ಉಪ್ಪಿನಕಾಯಿ ತಯಾರಿಕೆಗೆ ಬಳಸುವ ಅಪ್ಪೆಮಿಡಿಗೆ ಸಾಕಷ್ಟು ಡಿಮ್ಯಾಂಡ್‌..!!
– ಅಪ್ಪೆಮಿಡಿಗೆ ಬೇಡಿಕೆ ಹೆಚ್ಚು ಲಭ್ಯತೆ ಮಾತ್ರ ಕಡಿಮೆ
– ಕೆಜಿಗೆ 100-120ರೂ.ನಲ್ಲಿ ಅಪ್ಪೆಮಿಡಿ ಮಾರಾಟ
NAMMUR EXPRESS NEWS
ಮಲೆನಾಡಿನಲ್ಲಿ ಉಪ್ಪಿನಕಾಯಿ ತಯಾರಿಕೆಗೆ ಬಳಸುವ ಸುವಾಸನೆಯುಕ್ತ ಅಪ್ಪೆಮಿಡಿಗೆ ಇತ್ತೀಚಿನ ವರ್ಷಗಳಲ್ಲಿ ಉಪ್ಪಿನಕಾಯಿ ತಯಾರಿಕಾ ಕಂಪನಿಗಳಿಂದಲೂ ದೊಡ್ಡ ಪ್ರಮಾಣದ ಬೇಡಿಕೆ ಬರುತ್ತಿದೆ. ಆದರೆ ಬೇಡಿಕೆ ಮಾತ್ರ ಹೆಚ್ಚಾಗಿದೆ, ಲಭ್ಯತೆ ಮಾತ್ರ ಕಡಿಮೆಯಾಗಿದೆ.
ಕೆಲ ವರ್ಷಗಳಿಂದ ಉಪ್ಪಿನಕಾಯಿ ಉದ್ಯಮ ದೊಡ್ಡ ಪ್ರಮಾಣದಲ್ಲಿ ಬೆಳೆಯುತ್ತಿದೆ. ಸಾಕಷ್ಟು ಕಂಪನಿಗಳು ತಮ್ಮ ಬ್ರ್ಯಾಂಡ್‌ನಲ್ಲಿ ಉಪ್ಪಿನಕಾಯಿಗಳನ್ನು ಮಾರುಕಟ್ಟೆಗೆ ಬೀಡುತ್ತಿವೆ. ಆದರೆ ಅದಕ್ಕೆ ಬಳಸುವ ಮಾವಿನಕಾಯಿ ಆಧಾರದಲ್ಲಿ ಗ್ರಾಹಕರ ಬೇಡಿಕೆಯಿದೆ. ಹೀಗಾಗಿ ಕಂಪನಿಗಳು ಮಲೆನಾಡಿನಲ್ಲಿ ಬೆಳೆಯುವ ಅಪ್ಪೆಮಿಡಿಯತ್ತ ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ. ಇಲ್ಲಿ ನೈಸರ್ಗಿಕವಾಗಿ ಬೆಳೆಯುವುದರ ಹೊರತಾಗಿ ಒಂದಷ್ಟು ರೈತರು ವಿವಿಧ ತಳಿಯ ಅಪ್ಪೆಮಿಡಿ ಕೃಷಿ ಮಾಡುತ್ತಿದ್ದು ಅವರತ್ತ ಕಂಪನಿಗಳು ಬೇಡಿಕೆ ಇಡುತ್ತಿವೆ. ಆದರೆ ಬೇಡಿಕೆಯಷ್ಟು ಪೂರೈಕೆ ಮಾಡುವುದು ಕಷ್ಟ ಸಾಧ್ಯವಾಗಿದೆ. ಉಪ್ಪಿನಕಾಯಿ ತಯಾರಿಕೆಗೆ ಮಾವಿನ ಮಿಡಿ ಸಾಕಷ್ಟು ಅವಶ್ಯವಿರುವುದರಿಂದ ಸಹಜವಾಗಿ ಬೆಟ್ಟಗುಡ್ಡಗಳಲ್ಲಿ, ಹೊಳೆ ಅಂಚಿನಲ್ಲಿ ಬೆಳೆದ ಅಪ್ಪೆಮಿಡಿ, ವಿವಿಧ ಜಾತಿಯ ಮಾವಿನ ಮಿಡಿಗಳಿಗೂ ಬೇಡಿಕೆ ಬರುತ್ತಿದೆ. ಅದಕ್ಕಿಂತ ಹೆಚ್ಚಾಗಿ ಸಣ್ಣ ಗಾತ್ರದ ಯಾವುದೇ ಮಾವಿನ ಮಿಡಿಗಳಿದ್ದರೂ ಖರೀದಿಯಾಗುತ್ತಿದೆ. ಕೆಜಿಗೆ 100-120ರೂ.ನಲ್ಲಿ ಮಾರಾಟ ನಡೆಯುತ್ತಿದೆ.
ರೈತರು ಅಪ್ಪೆಮಿಡಿ ಗಿಡಗಳನ್ನೆನೋ ಬೆಳೆಸಿದ್ದಾರೆ. ಆದರೆ ನಿರೀಕ್ಷೆಯಂತೆ ಸಾಕಷ್ಟು ಗಿಡಗಳಿಗೆ ಕಸ್ತ್ರ ಮೂಡದೇ ಸಮಸ್ಯೆಯಾಗುತ್ತಿದೆ. ಅದರಲ್ಲೂ ಕಳೆದ ಆರೆಂಟು ವರ್ಷಗಳಿಂದ ಈ ಸಮಸ್ಯೆ ಮತ್ತಷ್ಟು ಉಲ್ಭಣಿಸಿದೆ. ನೂರಾರು ಗಿಡಗಳಿದ್ದರೆ ಅಲ್ಲೋ ಇಲ್ಲೊ ಒಂದೆರಡು ಗಿಡಕ್ಕೆ ಹೂವಾಡಿ ಕಾಯಿಗಳು ಬರುತ್ತವೆ. ಈಗ ಬಂದ ಗಿಡಗಳಿಗೆ ಮೂರ್ನಾಲ್ಕು ವರ್ಷ ಹೂವೇ ಬರದ ಸ್ಥಿತಿಯಿದೆ. ಹೂವಾಡದೇ ಇರುವುದಕ್ಕೆ ಒತ್ತಡ ಸಾಕಾಗದೇ ಇರುವುದು, ಹವಾಮಾನ ವೈಪರೀತ್ಯ ಕಾರಣ ಹೇಳಲಾಗುತ್ತದೆ. ಆದರೆ ಇದರ ನಿರ್ದಿಷ್ಟ ಅಧ್ಯಯನ ಆಗಬೇಕು. ರೈತರಿಗೆ ಮಾರ್ಗದರ್ಶನ ದೊರೆಯಬೇಕು ಎನ್ನುತ್ತಾರೆ. ‘ಅಪ್ಪೆಮಿಡಿ ಮಾವಿನಕಾಯಿಗೆ ಹೇರಳವಾದ ಬೇಡಿಕೆಯಿದೆ. ಉಪ್ಪಿನ ಕಾಯಿ ತಯಾರಿಕೆ ದೊಡ್ಡ ಕಂಪನಿಗಳು ಟನ್‌ಗಟ್ಟಲೆ ಬೇಡಿಕೆ ಇಡುತ್ತವೆ. ಆದರೆ ಗಿಡಗಳಿಗೆ ಸರಿಯಾಗಿ ಹೂವಾಡದೇ ಫಸಲು ದೊರೆಯುತ್ತಿಲ್ಲ.
