Categories
ಅಪಘಾತ

ಅಯ್ಯೋ ಮಕ್ಕಳ ಡ್ರೈವಿಂಗ್ : ನಾಲ್ವರು ಬಾಲಕರು ಬಲಿ!

ಅಯ್ಯೋ ಮಕ್ಕಳ ಡ್ರೈವಿಂಗ್ : ನಾಲ್ವರು ಬಾಲಕರು ಬಲಿ!
– ಪೋಷಕರೇ ಮಕ್ಕಳಿಗೆ ವಾಹನ ಕೊಡಬೇಡಿ.. ಹುಷಾರು
– ಚಾಮರಾಜನಗರದಲ್ಲಿ ನಡೆದ ಭೀಕರ ಘಟನೆ

NAMMUR EXPRESS NEWS
ಚಾಮರಾಜನಗರ: ಚಾಮರಾಜನಗರ ಜಿಲ್ಲೆಯ ಗಾಳೀಪುರ ಸಮೀಪದ ರಿಂಗ್ ರಸ್ತೆಯಲ್ಲಿ ಸರಣಿ ಅಪಘಾತ ಸಂಭವಿಸಿದ್ದು, ನಾಲ್ಕು ಜನ ಸಾವನ್ನಪ್ಪಿರುವ ದಾರುಣ ಘಟನೆ ನಡೆದಿದೆ.
ಮೃತರನ್ನು ರೆಹಾನ್, ಆದಾನ್ ಪಾಷಾ, ಫೈಜಲ್, ಮೆರಾನ್ ಎಂದು ಗುರುತಿಸಲಾಗಿದೆ. ಮೊಪೆಡ್ ನಲ್ಲಿ ನಾಲ್ವರು ಬಾಲಕರು ಹೋಗುತ್ತಿದ್ದ ವೇಳೆ ಲಾರಿ, ಕಾರು, ಮೊಪೆಡ್ ನಡುವೆ ಸರಣಿ ಅಪಘಾತ ಸಂಭವಿಸಿದೆ.
ಈ ಅಪಘಾತದಲ್ಲಿ ಮೆರಾನ್ ಸ್ಥಳದಲ್ಲೇ ಮೃತಪಟ್ಟಿದ್ದರೆ, ರೆಹಾನ್, ಆದಾನ್ ಪಾಷಾ, ಫೈಜಲ್ ಎಂಬುವವರು ಗಂಭೀರ ಗಾಯಗೊಂಡಿದ್ದರು. ಕೂಡಲೇ ಅವರನ್ನು ಸಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಮೈಸೂರಿನ ಖಾಸಗಿ ಆಸ್ಪತ್ರೆಗೆ ರವಾನಿಸಲಾಗಿತ್ತು. ಆದರೆ ಇದೀಗ ಚಿಕಿತ್ಸೆ ಫಲಕಾರಿಯಾಗದೇ ಮೂವರು ಕೊನೆಯುಸಿರೆಳೆದಿದ್ದಾರೆ. ಸದ್ಯ ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ. ಪೋಷಕರು ಮಕ್ಕಳಿಗೆ ವಾಹನ ಓಡಿಸಲು ಕೊಡಬಾರದು. ಈ ಬಗ್ಗೆ ಜಾಗೃತಿ ಮೂಡಿಸಬೇಕಿದೆ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.