Month: November 2020

• ಗ್ರಾಮ ಪಂಚಾಯತ್ ಸದಸ್ಯ ದ್ವೇಷಕ್ಕೆ ಬಲಿ

ಕಲಬುರ್ಗಿ: ಜಮೀನು ವಿವಾದಕ್ಕೆ ಸಂಬಂಧಿಸಿ ಗ್ರಾಮ ಪಂಚಾಯತ್ ಸದಸ್ಯನೋರ್ವನನ್ನು ಬರ್ಬರವಾಗಿ ಹತ್ಯೆಗೈದ ಘಟನೆ ಕಲಬುರ್ಗಿ ನಗರದಲ್ಲಿ ನಡೆದಿದೆ. ಆಳಂದ ತಾಲೂಕಿನ ಕಡಗಂಚಿ ಗ್ರಾಮದ ಶಿವಲಿಂಗಪ್ಪ ಭೋಗಶೆಟ್ಟಿ(53) ಕೊಲೆಯಾದಾತ. ಏಳು ಜನರ ವಿರುದ್ದ ಪ್ರಕರಣ ದಾಖಲಿಸಿಕೊಂಡಿದ್ದು, ಆರೋಪಿಗಳ ಬಂಧನಕ್ಕೆ ಬಲೆ ಬೀಸಲಾಗಿದೆ ಎಂದು ಕಲಬುರ್ಗಿ ಡಿಸಿಪಿ ಕಿಶೋರ್ ಬಾಬು ಮಾಹಿತಿ ನೀಡಿದ್ದಾರೆ.

ಗ್ರಾಮ ಪಂಚಾಯತ್ ಸದಸ್ಯನೂ ಆಗಿದ್ದ ಈತ ಕಾಂಗ್ರೆಸ್ ಮುಖಂಡನಾಗಿ ಒಂದಷ್ಟು ರಾಜಕೀಯ ಚಟುವಟಿಕೆಗಳನ್ನು ಮಾಡುತ್ತಿದ್ದ. ಕಲಬುರ್ಗಿ ನಗರದ ಕೈಲಾಶ್ ನಗರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ. ಸೋಮವಾರ ರಾತ್ರಿ ಮನೆ ಬಳಿ ನಿಂತಾಗ ಏಕಾಏಕಿ ಬಂದೆರಗಿದ ದುಷ್ಕರ್ಮಿಗಳ ಗುಂಪು, ಕೊಲೆ ಮಾಡಿ ಪರಾರಿಯಾಗಿದೆ.

ತೀವ್ರ ರಕ್ತಸ್ರಾವದಿಂದ ಬಿದ್ದ ಸ್ಥಳದಲ್ಲಿಯೇ ವ್ಯಕ್ತಿ ಸಾವನ್ನಪ್ಪಿದ್ದಾನೆ. ಭೂ ವಿವಾದದ ಹಿನ್ನೆಲೆಯಲ್ಲಿ ಕೊಲೆ ನಡೆದಿದೆ ಎಂದು ಪೆÇಲೀಸರ ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ. ಕಡಗಂಚಿ ಗ್ರಾಮದ ಕಮಲಾಬಾಯಿ ಎನ್ನುವ ಮಹಿಳೆಯಿಂದ ಶಿವಲಿಂಗಪ್ಪ, 4 ಎಕರೆ, 4 ಗುಂಟೆ ಜಮೀನು ಖರೀದಿಸಿದ್ದ. ಹೊಲ ಖರೀದಿ ಮಾಡಿದಾಗಿನಿಂದಲೂ ಹೊಲ ಮಾರಾಟ ಮಾಡಿದ ಮಹಿಳೆಯ ಸಂಬಂಧಿಕರು ತಕರಾರು ತೆಗೆಯುತ್ತಲೇ ಇದ್ದರು. ಈ ಭೂಮಿ ತಮಗೆ ಸೇರಬೇಕಾದದ್ದೆಂದು ತಕರಾರು ತೆಗೆದು, ಶಿವಲಿಂಗಪ್ಪನಿಗೆ ಬಿತ್ತನೆ ಮಾಡಲೂ ಅವಕಾಶ ನೀಡಿರಲಿಲ್ಲ. ಹೀಗಾಗಿ ಖರೀದಿ ಮಾಡಿದ್ದ ಭೂಮಿ ಹಾಗೆಯೂ ಬೀಳಾಗಿ ಬಿದ್ದಿತ್ತು. ಇಷ್ಟಕ್ಕೆ ಸುಮ್ಮನಾಗದ ದುಷ್ಕರ್ಮಿಗಲು ಶಿವಲಿಂಗಪ್ಪನ ಮೇಲೆ ಒಮ್ಮೆ ಹಲ್ಲೆಯನ್ನೂ ಮಾಡಿದ್ದರು.

ಇತ್ತೀಚೆಗೆ ಹಣಕ್ಕಾಗಿ ಗೆಳೆಯನೇ ವ್ಯಕ್ತಿಯನ್ನು ಅಪಹರಿಸಿ, ಕೊಲೆಗೈದು ನದಿಗೆ ಎಸೆದಿದ್ದ ಸಿನಿಮೀಯ ಮಾದರಿಯ ಕೊಲೆ ಪ್ರಕರಣ ನಗರದಲ್ಲಿ ಬೆಳಕಿಗೆ ಬಂದಿತ್ತು. ಇದೀಗ ಕಲಬುರ್ಗಿ ನಗರದಲ್ಲಿ ಮತ್ತೋರ್ವ ವ್ಯಕ್ತಿಯ ಬರ್ಬರ ಹತ್ಯೆಯಾಗಿದೆ.

• ಭೀಮಾ ತೀರದ ಶೂಟೌಟ್ ಕೇಸ್: ರಾಜ್ಯದಲ್ಲೇ ಪ್ರಥಮ

ವಿಜಯಪುರ: ಭೀಮಾತೀರದ ನಟೋರಿಯಸ್ ಕ್ರಿಮಿನಲ್ ಮೇಲೆ ನಡೆದಿರುವ ಗುಂಡಿನ ದಾಳಿ ತನಿಖೆಗೆ ರಾಜ್ಯ ಇದೇ ಪ್ರಥಮ ಬಾರಿಗೆ 1500 ಪೆÇಲೀಸರಿಗೆ ನಿಯೋಜಿಸಿದೆ.
ಗುಂಡಿನ ದಾಳಿಯ ಕಾರ್ಯಾಚರಣೆ ಬೆನ್ನು ಹತ್ತಿ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಪೆÇಲೀಸರು, ಆರೋಪಿಗಳ ಜಾಡು ಹಿಡಿಯಲು ಹೊರಟಿದ್ದು ಇದೇ ಮೊದಲು ಅದು ಭೀಮಾತೀರದ ರಕ್ತತರ್ಪಣಕ್ಕಾಗಿ..

ವಿಜಯಪುರ ಜಿಲ್ಲೆ ಹಾಗೂ ಕಲಬುರ್ಗಿ ಜಿಲ್ಲೆಯ ಈ ಭೀಮಾತೀರದ ದಶಕಗಳಿಂದಲೂ ರಕ್ತಸಿಕ್ತ ಕ್ಷಣಗಳನ್ನು ನೋಡುತ್ತಲೇ ಬಂದಿದೆ. ಇಲ್ಲಿ ಹತ್ಯೆ ಮುಖ್ಯ. ಹೊರತಾಗಿ ಯಾರದ್ದೂ ಎನ್ನುವುದು ಆ ಎರಡು ಕುಟುಂಬಗಳ ಮಾತ್ರ ನಿರ್ಧಾರ ಮಾಡುತ್ತವೆ. ಹಾಗಾಗಿಯೇ ನಿರ್ಧಾರ ಮಾಡಿದ್ದಂತೆ ನಡೆದದ್ದೇ ಮಹಾದೇವ ಬೈರಗೊಂಡನ ಮೇಲೆ ಗುಂಡಿನ ದಾಳಿ ಎಂಬ ಮಾತುಗಳು ಕೇಳಿ ಬರುತ್ತೀವೆ.

ಸೋಮವಾರ ನಡೆದ ಘಟನೆಗೆ ಸಂಬಂಧಿಸಿದಂತೆ ಮಂಗಳವಾರ ಘಟನಾ ಸ್ಥಳಕ್ಕೆ ಭೇಟಿ ನೀಡಿದ ಹಿರಿಯ ಪೆÇಲೀಸ್ ಅಧಿಕಾರಿಗಳು ಪರಿಶೀಲನೆ ನಡೆಸಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ 5 ಬೈಕ್, ಒಂದು ಟಿಪ್ಪರ್ ಸೇರಿದಂತೆ ಪೆಟ್ರೋಲ್ ಬಾಂಬ್, ಲಾಂಗ್ ಜಪ್ತಿ ಮಾಡಿದ್ದಾರೆ. ಹತ್ಯೆಯ ಹಿಂದೆ 15 ರಿಂದ 20 ಜನರು ಇರಬಹುದೆಂದು ಹಿರಿಯ ಅಧಿಕಾರಿಗಳು ಸಂಶಯ ವ್ಯಕ್ತಪಡಿಸಿದ್ದಾರೆ.

ಗುಂಡಿನ ದಾಳಿಯಲ್ಲಿ ಈಗಾಗಲೇ ಬೈರಗೊಂಡನ ಮ್ಯಾನೇಜರ್ ಬಾಬೂರಾಯ ಕಂಚನಾಳಕರ ಹಾಗೂ ಚಾಲಕ ಲಕ್ಷ್ಮಣ ದಿಂಡೋರೆ ಮೃತಪಟ್ಟಿದ್ದಾರೆ. ಸಾಹುಕಾರ ಆರೋಗ್ಯದಲ್ಲಿ ಚೇತರಿಕೆ ಕಂಡು ಬಂದಿದೆ. ಘಟನೆಗೆ ಸಂಬಂಧಿಸಿದಂತೆ 3 ಜಿಲ್ಲೆಗಳಲ್ಲಿ 1500 ಪೆÇಲೀಸರು ಕಾರ್ಯಾಚರಣೆ ನಡೆಸಿದ್ದು ಆದಷ್ಟು ಬೇಗನೇ ಆರೋಪಿಗಳ ಪತ್ತೆ ಮಾಡುವ ವಿಶ್ವಾಸವನ್ನು ಮೂಲಗಳು ವ್ಯಕ್ತಪಡಿಸಿವೆ.

ಭೀಮಾತೀರದ ಹಂತಕ ಮಹಾದೇವ ಬೈರಗೊಂಡ ಉರ್ಫ್ ಸಾವುಕಾರ, ಎರಡು ವರ್ಷಗಳ ಹಿಂದೆ ಧರ್ಮರಾಜ ಚಡಚಣ ಮತ್ತು ಗಂಗಾಧರ ಚಡಚಣ ಅವರನ್ನು ಪೆÇಲೀಸರ ಸಹಾಯದಿಂದಲೇ ಕೊಲೆ ಮಾಡಿದ್ದ ಎಂಬ ಆರೋಪವೂ ಕೇಳಿ ಬಂದಿತ್ತು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೈಲು ಪಾಲಾಗಿ ಜಾಮೀನಿನ ಮೇಲೆ ಹೊರ ಬಂದ ಮೇಲೆಯೂ ತನ್ನ ಪ್ರಾಣ ರಕ್ಷಣೆಗಾಗಿ ಸಾವುಕಾರ ಗ್ಯಾಂಗ್ ಅನ್ನು ಸುತ್ತಲೂ ಕಟ್ಟಿಕೊಂಡು ಓಡಾಡುತ್ತಿದ್ದ. ಕೊನೆಗೂ ಮತ್ತದೇ ಘಟನೆ ಪುನರಾವರ್ತನೆಯಾಗಿದೆ ಎಂಬುದನ್ನು ಇಲ್ಲಿ ಉಲ್ಲೇಖನೀಯ.

• ಕಾರಿನ ಮೇಲೆ ಟಿಪ್ಪರ್ ಹರಿಸಿ ಫೈರಿಂಗ್
• ಇಬ್ಬರ ಸಾವು: ನಮ್ಮೂರ್ ಎಕ್ಸ್‍ಪ್ರೆಸ್ ವಿಶೇಷ ವರದಿ

ವಿಜಯಪುರ: ಭೀಮಾ ತೀರದ ನಟೋರಿಯಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸೋಮವಾರ ನಡೆದ ಗುಂಡಿನ ದಾಳಿ ಪ್ರಕರಣದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಮಹದೇವ ಬೈರಗೊಂಡ ಉರ್ಫ್ ಮಹದೇವ ಸಾವುಕಾರನ ಕಾರು ಚಾಲಕ ಉಪಚಾರ ಫಲಿಸದೇ ಮಂಗಳವಾರ ಸಾವನ್ನಪ್ಪಿದ್ದಾನೆ.

• 

• 

ಟಿಪ್ಪರ್ ಮೂಲಕ ಅಪಘಾತಪಡಿಸಿ ಸಾವುಕಾರನ ಮೇಲೆ ಗುಂಡಿನ ದಾಳಿ ನಡೆಸಿ ಕೊಲೆಗೆ ಯತ್ನಿಸಿದ್ದ ದುಷ್ಕರ್ಮಿಗಳ, ಸಂಚಿನಲ್ಲಿ ಆತನ ಕಾರ್ ಚಾಲಕ ಲಕ್ಷ್ಮಣ ದಿಂಡೋರ್ (27) ಮಾರಣಾಂತಿಕ ಗಾಯಗೊಂಡಿದ್ದ. ಗುಂಡು ತಗುಲು ಗಂಭೀರ ಗಾಯಗೊಂಡಿದ್ದ ಲಕ್ಷ್ಮಣ ಉಪಚಾರ ಫಲಿಸದೇ ಮಂಗಳವಾರ ಕೊನೆಯುಸಿರೆಳೆದಿದ್ದಾನೆ.

ಸೋಮವಾರ ನಡೆದ ಗುಂಡಿನ ದಾಳಿಯಲ್ಲಿ ಬೈರಗೊಂಡ ಸಾವುಕಾರನ ಮ್ಯಾನೇಜರ್ ಬಾಬುರಾಯ ಕಂಚನಾಳಕರ ಸ್ಥಳದಲ್ಲೇ ಸಾವನ್ನಪ್ಪಿದ್ದ. ಮಹದೇವ ಬೈರಗೊಂಡ ಆರೋಗ್ಯದಲ್ಲಿ ಚೇತರಿಕೆ ಕಂಡು ಬಂದಿದ್ದು ಆತ ಪ್ರಾಣಾಪಾಯದಿಂದ ಪಾರಾಗುವ ಸಾಧ್ಯತೆ ಇದೆ ಎಂದು ಆತನಿಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯರು ತಿಳಿಸಿದ್ದಾರೆ.

ಟಿಪ್ಪರ್ ಡಿಕ್ಕಿ ಹೊಡೆಸಿ ಫೈರಿಂಗ್!: ಮಹಾದೇವ ಸಾಹುಕಾರ ಬೈರಗೊಂಡ ತನ್ನ ಸಹಚರರೊಂದಿಗೆ ಸೋಮವಾರ 3 ವಾಹನದೊಂದಿಗೆ ನಗರದ ಹೊರ ವಲಯದ ಹೆದ್ದಾರಿ ಬಳಿಯ ಭೂತನಾಳ ಕ್ರಾಸ್ ಹತ್ತಿರದ ಹಣಮಂತ ಚಿಂಚಲಿ ಅವರ ಪೈಪ್ ಫ್ಯಾಕ್ಟರಿಗೆ ಭೇಟಿ ನೀಡಿ, ಮರಳಿ ಚಡಚಣ ಕಡೆಗೆ ತೆರಳುತ್ತಿದ್ದಾಗ ಕನ್ನಾಳ ಕ್ರಾಸ್ ಬಳಿ ಬೈರಗೊಂಡನ ಕಾರಿಗೆ ಟಿಪ್ಪರ್‍ವೊಂದು ಡಿಕ್ಕಿಯಾದ ಕ್ಷಣ 8-10 ಜನರು ಕಾರನ್ನು ಸುತ್ತಗಟ್ಟಿ ಕಲ್ಲು ತೂರಾಟ ನಡೆಸಿದ್ದರಲ್ಲದೇ, ಗುಂಡಿನ ದಾಳಿ ನಡೆಸಿ ಟಿಪ್ಪರ್ ಬಿಟ್ಟು ಪರಾರಿಯಾಗಿದ್ದರು.

ಗಂಭೀರ ಗಾಯ: ಗುಂಡಿನ ದಾಳಿಯಲ್ಲಿ ಮಹದೇವ ಸಾಹುಕಾರ ಬೈರಗೊಂಡನ ಹೊಟ್ಟೆ ಹಾಗೂ ಬೆನ್ನಿನ ಪಕ್ಕೆಲುಬು ಸೇರಿದಂತೆ ಮೂರು ಗುಂಡು ತಗುಲಿದ್ದು, ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾನೆ.

ಹಳೆ ವೈಷಮ್ಯ: ಭೀಮಾತೀರದ ನಟೋರಿಯಸ್ ಹಂತಕ ಚಂದಪ್ಪ ಹರಿಜನ, ಬಾಗಪ್ಪ ಹರಿಜನ ಇವರುಗಳ ರಕ್ತಪಾತದ ಕಥೆ ಒಂದೆಡೆಯಾದರೆ, ಇನ್ನು ಬೈರಗೊಂಡ ಹಾಗೂ ಚಡಚಣ ಕುಟುಂಬದ ವೈಷಮ್ಯದ ಕುಲುಮೆಯಲ್ಲಿ ಸದಾ ಬೇಯುತ್ತಿದ್ದ ಈ ಎರಡು ಕುಟುಂಬಗಳು ಭೀಮೆಯ ಒಡಲಲ್ಲಿ ರಕ್ತಪಾತ ಹರಿಸುತ್ತಲೇ ಬಂದಿವೆ.

ಈ ವೈಷಮ್ಯದ ಬೆಂಕಿಗೆ ಅದೆಷ್ಟೋ ಜನರು ಬಲಿಯಾದರೂ ಈ ಹೇಗೆತನ ಇನ್ನೂ ಆರುತ್ತಿಲ್ಲ. ಬೈರಗೊಂಡ ಹಾಗೂ ಚಡಚಣ ಕುಟುಂಬದ ವೈಷಮ್ಯಕ್ಕೆ ಮಹಾದೇವ ಸಾಹುಕಾರ ಬೈರಗೊಂಡನ ಅಣ್ಣ ಪುತ್ರಪ್ಪ ಸಾಹುಕಾರ ಬೈರಗೊಂಡ ಹಲವು ವರ್ಷಗಳ ಹಿಂದೆ ಗುಂಡಿನ ದಾಳಿಗೆ ಗಂಭೀರ ಗಾಯಗೊಂಡು ನೆಲ ಹಿಡಿದು ಸಾವಿಗೀಡಾಗಿದ್ದ. ಈ ವೈಷಮ್ಯ ಹೀಗೆ ಮುಂದುವರೆದ ಪರಿಣಾಮ ಮಲ್ಲಿಕಾರ್ಜುನ ಚಡಚಣನ ಮಕ್ಕಳಾದ ಧರ್ಮರಾಜ ಚಡಚಣ ಹಾಗೂ ಗಂಗಾಧರ ಚಡಚಣ ಸಾವಿನವರೆಗೂ ಹೊತ್ತಿಕೊಂಡು ಬಂದಿತ್ತು.

ನಕಲಿ ಎನ್‍ಕೌಂಟರ್‍ನಿಂದ ಜೈಲು!: ಅ.30 2017ರಂದು ಧರ್ಮರಾಜ ಚಡಚಣ ನಕಲಿ ಎನ್‍ಕೌಂಟರ್ ಹಾಗೂ ಗಂಗಾಧರ ಚಡಚಣ ನಿಗೂಢ ಕೊಲೆ ಪ್ರಕರಣಕ್ಕೆ ಮಹಾದೇವ ಸಾಹುಕಾರ ಬೈರಗೊಂಡ ಸೇರಿದಂತೆ ಕೆಲ ಪೆÇಲೀಸ್ ಅಧಿಕಾರಿಗಳು ದರ್ಗಾ ಜೈಲು ಸೇರಿದ್ದರು. ಅನಂತರ ಜಾಮೀನಿನ ಮೇಲೆ ಮಹಾದೇವ ಸಾಹುಕಾರ ಬೈರಗೊಂಡ ಹೊರಗೆ ಬಂದಿದ್ದ. ಅಲ್ಲದೇ ಈಚೆಗೆ ಮಹಾದೇವ ಸಾಹುಕಾರ ಬೈರಗೊಂಡ ಹಾಗೂ ಬಾಗಪ್ಪ ಹರಿಜನ ಸೇರಿದಂತೆ ಮೂವರು ಚಿನ್ನದ ವ್ಯಾಪಾರಿಯನ್ನು ಹೆದರಿಸಿ 5 ಕೋಟಿ ರೂ.ಗಳು ಹಾಗೂ 3 ಕೆಜಿ ಚಿನ್ನಕ್ಕೆ ಬೇಡಿಕೆಯಿಟ್ಟು ಮತ್ತೇ ಮೈಮೇಲೆ ಪ್ರಕರಣ ಹಾಕಿಕೊಂಡಿದ್ದರು ಎಂಬುದನ್ನು ಇಲ್ಲಿ ಸ್ಮರಿಸಬಹುದು.

ದಾಳಿ ಶಂಕೆ: ಧರ್ಮರಾಜ ಚಡಚಣ ನಕಲಿ ಎನ್‍ಕೌಂಟರ್ ಹಾಗೂ ಗಂಗಾಧರ ಚಡಚಣ ನಿಗೂಢ ಸಾವಿನ ಕುರಿತು ಸಿಬಿಐ ತನಿಖೆ ನಡೆಸುವಂತೆ ಕೆಲ ದಿನಗಳ ಹಿಂದೆ ಚಡಚಣ ಸಹೋದರರ ತಾಯಿ ವಿಮಲಾಬಾಯಿ ಜಿಲ್ಲಾಧಿಕಾರಿಗಳ ಮೂಲಕ ರಾಜ್ಯ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದ್ದಳು.ಸೋಮವಾರ ನಡೆದ ಘಟನೆಗೆ ಸಂಬಂಧಿಸಿದಂತೆ ವಿಜಯಪುರ ಗ್ರಾಮೀಣ ಪೆÇಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.

ಶೂಟೌಟ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೆಳಗಾವಿಯ ಉನ್ನತ ಪೊಲೀಸ್ ಅಧಿಕಾರಿಗಳ ತಂಡದ ಮೂವರು ಸದಸ್ಯರು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸ್ಥಳದಲ್ಲಿ ಸಿಕ್ಕ ಜೀವಂತ ಗುಂಡುಗಳು ಹಾಗೂ ಬೈಕ್‍ಗಳನ್ನು ವಶಕ್ಕೆ ಪಡೆಯಲಾಗಿದೆ. ಈ ವಿಶೇಷ ತಂಡಕ್ಕೆ ಎಸ್ಪಿ ಅನುಪಮ್ ಅಗರವಾಲ್ ಸಾಥ್ ನೀಡಿದ್ದಾರೆ.