ಗ್ಯಾರಂಟಿಯನ್ನು 420 ಅಂದವರು ಈಗ ಬ್ಯಾನರ್ ಹಾಕಿದರು!
– ಯೋಜನೆಯನ್ನು ಒಪ್ಪಿಕೊಂಡ ಆರಗ.!?
– ಲೇವಡಿ ಮಾಡಿದ ಅಮ್ರಪಾಲಿ ಸುರೇಶ್
NAMMUR EXPRESS NEWS
ತೀರ್ಥಹಳ್ಳಿ: ಚುನಾವಣೆಯ ಪ್ರಚಾರದ ಸಂದರ್ಭದಲ್ಲಿ ಕೇವಲ ಓಟಿಗಾಗಿ ಜನರ ಮುಂದೆ ಕಾಂಗ್ರೆಸ್ ಗ್ಯಾರಂಟಿಯನ್ನು 420 ಕಾರ್ಡ್ ಎಂದು ಜರಿದು ಜನರ ಮುಂದೆ ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದ ಆರಗ ಇಂದು ತಾವೇ ಮುಂದೆ ನಿಂತು ಗ್ಯಾರಂಟಿ ಯೋಜನೆಗಳ ಫಲಾನುಭವಿಗಳ ಸಮಾವೇಶಕ್ಕೆ ತಮ್ಮ ದೊಡ್ಡ ಪೋಟೋ ಬಳಸಿದ್ದಾರೆ. ಜತೆಗೆ ಜನರನ್ನು ಸಮಾವೇಶಕ್ಕೆ ಕಳಿಸಿದ್ದು ಗಮನಿಸಿದರೆ ಇಂದು ಕಾಂಗ್ರೆಸ್ ಗ್ಯಾರಂಟಿ ಮಾಡಿರುವ ಜನಪರ ಯೋಜನೆಯನ್ನು ಇವತ್ತು ಒಪ್ಪಿಕೊಂಡಿದ್ದಾರೆ ಎನಿಸುತ್ತಿದೆ. ಇನ್ನಾದರೂ ಆರಗ ಕಾಂಗ್ರೆಸ್ಸಿನ ಜನಪರ ಯೋಜನೆಗಳು ಜನರನ್ನು ಹೇಗೆ ತಲುಪುತ್ತದೆ ಎಂಬುದನ್ನು ಅರಿತು ಅದರಿಂದ ಜನರಿಗಾಗುವ ಉಪಯೋಗಳನ್ನು ಅರ್ಥಮಾಡಿಕೊಂಡು ಮಾತಾಡಬೇಕು ಎಂದು ಕಾಂಗ್ರೆಸ್ ನ ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಅಮ್ರಪಾಲಿ ಸುರೇಶ್ ಹೇಳಿದ್ದಾರೆ.
