Categories
ಕೊಪ್ಪ ಚಿಕ್ಕಮಗಳೂರು ಮಲ್ನಾಡ್ ಶೃಂಗೇರಿ

ಟೆಲಿಗ್ರಾಂ ಆಪ್ ಮೂಲಕ ಮಹಿಳೆಗೆ ವಂಚನೆ

ಟೆಲಿಗ್ರಾಂ ಆಪ್ ಮೂಲಕ ಮಹಿಳೆಗೆ ವಂಚನೆ

* ವರ್ಕ್ ಫ್ರಮ್ ಹೋಂ ಜಾಹೀರಾತು ನಂಬಿ 2 ಲಕ್ಷ ಹಣ ಕಳೆದುಕೊಂಡ ಮಹಿಳೆ
* ಸೈಬರ್ ವಂಚಕರು ಮಹಿಳೆಯನ್ನು ವಂಚಿಸಿದ್ದು ಹೇಗೆ ?

NAMMMUR EXPRESS NEWS
ಚಿಕ್ಕಮಗಳೂರು: ಆನ್‌ಲೈನ್‌ನಲ್ಲಿ ವರ್ಕ್‌ಫ್ರಮ್‌ ಹೋಂ ಕುರಿತಾದ ಆಕರ್ಷಕ ಜಾಹೀರಾತನ್ನು ನಂಬಿದ ಕಾಫಿನಾಡಿನ ಮಹಿಳೆಯೊಬ್ಬರು ₹2,57,600 ಕಳೆದುಕೊಂಡಿರುವ ಘಟನೆ ವರದಿಯಾಗಿದೆ.

* ಸೈಬರ್ ವಂಚಕರು ಮಹಿಳೆಯನ್ನು ವಂಚಿಸಿದ್ದು ಹೇಗೆ?
ಸೈಬರ್‌ ವಂಚಕರು ಟೆಲಿಗ್ರಾಂ ಆ್ಯಪ್‌ ಮೂಲಕ ‘ವರ್ಕ್‌ಫ್ರಮ್‌ ಹೋಂ ಮಾಡಲು ಇಚ್ಛಿಸುವವರು ಈ ಲಿಂಕ್‌ ಕ್ಲಿಕ್‌ ಮಾಡಿ’ ಎಂದು ಜಾಹೀರಾತು ಕಳುಹಿಸಿದ್ದರು. ಈ ಆಮಿಷಕ್ಕೆ ಬಲಿಯಾದ ಮಹಿಳೆ ಲಿಂಕ್‌ ಕ್ಲಿಕ್‌ ಮಾಡಿ, ವಂಚಕರ ಹೇಳಿದ ಸೂಚನೆಗಳನ್ನು ಪಾಲಿಸಿದ್ದಾರೆ.

ಮೊದಲಿಗೆ, ವಂಚಕರು ಸಣ್ಣ ಟಾಸ್ಕ್‌ಗಳನ್ನು ನೀಡಿ, ವಿಶ್ವಾಸ ಗಳಿಸಲು ₹1000 ಮತ್ತು ₹1300 ಪಾವತಿಸಿದ್ದಾರೆ. ನಂತರ, ‘ಹಣ ಹೂಡಿದರೆ ದುಪ್ಪಟ್ಟು ಲಾಭ’ ಎಂದು ಆಮಿಷ ಒಡ್ಡಿ, ಹಂತಹಂತವಾಗಿ ₹2,57,600 ಪಡೆದುಕೊಂಡು ಮೋಸ ಮಾಡಿದ್ದಾರೆ.
ವಂಚನೆಗೊಳಗಾದ ಮಹಿಳೆ ಚಿಕ್ಕಮಗಳೂರು ಸೈಬರ್‌ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಪ್ರಕರಣವನ್ನು ತನಿಖೆಗೆ ಒಳಪಡಿಸಿದ್ದು, ಸೈಬರ್‌ ವಂಚಕರನ್ನು ಪತ್ತೆಹಚ್ಚುವ ಕಾರ್ಯಾಚರಣೆ ಆರಂಭಿಸಿದ್ದಾರೆ. ಇಂತಹ ಆನ್‌ಲೈನ್‌ ಜಾಹೀರಾತುಗಳ ಬಗ್ಗೆ ಜನರು ಎಚ್ಚರಿಕೆಯಿಂದಿರಬೇಕು, ಆಮಿಷಕ್ಕೆ ಒಳಗಾಗಿ ಮೋಸ ಹೋಗಬಾರದು ಎಂದು ಪೊಲೀಸರು ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದ್ದಾರೆ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.