Categories
ಚಿಕ್ಕಮಗಳೂರು ಬೆಂಗಳೂರು ಮಲ್ನಾಡ್ ಶೃಂಗೇರಿ

ಕಾಫಿ ನಾಡಲ್ಲಿ ಜೀವರಾಜೋತ್ಸವ..!

ಕಾಫಿ ನಾಡಲ್ಲಿ ಜೀವರಾಜೋತ್ಸವ..!
– ರಾಜ್ಯ ಬಿಜೆಪಿ ನಾಯಕರ ಭೇಟಿ ಮಾಡಿದ ಜೀವರಾಜ್
– ಶೃಂಗೇರಿ ಕ್ಷೇತ್ರದ ಹಳ್ಳಿ ಹಳ್ಳಿಯಲ್ಲೂ ಸಂಭ್ರಮ
– ಯಡಿಯೂರಪ್ಪ ಸೇರಿ ಎಲ್ಲಾ ನಾಯಕರ ಸಂತಸ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಬೆಂಗಳೂರು/ ಶೃಂಗೇರಿ: ಬಿಜೆಪಿ ನಾಯಕ ಜೀವರಾಜ್ ಶಾಸಕರಾಗಿ ಆಯ್ಕೆಯಾಗಿದ್ದು ರಾಷ್ಟ್ರೀಯ ಹಾಗೂ ರಾಜ್ಯದ ಬಿಜೆಪಿ ನಾಯಕರು ಅಭಿನಂದನೆಗಳನ್ನು ಸಲ್ಲಿಸಿ ಸಂತಸ ವ್ಯಕ್ತಪಡಿಸಿದ್ದಾರೆ. ಯಡಿಯೂರಪ್ಪ, ಪ್ರಹ್ಲಾದ್ ಜೋಶಿ, ಆರಗ ಜ್ಞಾನೇಂದ್ರ, ಸುರೇಶ ಕುಮಾರ್, ವಿಜಯೇಂದ್ರ ಸೇರಿ ಬಹುತೇಕ ನಾಯಕರು ಶುಭ ಹಾರೈಸಿದ್ದಾರೆ. ಇನ್ನು ಶೃಂಗೇರಿ ಕ್ಷೇತ್ರದ ಕೊಪ್ಪ, ಶೃಂಗೇರಿ, ನರಸಿಂಹ ರಾಜಪುರ ಸೇರಿ ಹಳ್ಳಿ ಹಳ್ಳಿಗಳಲ್ಲಿ ತಾಲೂಕು ಕೇಂದ್ರಗಳಲ್ಲಿ ಪಕ್ಷದ ಅಧ್ಯಕ್ಷರ ಸಮ್ಮುಖದಲ್ಲಿ ವಿಜಯೋತ್ಸವ ನಡೆದಿದೆ. ಅಲ್ಲದೆ ಜೀವರಾಜ್ ಅವರಿಗೆ ಎಲ್ಲೆಡೆ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ.

ರಾಜ್ಯ ಬಿಜೆಪಿಯಿಂದ ಅಭಿನಂದನೆ

ರಾಜ್ಯಾಧ್ಯಕ್ಷರಾದ ವಿಜಯೇಂದ್ರ ಯಡಿಯೂರಪ್ಪ ಅವರು ಶೃಂಗೇರಿ ಕ್ಷೇತ್ರದ ನೂತನ ಶಾಸಕರಾಗಿ ಚುನಾಯಿತರಾದ ಡಿ. ಎನ್. ಜೀವರಾಜ್‌ ಅವರನ್ನು ಬೆಂಗಳೂರಲ್ಲಿ ಆಭಿನಂದಿಸಿದರು. ಬಳಿಕ ಡಿ. ಎನ್. ಜೀವರಾಜ್‌ ಅವರು ಮಾಜಿ ಮುಖ್ಯಮಂತ್ರಿಗಳಾದ ಬಿ. ಎಸ್.‌ ಯಡಿಯೂರಪ್ಪ ಅವರನ್ನು ಭೇಟಿ ಮಾಡಿ ಮಾರ್ಗದರ್ಶನ ಪಡೆದರು. ಮಾಜಿ ಶಾಸಕರಾದ ಎಂ. ಡಿ. ಲಕ್ಷ್ಮೀನಾರಾಯಣ್‌ ಮತ್ತು ಮುಖಂಡರಾದ ಜಿ. ಮರಿಸ್ವಾಮಿ ಅವರು ಉಪಸ್ಥಿತರಿದ್ದರು.

ಹಳ್ಳಿ ಹಳ್ಳಿಗಳಲ್ಲೂ ಸಂಭ್ರಮ: ವಿಜಯೋತ್ಸವ

ಇನ್ನು ಶೃಂಗೇರಿ ಕ್ಷೇತ್ರದ ಕೊಪ್ಪ, ಶೃಂಗೇರಿ, ನರಸಿಂಹ ರಾಜಪುರ ಸೇರಿ ಹಳ್ಳಿ ಹಳ್ಳಿಗಳಲ್ಲಿ ತಾಲೂಕು ಕೇಂದ್ರಗಳಲ್ಲಿ ಪಕ್ಷದ ಅಧ್ಯಕ್ಷರ ಸಮ್ಮುಖದಲ್ಲಿ ವಿಜಯೋತ್ಸವ ನಡೆದಿದೆ. ಕೊಪ್ಪದಲ್ಲಿ ಹೊಸೂರು ದಿನೇಶ್, ಪುಣ್ಯಪಾಲ್ ನೇತೃತ್ವದಲ್ಲಿ, ಹರಿಹರಪುರದಲ್ಲಿ ರಾಮಸ್ವಾಮಿ, ನರಸಿಂಹರಾಜಪುರದಲ್ಲಿ ನಿಲೇಶ್ ನೇತೃತ್ವದಲ್ಲಿ, ಶೃಂಗೇರಿಯಲ್ಲಿ ಕೂಡ ಅಧ್ಯಕ್ಷರ ನೇತೃತ್ವದಲ್ಲಿ ವಿಜಯೋತ್ಸವ ನಡೆಯಿತು. ಚಿಕ್ಕಮಗಳೂರಲ್ಲಿ ಕೂಡ ಸಂಭ್ರಮಾಚರಣೆ ನಡೆಯಿತು.

3 ವರ್ಷ ಅನ್ಯಾಯ ಆಗಿತ್ತು… ಯಡಿಯೂರಪ್ಪ

ಜೀವರಾಜ್ ಓರ್ವ ಜನ ಸೇವಕ. ಅವರಿಗೆ 3 ವರ್ಷ ಅನ್ಯಾಯ ಆಗಿತ್ತು.
ಇದೀಗ ನ್ಯಾಯ ಸಿಕ್ಕಿದೆ. ಅವರಿಗೆ ಒಳ್ಳೆಯದಾಗಲಿ.

– ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

“ನ್ಯಾಯ ವಿಳಂಬವಾಗಬಹುದು, ಆದರೆ ಸೋಲಲು ಸಾಧ್ಯವಿಲ್ಲ.”

ಆದಿಗುರು ಶಂಕರಾಚಾರ್ಯರ ಪವಿತ್ರ ಭೂಮಿಯಾದ ಶೃಂಗೇರಿಯಲ್ಲಿ ಸತ್ಯ ಗೆದ್ದಿದೆ. ಮೂರು ವರ್ಷಗಳ ನಂತರ, ನ್ಯಾಯಾಲಯದ ಆದೇಶದಂತೆ ನಡೆದ ಅಂಚೆ ಮತಗಳ ಮರು ಎಣಿಕೆಯಲ್ಲಿ ಬಿಜೆಪಿ ಅಭ್ಯರ್ಥಿ ಶ್ರೀ ಡಿ.ಎನ್. ಜೀವರಾಜ್ ಅವರು ವಿಜಯಶಾಲಿಯಾಗಿದ್ದಾರೆ. ಸಂವಿಧಾನಾತ್ಮಕ ಹೋರಾಟಕ್ಕೆ ಇಂದು ನ್ಯಾಯ ಸಿಕ್ಕಿದೆ. ಪ್ರಜಾಪ್ರಭುತ್ವ ಗೆದ್ದಿದೆ.
– ಸಿ.ಟಿ.ರವಿ

Categories
ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ಟಾಪ್ 3 ನ್ಯೂಸ್ ತೀರ್ಥಹಳ್ಳಿ

ಟಾಪ್ 3 ನ್ಯೂಸ್ ತೀರ್ಥಹಳ್ಳಿ

– ತೀರ್ಥಹಳ್ಳಿ ಪಟ್ಟಣದ ಹಳೆ ಕಟ್ಟಡಗಳು ಮಾಯ!
– ತೀರ್ಥಹಳ್ಳಿ ಪಟ್ಟಣ ಸಮೀಪವೇ ಚಿರತೆ ಮರಿಗಳು ಪ್ರತ್ಯಕ್ಷ!
– ತೀರ್ಥಹಳ್ಳಿಯಿಂದ ಬಾಳೆಬರೆ ದೇವಸ್ಥಾನದವರೆಗೆ 3 ಬಸ್ ಸೇವೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಲ್ಲಿ ಚಿರತೆ ಹೆಚ್ಚಿವೆ. ಕಳೆದೆರಡು ದಿನಗಳ ಹಿಂದೆ ಮೇಲಿನಕುರುವಳ್ಳಿಯ ಮುಖ್ಯರಸ್ತೆಯ ಪಕ್ಕದಲ್ಲೇ ಎರಡು ಚಿರತೆ ಮರಿಗಳು ಬಿಸಿಲಿಗೆ ಕುಳಿತಿರುವುದು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಎಲ್ಲೆಡೆ ಈ ದೃಶ್ಯಾವಳಿಯು ಹರಿದಾಡಿದೆ. ಅಲ್ಲದೆ ಚಿಟ್ಟೇಬೈಲು ಮತ್ತು ಯಡಗುಡ್ಡೆ ಭಾಗದ ಆಸುಪಾಸಿನಲ್ಲಿಯೂ ಕೂಡ ಚಿರತೆ ಮರಿಗಳು ಪ್ರತಿದಿನ ಕಾಣಸಿಗುತ್ತಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ. ಜೊತೆಗೆ ಇದಕ್ಕೆ ಸಂಬಂಧಿಸಿದಂತೆ ಅರಣ್ಯ ಇಲಾಖೆಯವರು ಸೂಕ್ತ ಕ್ರಮವನ್ನು ಕೈಗೊಳ್ಳಬೇಕೆಂದು ಆಗ್ರಹ ಪಡಿಸಿದ್ದಾರೆ.

ತೀರ್ಥಹಳ್ಳಿಯಿಂದ ಬಾಳೆಬರೆ ದೇವಸ್ಥಾನದವರೆಗೆ 3 ಬಸ್ ಸೇವೆ

ತೀರ್ಥಹಳ್ಳಿ: ತೀರ್ಥಹಳ್ಳಿಯಿಂದ ಬಾಳೆಬರೆ ದೇವಸ್ಥಾನದವರೆಗೆ ದಿನಕ್ಕೆ ಮೂರು ಸರ್ಕಾರಿ ಬಸ್ ಸೇವೆ ಲಭ್ಯವಾಗುವಂತೆ ಶಿವಮೊಗ್ಗ ಜಿಲ್ಲಾ ಉಸ್ತುವಾರಿ ಹಾಗೂ ಶಿಕ್ಷಣ ಸಚಿವರಾದ ಮಧು ಬಂಗಾರಪ್ಪ ಅವರು ವ್ಯವಸ್ಥೆ ಕಲ್ಪಿಸಿಕೊಟ್ಟಿದ್ದಾರೆ. ಕಳೆದ ತಿಂಗಳು ಹುಲಿಕಲ್ ಘಾಟಿ ಮಣ್ಣು ಕುಸಿತದ ದುರಂತದ ಬಳಿಕ ಸ್ಥಳಕ್ಕೆ ಭೇಟಿ ನೀಡಿದ ಮಧು ಬಂಗಾರಪ್ಪ ಅವರಿಗೆ ಅಲ್ಲಿನ ಜನರು ಬಸ್ ವ್ಯವಸ್ಥೆಯ ಕುರಿತು ಸಚಿವರಿಗೆ ಮನವಿಯನ್ನು ಸಲ್ಲಿಸಿದ್ದರು.

ಇದಕ್ಕೆ ತಕ್ಷಣ ಸ್ಪಂದಿಸಿರುವ ಸಚಿವರು ಈ ಕೂಡಲೇ ಬಸ್ ವ್ಯವಸ್ಥೆ ಕಲ್ಪಿಸಿಕೊಡುವಂತೆ ಸಂಬಂಧಿತ ಅಧಿಕಾರಿಗಳಿಗೆ ಆದೇಶಿಸಿದ್ದರು.ಈ ಹಿನ್ನೆಲೆಯಲ್ಲಿ ಮೇ 4ರ ಸೋಮವಾರದಿಂದ ತೀರ್ಥಹಳ್ಳಿಯಿಂದ ಬಾಳೆಬರೆ ದೇವಸ್ಥಾನದವರೆಗೆ ಮೂರು ಸರ್ಕಾರಿ ಬಸ್ ಗಳಿಗೆ ಚಾಲನೆ ದೊರೆತಿದ್ದು, ಇದು ತೀರ್ಥಹಳ್ಳಿ-ಕೈಮರ- ಯಡೂರು-ಮಾಸ್ತಿಕಟ್ಟೆ ಮಾರ್ಗವಾಗಿ ಹುಲಿಕಲ್(ಬಾಳೆಬರ) ಚಂಡಿಕಾಂಬ ದೇವಸ್ಥಾನದವರೆಗೆ ದಿನಕ್ಕೆ ಮೂರು ಬಾರಿ ಸಂಚರಿಸಲಿದೆ ಎನ್ನುವ ಮಾಹಿತಿ ಲಭಿಸಿದೆ.

ತೀರ್ಥಹಳ್ಳಿ ಪಟ್ಟಣದ ಹಳೆ ಕಟ್ಟಡಗಳು ಮಾಯ!

ತೀರ್ಥಹಳ್ಳಿಯಿಂದ ಶಿವಮೊಗ್ಗದವರೆಗೆ ರಸ್ತೆ ಅಗಲೀಕರಣ ಹಿನ್ನೆಲೆಯಲ್ಲಿ ಕೊಪ್ಪ ಸರ್ಕಲ್ ಇಂದ ಭಾರತೀಪುರವರೆಗೆ ಈಗಾಗಲೇ ರಸ್ತೆ ಕಾಮಗಾರಿ ಶುರುವಾಗಿದೆ. ಇದರಿಂದ ಹಳೆ ಕಟ್ಟಡಗಳನ್ನು ಎಲ್ಲೆಡೆ ಒಡೆಯಲಾಗಿದೆ. ಜತೆಗೆ ದೊಡ್ಡ ದೊಡ್ಡ ಮರಗಳು ಕೂಡ ಧರೆ ಶಾಹಿಯಾಗಿವೆ. ಈ ಹಿನ್ನೆಲೆಯಲ್ಲಿ ಹಳೆ ತೀರ್ಥಹಳ್ಳಿ ಮಾಯವಾಗಿದೆ. ಎಲ್ಲೆಡೆ ಸುಡು ಬಿಸಿಲು ಕಾಣುತ್ತಿದೆ.

Categories
ತೀರ್ಥಹಳ್ಳಿ ಮಲ್ನಾಡ್ ಶಿಕ್ಷಣ ಶಿವಮೊಗ್ಗ

ಸಹ್ಯಾದ್ರಿ ಐಸಿಎಸ್ಇ ಶಾಲೆ ಅಮೋಘ ಸಾಧನೆ!

ಸಹ್ಯಾದ್ರಿ ಐಸಿಎಸ್ಇ ಶಾಲೆ ಅಮೋಘ ಸಾಧನೆ!
– ನಿರಂತರ 13 ವರ್ಷ ಶೇ.100 ಫಲಿತಾಂಶ ದಾಖಲು
– ತೀರ್ಥಹಳ್ಳಿಯಲ್ಲಿ ಸಹ್ಯಾದ್ರಿ ಶಿಕ್ಷಣ ಸಂಸ್ಥೆ ಸಾಧನೆ: ಅಭಿನಂದನೆಗಳು

ತೀರ್ಥಹಳ್ಳಿ ಪಟ್ಟಣದ ಸಹ್ಯಾದ್ರಿ ಐಸಿಎಸ್ಇ ಶಾಲೆ ಈ ವರ್ಷ ಕೂಡ ಶೇ.100 ಫಲಿತಾಂಶ ದಾಖಲು ಮಾಡುವ ಮೂಲಕ ಸಾಧನೆ ಮಾಡಿದೆ. 13 ವರ್ಷಗಳ ಶೇಕಡ 100 ಫಲಿತಾಂಶದ ದಾಖಲೆ ಮಾಡಿದ್ದು, 2025- 2026 ನೇ ಸಾಲಿನಲ್ಲಿ ಐಸಿಎಸ್ಇ ಬೋರ್ಡ್ ಪರೀಕ್ಷೆಗೆ ಒಟ್ಟು 60 ವಿದ್ಯಾರ್ಥಿಗಳು ಹಾಜರಾಗಿದ್ದು ಇದರಲ್ಲಿ 32 ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್, 25 ವಿದ್ಯಾರ್ಥಿಗಳು ಫಸ್ಟ್ ಕ್ಲಾಸ್, 03 ವಿದ್ಯಾರ್ಥಿಗಳು ಸೆಕೆಂಡ್ ಕ್ಲಾಸಿನಲ್ಲಿ ಉತ್ತೀರ್ಣ ರಾಗುವ ಮೂಲಕ ಈ ಬಾರಿಯೂ ಶೇಖಡ 100ರ ಫಲಿತಾಂಶದ ದಾಖಲೆಯನ್ನು ಮಾಡಿ, ತೀರ್ಥಹಳ್ಳಿಯ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ವಿದ್ಯಾರ್ಥಿಗಳಿಗೆ ಆಡಳಿತ ಮಂಡಳಿ, ಆಡಳಿತಾಧಿಕಾರಿ, ಪ್ರಾಂಶುಪಾಲರು, ಬೋಧಕ ಹಾಗೂ ಬೋಧಕೇತರ ವೃಂದ ಹಾರ್ದಿಕವಾಗಿ ಅಭಿನಂದಿಸಿ ಶುಭ ಹಾರೈಸಿರುತ್ತಾರೆ.

Categories
ದಾವಣಗೆರೆ ಬಾಗಲಕೋಟೆ ರಾಜ್ಯ

ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಕಮಾಲ್..!

ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಕಮಾಲ್..!
– ದಾವಣಗೆರೆಯಲ್ಲಿ ಸಮರ್ಥ್‌ ಶಾಮನೂರು ಗೆಲುವು
– ಬಾಗಲಕೋಟೆಯಲ್ಲಿ ಮೇಟಿ ಮಗನ ವಿಜಯ ಯಾತ್ರೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ದಾವಣಗೆರೆ/ ಬಾಗಲಕೋಟೆ: ಕರ್ನಾಟಕದಲ್ಲಿ ನಡೆದ ಉಪ ಚುನಾವಣೆಯಲ್ಲಿ ಎರಡು ಸ್ಥಾನವನ್ನು ಕಾಂಗ್ರೆಸ್ ಗೆದ್ದುಕೊಂಡಿದೆ. ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದಲ್ಲಿ ಸಮರ್ಥ್‌ ಶಾಮನೂರು 5708 ಮತಗಳ ಅಂತರದಿಂದ ಗೆದ್ದಿದ್ದಾರೆ. ಸಚಿವ ಎಸ್.ಎಸ್. ಮಲ್ಲಿಕಾರ್ಜುನ್ ಬೆಂಬಲಿಗರು ವಿಜಯೋತ್ಸವ ಆಚರಿಸಿದರು. ಅಚ್ಚರಿ ಎಂದರೆ ಅತೀ ಕಡಿಮೆ ಮತಗಳ ಅಂತರದಲ್ಲಿ ಗೆದ್ದಿದ್ದಾರೆ. ಬಿಜೆಪಿ ಅಭ್ಯರ್ಥಿ ಉತ್ತಮ ಮತ ಗಳಿಸಿದ್ದಾರೆ.

ಬಾಗಲಕೋಟೆಯಲ್ಲಿ ಮೇಟಿ ಮಗನ ವಿಜಯ ಯಾತ್ರೆ!

ಶಾಸಕ ಎಚ್.ವೈ. ಮೇಟಿ ಅವರ ನಿಧನದಿಂದ ತೆರವಾಗಿದ್ದ ಬಾಗಲಕೋಟೆ ವಿಧಾನಸಭೆ ಕ್ಷೇತ್ರದ ಉಪಚುನಾವಣೆಯಲ್ಲಿ ಗೆಲುವು ಸಾಧಿಸುವ ಮೂಲಕ ಕಾಂಗ್ರೆಸ್ ಮತ್ತೆ ತನ್ನ ಹಿಡಿತವನ್ನು ಬಲಪಡಿಸಿಕೊಂಡಿದೆ. ಆರಂಭದಲ್ಲಿ ಕೆಲವು ಅಸಮಾಧಾನಗಳು, ವಿರೋಧಗಳ ನಡುವೆಯೇ ಕಾಂಗ್ರೆಸ್ ಅಭ್ಯರ್ಥಿ ಉಮೇಶ್‌ ಮೇಟಿ ಭರ್ಜರಿ ಗೆಲುವು ಸಾಧಿಸಿದ್ದಾರೆ. ಒಟ್ಟು 21,866 ಮತಗಳ ಅಂತರದಿಂದ ಗೆದ್ದಿರುವ ಕಾಂಗ್ರೆಸ್‌ ಅಭ್ಯರ್ಥಿ ಉಮೇಶ್ ಮೇಟಿ 97,941 ಮತಗಳನ್ನು ಪಡೆದರೆ, ಬಿಜೆಪಿ ಅಭ್ಯರ್ಥಿ ವೀರಣ್ಣ ಚರಂತಿಮಠ 76,075 ಮತಗಳನ್ನು ಗಳಿಸಿದ್ದಾರೆ. ಈ ಮೂಲಕ ಎರಡು ಸ್ಥಾನವನ್ನು ಕಾಂಗ್ರೆಸ್ ಉಳಿಸಿಕೊಂಡಿದೆ.

Categories
ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ಮೇ 7ಕ್ಕೆ ಅಚಲ ಶಚ್ಚಿಂದ್ರ ಹೆಗ್ಡೆ ನೆನಪು-ನುಡಿ ನಮನ

ಮೇ 7ಕ್ಕೆ ಅಚಲ ಶಚ್ಚಿಂದ್ರ ಹೆಗ್ಡೆ ನೆನಪು-ನುಡಿ ನಮನ
– ಅಚಲ ಅವರ ಸೇವೆ, ಮಾನವೀಯ ಮೌಲ್ಯ ನೆನೆಯುವ ಕಾರ್ಯಕ್ರಮ
– ತೀರ್ಥಹಳ್ಳಿಯ ಟಿಎಸ್ ಟಿ ಕನ್ವೆನ್ಷನ್ ಹಾಲ್ ನಲ್ಲಿ ಕಾರ್ಯಕ್ರಮ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ತೀರ್ಥಹಳ್ಳಿ: ತೀರ್ಥಹಳ್ಳಿಯ ಪ್ರಸಿದ್ಧ ಕ್ರೀಡಾಪಟು, ರಾಷ್ಟ್ರಮಟ್ಟದ ಮಾಜಿ ಖೋ ಖೋ ಆಟಗಾರ್ತಿ ಹಾಗೂ ಕೊಡಚಾದ್ರಿ ಮಹಿಳಾ ಬ್ಯಾಂಕ್ ಉಪಾಧ್ಯಕ್ಷರಾಗಿದ್ದ ಅಚಲ ಶಚ್ಚಿಂದ್ರ ಹೆಗ್ಡೆ ಅವರು ನಮ್ಮನ್ನೆಲ್ಲ ಅಗಲಿದ್ದಾರೆ. ಇದೀಗ ಅವರ ಸೇವೆ, ಮಾನವೀಯ ಮೌಲ್ಯವನ್ನು ನೆನೆಯುವ ಸಂದರ್ಭ.
ಅಚಲ ಶಚ್ಚಿಂದ್ರ ಹೆಗ್ಡೆ ತಮ್ಮ ನಿಷ್ಕಲ್ಮಶ ನಗು ಮತ್ತು ಸ್ನೇಹದ ಮೂಲಕ ಎಲ್ಲರಿಗೂ ಚಿರಪರಿಚಿತರಾಗಿದ್ದರು. ಇವರ ಅಕಾಲಿಕ ಮರಣ ಇಂದಿಗೂ ಕೆಲವರ ಪಾಲಿಗೆ ಆರಗಿಸಿಕೊಳ್ಳಲಾಗದ ಕಹಿ ಸತ್ಯವಾಗಿದೆ.

ಈ ಹಿನ್ನೆಲೆಯಲ್ಲಿ ಅವರ ಕುಟುಂಬದ ಆಪ್ತರು ಮತ್ತು ಹಿತೈಷಿಗಳು ಸೇರಿಕೊಂಡು ಶ್ರೀಮತಿ ಅಚಲ ಅವರ ಜೀವನೋತ್ಸಾಹ ಮತ್ತು ಸ್ನೇಹಮಯ ವ್ಯಕ್ತಿತ್ವವನ್ನು ಸ್ಮರಿಸಿಕೊಳ್ಳಲು ನಿಶ್ಚಯಿಸಿದ್ದು, ಇದರ ಅಂಗವಾಗಿ ಮೇ 7ರ ಗುರುವಾರದಂದು ಮಧ್ಯಾಹ್ನ 3:30ಕ್ಕೆ ‘ನೆನಪು ನುಡಿ ನಮನ’ ಕಾರ್ಯಕ್ರಮವನ್ನು, ತೀರ್ಥಹಳ್ಳಿಯ ಮುಖ್ಯ ಬಸ್ ನಿಲ್ದಾಣದ ಹಿಂಭಾಗದಲ್ಲಿರುವ ಕುವೆಂಪು ಲೇಔಟ್, ಕೆ.ಸಿ.ರಸ್ತೆಯಲ್ಲಿನ ಟಿಎಸ್ ಟಿ ಕನ್ವೆನ್ಷನ್ ಹಾಲ್ ನಲ್ಲಿ ಏರ್ಪಡಿಸಿದ್ದಾರೆ. ಈ ನೆನಪಿನ ಕಾರ್ಯಕ್ರಮಕ್ಕೆ ಎಲ್ಲಾ ಅಚಲ ಶಚ್ಚಿಂದ್ರ ಹೆಗ್ಡೆ ಅವರ ಸ್ನೇಹಿತರು, ಆಪ್ತರು, ಕೊಡಚಾದ್ರಿ ಮಹಿಳಾ ಬ್ಯಾಂಕ್ ಷೇರುದಾರರು, ಎಲ್ಲಾ ಸಂಘ ಸಂಸ್ಥೆಗಳ ಸದಸ್ಯರು, ಸಮಸ್ತ ತೀರ್ಥಹಳ್ಳಿ ಜನತೆಯನ್ನು ಸ್ವಾಗತಿಸಿದ್ದಾರೆ.

Categories
ಕೊಪ್ಪ ಚಿಕ್ಕಮಗಳೂರು ಮಲ್ನಾಡ್

ಕೊಪ್ಪ: ಅದ್ಧೂರಿಯಾಗಿ ನಡೆದ ದೇವಾಲಯದ 75ನೇ ವಾರ್ಷಿಕೋತ್ಸವ

ಕೊಪ್ಪ: ಅದ್ಧೂರಿಯಾಗಿ ನಡೆದ ದೇವಾಲಯದ 75ನೇ ವಾರ್ಷಿಕೋತ್ಸವ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್

ಕೊಪ್ಪ: ಇಲ್ಲಿನ ಸಿಎಸ್ಐ ಅರ್ನಾಲ್ಡ್ ಸ್ಮಾರಕ ದೇವಾಲಯದ 75ನೇ ವರ್ಷದ ವಾರ್ಷಿಕೋತ್ಸವ ಮತ್ತು ಅದರ ಅಂಗವಾಗಿ ಹಮ್ಮಿಕೊಂಡಿದ್ದ ನೂತನ ಘಂಟೆ ಗೋಪುರದ ಪ್ರತಿಷ್ಠೆ ಮತ್ತು ದೃಢೀಕರಣದ ಆರಾಧನಾ ಸಮಾರಂಭವು ಮೇ 3ರ ಭಾನುವಾರದಂದು ಅದ್ಧೂರಿಯಾಗಿ ನೆರವೇರಿತು.‌ ಗೋಪುರದ ಘಂಟೆಯ ಉದ್ಘಾಟನೆಯನ್ನು ಮತ್ತು ವಿಶೇಷ ಆರಾಧನೆಯನ್ನು ಕರ್ನಾಟಕ ದಕ್ಷಿಣ ಸಭಾಪ್ರಾಂತ್ಯದ ಧರ್ಮಾಧ್ಯಕ್ಷರಾದ ಬಿಷಪ್ ರೈಟ್ ರೆವರೆಂಡ್ ಹೇಮಚಂದ್ರ ಕುಮಾರ್ ಅವರು ನೆರವೇರಿಸಿದರು.

ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಅವರು “ಆಲಯದ ಘಂಟೆಯ ಇತಿಹಾಸವನ್ನು ಅವಲೋಕಿಸಿದಾಗ ಅದು ಪ್ರಾರ್ಥನೆಯ ಕರೆಘಂಟೆಯಂತೆ ಉಪಯೋಗವಾಗಿದ್ದರೂ, ಸಮಯವನ್ನು ತಿಳಿಸಲು ಉಪಯೋಗವಾಗುತ್ತಿತ್ತು. ಇಂದು ಅದು ಸಮುದಾಯದ ಮಧ್ಯೆ ಒಡನಾಟದ ಪ್ರತೀಕದಂತಾಗಿದೆ” ಎಂದು ತಿಳಿಸಿದರು. ಆರಾಧನಾ ಸಭೆಯಲ್ಲಿದ್ದ ಆರು ಜನ ಮಕ್ಕಳಿಗೆ ದೃಢೀಕರಣ ಆಶೀರ್ವಾದವನ್ನು ನೀಡಲಾಯಿತು.ಈ ಸಂದರ್ಭದಲ್ಲಿ ಸಿಎಸ್ಐ ಕೆಎಸ್ ಡಿಯ ಖಜಾಂಚಿಯಾದ ರೆವರೆಂಡ್ ಐವನ್ ಡಿ.ಸೋನ್ಸ್, ಸಹ ಕಾರ್ಯದರ್ಶಿಗಳಾದ ಸ್ಟೀಫನ್ ಕರ್ಕಡ, ಹಾಸನ-ಚಿಕ್ಕಮಗಳೂರು ಜಿಲ್ಲೆಗಳ ವಲಯಾಧ್ಯಕ್ಷರಾದ ರೆವರೆಂಡ್ ದೀಪಕ್ ವಿನಿತ್ ಸ್ವರೂಪ್, ಈ ಹಿಂದೆ ಸೇವೆ ಸಲ್ಲಿಸಿದ್ದ ರೆವರೆಂಡ್ ಪ್ರವೀಣ್ ಮಾಬೆನ್, ರೆವೆರೆಂಡ್ ದೀಪಕ್ ವಿ. ಶಾಂತರಾಜ್, ಬಿಷಪ್ ಚಾಪ್ಲೈನ್, ರೆವರೆಂಡ್ ಜೋಸೆಫ್ ಜಾಕ್ಸನ್, ಸಭಾಪಾಲಕರಾದ ರೆವೆರೆಂಡ್ ವಿಲ್ಸನ್ ಸಾಧು, ಸಭಾಪಾಲನ ಸಮಿತಿಯ ಸದಸ್ಯರು ಉಪಸ್ಥಿತರಿದ್ದರು.

Categories
ಬೆಂಗಳೂರು ಮಲ್ನಾಡ್ ರಾಜ್ಯ ಹವಾಮಾನ ಸುದ್ದಿ

ಮೇ 9ರವರೆಗೆ ಮಳೆ ಸಾಧ್ಯತೆ..!

ಮೇ 9ರವರೆಗೆ ಮಳೆ ಸಾಧ್ಯತೆ..!
– ರಾಜ್ಯದಲ್ಲಿ ಹೆಚ್ಚಿದ ತಾಪಮಾನ: ಸುಡು ಬಿಸಿಲು
– ಗುಡುಗು ಮಿಂಚು ಸಮೇತ ಮಳೆ ಎಚ್ಚರಿಕೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಬೆಂಗಳೂರು: ರಾಜ್ಯಾದ್ಯಂತ ತಾಪಮಾನ ಹೆಚ್ಚಳವಾಗಿರುವ ಬೆನ್ನಲ್ಲೇ ಮಳೆಯ ಸಾಧ್ಯತೆ ಕೂಡ ಹೆಚ್ಚಾಗಲಿದೆ. ಹವಾಮಾನ ಇಲಾಖೆಯ ಪ್ರಕಾರ ಬೆಂಗಳೂರು ಸೇರಿದಂತೆ ರಾಜ್ಯದ ಹಲವು ಭಾಗಗಳಲ್ಲಿ ಮೇ ಮೊದಲ ವಾರದಲ್ಲಿ ಮಳೆ ಬೀಳುವ ಸಾಧ್ಯತೆ ಇದೆ ಎನ್ನಲಾಗಿದೆ. ಕರಾವಳಿ ಮತ್ತು ದಕ್ಷಿಣ ಒಳನಾಡಿನ ಪ್ರದೇಶಗಳಲ್ಲಿ ಮಳೆಯ ಪ್ರಮಾಣ ಅಧಿಕವಾಗಲಿದ್ದು, ಮತ್ತೆ ಕೆಲವೆಡೆ ಮಳೆಯೊಂದಿಗೆ ಗಾಳಿ ಮಿಂಚು ಕೂಡ ಎದುರಾಗುವ ಲಕ್ಷಣಗಳಿವೆ. ಈ ಹಿನ್ನೆಲೆಯಲ್ಲಿ ರೈತರು ಮತ್ತು ಸಾರ್ವಜನಿಕರು ಜಾಗೃತರಾಗಿರಬೇಕೆಂದು ಹವಾಮಾನ ಇಲಾಖೆಯು ಎಚ್ಚರಿಕೆ ನೀಡಿದೆ.

ಇನ್ನು ಉತ್ತರ ಕರ್ನಾಟಕದಲ್ಲಿ ಮೊದಲ ಎರಡು ದಿನ ಮಳೆಯ ಪ್ರಮಾಣ ಕಡಿಮೆ ಇದ್ದು, ಬಿಸಿಲಿನ ತೀವ್ರತೆ ಎಂದಿನಂತೆ ಮುಂದುವರಿಯುತ್ತದೆ ಎನ್ನುವ ಮಾಹಿತಿ ಲಭಿಸಿದೆ. ಮೇ 5ರ ಮಂಗಳವಾರದ ನಂತರ ಕೊಪ್ಪಳ, ರಾಯಚೂರು, ಯಾದಗಿರಿ ಮತ್ತು ಕಲಬುರ್ಗಿ ಜಿಲ್ಲೆಗಳಲ್ಲಿ ಕಡಿಮೆ ಪ್ರಮಾಣದೊಂದಿಗೆ ಮಳೆ ಚಟುವಟಿಕೆ ಪ್ರಾರಂಭಗೊಳ್ಳುವ ನಿರೀಕ್ಷೆ ಇದೆ. ಪರಿಣಾಮವಾಗಿ ಬಿಸಿಲಿನ ತೀವ್ರತೆ ಕಡಿಮೆಗೊಳ್ಳಲಿದೆ. ಒಟ್ಟಾರೆ ರಾಜ್ಯಾದ್ಯಂತ ಮುಂದಿನ ದಿನಗಳಲ್ಲಿ ಮಳೆಯ ಜೊತೆಗೆ ಒಣಹವೆ ಮಿಶ್ರಿತವಾಗಲಿದ್ದು, ಗುಡುಗು ಮತ್ತು ಮಿಂಚಿನ ಸಂದರ್ಭದಲ್ಲಿ ಸಾರ್ವಜನಿಕರು ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳುವಂತೆ ತಿಳಿಸಲಾಗಿದೆ.

Categories
ಉಡುಪಿ ಕರಾವಳಿ ಕಾರ್ಕಳ ದಕ್ಷಿಣ ಕನ್ನಡ ಮಂಗಳೂರು

ಕರಾವಳಿ ಟಾಪ್ ನ್ಯೂಸ್

ಕರಾವಳಿ ಟಾಪ್ ನ್ಯೂಸ್

• ಕಡಬ: ಮಹಿಳೆಯ ಮೇಲೆ ಆ್ಯಸಿಡ್ ದಾಳಿ; ಆರೋಪಿಗೆ ಜಾಮೀನು
• ಕಾರ್ಕಳ: ಅಣ್ಣನನ್ನು ಕೊಲೆ ಮಾಡಿ ತಮ್ಮ ಪರಾರಿ
• ಬಂಟ್ವಾಳ: ಅಡಿಕೆ ತೋಟಕ್ಕೆ ಆಕಸ್ಮಿಕ ಬೆಂಕಿ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್

• ಕಡಬ: ಮಹಿಳೆಯ ಮೇಲೆ ಆ್ಯಸಿಡ್ ದಾಳಿ; ಆರೋಪಿಗೆ ಜಾಮೀನು

ಕಡಬ: 2020ರಲ್ಲಿ ಮಹಿಳೆಯ ಮೇಲೆ ಆ್ಯಸಿಡ್ ದಾಳಿ ಮಾಡಿದ್ದ ಆರೋಪಿಗೆ ಆರು ವರ್ಷಗಳ ಬಳಿಕ ಜಾಮೀನು ದೊರೆತಿದೆ. ಕೋಡಿಂಬಾಳ ನಿವಾಸಿಯಾದ ಶ್ರೀಮತಿ ಸ್ವಪ್ನ ಎನ್ನುವವರ ಮೇಲೆ ಅವರ ಬಾವ ಅಂದರೆ ಗಂಡನ ಅಣ್ಣ ಆ್ಯಸಿಡ್ ದಾಳಿ ನಡೆಸಿದ್ದರು. 2020ರ ಜನವರಿ 23ರಂದು ಸಂಜೆಯ ಸುಮಾರಿಗೆ ಸ್ವಪ್ನ ಅವರ ಮನೆಗೆ ಅಕ್ರಮವಾಗಿ ಪ್ರವೇಶಿಸಿದ ಆರೋಪಿಯಾದ ಜಯಾನಂದ ಅವಾಚ್ಯ ಶಬ್ದಗಳಿಂದ ಬೈಯ್ಯಲಾರಂಭಿಸಿದ್ದರಿಂದ ಸ್ವಪ್ನ ಅವರು ಮನೆಯ ಬಾಗಿಲನ್ನು ಹಾಕಿಕೊಂಡು, ಕಿಟಕಿಯ ಮೂಲಕ ಮೊಬೈಲ್ ನಲ್ಲಿ ವಿಡಿಯೋ ಮಾಡಲು ಮುಂದಾದಾಗ, ಜಯಾನಂದ ಆತನ ಕೈಯಲ್ಲಿದ್ದ ಬಾಟಲಿಯ ಮುಚ್ಚಳವನ್ನು ತೆರೆದು ಅದರೊಳಗಿದ್ದ ಆ್ಯಸಿಡ್ ಅನ್ನು ಮನೆಯ ಹೊರಗಡೆಯಿಂದಲೇ ಕಿಟಕಿಯ ಮೂಲಕ ಎರಚಿದ್ದ ಎನ್ನಲಾಗಿದೆ. ಪರಿಣಾಮವಾಗಿ ಸ್ವಪ್ನ ಅವರ ಮುಖ, ಕುತ್ತಿಗೆಯ ಭಾಗ ಮತ್ತು ಕೈಗೆ ತೀವ್ರ ರೀತಿಯ ಗಾಯಗಳಾಗಿದ್ದವು.

ಬಳಿಕ ಸ್ವಪ್ನ ಅವರನ್ನು ಚಿಕಿತ್ಸೆಗಾಗಿ ಮಂಗಳೂರಿನ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಸ್ವಪ್ನ ಅವರು ನೀಡಿದ ದೂರಿನ ಆಧಾರದ ಮೇಲೆ ಕಡಬ ಠಾಣೆಯ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು, ಆರೋಪಿಯಾದ ಜಯಾನಂದನನ್ನು ಬಂಧಿಸಿದ್ದರು. ಈ ಹಿನ್ನೆಲೆಯಲ್ಲಿ ಆರೋಪಿಯಾದ ಜಯಾನಂದ ಜಾಮಿನಿನ ಮೇಲೆ ಬಿಡುಗಡೆಗೊಳಿಸುವಂತೆ ಕೋರಿ, ಪುತ್ತೂರು ಐದನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯಕ್ಕೆ ಅರ್ಜಿಯನ್ನು ಸಲ್ಲಿಸಿದ್ದನು. ನ್ಯಾಯಾಲಯದಲ್ಲಿ ಅರ್ಜಿಗೆ ಸಂಬಂಧಿಸಿದಂತೆ ವಿಚಾರಣೆ ನಡೆದ ಬಳಿಕ, ನ್ಯಾಯಾಧೀಶರಾದ ಶ್ರೀಮತಿ ಸರಿತಾ ಡಿ. ಅವರು ಆರೋಪಿಗೆ ಷರತ್ತುಬದ್ಧ ಜಾಮೀನು ಮಂಜೂರು ಮಾಡುವಂತೆ ಆದೇಶವನ್ನು ಹೊರಡಿಸಿದ್ದಾರೆ.

• ಕಾರ್ಕಳ: ಅಣ್ಣನನ್ನು ಕೊಲೆ ಮಾಡಿ ತಮ್ಮ ಪರಾರಿ

ಕಾರ್ಕಳ: ಜಾಗದ ತಕರಾರಿಗೆ ಸಂಬಂಧಿಸಿದಂತೆ ಸಹೋದರರ ನಡುವೆ ಕಲಹ ಏರ್ಪಟ್ಟು, ಅಣ್ಣನನ್ನು ಕೊಲೆ ಮಾಡಿ ತಮ್ಮ ಪರಾರಿಯಾಗಿರುವ ಘಟನೆ, ಕಸಬ ಗ್ರಾಮದಲ್ಲಿ ನಡೆದಿದೆ. ರಿಚರ್ಡ್ ಡಿಸೋಜಾ ಮತ್ತು ಹೆರಾಲ್ಡ್ ಡಿಸೋಜಾ ಅವರಿಗೆ ಮಿತ್ತಬೆಟ್ಟು ಹಿರಿಯಂಗಡಿ ಎನ್ನುವಲ್ಲಿ ಇರುವ ವಾಸದ ಮನೆ ಮತ್ತು ಜಾಗಕ್ಕೆ ಸಂಬಂಧಿಸಿದಂತೆ ತಕರಾರು ಇದ್ದು, ಈ ಹಿನ್ನೆಲೆಯಲ್ಲಿ ಸಹೋದರರ ನಡುವೆ ಶನಿವಾರದಂದು ಮಧ್ಯಾಹ್ನ ಕಲಹ ಏರ್ಪಟ್ಟಿದೆ. ಈ ಸಂದರ್ಭದಲ್ಲಿ ಹೆರಾಲ್ಡ್ ಡಿಸೋಜಾ ಅಣ್ಣನಾದ ರಿಚರ್ಡ್ ಡಿಸೋಜಾಗೆ ಮರದ ರೀಪಿನಿಂದ ಹೊಡೆದು ಕೊಲೆ ಮಾಡಿದ್ದಾನೆ. ಬಳಿಕ ಅಪರಾಧಕ್ಕೆ ಬೆದರಿ ಹೆರಾಲ್ಡ್ ಡಿಸೋಜಾ ಪರಾರಿಯಾಗಿದ್ದಾನೆ ಎನ್ನುವ ಸಂಗತಿ ತಿಳಿದುಬಂದಿದೆ. ಘಟನೆಗೆ ಸಂಬಂಧಿಸಿದಂತೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

•ಬಂಟ್ವಾಳ: ಅಡಿಕೆ ತೋಟಕ್ಕೆ ಆಕಸ್ಮಿಕ ಬೆಂಕಿ

ಬಂಟ್ವಾಳ: ಅಡಿಕೆ ತೋಟವೊಂದಕ್ಕೆ ಆಕಸ್ಮಿಕವಾಗಿ ಬೆಂಕಿ ತಗುಲಿದ ಘಟನೆ, ಮೇ 3ರ ಭಾನುವಾರದಂದು ನಡುರಾತ್ರಿಯ 1ಗಂಟೆಯ ಸುಮಾರಿಗೆ ಸಜೀಪ ಮೂಡದ ಪೆರ್ವ ಸಮೀಪದ ಕೊಯಿಲ ಎನ್ನುವಲ್ಲಿ ನಡೆದಿದೆ. ರಸ್ತೆಯ ಬದಿಯಲ್ಲಿದ್ದ ಗಿಡಗಂಟಿಗಳಿಗೆ ಆಕಸ್ಮಿಕವಾಗಿ ಹತ್ತಿಕೊಂಡ ಬೆಂಕಿಯು ಉರಿಯುತ್ತಾ ಹತ್ತಿರದ ಅಡಿಕೆ ತೋಟಕ್ಕೂ ತನ್ನ ಕೆನ್ನಾಲಿಗೆಯನ್ನು ಚಾಚಿದೆ. ಇದನ್ನು ಕಂಡ ಸ್ಥಳೀಯರು ಬೆಂಕಿಯನ್ನು ನಂದಿಸುವ ಪ್ರಯತ್ನ ನಡೆಸಿದ್ದಾರೆ ಎನ್ನಲಾಗಿದೆ. ಈ ಸಂದರ್ಭದಲ್ಲಿ ರಾತ್ರಿಯ ಪಾಳಿಯಲ್ಲಿ ಕರ್ತವ್ಯ ನಿರತರಾಗಿದ್ದ ಟ್ರಾಫಿಕ್ ಎಸ್ಐ ಆದರ್ಶ್ ಅವರು ತಕ್ಷಣ ಅಗ್ನಿಶಾಮಕ ದಳದವರಿಗೆ ಕರೆ ಮಾಡಿ ಕರೆಸಿದ್ದಾರೆ. ಸಮಯಕ್ಕೆ ಸರಿಯಾಗಿ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಆಗಮಿಸಿದ್ದರಿಂದ ಅಡಿಕೆ ಮರಗಳಿಗೆ ಯಾವುದೇ ರೀತಿಯ ಹಾನಿ ಸಂಭವಿಸಿಲ್ಲ ಎನ್ನುವ ಮಾಹಿತಿ ಲಭಿಸಿದೆ.

Categories
ಚಿಕ್ಕಮಗಳೂರು ಮಲ್ನಾಡ್ ರಾಜಕೀಯ ಶೃಂಗೇರಿ

ಸೋತು ಗೆದ್ದ ನಾಯಕ: ಜೈ ಹೋ ಜೀವರಾಜ್..!

ಸೋತು ಗೆದ್ದ ನಾಯಕ: ಜೈ ಹೋ ಜೀವರಾಜ್..!
– 3 ವರ್ಷದ ಹೋರಾಟಕ್ಕೆ ಸಿಕ್ಕ ಗೆಲುವು: ಎಲ್ಲೆಡೆ ವಿಜಯೋತ್ಸವ
– ದೇಶದ ಗಮನ ಸೆಳೆದ ಶೃಂಗೇರಿ ಕ್ಷೇತ್ರದ ಮರು ಫಲಿತಾಂಶ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಶೃಂಗೇರಿ: ಶೃಂಗೇರಿ ಶಾಸಕರಾಗಿ ಅಧಿಕೃತವಾಗಿ ಡಿ.ಎನ್.ಜೀವರಾಜ್ ಅವರನ್ನು ಚುನಾವಣಾ ಆಯೋಗ ಘೋಷಿಸಿದೆ. ಈ ಮೂಲಕ ಜೀವರಾಜ್ ಅವರ 3 ವರ್ಷದ ಕಾನೂನು ಹೋರಾಟಕ್ಕೆ ನ್ಯಾಯ ಸಿಕ್ಕಿದೆ. ಹೈಕೋರ್ಟ್ ಆದೇಶದ ಮೇರೆಗೆ ಶೃಂಗೇರಿ ಕ್ಷೇತ್ರದ ಅಂಚೆ ಮತಗಳ ಮರು ಮತ ಎಣಿಕೆ ಕಾರ್ಯ ಮುಕ್ತಾಯಗೊಂಡಿತ್ತು, ಆದರೆ ಫಲಿತಾಂಶ ಘೋಷಣೆ ಆಗಿರಲಿಲ್ಲ. ಭಾನುವಾರ ಚುನಾವಣಾ ಆಯೋಗ ಅಧಿಕೃತ ಘೋಷಣೆ ಮಾಡಿದ್ದು ಹಾಲಿ ಶಾಸಕರಾದ ಟಿ.ಡಿ ರಾಜೇಗೌಡ ಅವರ ಎದುರು 2023ರ ಫಲಿತಾಂಶದಲ್ಲಿ ಪರಾಜಿತ ಅಭ್ಯರ್ಥಿಯಾಗಿದ್ದ ಆಗಿದ್ದ ಡಿ.ಎನ್ ಜೀವರಾಜ್ ಅವರು ಗೆದ್ದು ಬೀಗಿದ್ದಾರೆ.

ಮರು ಮತ ಎಣಿಕೆಯು ರೋಚಕ ಹಣಾಹಣಿಗೆ ಕಾರಣವಾಗಿತ್ತು ಕೊನೆಗೆ ಜೀವರಾಜ್ ಮುನ್ನಡೆ ಸಾಧಿಸಿದ್ದರು. ಸಧ್ಯ ಚುನಾವಣಾ ಆಯೋಗದಿಂದ ಅಧೀಕೃತ ಘೋಷಣೆಯಾಗಿದ್ದು ಜೀವರಾಜ್ ಗೆಲುವು ಸಾಧಿಸಿದ್ದು ಶೃಂಗೇರಿ ಕ್ಷೇತ್ರದ ನೂತನ ಶಾಸಕರಾಗಿ ಆಯ್ಕೆಯಾಗಿದ್ದಾರೆ. ಶನಿವಾರ ರಾತ್ರಿ ರಾಜೇಗೌಡ ಗೆದ್ದರು ಎಂದು ಸಂಭ್ರಮ ಆಚರಣೆ ಮಾಡಿದ್ದರು. ಆದರೆ ಅದು ಅಧಿಕೃತ ಘೋಷಣೆ ಆಗಿರಲಿಲ್ಲ. ಫಲಿತಾಂಶ ಪ್ರಕಟಿಸುವಂತೆ ಜೀವರಾಜ್ ಪರ ವಕೀಲರು ನೋಟಿಸ್ ನೀಡಿದ್ದರು. ಮಧ್ಯರಾತ್ರಿ ಚುನಾವಣಾ ಆಯೋಗ ಅಧಿಕೃತ ಘೋಷಣೆ ಮಾಡಿದೆ .

ಹಾಲಿ ಶಾಸಕರಾದ ಟಿ.ಡಿ ರಾಜೇಗೌಡ ಅವರ ಎದುರು 2023 ರ ಪರಾಜಿತ ಅಭ್ಯರ್ಥಿಯಾಗಿದ್ದ ಆಗಿದ್ದ ಡಿ.ಎನ್ ಜೀವರಾಜ್ 255 ಮತಗಳ ಅಂತರದಲ್ಲಿ ಗೆದ್ದು ಬೀಗಿದ್ದಾರೆ. ಮರು ಮತ ಎಣಿಕೆಯು ರೋಚಕ ಹಣಾಹಣಿಗೆ ಕಾರಣವಾಗಿತ್ತು. ಕೊನೆಗೆ ಜೀವರಾಜ್ ಮುನ್ನಡೆ ಸಾಧಿಸಿದ್ದರು. ಫಲಿತಾಂಶ ಪ್ರಶ್ನಿಸಿ ಜೀವರಾಜ್ ನ್ಯಾಯಾಲಯದ ಮೊರೆ ಹೋಗಿದ್ದು, ಪ್ರಕರಣ ಸುಪ್ರೀಂ ಕೋರ್ಟ್ ಮೆಟ್ಟಿಲನ್ನು ಏರಿದ್ದು ಅಂತಿಮವಾಗಿ ಮೂರು ವರ್ಷಗಳ ಬಳಿಕ ‌ ಅಂಚೆ ಮತ ಪತ್ರಗಳ ಮರು ಎಣಿಕೆ ನಡೆದು ಕಾಂಗ್ರೆಸ್ಸಿನ ಟಿ.ಡಿ. ರಾಜೇಗೌಡ ಶಾಸಕತ್ವ ಕಳೆದುಕೊಳ್ಳುವಂತೆ ಆಗಿದೆ

 

2023ರ ಫಲಿತಾಂಶ

ರಾಜೇಗೌಡ- 59,171
ಜೀವರಾಜ್- 58,970
ಸುಧಾಕರ್ ಶೆಟ್ಟಿ – 19,417
ರಾಜನ್ ಗೌಡ – 1150
ಗೆಲುವಿನ ಅಂತರ 201ಮತ

2026 ಮರು ಮತ ಎಣಿಕೆ

ಅಂಚೆ ಮತ ಮರು ಎಣಿಕೆಯಲ್ಲಿ 201ಮತಗಳೊಂದಿಗೆ ಹೆಚ್ಚುವರಿಯಾಗಿ 54 ಮತಗಳು ಲಭಿಸಿವೆ. ಒಟ್ಟು 255 ಮತಗಳ ಅಂತರದಿಂದ ಗೆದ್ದಿದ್ದಾರೆ.

Categories
ಚಿಕ್ಕಮಗಳೂರು ಮಲ್ನಾಡ್ ಶೃಂಗೇರಿ

ಶೃಂಗೇರಿ ಮರು ಎಣಿಕೆ: ಮತ್ತೆ ಗೆದ್ದ ರಾಜೇಗೌಡ!

ಶೃಂಗೇರಿ ಮರು ಎಣಿಕೆ: ಮತ್ತೆ ಗೆದ್ದ ರಾಜೇಗೌಡ!
– ಕಾಂಗ್ರೇಸ್ ನ ರಾಜೇಗೌಡರಿಗೆ ಗೆಲುವಿನ ಅಂತರ ಹೆಚ್ಚಳ
– ಕಾಂಗ್ರೆಸ್ ಅಭಿಮಾನಿಗಳ ಸಂತಸ: ಜೀವರಾಜ್ ಹಿನ್ನಡೆ

ಕೊಪ್ಪ: ತೀವ್ರ ಕುತೂಹಲ ಕೆರಳಿಸಿದ್ದ ಶೃಂಗೇರಿ ವಿಧಾನಸಭಾ ಕ್ಷೇತ್ರದ ಅಂಚೆ ಮತಗಳ ಮರು ಎಣಿಕೆಯಲ್ಲಿ ಕಾಂಗ್ರೆಸ್ ಶಾಸಕ ಟಿ.ಡಿ. ರಾಜೇಗೌಡ ಜಯಗಳಿಸಿದ್ದಾರೆ. ಮತ್ತೆರಡು ಮತಗಳನ್ನು ಹೆಚ್ಚಿಸಿಕೊಂಡು ಬೀಗಿದ್ದಾರೆ. 2023ರ ಚುನಾವಣೆಯಲ್ಲಿ ರಾಜೇಗೌಡ ಅವರು 201 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದರು. ಆದರೆ, ಅಂಚೆ ಮತಗಳ ಎಣಿಕೆಯಲ್ಲಿ ಅಕ್ರಮ ನಡೆದಿದೆ ಎಂದು ಆರೋಪಿಸಿ ಬಿಜೆಪಿ ಅಭ್ಯರ್ಥಿ ಡಿ.ಎನ್. ಜೀವರಾಜ್ ಅವರು ನ್ಯಾಯಾಲಯದ ಮೆಟ್ಟಿಲೇರಿದ್ದರು.
ಕೋರ್ಟ ಆದೇಶದಂತೆ 1,822 ಅಂಚೆ ಮತಗಳ ಮರು ಪರಿಶೀಲನೆ ​ಚಿಕ್ಕಮಗಳೂರಿನ ಐಡಿಎಸ್‌ಜಿ (IDSG) ಕಾಲೇಜಿನಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ನಡುವೆ ಎಣಿಕೆ ಪ್ರಕ್ರಿಯೆ ನಡೆಯಿತು. ಕ್ಷೇತ್ರದಲ್ಲಿ ಚಲಾವಣೆಯಾಗಿದ್ದ ಒಟ್ಟು 1,822 ಅಂಚೆ ಮತಗಳನ್ನು ಮರು ಪರಿಶೀಲಿಸಲಾಯಿತು. ಈ ಪೈಕಿ ಈ ಹಿಂದೆ ತಿರಸ್ಕೃತಗೊಂಡಿದ್ದ 279 ಮತಗಳನ್ನು ಚುನಾವಣಾಧಿಕಾರಿಗಳು ಮತ್ತೊಮ್ಮೆ ಸೂಕ್ಷ್ಮವಾಗಿ ಪರಿಶೀಲಿಸಿ ಮತ್ತೆರಡು ಮತಗಳು ಸರಿ ಇರುವುದನ್ನು ಗಮನಿಸಿ ಅದೆರಡು ಮತವನ್ನು ಎಣಿಕೆಗೆ ಪರಿಗಣಿಸಿದರು, ಅಂತಿಮವಾಗಿ ಕಾಂಗ್ರೆಸ್ ನ ರಾಜೇಗೌಡರು ಇನ್ನೆರಡು ಹೆಚ್ವುವರಿ ಮತಗಳಿಂದ ಜಯಗಳಿಸಿದರು. ಕಾಂಗ್ರೆಸ್ ಕಾರ್ಯಕರ್ತರ ವಿಜಯೋತ್ಸವ ಮುಗಿಲುಮುಟ್ಟಿತ್ತು.