ಅಹಿಂಸೆ, ತ್ಯಾಗದ ಪ್ರತೀಕ ಭಗವಾನ್ ಮಹಾವೀರ
– ಮಹಾವೀರ ಜಯಂತಿಯಂದು ಶಾಂತಿ ಸಂದೇಶ ಸಾರೋಣ
ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಜೈನ ಧರ್ಮದ 24ನೇ ಮತ್ತು ಕೊನೆಯ ತೀರ್ಥಂಕರರಾದ ಭಗವಾನ್ ಮಹಾವೀರ ಜಗತ್ತಿಗೆ ಅಹಿಂಸೆ ಮತ್ತು ತ್ಯಾಗದ ಮಹತ್ವವನ್ನು ಸಾರುವ ಮೂಲಕ ದೈವತ್ವಕ್ಕೇರಿದವರು. ಅವರ ಆದರ್ಶಗಳನ್ನು ಎಲ್ಲರೂ ಪಾಲಿಸೋಣ. ಆರನೇ ಶತಮಾನದಲ್ಲಿ ಬಿಹಾರದ ಕುಂಡಲಗ್ರಾಮದಲ್ಲಿ ರಾಜಮನೆತನದ ಸಿದ್ಧಾರ್ಥ ಮತ್ತು ತ್ರಿಶಾಲಾದೇವಿಯ ಮಗನಾಗಿ ಜನಿಸಿದ ಮಹಾವೀರ, ತನ್ನ 30ನೇ ವಯಸ್ಸಿನಲ್ಲಿ ಅಣ್ಣನಾದ ಭರತನ ವಿರುದ್ಧ ಮೂರು ಯುದ್ಧಗಳಲ್ಲಿ ಗೆಲುವು ಸಾಧಿಸಿದರೂ, ರಾಜ್ಯಲಕ್ಷ್ಮೀಯ ಚಂಚಲತೆಯನ್ನು ಅರಿತು, ರಾಜ ವೈಭೋಗವನ್ನು ತ್ಯಜಿಸಿ, ಎಲ್ಲವನ್ನು ಸಹೋದರ ಭರತನಿಗೆ ಬಿಟ್ಟುಕೊಟ್ಟು ದಿಗಂಬರನಾಗಿ ಕಾಡಿನತ್ತ ತೆರಳಿ ಬಾಹುಬಲಿ ಎನಿಸಿಕೊಂಡ.
12 ವರ್ಷಗಳ ಕಾಲ ಕಠಿಣ ತಪಸ್ಸನ್ನು ಆಚರಿಸಿ, ಕೈವಲ್ಯ ಜ್ಞಾನವನ್ನು ಪಡೆದುಕೊಂಡ ಪುಣ್ಯಪುರುಷ.ಈ ಹಿನ್ನೆಲೆಯಲ್ಲಿ ಕರ್ನಾಟಕದ ಪ್ರಸಿದ್ಧ ಜೈನ ಕ್ಷೇತ್ರವಾದ ಶ್ರವಣಬೆಳಗೊಳದಲ್ಲಿ ಹನ್ನೆರಡು ವರ್ಷಗಳಿಗೊಮ್ಮೆ ಮಹಾಮಸ್ತಕಾಭಿಷೇಕ ನಡೆಯುತ್ತದೆ. ತನ್ನ ಕೈವಲ್ಯ ಜ್ಞಾನದ ಮೂಲಕ ಅಹಿಂಸೆ(ಕಾಯ, ವಾಚ ಮತ್ತು ಮನಸ್ಸಿನಿಂದ ಯಾವುದೇ ಜೀವಿಗಳಿಗೆ ಹಿಂಸೆ ಮಾಡದಿರುವುದು) ಸತ್ಯ(ಸತ್ಯವನ್ನು ಮಾತನಾಡುವುದು), ಅಸ್ತೇಯ(ಕಳ್ಳತನ ಮಾಡದಿರುವುದು), ಬ್ರಹ್ಮಚರ್ಯ(ಇಂದ್ರಿಯ ನಿಗ್ರಹ) ಮತ್ತು ಅಪರಿಗ್ರಹ(ಭೌತಿಕ ವಸ್ತುಗಳ ಮೇಲೆ ಆಸೆ/ಸಂಗ್ರಹಣೆ ಇಲ್ಲದಿರುವುದು)ಎನ್ನುವ ಮೂರು ಮುಖ್ಯ ಅಂಶಗಳನ್ನು ಬೋಧಿಸಿದರು.
ಬಿಹಾರದ ಪಾವಪುರಿಯಲ್ಲಿ ತನ್ನ 72ನೇ ವಯಸ್ಸಿಗೆ ದೀಪಾವಳಿಯ ದಿನದಂದು ಮೋಕ್ಷವನ್ನು ಪಡೆದರು. ಈತನ ಅನುಯಾಯಿಗಳನ್ನು ದಿಗಂಬರರು ಎಂದು ಕರೆಯುತ್ತಾರೆ. ಇವರ ಅನುಯಾಯಿಗಳು ಆಚರಿಸುವ ನಿಯಮಗಳು ಬಹುಕಠಿಣವಾಗಿದ್ದು, ಇದರಿಂದಲೇ ಮಹಾವೀರನ ಬದುಕು ಎಷ್ಟು ಕಷ್ಟದಾಯಕವಾಗಿತ್ತು ಎನ್ನುವುದರ ಅರಿವಾಗುತ್ತದೆ. ಈ ಸಂದರ್ಭದಲ್ಲಿ ಮನುಷ್ಯರಾದ ನಾವು ಮಹಾವೀರನ ಬೋಧನೆಗಳನ್ನು ಅಳವಡಿಸಿಕೊಂಡು ಜಗತ್ತಿಗೆ ಶಾಂತಿಯ ಸಂದೇಶ ಸಾರೋಣ.
