Categories
ಮಲ್ನಾಡ್

ಶೃಂಗೇರಿಯಲ್ಲಿ ಬೇಗಾನೆ ರಾಮಯ್ಯ ವೃತ್ತ ಉದ್ಘಾಟನೆ

ಶೃಂಗೇರಿಯಲ್ಲಿ ಬೇಗಾನೆ ರಾಮಯ್ಯ ವೃತ್ತ ಉದ್ಘಾಟನೆ
* ಕ್ಷೇತ್ರದ ಮಾಜಿ ಶಾಸಕರು,ಧೀಮಂತ ನಾಯಕ,ಮಾಜಿ ಸಚಿವರ ಸ್ಮರಣಾರ್ಥ ವೃತ್ತ ಉದ್ಘಾಟನೆ
* ಶ್ರೀ ಅದಿಚುಂಚನಗಿರಿ ಶೃಂಗೇರಿ ಶಾಖಾ ಮಠದ ಗುಣನಾಥ ಸ್ವಾಮಿಗಳಿಂದ ಉದ್ಘಾಟನೆ
* ಪುತ್ರಿ ಡಾ.ಆರತಿಕೃಷ್ಣ ಸೇರಿ ನೂರಾರು ಮಂದಿ ಬೇಗಾನೆ ರಾಮಯ್ಯ ಅಭಿಮಾನಿಗಳು ಹಾಜರ್

NAMMMUR EXPRESS NEWS
ಶೃಂಗೇರಿ: ಕ್ಷೇತ್ರದ ಮಾಜಿ ಶಾಸಕರು,ಧೀಮಂತ ನಾಯಕ,ಮಾಜಿ ಸಚಿವ ದಿ.ಬೇಗಾನೆ ರಾಮಯ್ಯ ಈ ವರ್ಷ ನಿಧನರಾಗಿದ್ದು ಅವರ ಸ್ಮರಣಾರ್ಥ ಶೃಂಗೇರಿಯಲ್ಲಿ ಸೋಮವಾರ ಬೇಗಾನೆ ರಾಮಯ್ಯ ವೃತ್ತ ಉದ್ಘಾಟನೆ ಮಾಡಲಾಯಿತು. ಈ ಹಿಂದೆ ಶೃಂಗೇರಿಯ ಪಟ್ಟಣ ಪಂಚಾಯ್ತಿ ವ್ಯಾಪ್ತಿಯಲ್ಲಿನ ಕುರುಬಗೇರಿ ಸರ್ಕಲ್ ಎಂದು ಕರೆಯುತ್ತಿದ್ದ ವೃತ್ತವನ್ನು ಬೇಗಾನೆ ರಾಮಯ್ಯ ವೃತ್ತ ಎಂದು ನಾಮಕರಣ ಮಾಡಿ ನೂತನ ವೃತ್ತವನ್ನು ಲೋಕಾರ್ಪಣೆ ಮಾಡಲಾಯಿತು.

ಶ್ರೀಗುಣನಾಥ ಸ್ವಾಮೀಜಿಯಿಂದ ಉದ್ಘಾಟನೆ

ನೂತನ ವೃತ್ತವನ್ನು ಉದ್ಘಾಟಿಸಿದ ಆದಿಚುಂಚನಗಿರಿ ಶೃಂಗೇರಿ ಶಾಖಾ ಮಠದ ಗುರುಗಳಾದ ಶ್ರೀಶ್ರೀಗುಣನಾಥ ಸ್ವಾಮಿಗಳು ಮಲೆನಾಡಿನ ಹೆಮ್ಮೆಯ ರಾಜಕಾರಣಿಯ ಹೆಸರಿನಲ್ಲಿ ನಿರ್ಮಾಣ ಮಾಡಿದ ಈ ವೃತ್ತ ನಿಜಕ್ಕೂ ಒಳ್ಳೆಯ ಕೆಲಸ,ಇದರ ಹಿಂದೆ ರಾಮಯ್ಯ ಪುತ್ರಿಯಾದ ಆರತಿ ಕೃಷ್ಣಾರವರ ಪರಿಶ್ರಮ ತಂಬಾ ಇದೆ,ತಂದೆಯಂತೆ ಮಗಳು ಕೂಡ ಜನರ ಕಷ್ಟಗಳಿಗೆ ಸ್ಪಂದಿಸುತ್ತಿದ್ದಾರೆ. ಅದು ಹಾಗೆ ಮುಂದುವರೆಯಲಿ ಎಂದರು.
ಶೃಂಗೇರಿ ಪಟ್ಟಣ ಪಂಚಾಯ್ತಿ ಅಧ್ಯಕ್ಷ ಹೆಚ್.ಎಸ್ ವೇಣುಗೋಪಾಲ್ ಮಾತನಾಡಿ, ಕ್ಷೇತ್ರದಲ್ಲಿ ಬೋರ್‌ವೆಲ್ ಸೌಕರ್ಯ ನೀಡುವುದರ ಮೂಲಕ ತಾಯಂದಿರ ಸಂಕಷ್ಟಕ್ಕೆ ನೆರವಾಗಿ ಆಗಲೇ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದರು. ಈಗ ಅವರ ಮಗಳಾದ ಡಾ. ಆರತಿ ಕೃಷ್ಣ ಅವರು ಕೂಡ ಉತ್ತಮ ಸೇವೆ ಸಲ್ಲಿಸುತ್ತಿದ್ದು ಮುಂದೆ ಆ ಸೇವೆ ಎಲ್ಲರಿಗೂ ಸಿಗುವಂತಾಗಲಿ ಎಂದು ಹಾರೈಸಿದರು.

ತಂದೆಯ ಸೇವೆ ನೆನೆದ ಡಾ. ಆರತಿ ಕೃಷ್ಣ

ಆನಿವಾಸಿ ಭಾರತೀಯ ಸಮಿತಿ ಉಪಾಧ್ಯಕ್ಷರೂ, ಕಾಂಗ್ರೆಸ್ ನಾಯಕಿ ಯರೂ ಆಗಿರುವ ಡಾ.ಆರತಿ ಕೃಷ್ಣ ಮಾತನಾಡಿ, ನಮ್ಮ ತಂದೆಯವರು ಕ್ಷೇತ್ರದಾದ್ಯಂತ ಬೋರ್‌ವೆಲ್ ರಾಮಯ್ಯ ಎಂದೇ ಹೆಸರಾಗಿದ್ದರು,ಇಂದಿಗೂ ಅವರು ಮಾಡಿದ ಜನಪರ ಕೆಲಸಗಳು ಕ್ಷೇತ್ರದೆಲ್ಲೆಡೆ ಜನ ಮಾತನಾಡುವಂತಿದೆ. ತಂದೆಯವರ ಸ್ಮರಣಾರ್ಥ ಈ ವೃತ್ತವನ್ನು ನಿರ್ಮಿಸಲು ಸಹಕರಿಸಿದ ಸರ್ಕಾರದ ಇಲಾಖೆಯ ಅಧಿಕಾರಿಗಳು, ಪಟ್ಟಣ ಪಂಚಾಯ್ತಿಯವರಿಗೂ ಎಲ್ಲರಿಗೂ ಧನ್ಯವಾದಗಳನ್ನು ಸಲ್ಲಿಸುತ್ತೇನೆ ಎಂದು ಹೇಳಿದರು.
ಕಾಡಾ ಅಧ್ಯಕ್ಷರು, ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಡಾ. ಅಂಶಮಂತ್, ಜಿಪಂ ಮಾಜಿ ಸದಸ್ಯರಾದ ಸದಾಶಿವ, ಪಟ್ಟಣ ಪಂಚಾಯ್ತಿ ಎಲ್ಲಾ ಸದಸ್ಯರು,ಎಲ್ಲಾ ಅಧಿಕಾರಿಗಳು,ಪೌರ ಕಾರ್ಮಿಕರು, ರಾಜಕೀಯ ಪಕ್ಷಗಳ ಮುಖಂಡರುಗಳು, ನೂರಾರು ಮಂದಿ ಬೇಗಾನೆ ರಾಮಯ್ಯ ಅಭಿಮಾನಿಗಳು ಹಾಜರಿದ್ದರು.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.