Categories
ಹುಬ್ಬಳ್ಳಿ

ಸಿಬಿಐ ಇಕ್ಕಳದಿಂದ ವಿನಯ್ ಬಚಾವ್?

  • ಪಂಚಮಸಾಲಿ ಕೆಲಮಠಾಧೀಶರಿಂದ ಗೌಪ್ಯ ಸಭೆ..?

ಹುಬ್ಬಳ್ಳಿ: ಧರ್ಮದೊಂದಿಗೆ ಯಾವುದೇ ಕಾರಣಕ್ಕೂ ರಾಜಕೀಯ ವಿಲೀನಗೊಳಿಸಬಾರದು. ಒಂದೊಮ್ಮೆ ರಾಜಕೀಯದೊಂದಿಗೆ ಧರ್ಮ ವಿಲೀನಗೊಂಡರೇ ಸಮಾಜ ಅಧೋಗತಿಗೆ ಇಳಿಯುವುದು ಶತಃಸಿದ್ಧ ಎಂಬುದು ಮತ್ತೇ ಸಾಬೀತಾಗುವ ಸಾಧ್ಯತೆಗಳು ಮಾಜಿ ಸಚಿವ ವಿನಯ ಕುಲಕರ್ಣಿಯವರ ಬಂಧನದಿಂದ ಸಾಬೀತಾಗತೊಡಗಿದೆಯೇ..?


ಇಂತಹದೊಂದು ಚರ್ಚೆ ಇದೀಗ ಇಡೀ ರಾಜ್ಯದಲ್ಲೇ ಆರಂಭಗೊಂಡಿದ್ದು ಸುಳ್ಳಲ್ಲ. ಕಾವಿತೊಟ್ಟ ಸಾಧುಗಳು ಜಗದ ಸುಖಃ, ಶಾಂತಿಗಾಗಿ ದೇವರನ್ನು ಪ್ರಾರ್ಥಿಸಿ ಜಾತಿ, ಭೇದ ಮಾಡದೇ ಸಕಲರಿಗೂ ಒಳಿತನ್ನೇ ಬಯಸುವುದು ಶ್ರೀಗಳ ಕರ್ಮ. ಆದರೆ, ಯೋಗೇಶಗೌಡ ಕೊಲೆ ಪ್ರಕರಣದಲ್ಲಿ ಸಿಲುಕಿ ಹಾಕಿಕೊಂಡಿರುವ ಪಂಚಸಾಲಿ ಸಮಾಜದ ಮುಖಂಡ ಹಾಗೂ ಮಾಜಿ ಸಚಿವ ವಿನಯ ಕುಲಕರ್ಣಿಯವರನ್ನು ಬಂಧನದಿಂದ ಮುಕ್ತಗೊಳಿಸಲು ಸ್ವಾಮೀಜಿಗಳು ನಡೆಸುತ್ತಿರುವ ಯತ್ನ ನಿಜಕ್ಕೂ ಭಕ್ತ ಸಮೂಹವನ್ನು ವಿಚಲಿತಗೊಳಿಸುವಂತೆ ಮಾಡಿದ್ದು ಸುಳ್ಳಲ್ಲ.


ಕೆಲ ಕಾವಿಧಾರಿಗಳ ರಾಜಕೀಯ ಬುದ್ಧಿಯಿಂದ ಅದೇ ಮಠಾಧೀಶರು ಸಮುದಾಯದ ಜನ ಕೈ ಕೈ ಹಿಸುಕಿಕೊಳ್ಳುವಂತಾಗಿದೆ.
ಪ್ರಸಿದ್ಧ ಮಠದಲ್ಲಿ ಸಭೆ?: ಒಂದೆಡೆ ಮಾಜಿ ಸಚಿವ ವಿನಯ ಕುಲಕರ್ಣಿಗೆ, ಯೋಗೇಶಗೌಡ ಕೊಲೆ ಪ್ರಕರಣದಲ್ಲಿ ಸಿಬಿಐ ಅಧಿಕಾರಿಗಳು ಡ್ರಿಲ್ ನಡೆಸುತ್ತಿದ್ದಾರೆ. ಮತ್ತೊಂದೆಡೆ ಈ ಇಡೀ ಪ್ರಕರಣದಿಂದ ವಿನಯ ಕುಲಕರ್ಣಿ ಅವರನ್ನು ಖುಲಾಸೆಗೊಳಿಸಬೇಕೆಂದು ಪಂಚಮಸಾಲಿ ಮಠಾಧೀಶರು ಧಾರವಾಡದ ಸುಪ್ರಸಿದ್ಧ ಪಂಚಮಸಾಲಿ ಸಮುದಾಯದ ಮಠದಲ್ಲಿ ಸುದೀರ್ಘ ಚರ್ಚೆ ನಡೆಸಿದ್ದಾರೆ. ಅಲ್ಲದೇ, ಕೇಂದ್ರ ಹಾಗೂ ರಾಜ್ಯದ ಬಿಜೆಪಿ ಮತ್ತು ಕಾಂಗ್ರೆಸ್ ಹಿರಿಯ ಮುಖಂಡರಿಗೆ ಪೆÇೀನಾಯಿಸಿ ಪ್ರಕರಣವನ್ನು ಇಲ್ಲಿಗೆ ಕೈಬಿಡುವಂತೆ ಒತ್ತಡ ಹೇರಿದ್ದಾರಂತೆ. ಇಷ್ಟಕ್ಕೆ ಮಾತ್ರ ಸುಮ್ಮನಾಗದ ಒಬ್ಬ ಮಠಾಧೀಶರು, ನಮ್ಮ ಆರ್ಶೀವಾದ ನಿಮ್ಮ ಮೇಲೆ ಇರಬೇಕು ಅಂದರೆ ತನಿಖೆಯನ್ನು ನಿಲ್ಲಿಸಿ ಅಂತಲೂ ಆಗ್ರಹಿಸಿದ್ದಾರೆ ಎಂದು ಗೊತ್ತಾಗಿದೆ.


ಪಾಠ ಕಲಿಸುವುದಾಗಿ ಗುಟುರು: ವಿನಯ ಕುಲಕರ್ಣಿಯನ್ನು ಸಿಬಿಐ ಇಕ್ಕಳದಿಂದ ಶೀಘ್ರ ಬಿಡುಗಡೆಗೊಳಿಸದಿದ್ದರೆ ಮುಂದಿನ ದಿನಗಳಲ್ಲಿ ಸಮುದಾಯದ ಜನ ಒಕ್ಕಟ್ಟಾಗಿ ಪಾಠ ಕಲಿಸಬೇಕಾಗುತ್ತದೆ ಎಂದು ಕೆಲ ಕಾವಿಧಾರಿಗಳು ಗುಟುರು ಹಾಕಿದ್ದಾರಂತೆ. ಇದಕ್ಕೆ ಪ್ರತಿಕ್ರಿಯಿಸಿದ ಹಿರಿಯ ರಾಜಕೀಯ ನಾಯಕರು, ಮೃತ ಯೋಗೇಶಗೌಡ ಕುಟುಂಬವೂ ಪಂಚಮಸಾಲಿ ಸಮುದಾಯಕ್ಕೆ ಸೇರಿದ್ದು. ಅವರಿಗೆ ನ್ಯಾಯ ಸಿಗುವುದು ಬೇಡವೇ ಎಂದು ಪ್ರಶ್ನಿಸಿದ್ದಾರೆ ಎಂದು ಹೆಸರು ಹೇಳಲು ಇಚ್ಛಿಸದ ಭಕ್ತರೊಬ್ಬರು ತಿಳಿಸಿದ್ದಾರೆ.
ಅಲ್ಲದೇ, ಪ್ರಕರಣವು ನ್ಯಾಯಾಲಯದಲ್ಲಿ ಇರುವುದರಿಂದ ನಾವು ಹಸ್ತಕ್ಷೇಪ ಮಾಡಲು ಬರುವುದಿಲ್ಲ ಎಂಬ ಸಬೂಬು ನೀಡಿದ್ದಾರೆ ಎಂದು ಗೊತ್ತಾಗಿದೆ. ಅಲ್ಲದೇ, ಪ್ರಕರಣವನ್ನು ಸಿಬಿಐಗೆ ವಹಿಸುವಂತೆ ಮೃತ ಯೋಗೇಶಗೌಡನ ಕುಟುಂಬಸ್ಥರೇ ಹೇಳಿದ್ದರಿಂದ ರಾಜ್ಯ ಸರ್ಕಾರ ಪ್ರಕರಣವನ್ನು ಸಿಬಿಐಗೆ ನೀಡಿದೆ ಇದರಲ್ಲಿ ರಾಜಕೀಯ ಏನೂ ಇಲ್ಲ ಎಂದು ಹೇಳಿ ಫೆÇೀನ್ ಕಟ್ ಮಾಡಿದ್ದಾರಂತೆ.


ತೋಂಟದಾರ್ಯ ಮಠಕ್ಕೆ ಶಿಫ್ಟ್!: ಇಷ್ಟಕ್ಕೆ ಸುಮ್ಮನಾಗದ ಕೆಲ ಸ್ವಾಮೀಜಿಗಳು ಕೇಂದ್ರದಲ್ಲೂ ನಿಮ್ಮದೇ ಸರ್ಕಾರ ಇದೆ. ಹೀಗಾಗಿ ಸಿಬಿಐ ಮೇಲೆ ಒತ್ತಡ ಹಾಕಿ ಪ್ರಕರಣವನ್ನು ಇಲ್ಲಿಯೇ ನಿಲ್ಲಿಸಿ ಅಂತ ಅನೇಕ ಕರೆ ಮಾಡಿದ್ದಾರೆ ಎಂದು ಗೊತ್ತಾಗಿದೆ. ಈ ಸುದ್ದಿ ಬಹಿರಂಗಗೊಳ್ಳುತ್ತಿದಂತೆಯೇ ಎಚ್ಚತ್ತುಕೊಂಡ ಸ್ವಾಮೀಜಿಗಳು, ಧಾರವಾಡದಿಂದ ಗದಗ ಜಿಲ್ಲೆಯ ತೋಂಟದಾರ್ಯ ಮಠಕ್ಕೆ ಮಿಟಿಂಗ್ ಶಿಫ್ಟ್ ಮಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

Categories
ಹುಬ್ಬಳ್ಳಿ

ವಿನಯ್ ಕುಲಕರ್ಣಿಗೆ ಖಡಕ್ ಅಧಿಕಾರಿ ಉರುಳು?!

  • ಜಿಪಂ ಸದಸ್ಯ ಯೋಗೇಶಗೌಡ ಕೊಲೆ ಕೇಸಿಗೆ ಟ್ವಿಸ್ಟ್?

ಹುಬ್ಬಳ್ಳಿ: ರಾಜ್ಯಾದ್ಯಂತ ಕುತೂಹಲ ಕೆರಳಿಸಿರುವ ಯೋಗೇಶ ಗೌಡ ಕೊಲೆ ಪ್ರಕರಣದ ತನಿಖೆ ಹೊಣೆಹೊತ್ತ ಸಿಬಿಐ ಅಧಿಕಾರ ರಾಕೇಶ ರಂಜನ್ ಸಾಮಾನ್ಯದವರಲ್ಲ!
ಹೌದು, ಕರ್ನಾಟಕದ ಜನತೆಗೆ ನೆನಪಿರಬಹುದು, ಮಾಜಿ ಸಚಿವ ಜನಾರ್ಧನ ರೆಡ್ಡಿಯ ಗಣಿಯನ್ನು ಅಗೆದು-ಬಗೆದು ಜೈಲಿಗೆ ಅಟ್ಟಿದ ಅಧಿಕಾರಿ ಇವರೇ. ಇದೀಗ ಮತ್ತೊಬ್ಬ ಮಾಜಿ ಸಚಿವ ವಿನಯ ಕುಲಕರ್ಣಿ ಅವರನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. 2019 ಸೆಪ್ಟೆಂಬರ್‍ನಲ್ಲಿ ಯೋಗೇಶಗೌಡ ಕೊಲೆ ಪ್ರಕರಣವನ್ನು ಸಿಬಿಐಗೆ ವಹಿಸಿದಾಗ ತನಿಖಾಧಿಕಾರಿಯಾಗಿ ನಿಯುಕ್ತಿಗೊಂಡಿದ್ದ ಇದೇ ರಾಕೇಶ ರಂಜನ್.
ಯೋಗೇಶಗೌಡ ಕೊಲೆಯಾದ 48 ಗಂಟೆಯಲ್ಲಿ 6 ಆರೋಪಿಗಳು ಪೆÇಲೀಸರಿಗೆ ಶರಣಾಗಿ , ತಾವೇ ಕೊಲೆ ಆರೋಪಿಗಳು ಎಂದು ಹೇಳಿಕೊಂಡಾಗ ಈ ಪ್ರಕರಣ ಮುಗಿದೇ ಹೋಯಿತು ಎಂದು ಭಾವಿಸಿದವರೇ ಹೆಚ್ಚು. ಸರ್ಕಾರ ಸಿಬಿಐಗೆ ಪ್ರಕರಣ ಹಸ್ತಾಂತರಿಸಿದ ನಂತರ ತನಿಖೆಯ ಜವಾಬ್ದಾರಿ ಹೊತ್ತುಕೊಂಡವರು ರಾಕೇಶ ರಂಜನ್.
ಯೋಗೇಶಗೌಡನನ್ನು ಕೊಲೆಗೈದ ಶೂಟರ್‍ಗಳು ಸ್ಥಳೀಯರಲ್ಲ. ಬದಲಾಗಿ ತಮಿಳುನಾಡು, ಬೆಂಗಳೂರು ಮೂಲದವರು. ಇವರು ಸುಪಾರಿ ಹಂತಕರು ಎಂಬ ಸತ್ಯ ಸಂಗತಿಯನ್ನು ಬಹಿರಂಗಗೊಳಿಸಿದವರು ಇದೇ ಅಧಿಕಾರಿ.
ನಂತರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವರನ್ನು ವಿಚಾರಣೆ ನಡೆಸಿ, ಕೆಲವರನ್ನು ಬಂಧಿಸುವ ಮೂಲಕ ತನಿಖೆಯ ಗತಿಯನ್ನೇ ಬದಲಾಯಿಸಿ ಎಲ್ಲರೂ ಹುಬ್ಬೇರುವಂತೆ ಮಾಡಿದರು.


ರಾಕೇಶ ರಂಜನ್ ತನಿಖೆಯೇ ವಿಭಿನ್ನ, ನೋಟಿಸ್ ಕೊಟ್ಟು ವಿಚಾರಣೆ ಕರೆಯಿಸುವ ಪೂರ್ವ ಎಲ್ಲ ದಾಖಲೆಗಳನ್ನು ಗೌಪ್ಯವಾಗಿ ಅಷ್ಟೇ ನಿಖರವಾಗಿ ಸಂಗ್ರಹಿಸುವುದು ಇವರ ವಿಶೇಷತೆ. ಈಗ ಇದೇ ನೋಡಿ ವಿನಯ ಕುಲಕರ್ಣಿ ಪ್ರಕರಣ. ಯಾವ ದಿನಾಂಕದಂದು ಇವರು ಎಲ್ಲಿದ್ದರು? ಏನೇನು ಮಾತನಾಡಿದರು? ಯಾವ ಹೊಟೇಲ್‍ನಲ್ಲಿ ತಂಗಿದ್ದರು? ಯಾವ ವಿಮಾನಕ್ಕೆ ಹೋದರು? ಯಾರೊಂದಿಗೆ ಎಷ್ಟು ಸಮಯ ಮಾತನಾಡಿದರು? ಇಂತಹ ಹಲವಾರು ಮಾಹಿತಿಯ ಜಾಲವನ್ನು ಭೇದಿಸಿ, ಈಗ ವಿಚಾರಣಾಧೀನ ಕೈದಿ ವಿನಯ ಕುಲಕರ್ಣಿ ಅವರನ್ನು ಹಿಗ್ಗಾಮಗ್ಗಾ ಜಾಲಾಡಿಸುತ್ತಿದ್ದಾರೆ. ಇದೇ ರಂಜನ್ ವಿಶೇಷತೆ.


ಮಹತ್ವದ ಸಂಗತಿಯೆಂದರೆ, ರಾಕೇಶ ರಂಜನ್‍ಗೆ ಸಿಟ್ಟು ಬರುವುದಿಲ್ಲ. ಇವರು ಯಾವುದೇ ಪರಿಸ್ಥಿತಿಯಲ್ಲಿ ಸಂಯಮ ಕಳೆದುಕೊಳ್ಳುವುದಿಲ್ಲ. ಯಾರಿಗೂ ಬೇಸರ ಮಾಡುವುದಿಲ್ಲ. ಆದರೆ ಬಾಯಿ ಬಿಡಿಸುವ ಕಲೆ ಕರಗತ. ವಿಚಾರಣೆ ಶೈಲಿ, ತನಿಖೆ ವೈಖರಿ ವಿಭಿನ್ನ, ಮೂಲತಃ ಬಿಹಾರದವರಾದ ರಾಜೇಶ ರಂಜನ್, ಸಾಮಾನ್ಯ ರೈತನೊಬ್ಬನ ಮಗ. ಪದವಿ ಅಧ್ಯಯನ ನಂತರ ಬಿಎಸ್‍ಎಫ್ ಸೇರಿಕೊಂಡರು. ಅಲ್ಲಿಂದ ಅವರು ಏರಿದ ಹುದ್ದೆಗಳು, ಸ್ಥಾನಮಾನ ಎಲ್ಲವೂ ನಿಷ್ಠೆ, ಪ್ರಾಮಾಣಿಕತೆಯಿಂದಲೇ ಬಂದಿದ್ದು, ವೃತ್ತಿ ಬದುಕಿನಲ್ಲಿ ಈವರೆಗೆ ನಡೆಸಿದ 14 ಪ್ರಕರಣಗಳ ತನಿಖೆಯಲ್ಲಿ 12ರಲ್ಲಿ ಅಪರಾಧಿಗಳಿಗೆ ಶಿಕ್ಷೆಯಾಗಿದೆ. ಇನ್ನೆರಡು ಪ್ರಕರಣಗಳು ವಿಚಾರಣೆ ಹಂತದಲ್ಲಿವೆ. 15ನೇ ಪ್ರಕರಣವೇ ಯೋಗೇಶಗೌಡ ಕೊಲೆಗೆ ಸಂಬಂಧಿಸಿದ್ದು.


ಸಿಬಿಐ ಭ್ರಷ್ಟಾಚಾರ ನಿಗ್ರಹ ದಳದ ಇನ್ಸ್‍ಸ್ಪೆಕ್ಟರ್ ರಾಕೇಶ ರಂಜನ್ ಮೂಲತಃ ಗಡಿಭದ್ರತಾ ಪಡೆಯ ಇಂಟೆಲಿಜೆನ್ಸ್ ವಿಂಗ್‍ನಲ್ಲಿ 5 ವರ್ಷ ನಿರ್ವಹಿಸಿದ ಕಾರ್ಯವೈಖರಿ ಇವರ ತನಿಖಾಶೈಲಿಯನ್ನು ಒರೆಗೆ ಹಚ್ಚಿತು. ಅವರನ್ನು ಸಿಬಿಐಗೆ ಕರೆಯಿಸಿಕೊಂಡಿದ್ದು ನ್ಯಾಷನಲ್ ಸೆಕ್ಯುರಿಟಿ ಗ್ರೂಪ್‍ನ ಮುಖ್ಯಸ್ಥರಾಗಿದ್ದ ಕರ್ನಾಟಕದ ಹಿರಿಯ ಐಪಿಎಸ್ ಅಧಿಕಾರಿಯಾದ ಟಿ. ಮಡಿಯಾಳ್ ಅವರು. ಅಲ್ಲಿಂದ ರಾಕೇಶ ಅವರು ಸಿಬಿಐನಲ್ಲಿ ತಮಗೆ ವಹಿಸಿದ ಪ್ರಕರಣಗಳೆನ್ನಲ್ಲ ಭೇದಿಸುತ್ತ ಅಪರಾಧಿಗಳನ್ನು ಕಂಬಿ ಹಿಂದೆ ಅಟ್ಟಿದರು. ಇವರ ಚಾಕಚಕ್ಯತೆಯ ಕಾರ್ಯವೈಖರಿಗೆ ಕಳೆದ ಆ.15ರಂದು ಕೇಂದ್ರ ಗೃಹ ಸಚಿವರ ಮೆಡಲ್ ಪುರಸ್ಕಾರ ಲಭಿಸಿದೆ.

Categories
ಮಲ್ನಾಡ್

ಇತ್ತ ಪಾದಯಾತ್ರೆ, ಅತ್ತ ಕುರ್ಚಿ ಖೋತಾ?!

  • ಮಂಜುನಾಥ ಗೌಡರ ಅರ್ಜಿಗೆ ಹೈಕೋರ್ಟ್ ತಡೆ
  • ನ.9ರಂದೇ ಡಿಸಿಸಿ ಬ್ಯಾಂಕ್ ಚುಣಾವಣೆ
  • ಇತ್ತ ತೀರ್ಥಹಳ್ಳಿಯಲ್ಲಿ ಗೌಡರ ಪಾದಯಾತ್ರೆ!

ಶಿವಮೊಗ್ಗ: ಶಿವಮೊಗ್ಗ ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್ ನಿಯಮಿತದ ಚುನಾವಣೆಗೆ ಕರ್ನಾಟಕ ಹೈಕೋರ್ಟ್ ತಡೆ ನೀಡಲು ನಿರಾಕರಿಸಿದೆ. ಡಿಸಿಸಿ ಬ್ಯಾಂಕ್ ಅಧ್ಯಕ್ಷರನ್ನು ಆಯ್ಕೆ ಮಾಡಲು ನವೆಂಬರ್ 9ರಂದು ಚುನಾವಣೆ ನಡೆಯಲಿದೆ. ಈ ಮೂಲಕ ಮೊದಲ ಬಾರಿಗೆ ಸಹಕಾರಿ ನಾಯಕ ಡಾ.ಆರ್.ಎಂ.ಮಂಜುನಾಥ ಗೌಡರ ಕೈಯಿಂದ ಡಿಸಿಸಿ ಬ್ಯಾಂಕ್ ಅಧಿಕಾರ ಕೈತಪ್ಪುವ ಸಾಧ್ಯತೆ ಇದೆ.


ಶಿವಮೊಗ್ಗ ಡಿಸಿಸಿ ಬ್ಯಾಂಕ್ ಮಾಜಿ ಅಧ್ಯಕ್ಷ ಆರ್. ಎಂ. ಮಂಜುನಾಥ ಗೌಡ ಸಲ್ಲಿಸಿದ್ದ ಅರ್ಜಿಯ ತುರ್ತು ವಿಚಾರಣೆಗೆ ಹೈಕೋರ್ಟ್ ನಿರಾಕರಿಸಿದೆ. ಚುನಾವಣಾಧಿಕಾರಿ ನಾಗೇಂದ್ರ ಎಫ್. ಹೊನ್ನಾಳಿ ಸೋಮವಾರ ಚುನಾವಣೆ ನಡೆಸಲಿದ್ದಾರೆ. ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಸ್ಥಾನದ ಚುನಾವಣೆಗೆ ತಡೆ ನೀಡಬೇಕು. ತಮ್ಮ ಸದಸ್ಯತ್ವ ಅನರ್ಹತೆ ಕುರಿತ ತೀರ್ಪಿಗೆ ತಡೆ ನೀಡಬೇಕು ಎಂದು ಮಾಜಿ ಅಧ್ಯಕ್ಷ ಆರ್. ಎಂ. ಮಂಜುನಾಥ ಗೌಡ ಹೈಕೋರ್ಟ್ ಮೆಟ್ಟಿಲೇರಿದ್ದರು. ತುರ್ತಾಗಿ ವಿಚಾರಣೆ ನಡೆಸುವ ಅರ್ಜಿ ಇದಲ್ಲ. ಮುಖ್ಯ ಅರ್ಜಿಯ ಜೊತೆ ವಿಚಾರಣೆ ನಡೆಯಲಿ ಎಂದು ಹೈಕೋರ್ಟ್ ಹೇಳಿದ್ದು, ನವೆಂಬರ್ 9ರಂದು ನಡೆಯಬೇಕಿದ್ದ ಅಧ್ಯಕ್ಷ ಹುದ್ದೆಯ ಚುನಾವಣೆಗೆ ತಡೆ ನೀಡಲು ನಿರಾಕರಿಸಿದೆ.
ನವೆಂಬರ್ 9ರ ಸೋಮವಾರ ಡಿಸಿಸಿ ಬ್ಯಾಂಕ್ ಅಧ್ಯಕ್ಷರನ್ನು ಆಯ್ಕೆ ಮಾಡಲು ಚುನಾವಣೆ ನಡೆಯಲಿದೆ. ಬೆಳಗ್ಗೆ 9 ರಿಂದ 11 ಗಂಟೆಯ ತನಕ ನಾಮಪತ್ರಗಳನ್ನು ಸಲ್ಲಿಸಲು ಅವಕಾಶವಿದೆ. ಅಗತ್ಯವಿದ್ದರೆ ಮಧ್ಯಾಹ್ನ 1 ಗಂಟೆಯ ಬಳಿಕ ಮತದಾನ ನಡೆಯಲಿದೆ. ಚಿತ್ರದುರ್ಗದ ಜಂಟಿ ರಿಜಿಸ್ಟ್ರಾರ್ ಇಲಿಯಾಸ್ ಉಲ್ಲಾ ಷರೀಫ್ ಶಿವಮೊಗ್ಗ ಡಿಸಿಸಿ ಬ್ಯಾಂಕ್ ಅವ್ಯವಹಾರಗಳ ಕುರಿತು ತನಿಖೆ ನಡೆಸಿದ್ದರು. ಬಳಿಕ ಆರ್. ಎಂ.ಎಂ ಅವರ ಸದಸ್ಯತ್ವವನ್ನು 5 ವರ್ಷಗಳ ಕಾಲ ಅನರ್ಹಗೊಳಿಸಿದ್ದರು.


ಅಕ್ಟೋಬರ್ 17ರಿಂದ ಉಪಾಧ್ಯಕ್ಷ ಚನ್ನವೀರಪ್ಪ ಅವರು ಪ್ರಭಾರ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ಸೋಮವಾರ ನಡೆಯಲಿರುವ ಚುನಾವಣೆಯಲ್ಲಿ ಆರ್.ಎಂ.ಮಂಜುನಾಥ ಗೌಡ ಟೀಂ ಏನು ಮಾಡುತ್ತದೆ ಕಾದು ನೋಡಬೇಕಿದೆ. ಆದರೆ ಇತ್ತ ಕಸ್ತೂರಿ ರಂಗನ್ ವರದಿ ವಿರೋಧಿಸಿ ತಮ್ಮ ಕ್ಷೇತ್ರ ತೀರ್ಥಹಳ್ಳಿಯಲ್ಲಿ ಹಮ್ಮಿಕೊಂಡಿರುವ ಪಾದಯಾತ್ರೆ ನ.9ರಂದು 42 ಕಿಮೀ ಕ್ರಮಿಸಿ ಕೊನೆಯ ದಿನಕ್ಕೆ ಬರಲಿದೆ. ಇತ್ತ ಚುನಾವಣೆ ಕಾರ್ಯತಂತ್ರ ಕೂಡ ಮಾಡಬೇಕಿದೆ. ಹೀಗಾಗಿ ಗೌಡರು ಇಕ್ಕಟ್ಟಿನಲ್ಲಿ ಸಿಲುಕಿದ್ದಾರೆ.

Categories
ಅಂತಾರಾಷ್ಟ್ರೀಯ ಸುದ್ದಿ

ಬೈಡೆನ್ ಗೆಲುವು..ಟ್ರಂಪ್ ಸೋಲು!

  • ಭಾರತದ ಮೂಲದ ಕಮಲಾ ಉಪಾಧ್ಯಕ್ಷೆ

ತೀವ್ರ ಕುತೂಹಲ ಕೆರಳಿಸಿದ್ದ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಜೋ ಬೈಡನ್ ಅಧ್ಯಕ್ಷರಾಗಿದ್ದಾರೆ.
ಬೈಡನ್ 290 ಸ್ಥಾನ ಪಡೆದು ಗೆಲುವು ಸಾಧಿಸಿದ್ದಾರೆ.
214 ಸ್ಥಾನ ಪಡೆದ ಟ್ರಂಪ್ ಸೋಲು ಕಂಡಿದ್ದಾರೆ.
ಭಾರತೀಯ ಮೂಲದ ಕಮಲಾ ಹ್ಯಾರಿಸ್ ಉಪಾಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ. ಚೆನ್ನೈ ಮೂಲದ ಕಮಲಾ ಅಮೆರಿಕಾದ ಸಾಧಕಿ. ಜೊತೆಗೆ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ.
2016ರಲ್ಲಿ ಟ್ರಂಪ್ ಆಯ್ಕೆಯಾಗಿದ್ದರು. 2008, 2012ರಲ್ಲಿ ಬರಾಕ್ ಒಬಾಮಾ ಆಯ್ಕೆಯಾಗಿದ್ದರು.
ಅಮೆರಿಕದ 46ನೇ ಅಧ್ಯಕ್ಷರಾಗಿ ಡೆಮಾಕ್ರಟಿಕ್ ಪಕ್ಷದ ಜೋ ಬೈಡನ್ ಆಯ್ಕೆಯಾಗಿದ್ದು, ರಿಪಬ್ಲಿಕನ್ ಪಕ್ಷದ ಹಾಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ಮುಖಭಂಗವಾದಂತಾಗಿದೆ.
270 ಮ್ಯಾಜಿಕ್ ನಂಬರ್ ಆಗಿತ್ತು.

Categories
ಮಲ್ನಾಡ್

ಜ್ವಾಲಾಮಾಲಿನಿ ಬಸ್ತಿಗೆ ಅಭಯಚಂದ್ರ ಜೈನ್ ಭೇಟಿ

  • ಎನ್.ಆರ್.ಪುರ ತಾಲೂಕಿನ ಪ್ರಸಿದ್ಧ ಜೈನ ಬಸ್ತಿ
  • ಶೃಂಗೇರಿ ಕ್ಷೇತ್ರದ ಶಾಸಕ ಟಿ.ಡಿ.ರಾಜೇಗೌಡ ಸಾಥ್

ಎನ್.ಆರ್.ಪುರ: ನಾಡಿನ ಪ್ರಸಿದ್ಧ ಜೈನ ಬಸ್ತಿಗಳಲ್ಲಿ ಒಂದಾದ ಚಿಕ್ಕಮಗಳೂರು ಜಿಲ್ಲೆ ಎನ್.ಆರ್.ಪುರ ತಾಲೂಕಿನ ಅತಿಶಯ ಕ್ಷೇತ್ರದ ಬಸ್ತಿ ಮಠಕ್ಕೆ ಮಾಜಿ ಸಚಿವ ಅಭಯಚಂದ್ರ ಜೈನ್ ಭೇಟಿ ನೀಡಿ ಜ್ವಾಲಾಮಾಲಿನಿ ದೇವಿಯ ಅಮ್ಮನವರ ದರ್ಶನ ಪಡೆದರು. ಶೃಂಗೇರಿ ಕ್ಷೇತ್ರದ ಶಾಸಕರಾದ ಟಿ.ಡಿ.ರಾಜೇಗೌಡ ಅವರನ್ನು ಸ್ವಾಗತಿಸಿ ಸ್ವಾಮೀಜಿಗಳ ಆಶೀರ್ವಾದ ಪಡೆದರು. ಈ ವೇಳೆ ಪಟ್ಟಣ ಪಂಚಾಯತ್ ಉಪಾಧ್ಯಕ್ಷ ಮುಕುಂದ ಮತ್ತಿತರರು ಹಾಜರಿದ್ದರು.

Categories
ಮಲ್ನಾಡ್

ತೀರ್ಥಹಳ್ಳಿ ಕಾಂಗ್ರೆಸ್ನಲ್ಲಿ ಕಿಡಿ!?

  • ಕಿಮ್ಮನೆ ಬೇಡ ಅಂದರೂ ಭಾಗಿಯಾದ ನಾಯಕರು
  • ನಾಯಕರು ಹೇಳಿದ್ದೇನು..?, ಮಾಡಿದ್ದೇನು..?

ತೀರ್ಥಹಳ್ಳಿ: ಸಹಕಾರಿ ನಾಯಕ ಮಂಜುನಾಥ ಗೌಡ ಅವರ ನಾಯಕತ್ವದ ರೈತ ಪಾದಯಾತ್ರೆಯಲ್ಲಿ ಕಾಂಗ್ರೆಸ್ ನಾಯಕರು ಭಾಗಿಯಾಗುವ ಮೂಲಕ ಇದೀಗ ಹೊಸ ಚರ್ಚೆಗೆ ಕಾರಣವಾಗಿದೆ. ಜತೆಗೆ ಕಾಂಗ್ರೆಸ್ ಪಕ್ಷದಲ್ಲೂ ಸಣ್ಣನೆ ಕಿಡಿ ಹೊತ್ತಿದೆ.
ಮಾಜಿ ಸಚಿವ, ಕಾಂಗ್ರೆಸ್ ನಾಯಕ ಕಿಮ್ಮನೆ ರತ್ನಾಕರ್ ಅವರು ಮಂಜುನಾಥ ಗೌಡರ ನೇತೃತ್ವದ ಪಾದಯಾತ್ರೆಯಲ್ಲಿ ಕಾಂಗ್ರೆಸ್ ನಾಯಕರು ಭಾಗಿಯಾಗುವುದು ಬೇಡ ಎಂದು ಮಾಧ್ಯಮಗಳ ಮೂಲಕ ಕರೆ ನೀಡಿದ್ದರು. ಆದರೆ ಅನೇಕ ಮುಂಚೂಣಿ ನಾಯಕರು ಪಾದಯಾತ್ರೆಯಲ್ಲಿ ಭಾಗಿಯಾಗುವ ಮೂಲಕ ಈಗ ಕಾಂಗ್ರೆಸ್ ಪಾಳಯದಲ್ಲಿ ಸಣ್ಣ ಕಿಡಿ ಹೊತ್ತಿದೆ. ಇದು ಯಾವ ರೂಪ ತಾಳುವುದು ಎಂಬ ಕುತೂಹಲ ಮೂಡಿದೆ.


ಜೊತೆಗೆ ಸಭೆಯಲ್ಲೇ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ಡಿ.ಕೆ.ಶಿವಕುಮಾರ್ ಶುಭ ಕೋರಿ ಓರ್ವ ನಾಯಕನನ್ನು ಕಳಿಸಿಕೊಟ್ಟಿದ್ದಾರೆ ಎಂದು ಮಂಜುನಾಥ ಗೌಡರೇ ಹೇಳಿರುವುದು ಚರ್ಚೆಗೆ ಗ್ರಾಸವಾಗಿದೆ. ಆದರೆ ಕಾಂಗ್ರೆಸ್ ನಾಯಕರು, ಇದೊಂದು ರೈತಪರ, ಪಕ್ಷಾತೀತ ಹೋರಾಟ. ನಾವು ಜನರ ಪರ ಹೋರಾಟಕ್ಕೆ ಬಂದಿದ್ದೇವೆ ಎಂದು ಸಮರ್ಥನೆ ನೀಡಿದ್ದಾರೆ.

Categories
ಮಲ್ನಾಡ್

22 ಕಿಮೀ ನಡೆದು ಬಿಸಿಲಿನಲ್ಲಿ ಬೆಂದ ನಾಯಕರು!

  • ದಾರಿಯಲ್ಲಿ ಜ್ಯೂಸ್, ಊಟ-ತಿಂಡಿ: ಹಲವೆಡೆ ಸನ್ಮಾನ
  • ಮಧು 16 ಕಿಮೀ, ಬೇಳೂರು 18 ಕಿಮೀ ನಡೆದರು!

ತೀರ್ಥಹಳ್ಳಿ: ಕಸ್ತೂರಿ ರಂಗನ್ ವರದಿ ವಿರುದ್ಧ ಸಹಕಾರಿ ನಾಯಕ ಡಾ.ಆರ್.ಎಂ.ಮಂಜುನಾಥ ಗೌಡ ನೇತೃತ್ವದಲ್ಲಿ ತೀರ್ಥಹಳ್ಳಿಯ ಬಿದರಗೋಡಿನಿಂದ ಆರಂಭವಾದ ಪಾದಯಾತ್ರೆ ಮೊದಲ ದಿನ 22 ಕಿಮೀ ಸಾಗಿದೆ. ಮಂಜುನಾಥ ಗೌಡ ಸೇರಿದಂತೆ ಬಹುತೇಕ ನಾಯಕರು, ಕಾರ್ಯಕರ್ತರು 22 ಕಿ.ಮೀ ನಡೆದಿದ್ದಾರೆ.
ಜೆಡಿಎಸ್ ನಾಯಕ ಮಧು ಬಂಗಾರಪ್ಪ 16, ಕಾಂಗ್ರೆಸ್ ನಾಯಕ ಬೇಳೂರು ಗೋಪಾಲಕೃಷ್ಣ 18 ಕಿಮೀ ನಡೆದಿದ್ದಾರೆ. ಮಂಜುನಾಥ ಗೌಡ 22 ಕಿಮೀ ನಡೆದು ರೆಕಾರ್ಡ್ ಮಾಡಿದ್ದಾರೆ. ದಾರಿಯುದ್ದಕ್ಕೂ ನೀರು, ಮಜ್ಜಿಗೆ, ನೀರು, ತಿಂಡಿ ವ್ಯವಸ್ಥೆಯನ್ನು ಅವರ ಅಭಿಮಾನಿಗಳು ಮಾಡಿದ್ದರು.


ಮಧು ಬಂಗಾರಪ್ಪ ಬಿದರಗೋಡಿನಿಂದ ನಾಬಳದವರೆಗೆ ನಡೆದರು. ಬೇಳೂರು ಗೋಪಾಲಕೃಷ್ಣ ಕೆಂದಾಳಬೈಲ್‍ವರೆಗೆ ನಡೆದಿದ್ದಾರೆ. ಮಂಜುನಾಥ ಗೌಡ ನಾಲೂರಿನಲ್ಲೇ ವಾಸ್ತವ್ಯ ಹೂಡಿದ್ದಾರೆ. ಭಾನುವಾರ ನಾಲೂರಿಂದ ಶಿವರಾಜಪುರದವರೆಗೆ ಸುಮಾರು 18 ಕಿಮೀ ಪಾದಯಾತ್ರೆ ಇದೆ. ಬಹುತೇಕ ನಾಯಕರು ಭಾಗಿಯಾಗಲಿದ್ದಾರೆ.
ಮಂಜುನಾಥ ಗೌಡ ಮತ್ತು ಇತರೆ ನಾಯಕರಿಗೆ ದಾರಿಯುದ್ದಕ್ಕೂ ಅಭಿಮಾನಿಗಳು, ನಾಯಕರು ಸನ್ಮಾನ ಮಾಡಿದರು. ಹೊನ್ನೆತಾಳು ಸೊಸೈಟಿ ವತಿಯಿಂದ ಕೂಡ ಸನ್ಮಾನ ಮಾಡಲಾಯಿತು.

Categories
ಮಲ್ನಾಡ್

ಹೊಸ ಚರ್ಚೆಗೆ ನಾಂದಿ ಹಾಡಿದ “ರೈತ ಪಾದಯಾತ್ರೆ”!

  • ತೀರ್ಥಹಳ್ಳಿ ರಾಜಕೀಯದಲ್ಲಿ ಹೊಸ ಅಧ್ಯಾಯ ಸೃಷ್ಟಿ
  • 1000ಕ್ಕೂ ಹೆಚ್ಚು ಜನರು ಭಾಗಿ: ಜೆಡಿಎಸ್ ಬ್ಯಾನರ್ ಇಲ್ಲ!

ತೀರ್ಥಹಳ್ಳಿ: ಕಸ್ತೂರಿ ರಂಗನ್ ವರದಿ ವಿರೋಧಿಸಿ ಸಹಕಾರಿ ನಾಯಕ ಡಾ.ಆರ್.ಎಂ.ಮಂಜುನಾಥ ಗೌಡ ನೇತೃತ್ವದಲ್ಲಿ ನಡೆಯುತ್ತಿರುವ ಪಾದಯಾತ್ರೆ ಒಂದನೇ ದಿನ ಪೂರೈಸಿದ್ದು, ಸಾವಿರಾರು ಜನರು ಪಕ್ಷಬೇಧ ಮರೆತು ಭಾಗಿಯಾಗಲಿದ್ದಾರೆ. ಜೆಡಿಎಸ್ ನಾಯಕರು, ಕಾರ್ಯಕರ್ತರು, ಕಾಂಗ್ರೆಸ್ ನಾಯಕರು, ಕಾರ್ಯಕರ್ತರು, ಮಂಜುನಾಥ ಗೌಡ ಅಭಿಮಾನಿಗಳು, ಸಹಕಾರಿ ನಾಯಕರು, ರೈತ ನಾಯಕರು, ಹೋರಾಟಗಾರರು ಮೊದಲ ದಿನ ಭಾಗಿಯಾಗಿದ್ದಾರೆ. 22 ಕಿ.ಮೀ ಪಾದಯಾತ್ರೆ ಮೊದಲ ದಿನಕ್ಕೆ ಅಂತ್ಯಗೊಂಡಿತು.


ಬಿದರಗೋಡಿನ ಶ್ರೀರಾಮ ಮಂದಿರದಲ್ಲಿ ಪಾದಯಾತ್ರೆಗೆ ಚಾಲನೆ ನೀಡಲಾಗಿದೆ. ಮಂಜುನಾಥಗೌಡರಿಗೆ ನಾಯಕರಾದ ಮಂದು ಬಂಗಾರಪ್ಪ, ಬೇಳೂರು ಗೋಪಾಲಕೃಷ್ಣ ಸಾಥ್ ನೀಡಿದ್ದಾರೆ. ಪಾದಯಾತ್ರೆ ಸಭೆ ಉದ್ಘಾಟಿಸಿ ಮಾತನಾಡಿದ ಗೋಪಾಲಕೃಷ್ಣ ಬೇಳೂರು, ಯಡಿಯೂರಪ್ಪ ಮತ್ತು ಮೋದಿ ಕೈ ತೋರಿಸಿದರೆ ಸಾಲದು. ರೈತರ ಪರ ನಿಲ್ಲಬೇಕು. ನಾವು ಯಾವುದೇ ಹೋರಾಟಕ್ಕೆ ಸಿದ್ಧ ಎಂದರು. ಮಧು ಬಂಗಾರಪ್ಪ ಮಾತನಾಡಿ, ರೈತರ ಪರ ಈ ಹೋರಾಟ ರಾಜ್ಯ, ದೇಶದ ಗಮನ ಸೆಳೆಯಬೇಕು ಎಂದರು. ಮಂಜುನಾಥ ಗೌಡ ಮಾತನಾಡಿ ಈ ಹೋರಾಟದಿಂದ ಎಲ್ಲಾ ಕಡೆ ಜನರನ್ನು ಒಗ್ಗೂಡಿಸಲಾಗುವುದು. ಕೇಂದ್ರ ಸರ್ಕಾರದ ಗಮನ ಸೆಳೆಯಲಾಗುವುದು ಎಂದರು. ಇಡೀ ಪಾದಯಾತ್ರೆಯಲ್ಲಿ ಜೆಡಿಎಸ್ ಬ್ಯಾನರ್ ಬಳಸದೆ ಕಸ್ತೂರಿ ರಂಗನ್ ವರದಿ ವಿರೋಧಿ ಹೋರಾಟ ಸಮಿತಿ ಹೆಸರು ಬಳಸಲಾಗಿದೆ. ಜತೆಗೆ ಹಸಿರು ಶಾಲು ಬಳಸಲಾಗಿತ್ತು. ಆದರೆ ಎಲ್ಲೂ ಜೆಡಿಎಸ್ ಹೆಸರನ್ನು ಹೆಚ್ಚು ಬಳಸಿದ್ದು ಕಂಡಿಲ್ಲ!.


ತೀರ್ಥಹಳ್ಳಿ ಮತ್ತು ಹೊಸ ನಗರ ತಾಲೂಕಿನ ಜೆಡಿಎಸ್ ನಾಯಕರಾದ ಸುಂದರೇಶ್, ರಾಘವೇಂದ್ರ ಶೆಟ್ಟಿ, ವಿದ್ಯಾಧರ ಗುರುಶಕ್ತಿ, ಕಿರಣ್ ಕಟ್ಟೆಹಕ್ಕಲು, ಸುಬ್ರಮಣ್ಯ ಮಾಸ್ತಿಕಟ್ಟೆ, ಹಾಲಗದ್ದೆ ಉಮೇಶ್, ಸಹಕಾರಿ ನಾಯಕರಾದ ವಿಜಯ ದೇವ್, ದುಗ್ಗಪ್ಪ ಗೌಡ, ಅಜಿತ್ ವಿಜಯದೇವ್, ಸುಷ್ಮಾ ಸಂಜಯ್, ಶಶಾಂಕ್ ಸೇರಿದಂತೆ ಹಲವರಿದ್ದರು.
ಕಾಂಗ್ರೆಸ್ ನಾಯಕರು ಹಾಜರ್!: ತೀರ್ಥಹಳ್ಳಿ ಕಾಂಗ್ರೆಸ್ ನಾಯಕರಾದ ಬಾಳೇಹಳ್ಳಿ ಪ್ರಭಾಕರ್, ಹಾರೊಗೊಳಿಗೆ ಪದ್ಮನಾಭ, ಕೆಳಕೆರೆ ದಿವಾಕರ್, ಹೊಸಹಳ್ಳಿ ಸುಧಾಕರ್, ಕೇಳೂರು ಮಿತ್ರ, ಕಂಪನಕೊಡಿಗೆ ಸುರೇಶ, ಈಚನಬೈಲ್ ಶಶಿಧರ್, ಶಂಕರಮನೆ ಅರುಣ್, ಮಹಾಬಲೇಶ್ ಹಸಿರುಮನೆ ಸೇರಿದಂತೆ ಬಹುತೇಕ ನಾಯಕರು ಪಕ್ಷಾತೀತವಾಗಿ ಭಾಗವಹಿಸಿದ್ದರು.


ಪ್ರಗತೀಪರರ ಸಾಥ್: ಹೋರಾಟಗಾರರಾದ ಕಲ್ಕುಳಿ ವಿಠಲ ಹೆಗ್ಡೆ, ಶ್ರೀಧರ್ ಕಲ್ಲಹಳ್ಳ, ಕೆ.ಎಲ್.ಅಶೋಕ, ಕೋಣಂದೂರು ಅಶೋಕ್ ಸೇರಿ ಬಹುತೇಕ ರೈತ ಮುಖಂಡರು ಹಾಜರಿದ್ದರು.


ಉದ್ಯಮಿಗಳ ಬೆಂಬಲ: ಮಲೆನಾಡಿನ ರೈತರ ಪರ ಹೋರಾಟವಾದ ಈ ಪಾದಯಾತ್ರೆಗೆ ಅನೇಕ ಉದ್ಯಮಿಗಳು ಬೆಂಬಲ ನೀಡಿ ಭಾಗವಹಿಸಿದ್ದರು. ತೀರ್ಥಹಳ್ಳಿ ಮೂಲದ ಬೆಂಗಳೂರು ಉದ್ಯಮಿ ಸತೀಶ್ ಹಗಲತ್ತಿ, ಸಾಗರದ ಪ್ರಶಾಂತ್ ಸೇರಿದಂತೆ ಹಲವರು ಹಾಜರಿದ್ದರು.

Categories
ಸಿನಿಮಾ

ನಟ ಧ್ರುವ ಸರ್ಜಾ ಈಗ ದುಬಾರಿ!

  • ನವೆಂಬರ್‍ನಲ್ಲಿ ಚಿತ್ರೀಕರಣ ಶುರು

ಬೆಂಗಳೂರು: ಕನ್ನಡದ ಯುವ ನಟ ಧ್ರುವ ಸರ್ಜಾ ಈಗ ದುಬಾರಿ ನಟ!. ಧ್ರುವ ಸರ್ಜಾ ನಾಯಕಾರಲಿಗಲಿರುವ ನಂದಕಿಶೋರ್ ನಿರ್ದೇಶನದ ಹೊಸ ಸಿನಿಮಾದ ಮುಹೂರ್ತ ನಗರದ ದೇವಾಲಯವೊಂದರಲ್ಲಿ ನೆರವೇರಿದೆ. ಅದರ ಹೆಸರು ದುಬಾರಿ!.
ವಾಸವಿ ಎಂಟರ್‍ಪ್ರೈಸಸ್ ಅಡಿಯಲ್ಲಿ ಉದಯ್ ಕೆ.ಮೆಹ್ತಾ ಪೆÇ್ರಡಕ್ಸನ್ಸ್ ಬ್ಯಾನರ್‍ನಲ್ಲಿ ನಿರ್ಮಾಣವಾಗುತ್ತಿರುವ, ಧ್ರುವ ಸರ್ಜಾ ನಾಯಕತ್ವದ ನೂತನ ಸಿನಿಮಾ ದುಬಾರಿಯ ಮುಹೂರ್ತ ಮತ್ತು ಶೀರ್ಷಿಕೆ ಅನಾವರಣ ನವರಂಗ ಗಣೇಶ್ ದೇವಸ್ಥಾನದಲ್ಲಿ ನೆರವೇರಿದೆ.


ಹಿರಿಯ ನಟ ದೊಡ್ಡಣ್ಣ ಮತ್ತು ನಟಿ ತಾರಾ ಆಗಮಿಸಿ ತಂಡದ ಮುಹೂರ್ತಕ್ಕೆ ಚಾಲನೆ ನೀಡಿ, ಕ್ಲಾಪ್ ಮಾಡಿದರು. ಇನ್ನುಳಿದಂತೆ ಚಿತ್ರದ ಬಹುತೇಕ ಕಲಾವಿದರು ಮತ್ತು ತಾಂತ್ರಿಕ ವರ್ಗ ಇದೇ ವೇಳೆ ಹಾಜರಾಗಿತ್ತು. ಸದ್ಯ ಮುಹೂರ್ತ ಮುಗಿಸಿಕೊಂಡಿರುವ ಚಿತ್ರತಂಡ, ಇದೇ ತಿಂಗಳ ಕೊನೆಯ ವಾರದಲ್ಲಿ ಚಿತ್ರೀಕರಣಕ್ಕೆ ನಿರ್ಧರಿಸಿದೆ.
ಪೆÇಗರು ಸಿನಿಮಾ ನಿರ್ದೇಶನ ಮಾಡಿರುವ ನಂದ ಕಿಶೋರ್, ದುಬಾರಿ ಚಿತ್ರಕ್ಕೂ ಆಕ್ಷನ್,ಕಟ್ ಹೇಳಲಿದ್ದು, ಈಗಾಗಲೇ ಚಿತ್ರಕಥೆ ಎಲ್ಲವೂ ಅಂತಿಮವಾಗಿದೆ. ಈ ಬಗ್ಗೆ ಮಾಹಿತಿ ನೀಡಿದ ನಿರ್ಮಾಪಕ ಉದಯ್ ಮೆಹ್ತಾ, ಪ್ರೀ ಪೆÇ್ರಡಕ್ಷನ್ ಕೆಲಸಗಳು ಬಹುತೇಕ ಎಲ್ಲವೂ ಮುಗಿದಿವೆ. ಇನ್ನೇನಿದ್ದರೂ ಶೂಟಿಂಗ್ ಶುರು ಮಾಡುವುದಷ್ಟೇ ಕೆಲಸ. ಇದೇ ತಿಂಗಳ ಕೊನೆಯಲ್ಲಿ ಚಿತ್ರೀಕರಣಕ್ಕೆ ಚಾಲನೆ ನೀಡಲಿದ್ದೇವೆ. ಬೆಂಗಳೂರು, ಮಂಡ್ಯ ಮತ್ತು ವಿದೇಶದ ಹಲವೆಡೆ ಶೂಟಿಂಗ್ ನಡೆಯಲಿದೆ ಎಂದಿದ್ದಾರೆ.

Categories
ಬೆಂಗಳೂರು ಹುಬ್ಬಳ್ಳಿ

ಕಪಿಮುಷ್ಠಿಯಲ್ಲಿ ನಾಯಕನ ಪತ್ನಿ ಅತಂತ್ರ!

ಹತ್ಯೆಯಾದ ಯೋಗೇಶಗೌಡ ಪತ್ನಿ ಮಲ್ಲಮ್ಮನ ಶೋಚನೀಯ ಸ್ಥಿತಿ

ರಿಯಲ್ ಸ್ಟೋರಿ: ನಮ್ಮೂರ್ ಎಕ್ಸ್‍ಪ್ರೆಸ್: ಬಿ.ಕೆ.ಮಹೇಂದ್ರ
ಹುಬ್ಬಳ್ಳಿ: ಅತ್ತ ಪತಿಯನ್ನೂ ಕಳೆದುಕೊಂಡು ಇತ್ತ ಗಂಡನ ಕುಟುಂಬಸ್ಥರ ವಿಶ್ವಾಸವನ್ನೂ ಕಳೆದುಕೊಂಡಿರುವ ಕೊಲೆಯಾದ ಜಿಪಂ ಸದಸ್ಯ ಯೋಗೇಶ ಗೌಡ ಗೌಡನ ಪತ್ನಿ ಮಲ್ಲಮ್ಮ ಗೌಡರ್, ರಾಜಕಾರಣಿಗಳ ಕಪಿಮುಷ್ಠಿಯಲ್ಲಿ ಸಿಲುಕಿ ಹಾಕಿಕೊಂಡು ಇಡೀ ಬದುಕು ನರಕವನ್ನಾಗಿಸಿಕೊಂಡರೇ..?
ಇಂತಹದೊಂದು ಯಕ್ಷ ಪ್ರಶ್ನೆ ಧಾರವಾಡ ಜಿಲ್ಲೆಯಾದ್ಯಂತ ಶ್ರೀಸಾಮಾನ್ಯರ ಬಾಯಿಯಿಂದ ಕೇಳಿ ಬರಲಾರಂಭಿಸಿದೆ. ಇದಕ್ಕೆ ಕಾರಣವೂ ಇಲ್ಲದ್ದಿಲ್ಲ. ಪತಿಯ ಕೊಲೆಯಾದ ಸಂದರ್ಭದಲ್ಲಿ ಆಗ ಸಚಿವರಾಗಿದ್ದ ವಿನಯ ಕುಲಕರ್ಣಿ ಸೇರಿದಂತೆ ಕಾಂಗ್ರೆಸ್ ವಿರುದ್ಧ ಬಿಜೆಪಿಯ ನಾಯಕರೊಂದಿಗೆ ತೊಡೆ ತಟ್ಟಿದ್ದ ಮಲ್ಲಮ್ಮ, ಬದಲಾದ ಸನ್ನಿವೇಶದಲ್ಲಿ ಕಾಂಗ್ರೆಸ್ ಜತೆ ಗುರುತಿಸಿಕೊಳ್ಳುವ ಮೂಲಕ ಇತ್ತ ಬಿಜೆಪಿ ಹಾಗೂ ಅತ್ತ ಗಂಡನ ಮನೆಯವರ ಆಕ್ರೋಶಕ್ಕೆ ಕಾರಣವಾಗಿದ್ದಳು.


ಅತಂತ್ರ ಸ್ಥಿತಿಯಲ್ಲಿ ಮಲ್ಲಮ್ಮ!: 2015ರಲ್ಲಿ ತನ್ನ ಪತಿಯನ್ನು ಹಾಡಹಗಲೇ ಕೊಲೆಯಾಗಿದ್ದಾರೆಂಬ ಸುದ್ದಿ ತಿಳಿದು ಗರಬಡಿದಂತೆ ಮಲ್ಲಮ್ಮ ಬಿದ್ದುಕೊಂಡಿದ್ದಳು. ಇಡೀ ಪ್ರಕರಣದಲ್ಲಿ ರಾಜಕೀಯ ಹಾಸುಹೊಕ್ಕಾಗಿದೆ ಎಂಬ ವಿಷಯ ತಿಳಿಯುತ್ತಲೇ ಆಗ ಪ್ರತಿಪಕ್ಷ ಸ್ಥಾನದಲ್ಲಿದ್ದ ಬಿಜೆಪಿಗರು, ಯೋಗೇಶಗೌಡನ ಮನೆಗೆ ತೆರಳಿ ಸಂತಾಪದ ಹೊಳೆಯನ್ನೇ ಹರಿಸಿದ್ದರು. ಮಾತ್ರವಲ್ಲದೇ, ಇಡೀ ಪ್ರಕರಣ ಸಮರ್ಥವಾಗಿ ಬಳಸಿಕೊಳ್ಳಲು ಹವಣಿಸಿದ್ದರು.


ಆದರೆ, ರಾಜಕೀಯದ ಗಂಧಗಾಳಿಯೂ ಅರಿಯದ ಮುಗ್ದ ಮಲ್ಲಮ್ಮ, ಮೊದ-ಮೊದಲು ಬಿಜೆಪಿಗರ ಪ್ರತಿಯೊಂದು ಮಾತಿಗೆ ತಲೆ ಅಲ್ಲಾಡಿಸಿದ್ದಳು. ಇದು ಸಹಜವಾಗಿಯೂ ಆಗಿನ ಆಡಳಿತ ಪಕ್ಷದ ನಾಯಕರು ಸೇರಿದಂತೆ ಜಿಲ್ಲಾ ಉಸ್ತುವಾರಿ ಸಚಿವರಾಗಿದ್ದ ವಿನಯ ಕುಲಕರ್ಣಿ ಹಾಗೂ ಅವರ ಬೆಂಬಲಿಗರ ಕಣ್ಣು ಕೆಂಪಾಗಿಸಿತ್ತು. ಇಲ್ಲಿಂದ ಆರಂಭಗೊಂಡ ಈ ಕೊಲೆ ರಾಜಕಾರಣದಲ್ಲಿ ಮೈಕಾಸಿಕೊಳ್ಳಲು ರಾಜಕೀಯ ಪಕ್ಷಗಳು ಮಾತ್ರವಲ್ಲದೇ, ಅಧಿಕಾರಿಗಳು ಸಹಾ ರಾಜಕೀಯ ಮುಖಂಡರ ಕೃಪಾಕಟಾಕ್ಷೆ ಗಿಟ್ಟಿಸಿಕೊಳ್ಳು ಮಾಡಿದ ಹರಸಾಹಸ ಅಷ್ಟಿಷ್ಟಲ್ಲ.!


ಬಿಜೆಪಿಯಿಂದ ಸ್ಪರ್ಧೆ: ಪತಿ ಯೋಗೇಶ ಗೌಡನ ಕೊಲೆಯಾದ ನಂತರ, ನಡೆದ ರಾಜಕೀಯ ವಿದ್ಯಮಾನಗಳನ್ನು ಗ್ರಹಿಸದ ಮಲ್ಲಮ್ಮ, ಬಿಜೆಪಿಯಿಂದ ಜಿಲ್ಲಾ ಪಂಚಾಯ್ತಿಗೆ ಸ್ಪರ್ಧಿಸಿದ್ದರು. ಆದರೆ, ಈ ಚುನಾವಣೆಯಲ್ಲಿ ಸೋಲುಂಡರು. ಯೋಗೇಶ ಗೌಡನ ಕೊಲೆಯಿಂದಾಗಿ ಸಹಜವಾಗಿಯೇ ಅನುಕಂಪದ ಅಲೆಯಲ್ಲಿ ಮಲ್ಲಮ್ಮ ತೇಲಿ ಬರುತ್ತಾಳೆ ಎಂಬ ಬಿಜೆಪಿಗರ ಕನಸು ಇಲ್ಲಿಗೆ ನುಚ್ಚುನೂರಾಗಲಿಕ್ಕೆ ಸಾಕು. ದಿನಕಳೆದಂತೆ ಬಿಜೆಪಿ ಮಲ್ಲಮ್ಮಳ ಕಡೆಗಣಿಸಲಾರಂಭಿಸಿತು.


ಕಾಂಗ್ರೆಸ್ ಸೇರ್ಪಡೆ: ಈ ಮಧ್ಯೆ, ಎದುರಾದ 2018 ವಿಧಾನಸಭೆ ಚುನಾವಣೆಯಲ್ಲಿ ಮತ್ತೇ ಯೋಗೇಶ ಗೌಡನ ಕೊಲೆ ಪ್ರಕರಣವನ್ನು ಬಿಜೆಪಿಗರು ಧಾಳವನ್ನಾಗಿ ಪರಿವರ್ತಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಂತೆಯೇ ಎಚ್ಚತ್ತುಕೊಂಡ ಕಾಂಗ್ರೆಸ್ ಶತಾಯ-ಗತಾಯ ಮಲ್ಲಮ್ಮಳ ಮನವೊಲಿಸಿ ಕಾಂಗ್ರೆಸ್ ಪಕ್ಷಕ್ಕೆ ಸೇರಿಸಿಕೊಂಡರು. ತನ್ನ ಪತಿಯ ಕೊಲೆಯಲ್ಲಿ ಕಾಂಗ್ರೆಸ್‍ನ ಹಿರಿಯ ನಾಯಕರ ಕೈವಾಡವಿದೆ ಎಂದು ಆರೋಪಿಸುತ್ತಲೇ ಬಂದಿದ್ದ ಮಲ್ಲಮ್ಮ, ಏಕಾಏಕಿ ಕಾಂಗ್ರೆಸ್ ಪಕ್ಷ ಸೇರ್ಪಡೆಯಾಗಿದ್ದು ಆಕೆಯ ಮನೆತನಕ್ಕೆ ಮಾತ್ರವಲ್ಲದೇ ಕ್ಷೇತ್ರ ಜನತೆಯಲ್ಲೂ ಸಾಕಷ್ಟು ಸಂಶಯ ಹುಟ್ಟು ಹಾಕಿತ್ತು ಎಂಬುದನ್ನು ಇಲ್ಲಿ ಉಲ್ಲೇಖಿಸಬಹುದು.


ಆದರೆ, ಈ ಸಂದರ್ಭದಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದ ಮಲ್ಲಮ್ಮ, ತಾನು ಯಾವುದೇ ಆಮಿಷಕ್ಕೊಳಗಾಗಿ ಕಾಂಗ್ರೆಸ್ ಸೇರಿಲ್ಲ. ತನ್ನ ಮಕ್ಕಳ ಸುರಕ್ಷತೆಗಾಗಿ ಸೇರಿದ್ದೆ ಎಂದು ಹೇಳಿಕೊಂಡಿದ್ದಳು. ಇದೀಗ ಯೋಗೇಶ ಗೌಡನ ಕೊಲೆ ಪ್ರಕರಣದಲ್ಲಿ ಸೋಮವಾರವಷ್ಟೇ ಸಿಬಿಐ ಅಧಿಕಾರಿಗಳು ಮಾಜಿ ಸಚಿವ ವಿನಯ ಕುಲಕರ್ಣಿ ಅವರನ್ನು ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸುತ್ತಿದ್ದರೇ, ಅವರ ಸಹೋದರ ವಿಜಯ ಕುಲಕರ್ಣಿ ಹಾಗೂ ಕುಟುಂಬದ ಮತ್ತಿತರ ಸದಸ್ಯರನ್ನು ವಿಚಾರಣೆಗೊಳಪಡಿಸಿದ್ದನ್ನು ಮಲ್ಲಮ್ಮ, ಸ್ವಾಗತಿಸಿದ್ದಾರಲ್ಲದೇ ಈ ಕ್ರಮ ತಮಗೆ ಸಂತಸ ತಂದುಕೊಟ್ಟಿದೆ ಎಂದು ಹೇಳಿಕೊಂಡಿದ್ದು ಸಹಜವಾಗಿಯೇ ಕೈ ನಾಯಕರನ್ನು ಆಕ್ರೋಶಕ್ಕೀಡು ಮಾಡಿದೆ. ಕಾಂಗ್ರೆಸ್, ಬಿಜೆಪಿ ಹಾಗೂ ಕುಟುಂಬಸ್ಥರಿಂದ ದೂರವಾಗಿರುವ ಮಲ್ಲಮ್ಮ, ಅಕ್ಷರಶಃ ಅತಂತ್ರಳಾಗಿದ್ದಾಳೆ.