ಹೆಗ್ಗಾರುಘಟ್ಟದ 1081 ಎಕರೆ ಭೂ ಪ್ರದೇಶ ಈಗ ವಿವಾದತ್ತ!
– ಭೂಮಾಪನ ಇಲಾಖೆಯಿಂದ ಜಮೀನು ಸರ್ವೆಗೆ ಸಿದ್ಧತೆ
– ಕಂದಾಯದ ವಿರುದ್ಧ ಗ್ರಾಮಸ್ಥರಿಂದ ಭಾರೀ ವಿರೋಧ
NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಿನ ಹೆಗ್ಗಾರುಘಟ್ಟದ 1081 ಎಕರೆ ಪ್ರದೇಶದ ಭೂ ವ್ಯಾಜ್ಯ ಅಂತಿಮ ಹಂತಕ್ಕೆ ಬಂದಿದೆ. ಕಂದಾಯ ಇಲಾಖೆ ಕಡತ ರವಾನಿಸಿದ ಕಾರಣ ಭೂಮಾಪನ ಇಲಾಖೆ ಜಮೀನು ಸರ್ವೆಗೆ ಸಿದ್ಧತೆ ನಡೆಸಿದೆ. ಇದೀಗ ಈ ಪ್ರಕರಣ ವಿವಾದದತ್ತ ಸಾಗಿದೆ.
ಬೆಕ್ಷೆ ಕೆಂಜಿಗುಡ್ಡೆ, ಹಾಲುಮಹಿಷಿ, ದಬ್ಬಣಗದ್ದೆ ಗ್ರಾಮದ ವಿವಿಧ ಸರ್ವೆ ನಂಬರ್ಗಳಲ್ಲಿರುವ ಜಮೀನಿಗೆ ಕಂದಾಯ ನಿಗದಿಸುವ ಆಡಳಿತ ಕ್ರಮ ಆರಂಭವಾಗಿದೆ. ಕೆಲವೇ ದಿನಗಳಲ್ಲಿ ಹೆಗ್ಗಾರುಘಟ್ಟ ಪ್ರದೇಶದಲ್ಲಿ ಸರ್ವೆ ಕಾರ್ಯ ನಡೆಯುವುದು ಬಹುತೇಕ ಖಚಿತವಾಗಿದೆ. ಭೀಮಸೇತು ಮುನಿವೃಂದ ಮಠ ವಿವಿಧ ಸರ್ವೆ ನಂಬರ್ಗಳಲ್ಲಿ ಹೊಂದಿರುವ ಜಮೀನಿಗೆ ಕಂದಾಯ ನಿಗದಿಸುವ ಸಂಬಂಧ ಕ್ರಮ ಕೈಗೊಳ್ಳುವಂತೆ ತಹಸೀಲ್ದಾರ್ 2025 ಮಾರ್ಚ್ 22ರಂದು ಭೂಮಾಪನ ಇಲಾಖೆ ಸಹಾಯಕ ನಿರ್ದೇಶಕರಿಗೆ ಕಡತ ರವಾನಿಸಿದ್ದಾರೆ.
ಕುಡುಮಲ್ಲಿಗೆ ಗ್ರಾಮದ ಸ.ನಂ.113 ರಲ್ಲಿ ಹೆಗ್ಗಾರುಗುಡ್ಡ ಎಸ್ಎಫ್ 180.00ಎಕರೆ, ಕುಡುಮಲ್ಲಿಗೆ ಎಂಎಫ್ 116.30 ಎಕರೆ, ಬೆಕ್ಷೆ ಕೆಂಜಿಗುಡ್ಡೆ ಗ್ರಾಮ ಸ.ನಂ.12ರಲ್ಲಿ ಭೀಮಸೇತು ಮುನಿವೃಂದ ಮಠ ಭೀಮನಕಟ್ಟೆ 14.27ಎಕರೆ, ಕುಡುಮಲ್ಲಿಗೆ ಎಂಎಫ್ 47.00ಎಕರೆ, ಸರಕಾರ 33.08 ಎಕರೆ, ಬೆಕ್ಷೆ ಕೆಂಜಿಗುಡ್ಡೆ ಗ್ರಾಮ ಸ.ನಂ.13ರಲ್ಲಿ ಭೀಮನಕಟ್ಟೆ ಮಠ 447.35 ಎಕರೆ, ಸಿ ವರ್ಗದ ಭೂಮಿ 0-00 ಎಕರೆ, ಹಿಡುವಳಿದಾರರು 0.30 ಎಕರೆ, ಬೆಕ್ಷೆ ಕೆಂಜಿಗುಡ್ಡೆ ಗ್ರಾಮ ಸ.ನಂ. 25ರಲ್ಲಿ ಭೀಮನಕಟ್ಟೆ ಮಠ 26.00 ಎಕರೆ, ಬೆಕ್ಷೆಕೆಂಜಿಗುಡ್ಡೆ ಗ್ರಾಮ ಸ.ನಂ.95ರಲ್ಲಿ ಭೀಮನಕಟ್ಟೆ ಮಠ 45.29 ಎಕರೆ ಪ್ರದೇಶ ಆರ್ಟಿಸಿ ದಾಖಲೆಯಲ್ಲಿ ನಮೂದಾಗಿದೆ. ಈ ಪೈಕಿ ಬೆಕ್ಷೆಕೆಂಜಿಗುಡ್ಡೆ ಗ್ರಾಮದ ಸ.ನಂ.113ರಲ್ಲಿ ಅರಣ್ಯ ಪ್ರದೇಶದ ಜಮೀನು ಮಾತ್ರ ದಾಖಲಾಗಿದ್ದು ಭೀಮನಕಟ್ಟೆ ಮಠದ ಹೆಸರಿಗೆ ನಮೂದಾಗಿಲ್ಲ. ಎಲ್ಲ ಸರ್ವೆ ನಂಬರ್ಗಳ ಜಮೀನು ಆರ್ಟಿಸಿ ದಾಖಲೆಯಲ್ಲಿ(ಬ) ಖರಾಬ್ ಎಂದು ನಮೂದಾಗಿದೆ. ಹಾಲುಮಹಿಷಿ ಗ್ರಾಮ ಸ.ನಂ.16 ಭೀಮನಕಟ್ಟೆ ಮಠ 73.07, ಸ.ನ.09ರಲ್ಲಿ 35.35, ದಬ್ಬಣಗದ್ದೆ ಗ್ರಾಮ 49ರಲ್ಲಿ 129.04, ದಬ್ಬಣಗದ್ದೆ ಗ್ರಾಮ 84ರಲ್ಲಿ ಭೀಮನಕಟ್ಟೆ ಮಠ 62.35, ಡಿ.ಕೆ. ಮಂಜುನಾಥ 10.00, ಖರಾಬ್ ಕಾನು 5.14, ಭೀಮನಕಟ್ಟೆ ಮಠ 70.00, ದಬ್ಬಣಗದ್ದೆ ಗ್ರಾಮ ಸ.ನಂ.102ರಲ್ಲಿ ಭೀಮನಕಟ್ಟೆ ಮಠ 50.00, ದಬ್ಬಣಗದ್ದೆ ಗ್ರಾಮ ಸ.ನಂ.40ರಲ್ಲಿ 12.05, ದಬ್ಬಣಗದ್ದೆ ಗ್ರಾಮ 46ರಲ್ಲಿ 17.26 ಎಕರೆ ಪ್ರದೇಶ ಆರ್ಟಿಸಿ ದಾಖಲೆಯಲ್ಲಿ ನಮೂದಾಗಿದೆ.
1970 ಏಪ್ರಿಲ್ 16 ರಲ್ಲಿ ಮೈಸೂರು ಉಚ್ಛ ನ್ಯಾಯಾಲಯ, 2022 ಡಿಸೆಂಬರ್ 12ರಂದು ರಾಜ್ಯದ ಉಚ್ಚ ನ್ಯಾಯಾಲಯ ನೀಡಿದ ಆದೇಶ ಉಲ್ಲೇಖಿಸಿ ಸದರಿ ಜಮೀನು ಪ್ರದೇಶದಲ್ಲಿನ ಬೆಳೆ ಪರಿಶೀಲಿಸಲು ಸರ್ವೆ ಅನಿವಾರ್ಯವಾಗಿರುವ ಹಿನ್ನೆಲೆಯಲ್ಲಿ ಭೂ ಮಾಪನ ಇಲಾಖೆ ಸಹಾಯಕ ನಿರ್ದೇಶಕರಿಗೆ ತಹಸೀಲ್ದಾರ್ ಕಡತ ರವಾನಿಸಿದ್ದು ಭೂ ಸರ್ವೆಗೆ ಶೀಘ್ರ ದಿನ ನಿಗದಿ ಆಗುವ ಸಾಧ್ಯತೆ ಇದೆ. ಹೆಗ್ಗಾರುಘಟ್ಟ ಪ್ರದೇಶದ ಮಾಲೀಕತ್ವ ಭೂ ವಿವಾದ ಸುಮಾರು 50 ವರ್ಷ ಕಳೆದಿದ್ದು 1994 ರಲ್ಲಿ ಭೂ ವಿವಾದ ತಾರಕಕ್ಕೇರಿ ಕಾನೂನು ಸಮರಕ್ಕೆ ಸಿಲುಕಿದೆ. ಕಂದಾಯ, ಅರಣ್ಯ ಇಲಾಖೆ, ಭೀಮನಕಟ್ಟೆ ಮಠದ ನಡುವೆ ದೀರ್ಘ ಕಾಲದಿಂದ ವ್ಯಾಜ್ಯ ನಡೆಯುತ್ತಿದೆ. ಈಗ ಕಾನೂನು ಸಮರ ಅಂತಿಮಘಟ್ಟ ಮುಟ್ಟಿದಂತಿದ್ದು ಜಮೀನು ಬೆಳೆ ಸರ್ವೆ ಕ್ರಮ ಆರಂಭವಾಗುತ್ತಿದೆ. ಬೆಕ್ಷೆಕೆಂಜಿಗುಡ್ಡೆ, ಕುಡುಮಲ್ಲಿಗೆ, ದಬ್ಬಣಗದ್ದೆ, ಹಾಲುಮಹಿಷಿ ಗ್ರಾಮಸ್ಥರ ನಿರ್ಧಾರ ಏನಿದೆ ಎಂಬ ಕುತೂಹಲ ಸಾರ್ವಜನಿಕ ವಲಯದಲ್ಲಿದೆ.
