Categories
ಬೆಂಗಳೂರು

ರಾಜ್ಯದಲ್ಲಿ ಡೆಂಗ್ಯೂ ಡೇಂಜರ್!

ರಾಜ್ಯದಲ್ಲಿ ಡೆಂಗ್ಯೂ ಡೇಂಜರ್!
– ವಾರದಲ್ಲಿ 9 ಜನ ಬಲಿ: ಆರೋಗ್ಯದ ಬಗ್ಗೆ ಎಚ್ಚರ
– ಸಾಂಕ್ರಾಮಿಕ ರೋಗ: ಆಸ್ಪತ್ರೆಗಳಲ್ಲಿ ಜನವೋ ಜನ

NAMMUR EXPRESS NEWS
ಬೆಂಗಳೂರು: ಈ ವರ್ಷ ಮಳೆಯ ಪ್ರಮಾಣ ಕಡಿಮೆಯಾದರೂ, ಡೆಂಗ್ಯೂ ಸೇರಿದಂತೆ ಹಲವು ಋುತುಮಾನದ ಕಾಯಿಲೆಗಳು, ಸಾಂಕ್ರಾಮಿಕ ರೋಗಗಳು ಜನರನ್ನು ಕಂಗೆಡಿಸಿದೆ. ಅಕ್ಟೋಬರ್‌ ಮೊದಲ ವಾರದಲ್ಲಿ ಡೆಂಗ್ಯೂ ಸೋಂಕಿಗೆ 9 ಜನರು ಮೃತರಾಗಿದ್ದಾರೆ. ಈ ಮೃತ ಪೈಕಿ ಬೆಂಗಳೂರಿನವರೇ ನಾಲ್ಕು ಜನ. ಉಳಿದಂತೆ ಉಡುಪಿಯಲ್ಲಿ 2, ತುಮಕೂರು, ಹಾಸನ ಮತ್ತು ಕೊಡಗು ಜಿಲ್ಲೆಯಲ್ಲಿ ತಲಾ ಒಬ್ಬರು ಮೃತರಾಗಿದ್ದಾರೆ. ರಾಜ್ಯದಲ್ಲಿ ಅ.13 ರವರೆಗೆ 11,241 ಜನ ಡೆಂಗ್ಯೂ ಸೋಂಕಿಗೆ ತುತ್ತಾಗಿದ್ದಾರೆ. ಬೆಂಗಳೂರು ನಗರದಲ್ಲೇ 6,093 ಜನರಲ್ಲಿ ಡೆಂಗ್ಯೂ ಕಾಣಿಸಿಕೊಂಡಿದೆ. ಕಳೆದ ಮೂರು ವರ್ಷಗಳ ಅವಧಿಯಲ್ಲಿಇದೇ ಮೊದಲ ಬಾರಿಗೆ ರಾಜಧಾನಿಯಲ್ಲಿ ಡೆಂಗ್ಯೂ ಸೋಂಕಿಗೆ ನಾಲ್ವರು ಬಲಿಯಾಗಿದ್ದಾರೆ.

ಬೆಂಗಳೂರಿನಲ್ಲಿ 2021ರಲ್ಲಿ 54 ಪ್ರಕರಣಗಳು ವರದಿಯಾಗಿದ್ದರೆ, 2022ರಲ್ಲಿ 2,313 ಪ್ರಕರಣಗಳು ವರದಿಯಾಗಿದ್ದವು. ಆದರೆ, ಸಾವು -ನೋವು ಸಂಭವಿಸಿರಲಿಲ್ಲ. ರಾಜ್ಯಾದ್ಯಂತ 2022ರ ಸೆ.30ರ ವೇಳೆಗೆ ರಾಜ್ಯದಲ್ಲಿ6726 ಡೆಂಗೆ ಪ್ರಕರಣಗಳು ವರದಿಯಾಗಿದ್ದವು. ಈ ವರ್ಷ ಅದೇ ಅವಧಿಯಲ್ಲಿಪ್ರಕರಣಗಳ ಸಂಖ್ಯೆ 10,260ಕ್ಕೆ ಏರಿಕೆಯಾಗಿದೆ. ಆದರೆ, ಈ ಬಾರಿ 11,241 ಜನ ಡೆಂಗ್ಯೂ ತಗುಲಿದೆ. ಅಕ್ಟೋಬರ್‌ ಮೊದಲ ವಾರದಲ್ಲಿಒಟ್ಟು ಒಂಬತ್ತು ಜನರು ಮೃತರಾಗಿದ್ದಾರೆ.

ಮಳೆ ಕಡಿಮೆ ಆದರೂ ರೋಗ ಹೆಚ್ಚಳ!

ಈ ವರ್ಷದ ಮಳೆಗಾಲ ಸೊಳ್ಳೆಗಳ ಸಂತಾನೋತ್ಪತ್ತಿಗೆ ಪೂರಕವಾಗಿದೆ. ನಿರಂತರವಾಗಿ ಮಳೆಯಾಗುತ್ತಿದ್ದರೆ, ಸೊಳ್ಳೆಗಳು ಮೊಟ್ಟೆಯಿಟ್ಟ ಹಾಗೆ ನೀರಿನಲ್ಲಿಕೊಚ್ಚಿಕೊಂಡು ಹೋಗುತ್ತವೆ. ಇದರಿಂದ ಸಂತಾನೋತ್ಪತ್ತಿ ಕಡಿಮೆಯಾಗುತ್ತದೆ. ಸದ್ಯ ಮಳೆ ಆಗೊಮ್ಮೆ ಈಗೊಮ್ಮೆ ಬರುತ್ತಿರುವುದರಿಂದ ಮೊಟ್ಟಿ ಇಟ್ಟು ಮರಿ ಮಾಡಿಕೊಳ್ಳುತ್ತಿವೆ. ಹೀಗಾಗಿಯೇ ಸೊಳ್ಳೆಯಗಳ ಸಂಖ್ಯೆ ಹೆಚ್ಚಳವಾಗಿದೆ ಎನ್ನುತ್ತಾರೆ ಸಾಂಕ್ರಾಮಿಕ ರೋಗ ತಜ್ಞರು.

ಉಡುಪಿ, ಶಿವಮೊಗ್ಗದಲ್ಲಿ ಹೆಚ್ಚು ಕೇಸ್

ಸೆಪ್ಟೆಂಬರ್‌ ತಿಂಗಳಲ್ಲಿ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಡೆಂಗೂ ಹಾಗೂ ಚಿಕೂನ್‌ಗುನ್ಯಾ ಪ್ರಕರಣಗಳು ಹೆಚ್ಚಾಗಿದ್ದವು. ಉಡುಪಿ, ಶಿವಮೊಗ್ಗ, ಕಲಬುರಗಿ, ದಾವಣಗೆರೆ ಜಿಲ್ಲೆಗಳಲ್ಲಿಅತಿ ಹೆಚ್ಚು ಪ್ರಕರಣಗಳು ದಾಖಲಾದರೆ, ಅಪ್ಪಟ ಬಯಲುಸೀಮೆಯ ಹಾವೇರಿಯಲ್ಲೂ ಜನರನ್ನು ಡೆಂಗೂ ಬಿಡದಂತೆ ಕಾಡುತ್ತಿದೆ. ಸೊಳ್ಳೆ ಸಂತತಿ ಹೆಚ್ಚಾಗಿರುವ ಪರಿಣಾಮ ಸಾರ್ವಜನಿಕರು, ಮಕ್ಕಳು ವೈರಲ್‌ ಜ್ವರದಿಂದ ಬಳಲುತ್ತಿದ್ದಾರೆ. ಖಾಸಗಿ ಕ್ಲಿನಿಕ್‌ಗಳು, ಆಸ್ಪತ್ರೆಗಳಲ್ಲಿ ಜ್ವರ, ಶೀತ, ಕೆಮ್ಮಿನಿಂದ ಬಳಲುವವರ ದಂಡೇ ನೆರೆದಿರುತ್ತದೆ. ಇದರೊಂದಿಗೆ ವಾತಾವರಣ ಗಂಟೆಗೊಂಮ್ಮೆ ಬದಲಾಗುತ್ತಿರುವ ಕಾರಣ ಮಕ್ಕಳು, ವೃದ್ಧರು ಕಾಯಿಲೆಗೆ ತುತ್ತಾಗುತ್ತಿದ್ದಾರೆ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.