ಕಾರ್ಕಳದಲ್ಲಿ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಸರ್ಕಾರಿ ಕಟ್ಟಡದ ಸಮಸ್ಯೆಗಳು
– ಸುಮಾರು 12 ಕ್ಕಿಂತ ಹೆಚ್ಚು ಕಟ್ಟಡಗಳು 70 ವರ್ಷಕ್ಕಿಂತ ಹಳೆಯದಾದ ಕಟ್ಟಡಗಳಾಗಿವೆ
– ಸಿಬ್ಬಂದಿಗಳು ಕರ್ತವ್ಯ ನಿರ್ವಹಿಸುತಿದ್ದ ಸಂದರ್ಭದಲ್ಲಿ ಪಕ್ಕಾಸು ತುಂಡಾಗಿ ಬಿದ್ದಿದೆ
NAMMUR EXPRESS NEWS
ಕಾರ್ಕಳ:
ಕಾರ್ಕಳ ಹಾಗೂ ಹೆಬ್ರಿ ತಾಲೂಕಿನಲ್ಲಿ ಒಟ್ಟು 39 ಕಂದಾಯ ಗ್ರಾಮ ಗಳಿದ್ದು ಅದರಲ್ಲಿ 32 ಗ್ರಾಮ ವೃತ್ತಗಳಿವೆ. ಅದರಲ್ಲಿ ತಾಲೂಕು ಕಚೇರಿ ಹಾಗೂ ಗ್ರಾಮಗಳು ಸೇರಿದಂತೆ ಒಟ್ಟು 25 ಗ್ರಾಮ ಆಡಳಿತ ಅಧಿಕಾರಿಗಳು ಕರ್ತವ್ಯ ಸಲ್ಲಿಸುತಿದ್ದಾರೆ. ಅದರಲ್ಲೂ ಹೆಬ್ರಿ ತಾಲೂಕು ವ್ಯಾಪ್ತಿಯಲ್ಲಿ ಒಟ್ಟು 16 ಕಂದಾಯ ಗ್ರಾಮ ಗಳಿದ್ದು 9 ಗ್ರಾಮ ವೃತ್ತಗಳಿವೆ ಅದರಲ್ಲಿ ತಾಲೂಕು ಕಛೇರಿ ಹಾಗೂ ಗ್ರಾಮ ಮಟ್ಟದಲ್ಲಿ ಒಟ್ಟು 7 ಜನ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.
70 ವರ್ಷಗಳ ಹಳೆಯ ಕಟ್ಟಡಗಳು : ಕಾರ್ಕಳ ತಾಲೂಕಿನ ಮರ್ಣೆ , ಅಂಡಾರು ,ಎಳ್ಲಾರೆ , ಇರ್ವತ್ತೂರು, ಈದು, ನಲ್ಲೂರು , ಹೆರ್ಮುಂಡೆ, ರೆಂಜಾಳ ಹೆಬ್ರಿ ತಾಲೂಕಿನ ಮಡಾಮಕ್ಕಿ, ಬೆಳ್ವೆ, ಕುಚ್ಚೂರು, ಶಿವಪುರ ವರಂಗ ಮುದ್ರಾಡಿ, ಸುಮಾರು 70 ವರ್ಷದ ಹಳೆಯ ಕಟ್ಟಡಗಳಾಗಿವೆ. ಅದರಲ್ಲೂ ನಾಡ್ಪಾಲು ಗ್ರಾಮದ ಗ್ರಾಮಾಡಳಿತ ಕಚೇರಿಗೆ ಕೇವಲ ತಗಡು ಶೀಟ್ ಹೊಂದಿಸಿ ನಿಲ್ಲಿಸಲಾಗಿದ್ದರು ಅದರಲ್ಲಿ ಗ್ರಾಮದ ದಾಖಲೆಗಳನ್ನು ಇಡಲು ಸರಿಯಾದ ವ್ಯವಸ್ಥೆ ಗಳು ಕೂಡ ಇಲ್ಲ . ಇರ್ವತ್ತೂರು ವಿ ಎ ಕಛೇರಿ ಶಾಲೆ ಕಟ್ಟಡದಲ್ಲಿ , ಎಳ್ಳಾರೆ ವಿ ಎ ಕಛೇರಿ ಖಾಸಗಿ ಭೂಮಿಯಲ್ಲಿ ಕಾರ್ಯ
ನಿರ್ವಹಿಸುತ್ತಿದೆ.
ಪಂಚಾಯತ್ ಕಟ್ಟಡದ ಲ್ಲಿ ಗ್ರಾಮಾಧಿಕಾರಿ ಕಚೇರಿ:
ಗ್ರಾಮಾಡಳಿತ ಕಚೇರಿಗಳು ಸಾರ್ವಜನಿಕರಿಗೆ ಮನೆಕಟ್ಟಲು ಕಂದಾಯ ಭೂಮಿಯನ್ನು ಗುರುತಿಸಿ ಸರಕಾರಕ್ಕೆ ವರದಿ ನೀಡುತ್ತವೆ. ಅದರೆ ಅದರಲ್ಲೂ ತಮ್ಮ ಸ್ವಂತ ಕಟ್ಟಡ ವನ್ನು ನಿರ್ಮಾಣ ಮಾಡುವಲ್ಲಿ ಸ್ಥಳ ನಿಗದಿ ಮಾಡುವಲ್ಲಿ ಸರಕಾರಗಳ ಇಚ್ಛಾಶಕ್ತಿ ಕೊರತೆ ಎದ್ದುಕಾಣುತ್ತದೆ. ಕಾರ್ಕಳ ತಾಲೂಕಿನ ಹೆರ್ಮುಂಡೆ, ಮರ್ಣೆ ಅಂಡಾರು, ಮಾಳ ಕೆರುವಾಶೆ, ಎರಲಪಾಡಿ, ನೀರೆ ಬೈಲೂರು, ಇರ್ವತ್ತೂರು, ಪಳ್ಳಿ, ನಲ್ಲೂರು ,ರೆಂಜಾಳ ಮುಡಾರು, ಈದು , ಮಿಯ್ಯಾರು, ನಿಟ್ಟೆ , ಬೋಳ, ಕಾಂತಾವರ , ಸಾಣೂರು, ಕೆರುವಾಶೆ , ಮುಂಡ್ಕೂರು ,ಇನ್ನಾ ,ಕಲ್ಯಾ ,ನಿಟ್ಟೆ ಹೆಬ್ರಿ ತಾಲೂಕಿನ ಮಡಮಕ್ಕಿ, ಬೆಳ್ವೆ, ಕುಚ್ಚೂರು , ಶಿವಪುರ ವರಂಗ , ಮುದ್ರಾಡಿ ಎಲ್ಲಾ ಕಛೇರಿಗಳು ಗ್ರಾಮ ಪಂಚಾಯತ್ ನ ಕಟ್ಟಡಗಳಲ್ಲಿಯೆ ಕಾರ್ಯನಿರ್ವಹಿಸುವ ಅನಿವಾರ್ಯ ತೆ ಯಿದೆ .
ಟಾಯ್ಲೆಟ್ ವ್ಯವಸ್ಥೆ ಯೆ ಇಲ್ಲಾ; ಜಿಲ್ಲಾಡಳಿತ ಎಲ್ಲೆಡೆ ಶೌಚಾಲಯ ನಿರ್ಮಿಸಬೇಕು ಎಂದು ಪಣ ತೊಟ್ಟಿದ್ದರು ,ಗ್ರಾಮಾಡಳಿತ ಕಛೇರಿಗಳಲ್ಲಿ ಶೌಚಾಲಯ ವ್ಯವಸ್ಥೆ ಗಳೆ ಇಲ್ಲಾ. ಅದರಲ್ಲೂ ಕಾರ್ಕಳ ತಾಲೂಕಿನ ಶೇ60% ಗ್ರಾಮಾಡಳಿತ ಅಧಿಕಾರಿಗಳು ಮಹಿಳಾ ಸಿಬ್ಬಂದಿಗಳಾಗಿದ್ದಾರೆ . ಹೆಬ್ರಿ ತಾಲೂಕಿನಲ್ಲಿ ಓರ್ವ ಗ್ರಾಮಾಡಳಿತ ಮಹಿಳಾ ಅಧಿಕಾರಿಯಿದ್ದರು , ಅವರು ಕಾರ್ಯ ನಿರ್ವಹಿಸುವ ಕಛೇರಿಯಲ್ಲಿ ಅಲ್ಲೂ ಟಾಯ್ಲೆಟ್ ನಿರ್ಮಾಣ ವಾಗಿಲ್ಲ. ಅದರಲ್ಲೂ ಮಹಿಳೆಯರು ಮಾತ್ರ ಸ್ಥಳೀಯ ಖಾಸಗಿ ಮನೆಗಳನ್ನು ಆಸರಯಿಸಬೇಕಾಗಿದೆ
ಪಕ್ಕಾಸು ಬಿದ್ದಾಗ ಎದ್ದು ಓಡಿದರು ; ಎಳ್ಳಾರೆ ಗ್ರಾಮಾಡಳಿತ ಕಛೇರಿಯಲ್ಲಿ ಕಳೆದ 9ದಿನಗಳ ಹಿಂದೆ ಸಿಬ್ಬಂದಿಗಳು ಕರ್ತವ್ಯ ನಿರ್ವಹಿಸುತಿದ್ದ ಸಂದರ್ಭದಲ್ಲಿ ಪಕ್ಕಾಸು ತುಂಡಾಗಿ ಬಿದ್ದಿತ್ತು ಆದರೆ ಗ್ರಾಮಾಡಳಿತ ಅಧಿಕಾರಿಯ ಸಮಯಪ್ರಜ್ಞೆಯಿಂದ ನಡೆಯಲಿದ್ದ ಭಾರಿ ದುರಂತ ತಪ್ಪಿಹೋಗಿತ್ತು .ಸುಮಾರು 70 ವರ್ಷಗಳ ಹಳೆಯ ಕಟ್ಟಡಗಳಾಗಿದ್ದ ಕಾರಣ ಮರದ ರೀಪುಗಳು ತುಂಡಾಗಿ ಹಂಚುಗಳು ನೇತಾಡುತ್ತಿವೆ. ಅಧಿಕಾರಿಗಳು ಜೀವವನ್ನು ಪಣಕ್ಕಿಟ್ಟುಕೊಂಡು ಕಾರ್ಯನಿರ್ವಹಿಸುವ ಒತ್ತಡಗಳಿವೆ.
ಶಾಸಕರ ನಿಧಿಯೆ ಶ್ರೀರಕ್ಷೆ: ಹೊಸ ಕಟ್ಟಡ ನಿರ್ಮಾಣಕ್ಕೆ ಸ್ಥಳೀಯ ಕಾರ್ಕಳ ಸಾಸಕ ವಿ ಸುನಿಲ್ ಕುಮಾರ್ ತಮ್ಮ ಶಾಸಕರ ನಿಧಿ ಹಾಗೂ ಗ್ರಾಮ ಪಂಚಾಯತಿ ಸಹಕಾರದೊಂದಿಗೆ ಹಿರ್ಗಾನ 10ಲಕ್ಷ ಹಾಗೂ ಕುಕ್ಕುಂದೂರು ಗ್ರಾಮದ ಗ್ರಾಮಾಧಿಕಾರಿ ಕಛೇರಿಗಳು ಹೊಸದಾಗಿ ನಿರ್ಮಾಣ ಮಾಡಲಾಗಿದೆ. ಅದರಲ್ಲೂ ಸೂಡ ಕಛೇರಿ 5 ಲಕ್ಷ ರೂಗಳ ಶಾಸಕರ ಅನುದಾನಿಂದ ನವೀಕರಣ ಮಾಡಲಾಗಿದೆ.ಇನ್ನೂ ನೀರೆ ಗೆ 5 ಲಕ್ಷ ,ಕೌಡೂರು 5 ಲಕ್ಷ ನಂದಳಿಕೆ ಗೆ 5 ಲಕ್ಷ ಹಣವನ್ನು ಗ್ರಾಮಾಡಳಿತ ಕಛೇರಿ ಮೀಸಲಿಡಲಾಗಿದೆ.
ಗ್ರಾಮ ಆಡಳಿತಾಧಿಕಾರಿ ಕಛೇರಿ ಹಾಗು ಶೌಚಾಲಯ ನಿರ್ಮಾಣಕ್ಕಾಗಿ ಅನುದಾನ ವನ್ನ ಸರಕಾರದ ಆದ್ಯತೆ ಮೇರೆಗೆ ಬಿಡುಗಡೆ ಮಾಡಬೇಕು.
ವಿ ಸುನಿಲ್ ಕುಮಾರ್
ಶಾಸಕರು ,ಹಾಗೂ ಮಾಜಿ ಸಚಿವರು