Categories
ಚಿಕ್ಕಮಗಳೂರು

ಕೊಪ್ಪ ಬಾಲಕಿಯರ ಆತ್ಮಹತ್ಯೆ: ನ್ಯಾಯಕ್ಕಾಗಿ ಹೋರಾಟ

ಕೊಪ್ಪ ಬಾಲಕಿಯರ ಆತ್ಮಹತ್ಯೆ: ನ್ಯಾಯಕ್ಕಾಗಿ ಹೋರಾಟ
– ಬಡವರ ಮಕ್ಕಳ ಜೀವಕ್ಕೆ ಬೆಲೆ ಇಲ್ವಾ..? ಪೋಸ್ಟರ್ ಅಭಿಯಾನ
– ಪೊಲೀಸ್ ತನಿಖೆ ಏನಾಗ್ತಿದೆ…? ಏನಿದು ಸ್ಟೋರಿ..?

NAMMUR EXPRESS NEWS
ಕೊಪ್ಪ: ಚಿಕ್ಕಮಗಳೂರು ಜಿಲ್ಲೆ ಕೊಪ್ಪದ ಮೊರಾರ್ಜಿ ಹಾಸ್ಟೆಲ್ ನಲ್ಲಿ ವಿದ್ಯಾರ್ಥಿನಿ ಆತ್ಮಹತ್ಯೆ ಪ್ರಕರಣ ಇದೀಗ ಭಾರಿ ಹೋರಾಟಕ್ಕೆ ವೇದಿಕೆ ಸೃಷ್ಟಿ ಮಾಡಿದ್ದು ಬಡವರ ಮಕ್ಕಳ ಜೀವಕ್ಕೆ ಬೆಲೆ ಇಲ್ವಾ..? ಎಂಬ ಪೋಸ್ಟರ್ ಅಭಿಯಾನ ಶುರುವಾಗಿದೆ.
“2023 ರಲ್ಲಿ ಅಮೂಲ್ಯ.. 2025ರಲ್ಲಿ ಶಮಿತಾ… 2026ಕ್ಕೆ ಯಾರು ???..” ಎಂದು ಪೋಸ್ಟರ್ ಅಭಿಯಾನ ಈಗ ಎಲ್ಲೆಡೆ ವೈರಲ್ ಆಗುತ್ತಿದ್ದೂ ಆಡಳಿತದ ಮೇಲೆ ಬೆಟ್ಟು ಮಾಡಿ ತೋರಿಸುತ್ತಿದೆ.
ಹಾಸ್ಟೆಲ್ ಅಲ್ಲಿರುವ ಮೂಲಭೂತ ಸೌಕರ್ಯಗಳ ಕೊರತೆ ಭಾರಿ ಪ್ರಮಾಣದ ಆಕ್ರೋಶಕ್ಕೆ ಕಾರಣವಾಗಿದೆ.
ಆತ್ಮಹತ್ಯೆ ಬಳಿಕ ಇದೀಗ ಶಿವಮೊಗ್ಗ ವಿಧಿ ವಿಧಾನ ತಜ್ಞರು ಪ್ರಕರಣದ ನಿಖರತೆ ಬಗ್ಗೆ ಮಾಹಿತಿ ನೀಡಲಿದ್ದು ಕೊಪ್ಪ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಬಾಲಕಿ ಮನೆಯವರು ಈ ಘಟನೆ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ಅಮೂಲ್ಯ ಆತ್ಮಹತ್ಯೆ ಮಾಡಿಕೊಂಡ ಜಾಗ ಆತ್ಮಹತ್ಯೆಗೆ ಪ್ರೇರಣೆ ನೀಡುವಂತಿದ್ದು ಅದನ್ನು ಏಕೆ ಸರಿಪಡಿಸಲಿಲ್ಲ ಎಂಬ ಬಗ್ಗೆ ಇದೀಗ ಪ್ರಶ್ನೆ ಎದ್ದಿದೆ.

ಕಳೆದ ವರ್ಷ ಜು.27ರಂದು ವಿದ್ಯಾರ್ಥಿನಿಯೊಬ್ಬಳು ಶೌಚಗೃಹದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಇದೇ ರೀತಿ ಮತ್ತೊಬ್ಬ ವಿದ್ಯಾರ್ಥಿನಿಯೂ ನೇಣಿಗೆ ಶರಣಾಗಿದ್ದು.. ಕೊಪ್ಪದ ಮುರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ಏನಾಗ್ತಿದೆ..? ಯಾವ ಸಮಸ್ಯೆ ಕಾಡ್ತಿದೆ.? ಹೊಣೆ ಯಾರದ್ದು.? ತಪ್ಪು ಯಾರದ್ದು.? ಮಕ್ಕಳಿಗೆ ರಕ್ಷಣೆ ಇಲ್ವಾ ಎಂಬ ಅನುಮಾನ ಮೂಡಿದೆ ಎಂದು ಪೋಸ್ಟ‌ರ್ ಅಭಿಯಾನ ಆರಂಭಿಸಿದ್ದಾರೆ.

ಪೋಸ್ಟರ್ ನಲ್ಲಿ ಏನಿದೆ?:

“ಘಟನೆ ಬಗ್ಗೆ ಮಧ್ಯರಾತ್ರಿ 12 ಗಂಟೆಗೆ ಗೊತ್ತಾಗಿತ್ತು ಎಂದು ವಿದ್ಯಾರ್ಥಿಗಳು ಹಾಗೂ ಕೆಲವು ಸಿಬ್ಬಂದಿ ವರ್ಗದವರು ಹೇಳುತ್ತಾರೆ, ಕೆಲವು ಸಿಬ್ಬಂದಿ ವರ್ಗದವರು ಹೇಳುತ್ತಾರೆ ರಾತ್ರಿ 03 ಗಂಟೆಗೆ ಗೊತ್ತಾಗಿದೆ ಎಂದು!!!. ಆದರೆ ಪೋಷಕರಿಗೆ ತಿಳಿಸಿದ್ದು ಮಾತ್ರ ಬೆಳಗ್ಗಿನ ಜಾವ 06 ಗಂಟೆಗೆ.. ಇಷ್ಟುವಿಳಂಬ ಯಾಕಾಯಿತು?… ಸಾಕ್ಷಿ ನಾಶ ಮಾಡುವ ಹುನ್ನಾರವೇ???.. ಕೊಪ್ಪದ ಮೊರಾರ್ಜಿ ವಸತಿ ಶಾಲೆಗೆ ಸಂಬಂಧಪಟ್ಟ ಸಿಬ್ಬಂದಿ ವರ್ಗದವರೇ, ಅಧಿಕಾರಿಗಳೇ, ಜನಪ್ರತಿನಿದಿಗಳೇ ಉತ್ತರ ಕೊಡಿ… ಬಡವರ ಮಕ್ಕಳ ಜೀವಕ್ಕೆ ಬೆಲೆ ಇಲ್ವಾ..????”

“2023 ರಲ್ಲಿ ಅಮೂಲ್ಯ.. 2025ರಲ್ಲಿ ಶಮಿತಾ… 2026 ಕ್ಕೆ ಯಾರು???…

ಕೊಪ್ಪದ ಮೊರಾರ್ಜಿ ವಸತಿ ಶಾಲೆಗೆ ಸಂಬಂಧಪಟ್ಟ ಸಿಬ್ಬಂದಿ ವರ್ಗದವರೇ, ಅಧಿಕಾರಿಗಳೇ, ಜನಪ್ರತಿನಿದಿಗಳೇ ಉತ್ತರ ಕೊಡಿ… ಬಡವರ ಮಕ್ಕಳ ಜೀವಕ್ಕೆ ಬೆಲೆ ಇಲ್ವಾ…????”

ಆತ್ಮಹತ್ಯೆ ಹಿಂದೆ ಹತ್ತಾರು ಅನುಮಾನ!

“2023 ರಲ್ಲಿ ಅಮೂಲ್ಯ..??? 2025ರಲ್ಲಿ ಶಮಿತಾ…???? 7ರಿಂದ-8 ಶೌಚ ಗೃಹ ಒಟ್ಟಿಗೆ ಸರದಿ ಸಾಲಿನಲ್ಲಿ ಇದ್ದರೂ ಕೂಡ ಒಂದೇ ಶೌಚ ಗೃಹದ ಕಬ್ಬಿಣದ ರಾಡಿಗೆ (ಇಬ್ಬರು ಸಹ) ನೇಣು ಬಿಗಿದುಕೊಂಡಿರುವ, ಜೊತೆಗೆ ಇಬ್ಬರು ಕೂಡ ನೇಣು ಹಾಕಿಕೊಳ್ಳುವಾಗ ಸಭೆ ಸಮಾರಂಭಕ್ಕೆ ಹೋಗುವ ರೀತಿಯಲ್ಲಿ ಉಡುಗೆ-ತೊಡುಗೆಯನ್ನು ಹಾಕಿರುವ ದೃಶ್ಯ ಹಲವು ಅನುಮಾನಗಳಿಗೆ ಎಡೆಮಾಡಿ ಕೊಟ್ಟಿದೆ???? ಕೊಪ್ಪದ ಮೊರಾರ್ಜಿ ವಸತಿ ಶಾಲೆಗೆ ಸಂಬಂಧ ಪಟ್ಟ ಸಿಬ್ಬಂದಿ ವರ್ಗದವರೇ, ಅಧಿಕಾರಿಗಳೇ, ಜನಪ್ರತಿನಿದಿಗಳೇ ಉತ್ತರ ಕೊಡಿ… ಬಡವರ ಮಕ್ಕಳ ಜೀವಕ್ಕೆ ಬೆಲೆ ಇಲ್ವಾ..????” ಎಂಬ ಪೋಸ್ಟರ್ ಅಭಿಯಾನವನ್ನು ಸಾಮಾಜಿಕ ಜಾಲತಾಣದಲ್ಲಿ ಆರಂಭಿಸಿದ್ದಾರೆ. ಈ ಹಿಂದೆ ನಡೆದ ಸ್ಥಳದಲ್ಲಿಯೇ ಆತ್ಮಹತ್ಯೆ ಮಾಡಿಕೊಳ್ಳಲಾಗಿದೆ. ಕಳೆದ ವರ್ಷವೇ ಆ ಬಾಗಿಲನ್ನು ತೆಗೆದು ಬದಲಿ ವ್ಯವಸ್ಥೆ ಮಾಡಿದ್ದರೆ ಇದಕ್ಕೆ ಅವಕಾಶವಾಗುತ್ತಿರಲಿಲ್ಲ. ಬೇರೆ ಇಲಾಖೆಗಳಲ್ಲಿ ವರ್ಗಾವಣೆ ಆಗುವ ಮೊದಲೇ ಅಧಿಕಾರಿಗಳ ನೇಮಕವಾಗಿರುತ್ತದೆ. ಆದರೆ ಇಲ್ಲಿನ ಮುರಾರ್ಜಿ ವಸತಿ ಶಾಲೆಗೆ ವಾರ್ಡನ್ ಇಲ್ಲ. ಇರುವ ಶಿಕ್ಷಕರೇ ವಾರ್ಡನ್‌ನಂತೆ ಕೆಲಸ ಮಾಡುತ್ತಿದ್ದಾರೆ. ಮಕ್ಕಳಿಗೆ ಸುರಕ್ಷತೆ ನೀಡುವಲ್ಲಿ ಎಡವಿದ ಪರಿಣಾಮ ಇಂತಹ ಘಟನೆಗಳು ಮರುಕಳಿಸುತ್ತಿವೆ. ಶಾಸಕರು, ಅಧಿಕಾರಿಗಳು ಎಚ್ಚೆತ್ತು ವಾರ್ಡನ್ ನೇಮಕ ಮಾಡಬೇಕು.

ಮೂಲ ಸೌಕರ್ಯ ಇಲ್ಲ… ಗಮನಿಸಲೂ ಇಲ್ಲ..

ಮುಖ್ಯವಾಗಿ ಈ ವಸತಿ ಶಾಲೆಯಲ್ಲಿ ಸಿಸಿ ಕ್ಯಾಮೆರಾದ ವ್ಯವಸ್ಥೆ ಸೆಕ್ಯೂರಿಟಿ, ಮಹಿಳಾ ವಾರ್ಡನ್, ರಾತ್ರಿ ಒಂದು ಸುತ್ತು ಪೋಲಿಸ್ ಬೀಟ್, ದೂರು ಪೆಟ್ಟಿಗೆ, ಕೌನ್ಸೆಲಿಂಗ್, ಪೋಷಕರೊಂದಿಗೆ ಸಭೆ ಈ ವ್ಯವಸ್ಥೆಯನ್ನು ಮಾಡಬೇಕು. ಅಲ್ಲದೆ ಪದೇ ಪದೇ ಇಂಥ ಘಟನೆ ನಡೆಯುತ್ತಿದೆ. ಆದರೂ ಕೂಡ ಅಧಿಕಾರಿಗಳು ಗಮನ ವಹಿಸುತ್ತಿಲ್ಲ ಎಂಬ ಆರೋಪ ಕೇಳಿ ಬರುತ್ತಿದೆ. ಹೀಗಾಗ ಸಂಬಂಧಪಟ್ಟ ಅಧಿಕಾರಿಗಳು ಹಾಗೂ ಶಾಸಕರು ಈ ಬಗ್ಗೆ ಸೂಕ್ತ ಕ್ರಮ ಕೈಗೊಂಡು ಸಾವಿಗೆ ನ್ಯಾಯ ಒದಗಿಸಿಕೊಡಬೇಕಾಗಿದೆ ಎಂದು ಪೋಸ್ಟರ್ ಅಭಿಯಾನ ಶುರುವಾಗಿದೆ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.