿಸಿರುತ್ತಾರೆ.

Categories
ತೀರ್ಥಹಳ್ಳಿ

ತಾಲ್ಲೂಕು ಮಟ್ಟದಲ್ಲಿ ಹೆಗ್ಗೋಡು ಶಾಲಾ ವಿದ್ಯಾರ್ಥಿಗಳ ಸಾಧನೆ!

ತಾಲ್ಲೂಕು ಮಟ್ಟದಲ್ಲಿ ಹೆಗ್ಗೋಡು ಶಾಲಾ ವಿದ್ಯಾರ್ಥಿಗಳ ಸಾಧನೆ!

– ತೀರ್ಥಹಳ್ಳಿ ತಾಲ್ಲೂಕು ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆ
– ವಿಜೇತರಾದ ಪ್ರಥಮ್ ಕೆ.ಪಿ ಮತ್ತು ಆರ್ವಿ ಬಿ.ಎ

NAMMUR EXPRESS NEWS
ತೀರ್ಥಹಳ್ಳಿ: ನ.30ರಂದು ಸೇವಾಭಾರತಿ ಶಾಲೆಯಲ್ಲಿ ನಡೆದ ತೀರ್ಥಹಳ್ಳಿ ತಾಲ್ಲೂಕು ಮಟ್ಟದ ಪ್ರತಿಭಾ ಕಾರಂಜಿಯಲ್ಲಿ ಸ. ಹಿ. ಪ್ರಾ.ಶಾಲೆ ಹೆಗ್ಗೋಡಿನ ವಿದ್ಯಾರ್ಥಿಗಳು ಭಾಗವಹಿಸಿದ್ದು, ಇದರಲ್ಲಿ ಕುಮಾರ ಪ್ರಥಮ್ ಕೆ.ಪಿ ಭಕ್ತಿಗೀತೆಯಲ್ಲಿ ಪ್ರಥಮ ಸ್ಥಾನ ಹಾಗೂ ಕುಮಾರಿ ಆರ್ವಿ ಬಿ.ಎನ್ ಅಭಿನಯಗೀತೆಯಲ್ಲಿ ತೃತೀಯ ಸ್ಥಾನವನ್ನು ಪಡೆದು ಹೆಗ್ಗೋಡು ಶಾಲೆಗೆ ಕೀರ್ತಿಯನ್ನು ತಂದಿರುತ್ತಾರೆ. ಈ ಕಾರ್ಯಕ್ರಮದಲ್ಲಿ ವಿಜೇತರಾದವರು ಮತ್ತು ಭಾಗವಹಿಸಿ ಉತ್ತಮ ಪ್ರದರ್ಶನ ನೀಡಿದ ಶಾಲೆಯ ಎಲ್ಲಾ ವಿದ್ಯಾರ್ಥಿಗಳನ್ನು ಮುಖ್ಯ ಶಿಕ್ಷಕರು-ಶಿಕ್ಷಕ ವೃಂದ, ಶಾಲಾಭಿವೃದ್ಧಿ ಮಂಡಳಿ, ಪೋಷಕರು ಹಾಗೂ ಹಿರಿಯ ವಿದ್ಯಾರ್ಥಿ ಸಂಘದ ಪದಾಧಿಕಾರಿಗಳು ಅಭಿನಂದಿಸಿ ಶುಭಹಾರೈಸಿದ್ದಾರೆ.

 

Categories
ತೀರ್ಥಹಳ್ಳಿ

ಮೋಸ ಆಗಿಲ್ಲ… ಸುಳ್ಳು ಹೇಳಿದ್ರೆ ರಾಮೇಶ್ವರ ನೋಡಿಕೊಳ್ತಾನೆ!

ಮೋಸ ಆಗಿಲ್ಲ… ಸುಳ್ಳು ಹೇಳಿದ್ರೆ ರಾಮೇಶ್ವರ ನೋಡಿಕೊಳ್ತಾನೆ!
– ದಸರಾ ಸಮಿತಿಯಲ್ಲಿ ಯಾವುದೇ ವಂಚನೆ ನಡೆದಿಲ್ಲ: ಸಂದೇಶ್ ಜವಳಿ
– ಅಧಿಕಾರ ಸಿಗದೆ ಸುಳ್ಳು ಆರೋಪ: ನೀರಿನಿಂದ ಹೊರಗೆ ಎಸೆದ ಮೀನಿನ ರೀತಿ ವಿಶ್ವನಾಥ ಶೆಟ್ಟಿ ಆಗಿದ್ದಾರೆ
* ರಾಮೇಶ್ವರ ಜೀರ್ಣೋದ್ದಾರ ಸಮಿತಿ ಮೇಲಿನ ಆರೋಪ ಸುಳ್ಳು: ಸೊಪ್ಪುಗುಡ್ಡೆ ರಾಘವೇಂದ್ರ

NAMMUR EXPRESS NEWS
ತೀರ್ಥಹಳ್ಳಿ: ದಸರಾ ಸಮಿತಿಯ ಖರ್ಚು ವೆಚ್ಚದಲ್ಲಿ ಯಾವುದೇ ಮೋಸ ಆಗಿಲ್ಲ… ಸುಳ್ಳು ಹೇಳಿದ್ರೆ ರಾಮೇಶ್ವರ ನೋಡಿಕೊಳ್ತಾನೆ ಎಂದು ದಸರಾ ಉತ್ಸವ ಸಮಿತಿ ಸಂಚಾಲಕರಾದ ಸಂದೇಶ್ ಜವಳಿ ಹೇಳಿದ್ದಾರೆ.
ತೀರ್ಥಹಳ್ಳಿಯ ಮಯೂರ ಹೋಟೆಲ್ ಸಭಾಂಗಣದಲ್ಲಿ ಡಿ. 2ರಂದು ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ ಅವರು, ವಿಶ್ವನಾಥ ಶೆಟ್ಟಿ ಅವರು ಅಧಿಕಾರ ಸಿಗದ ಕಾರಣಕ್ಕೆ ಸುಳ್ಳು ಆರೋಪ ಮಾಡುತ್ತಿದ್ದಾರೆ. ನೀರಿನಿಂದ ಹೊರಗೆ ಎಸೆದೆ ಮೀನಿನ ರೀತಿ ವಿಶ್ವನಾಥ ಶೆಟ್ಟಿ ಆಗಿದ್ದಾರೆ ಎಂದರು.

ಖರ್ಚು ವೆಚ್ಚದ ಮಾಹಿತಿ ನೀಡಿದ ಸಮಿತಿ

ಶ್ರೀ ರಾಮೇಶ್ವರ ದಸರಾ ಉತ್ಸವ ಸಮಿತಿಯ ಖರ್ಚು ಜಮಾ ವಿವರಗಳ ಮಾಹಿತಿಯನ್ನು ನೀಡಿ ಮಾತನಾಡಿದ ಅವರು ದಸರಾ ಉತ್ಸವದಲ್ಲಿ ಧಾರ್ಮಿಕ ಸಮಿತಿಯ ಪರವಾಗಿ ಒಟ್ಟು 61,650ರೂ., ಸಾಂಸ್ಕೃತಿಕ ಸಮಿತಿ ಖರ್ಚು 1,52,965ರೂ. ಗಳು, ಮೆರವಣಿಗೆ ಸಮಿತಿಯ ಖರ್ಚು ಒಟ್ಟು 2,55,000ರೂ. ಗಳು, ಸ್ಥಬ್ಧ ಚಿತ್ರ ಸಮಿತಿ ಪರವಾಗಿ ಒಟ್ಟು 11,5000ರೂ. ಗಳು, ವಿಶಾಲವಾದ ವೇದಿಕೆಗೆ ಸಂಬಂಧಪಟ್ಟಂತೇ ಒಟ್ಟು 2,71,660ರೂ.ಖರ್ಚುಗಳು, ಊಟೋಪಚಾರ ಮತ್ತು ಉಪಹಾರದ ಒಟ್ಟು ಖರ್ಚು 89,500ರೂ. ಗಳು, ಪ್ರಚಾರ ಸಮಿತಿಗೆ ಒಟ್ಟು 87,372ರೂ. ಖರ್ಚು ಮತ್ತು ಇತರೆ 95,000 ಖರ್ಚುಗಳಾಗಿದೆ.
ಒಟ್ಟು 12,90,736.65 ಜಮಾ ಆಗಿರುವ ಮೊತ್ತ ಮತ್ತು 1,62,589.65 ರೂ ಉಳಿತಾಯವಾಗಿದ್ದು ಕರ್ನಾಟಕ ಗ್ರಾಮೀಣ ಬ್ಯಾಂಕ್ ದಸರಾ ಉತ್ಸವ ಸಮಿತಿ ತಹಶೀಲ್ದಾರ್ ಖಾತೆಯಲ್ಲಿ ಇರಿಸಲಾಗಿದೆ ಎಂದು ದಾಖಲೆಗಳನ್ನು ನೀಡುವ ಮೂಲಕ ಮಾಹಿತಿ ನೀಡಿದರು.

ಆರ್ಥಿಕ ಸಮಿತಿ ಸಂಚಾಲಕರು, ಮತ್ತು ಸಂಚಾಲಕರ ಜಂಟಿ ನಿರ್ವಹಣೆಯಲ್ಲಿ ಖಾತೆ ಬಳಕೆ!

ಪಾರದರ್ಶಕವಾಗಿ ಕಳೆದ ಐದಾರು ವರ್ಷಗಳಿಂದ ದಸರಾ ಉತ್ಸವ ಸಮಿತಿ ವಹಿವಾಟು ನಿರ್ವಹಿಸುತ್ತಾ ಬಂದಿದ್ದು, ಉಳಿದಿರುವ ಹಣವನ್ನು ಗ್ರಾಮೀಣ ಬ್ಯಾಂಕ್ ಖಾತೆ ದಸರಾ ಉತ್ಸವ ಸಮಿತಿ ತಹಶೀಲ್ದಾರರ ಖಾತೆಯಲ್ಲಿ ಇರಿಸಲಾಗಿದೆ.
ವಿಶ್ವನಾಥ ಶೆಟ್ಟಿ ಅವರು ಸಂದೇಶ್ ಜವಳಿ ಮತ್ತು ಸೊಪ್ಪುಗುಡ್ಡೆ ರಾಘವೇಂದ್ರ ಅವರು ತಮ್ಮ ವೈಯಕ್ತಿಕ ಖಾತೆಗಳಿಗೆ ಹಣವನ್ನು ಹಾಕಿಕೊಂಡಿದ್ದಾರೆ ಎಂಬ ಆರೋಪಗಳನ್ನು ನೀಡಿದ್ದಾರೆ ಇದರ ಬಗ್ಗೆ ಮಾತಾನಾಡಿದ ಅವರು ಯಾವುದೇ ಕಾರಣಗಳಿಗೂ ವೈಯಕ್ತಿಕ ಖಾತೆಗಳಿಗೆ ಹಣವನ್ನು ಜಮಾ ಮಾಡಿಕೊಂಡಿಲ್ಲ ಎಂದು ಅದಕ್ಕೆ ಪೂರಕವಾದ ದಾಖಲೆಗಳನ್ನು ನೀಡಿದ್ದೇವೆ. ಈಗಲೂ ಈ ಖಾತೆ ದಸರಾ ಉತ್ಸವ ಸಮಿತಿ ತಹಸಿಲ್ದಾರ್ ಎಂಬ ಹೆಸರಿನಲ್ಲಿದೆ. ಅದೇ ಖಾತೆಯಿಂದ ಹಣ ವರ್ಗಾವಣೆ ವ್ಯವಹಾರ ನಡೆದಿದೆ. ನಿಯಮ ಪ್ರಕಾರ ಆರ್ಥಿಕ ಸಮಿತಿ ಸಂಚಾಲಕರು, ಮತ್ತು ಸಂಚಾಲಕರ ಜಂಟಿ ನಿರ್ವಹಣೆಯಲ್ಲಿ ಆ ಖಾತೆ ಬಳಕೆಯಾಗಿದೆ. ಇದಿಷ್ಟು ಹೊರತುಪಡಿಸಿ ಯಾವುದೇ ರೀತಿಯಲ್ಲಿ ಹಣದ ದುರುಪಯೋಗ ಆಗಿಲ್ಲ. ಕೆಲವರು ಸುಳ್ಳು ಹರಡಿಸಿದ್ದಾರೆ ಎಂದು ಹೇಳಿದರು.

ನೀರಿನಿಂದ ಹೊರಗೆ ಎಸೆದ ಮೀನಿನ ರೀತಿ ವಿಶ್ವನಾಥ ಶೆಟ್ಟಿ ಚಡಪಡಿಸುತ್ತಿದ್ದಾರೆ!

ನೀರಿನಲ್ಲಿರುವ ಮೀನ ಹೊರಗೆ ಎಸದರೆ ಯಾವ ರೀತಿ ಚಡಪಡಿಸುತ್ತದೆಯೋ ಅದೇ ರೀತಿ ಅವರು ಚಡಪಡಿಸುತ್ತಿದ್ದಾರೆ. ಯಾವುದೇ ಸಮಿತಿಯಲ್ಲಿ ಅಧಿಕಾರ ಸಿಗುತ್ತಿಲ್ಲ, ಇಷ್ಟು ಸಮಯ ದಸರಾ ಸಮಿತಿ ಅಧಿಕಾರ ಮಾಡಿದ್ದಾರೆ.. ಆದರೆ ಈ ಬಾರಿ ಸಂಚಾಲಕರಾಗಿ ವಿಶ್ವನಾಥ ಶೆಟ್ಟಿಯವರಾಗಲಿ ಎಂದು ಅವರ ಹೆಸರನ್ನು ಯಾರೂ ನಮೂದಿಸಿಲ್ಲ. ಅವರಿಗೆ ಅದನ್ನು ಸಹಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಮೂರು ದಿನವು ಈ ಕಾರ್ಯಕ್ರಮ ಅತ್ಯಂತ ಯಶಸ್ವಿಯಾಗಿ ನಡೆದಿದೆ.
ಎಲ್ಲೆಡೆ ಜನ ಸೇರಿದ್ದರು ಎಂದರು.

ಸಮನ್ವಯತೆಗೆ ಸಮಸ್ಯೆ ಇರುವುದು ವಿಶ್ವನಾಥ ಶೆಟ್ಟಿಯವರದ್ದು ಮಾತ್ರ!

ದಸರಾ ಉತ್ಸವ ಸಮಿತಿಯಲ್ಲಿ ಸಮನ್ವಯತೆಗೆ ಸಮಸ್ಯೆ ಇರುವುದು ವಿಶ್ವನಾಥ ಶೆಟ್ಟಿಯವರದ್ದು ಮಾತ್ರ. ನಾವೂ ಪ್ರತಿಯೊಂದು ವರ್ಷ ಅನ್ಯೋನ್ಯತೆಯಿಂದ ಕಾರ್ಯನಿರ್ವಹಿಸುತ್ತಾ ಬಂದಿದ್ದೇವೆ ಇದು ಒಂದು ಪಕ್ಷದ ವೇದಿಕೆ ಎಂದು ಟೀಕೆ ಮಾಡುವುದೂ ಸರಿಯಲ್ಲ. ತೆಪ್ಪೋತ್ಸವ ಸಂಭ್ರಮದಲ್ಲೂ ಸಮನ್ವಯತೆಗೆ ನಮ್ಮಲ್ಲಿ ಕಡಿಮೆಯಿಲ್ಲ ನಮ್ಮ ಜೊತೆಗೆ ಎಲ್ಲಾ ಪಕ್ಷದವರು ಕೆಲಸ ಮಾಡಿದ್ದಾರೆ. ಸಮಸ್ಯೆ ಪಕ್ಷದಲ್ಲ ಅಲ್ಲವೇ ಅಲ್ಲ.. ಸಮಸ್ಯೆ ವಿಶ್ವನಾಥ ಶೆಟ್ಟಿ ಅಷ್ಟೇ ಎಂದು ವಿಶ್ವನಾಥ ಶೆಟ್ಟಿಯವರ ಟೀಕೆಗೆ ಉತ್ತರಿಸಿದರು.

ಲೆಕ್ಕಾಚಾರದಲ್ಲಿ ಮೋಸವಿದ್ದರೆ ರಾಮೇಶ್ವರ ಸ್ವಾಮಿಯೇ ನೋಡಿಕೊಳ್ಳುತ್ತಾರೆ!

ಪಾರದರ್ಶಕವಾಗಿ ಲೆಕ್ಕ ಕೊಡದಿದ್ದರೆ ಮಾತ್ರ ಸಮಸ್ಯೆ ಉಂಟಾಗುತ್ತದೆ.ಹತ್ತು ವರ್ಷ ವಿಶ್ವನಾಥ ಶೆಟ್ಟಿಯವರು ದಸರಾ ಸಮಿತಿಯಲ್ಲಿ ಸಂಚಾಲಕರಾಗಿ ಕಾರ್ಯ ನಿರ್ವಹಿಸಿದ್ದೀರಿ ಎಷ್ಟು ವರ್ಷ ಪಾರದರ್ಶಕವಾಗಿ ಲೆಕ್ಕ ಕೊಟ್ಟಿದ್ದೀರಾ?? ಎಂದು ಪ್ರಶ್ನಿಸಿದರು. ಒಂದು ವರ್ಷವಾದರೂ ನಯಪೈಸೆ ಉಳಿಸಿದ್ದೀರಾ? ಸರಿಯಾದ ವ್ಯವಸ್ಥೆಯಾದರೂ ಮಾಡಿದ್ದೀರಾ? ಕಾರ್ಯಕ್ರಮ ಮಾಡಿದವರಿಗೆ ಸರಿಯಾದ ರೀತಿಯಲ್ಲಿ ಹಣ ಜಮಾ ಮಾಡಿದ್ದೀರಾ?ನೀವೂ ದಾಖಲೆಯನ್ನು ನೀಡಿ!. ಯಾವ ದಿನ ಎಷ್ಟು ಹೇಗೆ ಸಂಗ್ರಹಣೆ ಮಾಡಿದ್ದೀವಿ ಎಂಬ ದಿನ ಲೆಕ್ಕದ ಮಾಹಿತಿ ದಾಖಲೆಗಳು ನನ್ನಲ್ಲಿದೆ.
ವಿಶ್ವನಾಥ ಶೆಟ್ಟಿಯವರು ಮಾಡಿರುವ ಆಪಾಧನೆಯನ್ನು ಸಾಬೀತುಪಡಿಸಬೇಕು ಇದು ಸಾಮಾನ್ಯ ಉತ್ಸವವಲ್ಲ ರಾಮೇಶ್ವರ ದೇವರ ಉತ್ಸವ ಇದರಲ್ಲಿ ಏನಾದರೂ ಮೋಸವಿದ್ದರೆ ರಾಮೇಶ್ವರ ಸ್ವಾಮಿಯೇ ನೋಡಿಕೊಳ್ಳುತ್ತಾರೆ.ವಿಶ್ವನಾಥ ಶೆಟ್ಟಿಯವರು ಇದನ್ನು ಸಾಬೀತುಪಡಿಸಿದರೆ ನಾನು ಈ ಪ್ರಪಂಚದಲ್ಲೇ ಇರುವುದಿಲ್ಲ ಎಂದು ಸವಾಲು ಹಾಕಿದರು.

ಮುಖವಾಡ ಮೋಸ ಆಗಿಲ್ಲ!

ರಾಮೇಶ್ವರ ದೇವರ ಜೀರ್ಣೋದ್ದಾರ ವೇಳೆ ದಾನಿಗಳು ಮುಖವಾಡಕ್ಕಾಗಿ 5 ಲಕ್ಷ ನೀಡಿದ್ದರು. ಆ ಹಣವನ್ನು ದೇವಸ್ಥಾನ ಅಭಿವೃದ್ಧಿಗೆ ಬಳಕೆ ಮಾಡಿದ್ದೇವೆ. ಅಂದಿನ ತಹಸೀಲ್ದಾರ್ ನೇತೃತ್ವದಲ್ಲಿ ಈ ನಿರ್ಧಾರ ಮಾಡಲಾಗಿದೆ. ಸರ್ಕಾರದ ಹಣ ಬಿಡುಗಡೆ ಆಗಿಲ್ಲ. ಹಾಗಾಗಿ ಆ ಹಣವನ್ನು ಅಭಿವೃದ್ಧಿಗೆ ಬಳಸಿದ್ದೇವೆ. ಸರ್ಕಾರದ ಹಣ ಬಿಡುಗಡೆ ಬಳಿಕ ಮುಖವಾಡವನ್ನು ದಾನಿಗಳ ಕೈಯಲ್ಲೇ ಅರ್ಪಣೆ ಮಾಡಿಸಲಾಗುವುದು ಎಂದು ಸೊಪ್ಪುಗುಡ್ಡೆ ರಾಘವೇಂದ್ರ ಇದೇ ವೇಳೆ ತಿಳಿಸಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ದಸರಾ ಆರ್ಥಿಕ ಸಮಿತಿಯ ಸಂಚಾಲಕರು ಸೊಪ್ಪುಗುಡ್ಡೆ ರಾಘವೇಂದ್ರ, ಡಾನ್ ರಾಮಣ್ಣ, ಜಯಪ್ರಕಾಶ್ ಶೆಟ್ಟಿ, ಜಯರಾಮ್ ಶೆಟ್ಟಿ, ಸುರಭಿ ಕಿಶೋರ್, ನಯನ ಜಯಪ್ರಕಾಶ್,ಜ್ಯೋತಿ ಗಣೇಶ್, ಜ್ಯೋತಿ ದಿಲೀಪ್, ಸಮಿತಿಯ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು.

Categories
ಮಲ್ನಾಡ್

ಕಾಡಾನೆಗಳ ದಾಳಿ ನಿಯಂತ್ರಿಸದ ಅರಣ್ಯ ಇಲಾಖೆ ವಿರುದ್ಧ ಬಿಜೆಪಿ ಪ್ರತಿಭಟನೆ..!

ಕಾಡಾನೆಗಳ ದಾಳಿ ನಿಯಂತ್ರಿಸದ ಅರಣ್ಯ ಇಲಾಖೆ ವಿರುದ್ಧ ಬಿಜೆಪಿ ಪ್ರತಿಭಟನೆ..!
– ಜಿಲ್ಲಾ ಬಿಜೆಪಿ ರೈತ ಮೋರ್ಚಾ ವತಿಯಿಂದ ಪ್ರತಿಭಟನೆ
– ಕಾಫಿನಾಡಲ್ಲಿ ದಿನೇ ದಿನೇ ಹೆಚ್ಚುತ್ತಿದೆ ಕಾಡಾನೆಗಳ ದಾಳಿ
– ಅರಣ್ಯ ಇಲಾಖೆಯ ವಿರುದ್ಧ ಆಕ್ರೋಶಗೊಂಡ ರೈತ

NAMMUR EXPRESS NEWS
ಚಿಕ್ಕಮಗಳೂರು: ಕಾಫಿನಾಡು ಚಿಕ್ಕಮಗಳೂರು ಜಿಲ್ಲೆಯಾದ್ಯಂತ ಹಲವು ದಿನಗಳಿಂದ ಕಾಡಾನೆಗಳ ದಾಳಿ ಹೆಚ್ಚಾಗಿದ್ದು ದಾಳಿಯಿಂದ ಅಪಾರ ಪ್ರಮಾಣದ ಬೆಳೆ,ಪ್ರಾಣ ಹಾನಿ ಸಂಭವಿಸಿದೆ. ಈ ಬಗ್ಗೆ ಹಲವು ಬಾರಿ ಮನವಿ ಮಾಡಿದರು ಎಚ್ಚೆತ್ತುಕೊಳ್ಳದ, ಆನೆ ದಾಳಿ ನಿಯಂತ್ರಿಸಲು ಯಾವುದೇ ಕ್ರಮಕೈಗೊಳ್ಳದ ಅರಣ್ಯ ಇಲಾಖೆಯ ವಿರುದ್ಧ ಇಂದು ಚಿಕ್ಕಮಗಳೂರು ಬಿಜೆಪಿ ರೈತ ಮೋರ್ಚಾ ನೇತೃತ್ವದಲ್ಲಿ ಪ್ರತಿಭಟನೆ ನಡೆಸಿ ಡಿಎಫ್ಓ ಕಛೇರಿಗೆ ತೆರಳಿ ಸಮಸ್ಯೆಗೆ ಶಾಶ್ವತ ಪರಿಹಾರ ಒದಗಿಸಿ ರೈತರ ಬದುಕಿಗೆ ನೆರವಾಗಬೇಕೆಂದು ಮನವಿ ಸಲ್ಲಿಸಲಾಯಿತು. ಈ ಸಂದರ್ಭದಲ್ಲಿ ರಾಜ್ಯ ರೈತ ಮೋರ್ಚಾ ಪ್ರಧಾನಕಾರ್ಯದರ್ಶಿ ಕಲ್ಮುರುಡಪ್ಪ ಸೇರಿದಂತೆ ಜಿಲ್ಲಾಧ್ಯಕ್ಷ ಶಂಭೈನೂರು ಆನಂದಪ್ಪ,ಜಿಲ್ಲಾ ರೈತ ಮೋರ್ಚಾ ಪ್ರಭಾರಿ ರಾಮಸ್ವಾಮಿ ಸೇರಿದಂತೆ ವಿವಿಧ ಮೋರ್ಚಾಗಳ ಪ್ರಮುಖರು,ನಾಯಕರುಗಳು ಭಾಗವಹಿಸಿದ್ದರು.

ದಿನೇ ದಿನೇ ಹೆಚ್ಚುತ್ತಲೇ ಇದೇ ಕಾಡಾನೆ ದಾಳಿ..!!?
ಕಳೆದೊಂದು ವರ್ಷಗಳಿಂದ ಮೂಡಿಗೆರೆ ಭಾಗದಿಂದ ಶುರುವಾದ ಕಾಡಾನೆಗಳ ದಾಳಿ ದಿನಕಳೆದಂತೆ ಹೆಚ್ಚುತ್ತಲೇ ಇದ್ದು ಮೂಡಿಗೆರೆ,ಚಿಕ್ಕಮಗಳೂರು,ಆಲ್ದೂರು,ಬಾಳೆಹೊನ್ನೂರು,ಶೃಂಗೇರಿ,ಕೊಪ್ಪ,ಎನ್ ಆರ್ ಪುರ ಭಾಗಗಳಿಗೂ ವಿಸ್ತರಿಸಿ ಆನೆಗಳ ಹಿಂಡು ದಾಳಿ ಮಾಡಿ ಕೆಲ ಕಡೆ ಒಂಟಿಸಲಗ ದಾಳಿ ಮಾಡಿ ಅಪಾರ ಪ್ರಮಾಣದ ಕೃಷಿ ಜಮೀನು,ಬೆಳೆ ನಾಶ ಮಾಡಿದೆ. ಮೊನ್ನೆಯಷ್ಟೇ ಕೊಪ್ಪ ತಾಲೂಕಿನ ಸೀತೂರಿನಲ್ಲಿ ಆನೆಯೊಂದು ದಾಳಿ ನಡೆಸಿ ಉಮೇಶ್ ಎಂಬ ರೈತನನ್ನು ತುಳಿದು ಸಾಯಿಸಿತ್ತು ಇಷ್ಟೆಲ್ಲ ಘಟನೆಗಳು ನಡೆದರೂ ಅರಣ್ಯ ಇಲಾಖೆ ರೈತರ ಮೇಲೆ ನಿಯಮಗಳನ್ನು ಹೇರುತ್ತಿದೆಯೇ ವಿನಃ ಕಾಡುಪ್ರಾಣಿಗಳ ನಿಯಂತ್ರಣಕ್ಕೆ ಕ್ರಮ ಕೈಗೊಂಡಿಲ್ಲ. ಇನ್ನಾದರೂ ಸಂಭಂಧಪಟ್ಟ ಅಧಿಕಾರಿಗಳು, ಜನಪ್ರತಿನಿಧಿಗಳು, ಇಲಾಖೆ,ಸಚಿವರು,ಸರ್ಕಾರ ಈ ಬಗ್ಗೆ ಗಮನಹರಿಸಿ ಸೂಕ್ತ ಕ್ರಮ ಕೈಗೊಂಡು ಅನ್ನದಾತನ ನೆರವಿಗೆ ನಿಲ್ಲಬೇಕಾಗಿದೆ. ದೇಶದ ಬೆನ್ನೆಲುಬು ರೈತ ಅಂತಹ ರೈತರ ಬೆನ್ನಿಗೆ ನಿಲ್ಲಬೇಕಾದುದು ಎಲ್ಲರ ಕರ್ತವ್ಯ ಇದು ನಮ್ಮೂರ್ ಎಕ್ಸ್‌ಪ್ರೆಸ್ ಕಳಕಳಿ.

Categories
ಕರಾವಳಿ

ದ.ಕ. ಕಾಂಗ್ರೆಸ್‌ ಕಚೇರಿಯಲ್ಲೇ ಮುಖಂಡರ ನಡುವೆ ಹೊಡೆದಾಟ!

ದ.ಕ. ಕಾಂಗ್ರೆಸ್‌ ಕಚೇರಿಯಲ್ಲೇ ಮುಖಂಡರ ನಡುವೆ ಹೊಡೆದಾಟ!

– ನೂತನವಾಗಿ ಆಯ್ಕೆಯಾದ ಗ್ರಾ.ಪಂ‌ ಸದಸ್ಯರು ಹಾಗೂ ಕಾರ್ಯಕರ್ತರಿಗೆ ಸನ್ಮಾನ ಕಾರ್ಯಕ್ರಮ!
– ಕಾರ್ಯಕ್ರಮದಲ್ಲಿ ಕಾಂಗ್ರೆಸ್‌ ನಾಯಕರ ನಡುವೆ ಮಾರಾಮಾರಿ!

NAMMUR EXPRESS NEWS
ಮಂಗಳೂರು:
ದ.ಕ ಜಿಲ್ಲಾ ಕಾಂಗ್ರೆಸ್‌ ಕಚೇರಿಯಲ್ಲಿ ನೂತನವಾಗಿ ಆಯ್ಕೆಯಾದ ಗ್ರಾ.ಪಂ‌ ಸದಸ್ಯರು ಹಾಗೂ ಕಾರ್ಯಕರ್ತರಿಗೆ ಆಯೋಜಿಸಲಾಗಿದ್ದ ಸನ್ಮಾನ ಕಾರ್ಯಕ್ರಮದಲ್ಲಿ ಕಾಂಗ್ರೆಸ್‌ ನಾಯಕರ ನಡುವೆ ಮಾರಾಮಾರಿ ನಡೆದಿದೆ ಎಂದು ತಿಳಿದು ಬಂದಿದೆ.
ಇತ್ತೀಚೆಗೆ ನಡೆದ ಗ್ರಾಪಂ ಉಪ ಚುನಾವಣೆಯಲ್ಲಿ ಗೆದ್ದವರಿಗೆ ಪಕ್ಷದ ವತಿಯಿಂದ ಸನ್ಮಾನಿಸುವ ವಿಷಯದಲ್ಲಿ ಪಕ್ಷದ ಜಿಲ್ಲಾಧ್ಯಕ್ಷ ಹರೀಶ್ ಕುಮಾರ್ ಮತ್ತು ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯ ಪ್ರಕಾಶ್ ಚಂದ್ರ ಶೆಟ್ಟಿ ಅವರ ಮಧ್ಯೆ ಮಾತಿನ ಚಕಮಕಿ ನಡೆದು ಬಳಿಕ ಪರಸ್ಪರ ಹೊಡೆದಾಡಿಕೊಂಡರು ಎನ್ನಲಾಗಿದೆ.
ಪಕ್ಷದ ಜಿಲ್ಲಾ ನಾಯಕರ ಮಧ್ಯೆ ಕೆಲವು ದಿನದಿಂದ ಮುಸುಕಿನ ಗುದ್ದಾಟ ನಡೆಯುತ್ತಿದ್ದು, ಅದು ಡಿ. 2 ರಂದು ಸ್ಫೋಟಗೊಂಡಿದೆ ಎಂದು ಹೇಳಲಾಗುತ್ತಿದೆ. KPCC ಕಾರ್ಯಾಧ್ಯಕ್ಷ ಮಂಜುನಾಥ್‌ ಭಂಡಾರಿ, ಮಾಜಿ ಸಚಿವ ರಮಾನಾಥ ರೈ, ಎಂಎಲ್‌ಸಿ ಐವನ್‌ ಡಿಸೋಜ, ಮಿಥುನ್‌ ರೈ, ಇನಾಯತ್‌ ಅಲಿ ಉಪಸ್ಥಿತರಿದ್ದ ಸಭೆಯಲ್ಲೇ ಮುಖಂಡರ ನಡುವೆ ಹೊಡೆದಾಟ ನಡೆದಿದೆ.
ಉಪಚುನಾವಣೆಯಲ್ಲಿ ಗೆದ್ದವರಿಗೆ ವೇದಿಕೆಯ ಮೇಲೆ ಸನ್ಮಾನಿಸಬೇಕು ಎಂದು ಪ್ರಕಾಶ್ ಚಂದ್ರ ಶೆಟ್ಟಿ ತುಂಬೆ ಸಲಹೆ ನೀಡಿದರು. ಅದಕ್ಕೊಪ್ಪದ ಅಧ್ಯಕ್ಷ ಹರೀಶ್ ಕುಮಾರ್ ಗೆದ್ದ ಅಭ್ಯರ್ಥಿಗಳು ಕುಳಿತಲ್ಲೇ ಸನ್ಮಾನಿಸಲಾಗುವುದು ಎಂದಾಗ ಮಾತಿಗೆ ಮಾತು ಬೆಳೆದು ಪರಸ್ಪರ ಕೈ ಮಿಲಾಯಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಆದರೆ ಬಳಿಕ ಹೊರಬಂದ ಚಂದ್ರ ಪ್ರಕಾಶ್ ಶೆಟ್ಟಿಯವರು ಸ್ವಲ್ಪ ಮಾತಾಗಿದೆ, ಬೇರೇನೂ ಸಮಸ್ಯೆಯಿಲ್ಲ, ಎಲ್ಲ ಅಲ್ಲೇ ಮುಗಿದಿದೆ, ಹೊಡೆದಾಟ ಆಗಿಲ್ಲ ಎಂದು ಹೇಳಿದ್ದಾರೆ.

Categories
ಅಡಿಕೆ-ದರ

ಇಂದಿನ ಅಡಿಕೆ ದರ ಎಷ್ಟಿದೆ?

 

ಇಂದಿನ ಅಡಿಕೆ ದರ ಎಷ್ಟಿದೆ?
ಅಡಿಕೆ ದರ ಏರಿಕೆಯಾಗುತ್ತಾ? ಇಳಿಕೆಯಾಗುತ್ತಾ?

NAMMUR EXPRESS NEWS

02-12-2024 ಅಡಿಕೆ ದರ

ಸರಕು
53420-71613

ಬೆಟ್ಟೆ
46009-50049-54619

ರಾಶಿ
40366-49100-50189

ಗೊರಬಲು
17900-28900-30751

Categories
ತೀರ್ಥಹಳ್ಳಿ

ಹೋಟೆಲ್ ಉದ್ಯಮಿ ಅರಾಧನಾ ವೆಂಕಟೇಶ್ ವಿಧಿವಶ

ಹೋಟೆಲ್ ಉದ್ಯಮಿ ಅರಾಧನಾ ವೆಂಕಟೇಶ್ ವಿಧಿವಶ
– ಅನಾರೋಗ್ಯದಿಂದ ನಿಧನ: ಇಂದು ಸಂಜೆ ತವರಲ್ಲಿ ಅಂತಿಮ ದರ್ಶನ
– ಡಿ.3ರ ಬೆಳಿಗ್ಗೆ ಅಜ್ಜನಹಳ್ಳಿಯಲ್ಲಿ ಅಂತ್ಯ ಸಂಸ್ಕಾರ

ತೀರ್ಥಹಳ್ಳಿ: ಬೆಂಗಳೂರು ಪ್ರಸಿದ್ಧ ಆರಾಧನಾ ಹೋಟೆಲ್ ಮಾಲೀಕರಾಗಿದ್ದ ಹೋಟೆಲ್ ಉದ್ಯಮಿ ಆರಾಧನಾ ವೆಂಕಟೇಶ್ ಅವರು ಬೆಂಗಳೂರಲ್ಲಿ ಅನಾರೋಗ್ಯದಿಂದ ಭಾನುವಾರ ನಿಧನರಾಗಿದ್ದಾರೆ. ಮೃತರ ದೇಹವನ್ನು ಇದೀಗ ಬೆಂಗಳೂರಿಂದ ತೀರ್ಥಹಳ್ಳಿಗೆ ತರಲಾಗುತ್ತಿದ್ದು, ಸಂಜೆ ಏಳು ಗಂಟೆಗೆ ತಲುಪಲಿದೆ ಎಂದು ಕುಟುಂಬದವರು ಮಾಹಿತಿ ನೀಡಿದ್ದಾರೆ.
ಕಮ್ಮರಡಿ ಸಮೀಪದ ಅಜ್ಜನಹಳ್ಳಿಯಲ್ಲಿ ಸಾರ್ವಜನಿಕರ ದರ್ಶನಕ್ಕೆ ನೀಡಲಾಗುವುದು ಹಾಗೂ ಮಂಗಳವಾರ ಬೆಳಿಗ್ಗೆ ಅಂತ್ಯ ಸಂಸ್ಕಾರ ನಡೆಯಲಿದೆ. ಮೃತರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿ ನೀಡಲಿ.
ಮೃತರು ಉದ್ಯಮಿ ಆರಾಧನಾ ವಸಂತ್ ಅವರ ಸಹೋದರರಾಗಿದ್ದಾರೆ.

ಮೃತರಿಗೆ ಭಾವಪೂರ್ಣ ಶ್ರದ್ಧಾಂಜಲಿ

Categories
ರಾಜ್ಯ

ಸೈಕ್ಲೋನ್ ಎಫೆಕ್ಟ್: ಮೂರು ದಿನ ಮಳೆ!

ಸೈಕ್ಲೋನ್ ಎಫೆಕ್ಟ್: ಮೂರು ದಿನ ಮಳೆ!
– ಫೆಂಗಲ್ ಚಂಡಮಾರುತದ ಹಿನ್ನೆಲೆ ನಿರಂತರ ಮಳೆ
– ಮೈಸೂರು,ಚಾಮರಾಜನಗರ, ಚಿಕ್ಕಬಳ್ಳಾಪುರದಲ್ಲಿ ಶಾಲೆಗಳಿಗೆ ರಜೆ ಘೋಷಣೆ
– ರಾಜಧಾನಿ ಸೇರಿ ಹಲವೆಡೆ ವಿಪರೀತ ಚಳಿ ವಾತಾವರಣ

NAMMUR EXPRESS NEWS
ಬೆಂಗಳೂರು: ನೈಋುತ್ಯ ಬಂಗಾಳ ಕೊಲ್ಲಿಯಲ್ಲಿ ವಾಯುಭಾರ ಕುಸಿತ ಹಾಗೂ ಫೆಂಗಲ್‌ ಚಂಡಮಾರುತದ ಪರಿಣಾಮ ಕರ್ನಾಟಕಕ್ಕೂ ತಟ್ಟಿದ್ದು, ಮುಂದಿನ ಮೂರು ದಿನ ರಾಜ್ಯದಲ್ಲಿ ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಡಿ. 2ರಂದು ಶಾಲಾ-ಕಾಲೇಜಿಗೆ ರಜೆ ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ನಿರಂತರವಾಗಿ ಮಳೆ ಸುರಿಯುತ್ತಿರುವ ಹಿನ್ನೆಲೆ ಇಂದು(ಡಿ.2) ಜಿಲ್ಲಾದ್ಯಂತ ಶಾಲಾ – ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಪಿ.ಎನ್‌.ರವೀಂದ್ರ ತಿಳಿಸಿದ್ದಾರೆ. ಕಳೆದ 2 ದಿನಗಳಿಂದ ಜಿಲ್ಲೆಯಲ್ಲಿ ಮಳೆ ಸುರಿಯುತ್ತಿದ್ದು, ಡಿ.2ರಂದು ಜಿಲ್ಲೆಯಲ್ಲಿ ಭಾರೀ ಮಳೆ ಸುರಿಯಲಿದೆ ಎಂದು ಹವಾಮಾನ ಇಲಾಖೆ ಎಚ್ಚರಿಸಿದೆ. ಹೀಗಾಗಿ ಜಿಲ್ಲಾದ್ಯಂತ ಡಿ.2 ಶಾಲಾ – ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ. ಈ ರಜಾ ದಿನದ ಕಲಿಕಾ ಪ್ರಕ್ರಿಯೆಗಳನ್ನ ಮುಂದಿನ ಸರಕಾರಿ ರಜೆ ದಿನಗಳಲ್ಲಿ ಸರಿದೂಗಿಸಲಾಗುವುದು ಎಂದು ಜಿಲ್ಲಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

*:ಚಾಮರಾಜನಗರದಲ್ಲೂ ಶಾಲಾ ಕಾಲೇಜುಗಳಿಗೆ ರಜೆ

ಫೆಂಗಲ್ ಚಂಡಮಾರುತದ ಹಿನ್ನೆಲೆ ನಿರಂತರ ಮಳೆಯಿಂದಾಗಿ ಡಿ. 2 ಶಾಲಾ ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ. ಪರೀಕ್ಷೆ ನಡೆಯುತ್ತಿರುವ ಪದವಿ ಕಾಲೇಜುಗಳಿಗೆ ಹೊರತು ಪಡಿಸಿ ರಜೆ ಘೋಷಣೆ ಮಾಡಲಾಗಿದೆ ಎಂದು ಜಿಲ್ಲಾಧಿಕಾರಿ ಶಿಲ್ಪಾ ನಾಗ್ ಅವರು ತಿಳಿಸಿದ್ದಾರೆ. ಇಂದಿನ ರಜೆ ಅವಧಿಯನ್ನು ಭಾನುವಾರ ತರಗತಿ ನಡೆಸಿ ಸರಿದೂಗಿಸಲಾಗುವುದೆಂದು ಜಿಲ್ಲಾಧಿಕಾರಿ ಶಿಲ್ಪಾ ನಾಗ್ ಅವರು ತಿಳಿಸಿದ್ದಾರೆ.

* ಯಾವ್ಯಾವ ಜಿಲ್ಲೆಗಳಿಗೆ ಹೆಚ್ಚು ಮಳೆ

ಚಂಡಮಾರುತದ ಹಿನ್ನೆಲೆಯಲ್ಲಿ ಡಿ. 2 ಮತ್ತು 3 ರಂದು 35 ರಿಂದ 85 ಮಿ.ಮೀ ಮಳೆಯಾಗುವ ಸಾಧ್ಯತೆಯಿದೆ. ಹಲವು ಜಿಲ್ಲೆಗಳಲ್ಲಿ ಮೋಡ ಕವಿದ ವಾತಾವರಣವಿರಲಿದ್ದು, ಚಾಮರಾಜನಗರ, ಮೈಸೂರು, ಕೊಡಗು, ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಭಾರಿ ಮಳೆ ಸಾಧ್ಯತೆ ಇದೆ. ಬೆಂಗಳೂರು, ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು, ರಾಮನಗರ, ಮಂಡ್ಯ, ಹಾಸನ, ಚಿಕ್ಕಮಗಳೂರು, ಉಡುಪಿಯಲ್ಲೂ ಮಳೆಯಾಗಲಿದೆ ಎಂದು ಇಲಾಖೆ ತಿಳಿಸಿದೆ.

* ಜೊತೆಗೆ ವಿಪರೀತ ಚಳಿ ವಾತಾವರಣ

”ಕಳೆದ ನಾಲ್ಕೈದು ದಿನದಿಂದ ಬಂಗಾಳ ಉಪಸಾಗರದಲ್ಲಿ ವಾಯುಭಾರ ಕುಸಿತ ಉಂಟಾಗಿರುವ ಹಿನ್ನೆಲೆಯಲ್ಲಿ ದಕ್ಷಿಣ ಒಳನಾಡಿನಲ್ಲಿ ಮೋಡ ಕವಿದ ವಾತಾವರಣವಿದೆ. ಹಗಲಿನಲ್ಲಿ ಸೂರ್ಯನ ತಾಪ ಕಡಿಮೆ ಇರಲಿದೆ. ಇದರಿಂದ ದಕ್ಷಿಣ ಒಳನಾಡಿನಲ್ಲಿ ತಾಪಮಾನ ಕನಿಷ್ಠ ಮಟ್ಟಕ್ಕೆ ಕುಸಿದಿದೆ. ಕೋಲಾರ, ಚಾಮರಾಜನಗರದಲ್ಲಿ ತಲಾ 1 ಸೆ.ಮೀ ಮಳೆ ಬಿದ್ದಿದೆ,” ಎಂದು ಭಾರತೀಯ ಹವಾಮಾನ ಇಲಾಖೆ ನಿರ್ದೇಶಕ (ಬೆಂಗಳೂರು) ಮತ್ತು ವಿಜ್ಞಾನಿ ಸಿ.ಎಸ್‌ ಪಾಟೀಲ್‌ ತಿಳಿಸಿದ್ದಾರೆ.

Categories
ಚುನಾವಣಾ ಸುದ್ದಿ

ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಗೆ ‘ಶೋಕಾಸ್’ ನೋಟಿಸ್..!!

ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಗೆ ‘ಶೋಕಾಸ್’ ನೋಟಿಸ್..!!
– ಪದೇ ಪದೇ ಸ್ವಪಕ್ಷೀಯರ ವಿರುದ್ಧವೇ ವಾಗ್ದಾಳಿ ನಡೆಸುತ್ತಿದ್ದ ಯತ್ನಾಳ್
– ನೋಟೀಸ್ ಬೆನ್ನಲ್ಲೇ ದೆಹಲಿಗೆ ತೆರಳಿದ ಯತ್ನಾಳ್

NAMMUR EXPRESS NEWS
ಬೆಂಗಳೂರು: ಬಿಜೆಪಿಯಲ್ಲಿನ ಒಳಜಗಳ,ಬಣಬಡಿದಾಟ ತಾರಕಕ್ಕೇರುತ್ತಿದ್ದಂತೆ ಕೇಂದ್ರ ಹೈಕಮಾಂಡ್ ಎಂಟ್ರೀ ಕೊಟ್ಟಿದೆ. ಪದೇ ಪದೇ ಸ್ವಪಕ್ಷೀಯರ ವಿರುದ್ಧವೇ ವಾಗ್ದಾಳಿ ನಡೆಸುತ್ತಿದ್ದ ಶಾಸಕ ಬಸವನಗೌಡ ಪಾಟೀಲ್ ಯತ್ನಾಳ್‌ಗೆ ಬಿಜೆಪಿ ಕೇಂದ್ರೀಯ ಶಿಸ್ತು ಸಮಿತಿಯಿಂದ ಶೋಕಾಸ್ ನೋಟೀಸ್ ನೀಡಲಾಗಿದೆ. ಬಿಜೆಪಿ ಹೈಕಮಾಂಡ್‌ ಬಿ ವೈ ವಿಜಯೇಂದ್ರ ಅವರನ್ನ ಬಿಜೆಪಿ ರಾಜ್ಯಾಧ್ಯಕ್ಷರನ್ನಾಗಿ ನೇಮಕ ಮಾಡಿದಾಗಿನಿಂದಲೂ ಸಹ ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಬಹಿರಂಗವಾಗಿಯೇ ವಿಜಯೇಂದ್ರ ವಿರುದ್ಧ ವಾಗ್ದಾಳಿ ನಡೆಸುತ್ತಿದ್ದರು. ಉಪಚುನಾವಣೆಯಲ್ಲಿ ಬಿಜೆಪಿ ಸೋಲು ಕಂಡ ಬಳಿಕ ಯತ್ನಾಳ್ ಹಾಗೂ ಬಿ ವೈ ವಿಜಯೇಂದ್ರ ಬಣಗಳ ನಡುವಿನ ಬಣ ಬಡಿದಾಟ ಮತ್ತಷ್ಟು ತೀವ್ರವಾಗಿತ್ತು. ಇದೀಗ ರಾಜ್ಯ ಬಿಜೆಪಿ ನಾಯಕತ್ವದ ವಿರುದ್ಧ ನಿಲುವು ಹೊಂದಿದ್ದ ಹಿನ್ನೆಲೆಯಲ್ಲಿ ವಿಜಯಪುರ ಬಿಜೆಪಿ ಶಾಸಕ ಯತ್ನಾಳ್ ಗೆ ಬಿಜೆಪಿಯ ಕೇಂದ್ರೀಯ ಶಿಸ್ತು ಸಮಿತಿಯು ಶೋಕಾಶ್ ನೋಟಿಸ್ ಜಾರಿ ಮಾಡಿದೆ. ಶಾಸಕ ಯತ್ನಾಳ್‌ರ ಈ ನಡೆಯ ವಿರುದ್ಧ ಬಿಜೆಪಿಯ ಹಲವು ಶಾಸಕರು, ನಾಯಕರು ಆಕ್ರೋಶ ವ್ಯಕ್ತಪಡಿಸಿದ್ದರು. ಹಿರಿಯ ನಾಯಕ ಡಿ.ವಿ ಸದಾನಂದಗೌಡ ಕೇಂದ್ರ ಹೈಕಮಾಂಡ್ ಮಧ್ಯಪ್ರವೇಶಿಸುವಂತೆ ಆಗ್ರಹಿಸಿದ್ದರು. ನೋಟೀಸ್ ನೀಡಿದ ಬೆನ್ನಲ್ಲೇ ಯತ್ನಾಳ್ ದೆಹಲಿಗೆ ತೆರಳಿದ್ದು ಹೈಕಮಾಂಡ್ ನಾಯಕರನ್ನು ಭೇಟಿ ಮಾಡುವ ನಿರೀಕ್ಷೆಯಿದೆ‌.