ತೀರ್ಥಹಳ್ಳಿ ಹಿಲಿಕೆರೆಯಲ್ಲಿ 49ನೇ ವರ್ಷದ ಗಣಪತಿ ಸಂಭ್ರಮ!
– ಅದ್ದೂರಿ ಆಚರಣೆ, ಮೆರವಣಿಗೆ, ಪಟಾಕಿ ಮೂಲಕ ಗಮನ ಸೆಳೆದ ಗಣಪತಿ
– ತೀರ್ಥಹಳ್ಳಿ ತಾಲೂಕಲ್ಲೇ ಅತ್ಯಂತ ಅಚ್ಚುಕಟ್ಟಾಗಿ ಆಯೋಜನೆ
NAMMUR EXPRESS NEWS
ತೀರ್ಥಹಳ್ಳಿ ತಾಲೂಕಿನಲ್ಲಿ ಗಮನ ಸೆಳೆದ ಹಿಲಿಕೆರೆ ಹಾಗೂ ದೇವಂಗಿ ಗಣಪತಿ ಉತ್ಸವ ಸಂಭ್ರಮದಿಂದ ನಡೆಯುತ್ತಿದೆ. ದೇವಂಗಿಯಲ್ಲಿ 99ನೇ ವರ್ಷದ ಗಣಪತಿ ಉತ್ಸವ ನಡೆಯುತ್ತಿದೆ. ಹಿಲಿಕೆರೆಯಲ್ಲಿ 49ನೇ ವರ್ಷದ ಗಣಪತಿ ಉತ್ಸವ ನಡೆಯುತ್ತಿದೆ. ಎರಡು ಗಣಪತಿಗಳು ತಾಲೂಕಿನ ಪ್ರತಿಷ್ಠಿತ ಗಣಪತಿಗಳಾಗಿದ್ದು ತಮ್ಮ ಅಲಂಕಾರದ ಮೂಲ ಹಾಗೂ ಪಟಾಕಿ ಮೂಲಕ ಗಮನ ಸೆಳೆದಿದೆ. ಹಿಲಿಕೇರಿಯಲ್ಲಿ ಹಾಗೂ ದೇವಂಗಿಯಲ್ಲಿ ಐದು ದಿನಗಳ ಕಾಲ ಗಣೇಶೋತ್ಸವ ನಡೆಯಲಿದೆ. ಎರಡು ಗಣಪತಿಗಳ ಸಮಾಗಮ ತಾಲೂಕಿನಲ್ಲಿ ಗಮನ ಸೆಳೆದಿರುವಂತದ್ದು, ಸಾವಿರಾರು ಮಂದಿ ಈ ಸಮಾಗಮದಲ್ಲಿ ಭಾಗಿಯಾಗಿ ಖುಷಿಯಲ್ಲಿ ಮಿಂದು ಏಳುತ್ತಾರೆ. ಎರಡು ಸಮಿತಿಯು ಕೂಡ ಸರ್ವರನ್ನು ಸ್ವಾಗತಿಸಿದೆ.
ಹಿಲಿಕೆರೆಯಲ್ಲಿ ಸಂಭ್ರಮದ ಗಣೇಶೋತ್ಸವ!
ಶ್ರೀ ಗಜಾನನ ಸೇವಾ ಸಮಿತಿ ಹಿಲಿಕೆರೆ ವತಿಯಿಂದ 5 ದಿನಗಳ ಪರ್ಯಂತ ಹಿಲಿಕೆರೆಯಲ್ಲಿ 49 ನೇ ವರ್ಷದ ಸಾರ್ವಜನಿಕ “ಶ್ರೀ ಗಣೇಶೋತ್ಸವ” ವನ್ನು ಆಚರಿಸಲಾಗುತ್ತಿದೆ
ದಿನಾಂಕ : 27-08-2025 ನೇ ಬುಧವಾರ ಬೆಳಿಗ್ಗೆ ಗಂಟೆ 11-30ಕ್ಕೆ
“ಶ್ರೀ ವಿದ್ಯಾಗಣಪತಿ ಪ್ರತಿಷ್ಠಾಪನೆ” ಶ್ರೀಯುತ ಗುರುಪ್ರಸಾದ್ ಮತ್ತು ಸಂಗಡಿಗರಿಂದ ವಾದ್ಯಗೋಷ್ಠಿ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ, ವಿಗ್ರಹ ದಾನಿಗಳಿಂದ ಲಘು ಉಪಹಾರ,
ಸಂಜೆ 7-00 ಗಂಟೆಗೆ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ, ನಂತರ ಸ್ವರ್ಣಶ್ರೀ ಹಾಗೂ ಆದಿಶಕ್ತಿ ಮಂಡಳಿ ಇವರಿಂದ “ಭಜನಾ ಕಾರ್ಯಕ್ರಮ” ನಡೆದಿದೆ.
ದಿನಾಂಕ 28-08-2025 ನೇ ಗುರುವಾರ ಬೆಳಿಗ್ಗೆ ಗಂಟೆ 10-30 ಕ್ಕೆ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ, ಸಂಜೆ ಗಂಟೆ 7-ಕ್ಕೆ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ. ನಂತರ ಹಿಲಿಕೆರೆ-ಹೊಸ್ತೋಟ ಅಂಗನವಾಡಿ ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಹಾಗೂ ರಾಜ್ಯ ಮಟ್ಟದ ಕನ್ನಡ ಕೋಗಿಲೆ ಪ್ರಶಸ್ತಿ ವಿಜೇತೆ ಶ್ರೀಮತಿ ಸ್ನೇಹಲತಾ ಮತ್ತು ಸಂಗಡಿಗರು, ತೀರ್ಥಹಳ್ಳಿ ಇವರಿಂದ ಸಂಗೀತ ಸಂಜೆ. ದಿನಾಂಕ 29-08-2025 ನೇ ಶುಕ್ರವಾರ ಬೆಳಗ್ಗೆ ಗಂಟೆ 10-30 ಕ್ಕೆ “ಸತ್ಯನಾರಾಯಣ ವೃತ” ಮತ್ತು ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ. ಸಂಜೆ 7-00 ಕ್ಕೆ ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ ನಂತರ “ಕನಸು ತಂಡ” ಡ್ಯಾನ್ಸ್ ಪ್ರೋ ಕಲಾವಿದರಿಂದ “ನೃತ್ಯ ಪ್ರದರ್ಶನ”
ದಿನಾಂಕ 30-08-2025 ನೇ ಶನಿವಾರ ಬೆಳಗ್ಗೆ 10-30 ಕ್ಕೆ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ, ನಂತರ “ಶ್ರೀ ಸತ್ಯನಾರಾಯಣ ಪೂಜೆ” ಮತ್ತು ಮಧ್ಯಾಹ್ನ “ಅನ್ನಸಂತರ್ಪಣೆ” ಸಂಜೆ 7-00 ಗಂಟೆಗೆ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ, ನಂತರ ಸಿದ್ದಾರ್ಥ ಅಂಧರ ಕೇಂದ್ರ (ರಿ.,) ನ್ಯೂಟೌನ್ ಭದ್ರಾವತಿ ಇವರಿಂದ ಆರ್ಕೇಸ್ಟ್ರಾ ( ಇದರ ಪ್ರಾಯೋಜಕರು : ಶ್ರೀ ಅರುಣ್ ಕುಮಾರ್ ನಾಯಕ್ ಕೋಲ್ಗರ್, ಉದ್ಯಮಿಗಳು, ಬೆಂಗಳೂರು)
ದಿನಾಂಕ 31-08-2025 ನೇ ಭಾನುವಾರ ಬೆಳಗ್ಗೆ 10-30 ಕ್ಕೆ ಪೂಜೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ,
ನಂತರ ಮಧ್ಯಾಹ್ನ ಗಂಟೆ 3-00 ಕ್ಕೆ ರಾಜಬೀದಿ ಉತ್ಸವದಲ್ಲಿ ಶ್ರೀ ಮುತ್ತಿನಮ್ಮ ಎನ್‌.ಆರ್.ಪುರ ಇವರಿಂದ “ನಾಸಿಕ್ ಬ್ಯಾಂಡ್” ಹಾಗೂ ಅಲಂಕೃತ ಮಂಟಪದ ವಾಹನದೊಂದಿಗೆ ಮೆರವಣಿಗೆ.ವಿವಿಧ ವೇಷ-ಭೂಷಣ ಮತ್ತು ಆಕರ್ಷಕ ಸಿಡಿಮದ್ದಿನ ಪ್ರದರ್ಶನದೊಂದಿಗೆ ರಾಜ ಬೀದಿ ಉತ್ಸವದೊಂದಿಗೆ ಶ್ರೀ ವಿದ್ಯಾಗಣಪತಿಯ ವಿಸರ್ಜನೆ ನಡೆಯಲಿದೆ.
