ಚಿಕ್ಕಮಗಳೂರು: ಸಿಆರ್ ಪಿಎಫ್ ಅಧಿಕಾರಿಯಾಗಿರುವಂತಹ ಶೃಂಗೇರಿ ಮೂಲದ ಯೋಧರಾದ ಎನ್. ನಿತೇಶ್ ನರೇಂದ್ರ ಅವರಿಗೆ ಭಾರತೀಯ ಸೇನೆಯ ಪ್ರತಿಷ್ಠಿತ ‘ಆರ್ಮಿ ಕಮೆಂಡೇಶನ್ ಡಿಸ್ಕ್’ ಅರಸಿ ಬಂದಿದೆ. ಸೆಪ್ಟೆಂಬರ್ 16ರ ಬುಧವಾರ ಮತ್ತು 17ರ ಗುರುವಾರದ ರಾತ್ರಿಯ ಸಮಯದಲ್ಲಿ ಜಮ್ಮು ಕಾಶ್ಮೀರದ ಉಧಂಪುರ ಜಿಲ್ಲೆಯ ಮಜಲ್ಟಾ ವ್ಯಾಪ್ತಿಯ ಬ್ರಾಟಲ್ ಪ್ರದೇಶದಲ್ಲಿ ನಡೆದಂತಹ ‘ಆಪರೇಷನ್ ಸೋಹನ್’ ಎನ್ನುವ ಜಂಟಿ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆಯಲ್ಲಿ, ಕನ್ನಡಿಗ ನಿತೇಶ್ ನರೇಂದ್ರ ಅವರು ಪ್ರತಿಕೂಲ ಹವಾಮಾನ, ಕಠಿಣ ಭೂಪ್ರದೇಶ ಮತ್ತು ಕಡಿಮೆ ಗೋಚರತೆಯ ನಡುವೆಯೂ ತೋರಿದ ಧೈರ್ಯ ಮತ್ತು ಕರ್ತವ್ಯನಿಷ್ಠೆಯನ್ನು ಪರಿಗಣಿಸಿ, ಈ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಈ ಉಗ್ರ ನಿಗ್ರಹ ಕಾರ್ಯಾಚರಣೆಯಲ್ಲಿ ಭಾರತೀಯ ಸೇನೆಯ ವೈಟ್ ನೈಟ್ ಕಾರ್ಪ್ಸ್, ಜಮ್ಮು ಮತ್ತು ಕಾಶ್ಮೀರ್ ಪೊಲೀಸ್ ಹಾಗೂ ಸಿಆರ್ ಪಿಎಫ್ ಭಾಗಿಯಾಗಿದ್ದವು. ಪ್ರಸ್ತುತ ನಿತೇಶ್ ನರೇಂದ್ರ ಅವರು ಸಿಆರ್ ಪಿಎಫ್ ನ ಕೋಬ್ರಾ ಪಡೆಯ ಸಹಾಯಕ ಕಮಾಂಡಂಟ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. “ಭಯೋತ್ಪಾದಕರನ್ನು ಹತ್ಯೆ ಮಾಡಲಾಗಿದ್ದು, ಅವರ ಬಳಿ ಇದ್ದ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಕಾರ್ಯಾಚರಣೆಯಲ್ಲಿ ನಿತೇಶ್ ನರೇಂದ್ರ ಅವರು ಮಹತ್ವದ ಪಾತ್ರವನ್ನು ವಹಿಸಿದರು” ಎಂದು ಸ್ಥಳೀಯ ಆಕಾಶವಾಣಿ ವರದಿ ಮಾಡಿರುವ ಕುರಿತು ಮೂಲಗಳಿಂದ ಮಾಹಿತಿ ಲಭಿಸಿದೆ.
Categories
ಮಲೆನಾಡ ಯೋಧನಿಗೆ ಒಲಿದ ‘ಆರ್ಮಿ ಕಮೆಂಡೇಶನ್ ಡಿಸ್ಕ್’ ಗೌರವ – ಶೃಂಗೇರಿ ಮೂಲದ ಯೋಧರಾದ ಎನ್. ನಿತೇಶ್ ನರೇಂದ್ರ ಅವರಿಗೆ ಭಾರತೀಯ ಸೇನೆಯ ಪ್ರತಿಷ್ಠಿತ – ಉಗ್ರ ನಿಗ್ರಹ ಕಾರ್ಯಾಚರಣೆಯಲ್ಲಿ ಸೇವೆ