Month: November 2023

ತೀರ್ಥಹಳ್ಳಿಯ ಹಳ್ಳಿ ಹಳ್ಳಿಗಳಲ್ಲಿ ಕನ್ನಡ ಕಲರವ!
– ಪಡುವಳ್ಳಿಯಲ್ಲಿ ರಾಜ್ಯೋತ್ಸವ: ಸೈನಿಕರಿಗೆ ಸನ್ಮಾನ
– ಮೇಲಿನ ಕುರುವಳ್ಳಿಯಲ್ಲಿ ಯುವಕರ ಕನ್ನಡ ಸೇವೆ
– ಟಿ.ಎಸ್. ಟಿ, ಪೂರ್ವಿಕಾ ಮೊಬೈಲ್ಸ್ ಅಲ್ಲಿ ಕನ್ನಡ ಅಲಂಕಾರ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಿನ ಪಡುವಳ್ಳಿಯಲ್ಲಿ ಶಾಂತವೇರಿ ಗೋಪಾಲಗೌಡ ಕನ್ನಡ ಸೇವಾ ಸಮಿತಿ ವತಿಯಿಂದ 68ನೇ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು, ಈ ಕಾರ್ಯಕ್ರಮದ ಧ್ವಜಾರೋಹಣವನ್ನು ಎನ್. ಎಸ್. ಜಿ ಕಮಾಂಡೋ ಮಾಜಿ ಸೈನಿಕರಾದ ಎಸ್. ಪಿ. ಪ್ರದೀಪ್ ರವರು ನೆರವೇರಿಸಿ ಮಾತನಾಡಿದರು. ಈ ಸಂದರ್ಭದಲ್ಲಿ ಜಿಲ್ಲಾ ಕರವೇ ಸಂಚಾಲಕರಾದ ಪಡುವಳ್ಳಿ ಹರ್ಷೇಂದ್ರ ಕುಮಾರ್, ಹೊನ್ನೇ ತಾಳು ಗ್ರಾಮ ಪಂಚಾಯಿತಿ ಅಧ್ಯಕ್ಷರಾದ ಬಿಳಿಗೆರೆ ಮಂಜುನಾಥ್, ಗ್ರಾಮ ಪಂಚಾಯತಿ ಸದಸ್ಯರಾದ ಭಾಗ್ಯಪಡುವಳ್ಳಿ, ಮಾಜಿ ಗ್ರಾಮ ಪಂಚಾಯಿತಿ ಸದಸ್ಯರಾದ ಜಾವಗಲ್ ರಾಮಸ್ವಾಮಿ, ಧರೆಮನೆ ನಾಗೇಶ್ ,

ನಿವೃತ್ತ ಶಿಕ್ಷಕರಾದ ಪಡುವಳ್ಳಿ ಕಿಟ್ಟಪ್ಪ , ಪಡುವಳ್ಳಿ ಭರತ್ ಕುಮಾರ್, ರತ್ನಮ್ಮ ,ಅಮೃತಮ್ಮ, ಶೀಲಾ, ನಾಗವೇಣಿ, ಪಿಕೆ ಲೋಕಪ್ಪ ,ಪಿ.ಡಿ. ಲಿಂಗಪ್ಪಗೌಡ, ಪಡುವಳ್ಳಿಗೌತಮ್ ಗೌಡ, ನಿತ್ಯಾನಂದ, ರಾಘವೇಂದ್ರ ,ಕಿರಣ ವಿಶ್ವನಾಥ, ಚಂದನ, ನಂದನ, ಕಾರ್ತಿಕ್ ,ಸಂದೀಪ್ ಗ್ರಾಮಸ್ಥರು ಉಪಸ್ಥಿತರಿದ್ದರು. ಕಮಾಂಡೋ ಎಸ್. ಪಿ. ಪ್ರದೀಪ್ ಮಾಜಿ ಸೈನಿಕರು ಹಾಗೂ ಹೊನ್ನೇ ತಾಳು ಗ್ರಾ.ಪo.ಅಧ್ಯಕ್ಷರಾದ ಬಿಳಿಗೆರೆ ಮಂಜುನಾಥ್ ಅವರಿಗೆ ಸನ್ಮಾನಿಸಲಾಯಿತು. 68ನೇ ಕನ್ನಡ ರಾಜ್ಯೋತ್ಸವವನ್ನು ಸಿಹಿ ಹಂಚಿ ಸಂಭ್ರಮಾಚರಣೆ ಇಂದ ಆಚರಿಸಲಾಯಿತು.

ಮೇಲಿನ ಕುರುವಳ್ಳಿಯಲ್ಲಿ ರಾಜ್ಯೋತ್ಸವ

ತೀರ್ಥಹಳ್ಳಿ ಪಟ್ಟಣ ಸಮೀಪದ ಮೇಲಿನ ಕುರುವಳ್ಳಿಯಲ್ಲಿ ಯುವಕರು ಕನ್ನಡ ಭಾವುಟ ಹಾರಿಸುವ ಮೂಲಕ ರಾಜ್ಯೋತ್ಸವ ಆಚರಣೆ ಮಾಡಿದರು. ಮನು ಮೇಲಿನಕುರುವಳ್ಳಿ, ಚಂದ್ರ, ರಾಘವೇಂದ್ರ ಅಭಿನವ, ಹರೀಶ್, ಶರತ್, ಶ್ರೇಯಸ್, ವಿಶ್ವ ರವಿ ರಹೀಮ್, ಶರತ್, ಮನೋಜ್ ಇದ್ದರು.

ಟಿ.ಎಸ್. ಟಿ, ಪೂರ್ವಿಕಾ ಮೊಬೈಲ್ಸ್ ಅಲ್ಲಿ ಕನ್ನಡ ಅಲಂಕಾರ

ತೀರ್ಥಹಳ್ಳಿಯ ಟಿ. ಎಸ್.ಟಿ ಹೈಪರ್ ಮಾರ್ಟ್, ಪೂರ್ವಿಕಾ ಮೊಬೈಲ್ಸ್ ಸೇರಿ ಎಲ್ಲೆಡೆ ಕನ್ನಡದ ಭಾವುಟ ಮತ್ತು ಅಲಂಕಾರ ಗಮನ ಸೆಳೆಯಿತು.

ತೀರ್ಥಹಳ್ಳಿಯಲ್ಲಿ ಜಿಂಕೆ, ಕಾಡು ಕೋಣದ ಕೊಂಬು ವಶ!
– ನೂರಾರು ವರ್ಷದ ಹಿಂದಿನ ವಸ್ತು ಸೀಜ್: ವಯಸ್ಸಾದ ಮನೆ ಮಾಲೀಕನ ಬಂಧನ ಖಂಡಿಸಿ ಪ್ರತಿಭಟನೆ
– ಆಗುಂಬೆ ಭಾಗದಲ್ಲಿ ಕಾಡುಕೋಣ ಕಾಟ!
– ಘನ ತ್ಯಾಜ್ಯ ವಸ್ತು ನಿರ್ವಹಣೆಗೆ ಹೊಸ ಯಂತ್ರದ ವಾಹನ

NAMMUR EXPRESS NEWS
ತೀರ್ಥಹಳ್ಳಿ ತಾಲೂಕು ಹಣಗೆರೆ ಸಮೀಪದ ಬಸವನಗದ್ದೆಯ ಬ್ರಾಹ್ಮಣ ಕುಟುಂಬದ ಪ್ರಸನ್ನ ಎಂಬುವವರ ಮನೆಯಲ್ಲಿ ನೂರಾರು ವರ್ಷಗಳ ಹಿಂದಿನ ಕಾಡಿನಲ್ಲಿ ಬಿದ್ದ ಜಿಂಕೆ ಕೊಂಬು ಮತ್ತು ಕಾಡುಕೋಣದ ಕೊಂಬುಗಳಿದ್ದಿದ್ದನ್ನು ಅರಣ್ಯಾಧಿಕಾರಿ ಗಳು ವಶಪಡಿಸಿಕೊಂಡಿದ್ದಾರೆ.

ಆರಗ ನೇತೃತ್ವದಲ್ಲಿ ಪ್ರತಿಭಟನೆ

ನೂರಾರು ವರ್ಷದ ಹಿಂದಿನ ಪ್ರಾಣಿ ವಸ್ತು ಇಟ್ಟ ಆರೋಪದ ಮೇಲೆ ಕುಟುಂಬದ ವಯಸ್ಸಾಗಿ ಅನಾರೋಗ್ಯದಲ್ಲಿರುವ ಯಜಮಾನನ್ನು ಬಂಧಿಸಲು ಮುಂದಾಗಿದ್ದನ್ನು ಖಂಡಿಸಿ ಶಾಸಕ ಆರಗ ಜ್ಞಾನೇಂದ್ರರವರು ಗ್ರಾಮಸ್ಥರೊಂದಿಗೆ ಅರಣ್ಯಾಧಿಕಾರಿಗಳ ನಡೆ ಖಂಡಿಸಿದ್ದಾರೆ.

ಘನ ತ್ಯಾಜ್ಯ ವಸ್ತು ನಿರ್ವಹಣೆಗೆ ಹೊಸ ಯಂತ್ರದ ವಾಹನ

ತೀರ್ಥಹಳ್ಳಿ ಪಟ್ಟಣ ಪಂಚಾಯತ್ ನಲ್ಲಿ 15ನೇ ಹಣಕಾಸು ಯೋಜನೆ ಅಡಿಯಲ್ಲಿ ಘನ ತ್ಯಾಜ್ಯ ವಸ್ತು ನಿರ್ವಹಣೆಯ ವಿಲೇವಾರಿ ಯಂತ್ರದ ವಾಹನವನ್ನು ಉದ್ಘಾಟನೆ ಮಾಡಲಾಯಿತು. 26 ಲಕ್ಷ ಮೊತ್ತದ ವೆಚ್ಚದಲ್ಲಿ 6000 ಲೀಟರ್ ನಷ್ಟು ಘನ ತ್ಯಾಜ್ಯ ವಸ್ತು ಶೇಖರಿಸುವ ಅತೀ ದೊಡ್ಡ ವಾಹನವನ್ನು ಉದ್ಘಾಟನೆ ಮಾಡಲಾಗಿದ್ದು ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬಹುದು ಎಂದು ತಿಳಿಸಿದ್ದಾರೆ.ಪ. ಪಂ ಅಧ್ಯಕ್ಷೆ ಗೀತಾ ರಮೇಶ್, ಉಪಾಧ್ಯಕ್ಷರಾದ ರೆಹಮಾತುಲ್ಲ ಅಸಾದಿ, ಮುಖ್ಯಾಧಿಕಾರಿ ಕುರಿಯಾಕೋಸ್, ಸದಸ್ಯರುಗಳಾದ ಸಂದೇಶ್ ಜವಳಿ, ಸೊಪ್ಪುಗುಡ್ಡೆ ರಾಘವೇಂದ್ರ, ಮಂಜುಳಾ ನಾಗೇಂದ್ರ, ಜ್ಯೋತಿ ಮೋಹನ್, ಶಬನಮ್, ರತ್ನಾಕರ್ ಶೆಟ್ಟಿ, ಸುಶೀಲ ಶೆಟ್ಟಿ ಸೇರಿ ಹಲವರು ಇದ್ದರು.

ಆಗುಂಬೆ ಭಾಗದಲ್ಲಿ ಕಾಡುಕೋಣ ಕಾಟ!

ತೀರ್ಥಹಳ್ಳಿ ತಾಲೂಕಿನ ಆಗುಂಬೆ ಭಾಗದಲ್ಲಿ ಕಾಡುಕೋಣಗಳ ಕಾಟ ಹೆಚ್ಚಾಗಿದೆ. ಇತ್ತೀಚಿಗೆ ಕುಂದಾದ್ರಿ ಬಿದರಗೋಡು ಭಾಗದಲ್ಲಿ ಕಾಡು ಕೋಣಗಳು ರಸ್ತೆ ಮೇಲೆ ನಿಂತಿರುತ್ತವೆ. ಇತ್ತೀಚಿಗೆ ಬೈಕ್ ಸವಾರರೊಬ್ಬರು ಕಾಡು ಕೋಣಕ್ಕೆ ಹೆದರಿ ಬೈಕ್ ಅಪಘಾತಗೊಂಡ ಘಟನೆ ನಡೆದಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.

ತೀರ್ಥಹಳ್ಳಿಯಲ್ಲಿ ಕಾಣದ ರಾಜ್ಯೋತ್ಸವದ ರಂಗು!
– ನಾಡ ಹಬ್ಬ ಆಚರಣೆ ಮಂಕು: ಸರ್ಕಾರಿ ಕಚೇರಿಗಳಲ್ಲಿ ಹಾರದ ಬಾವುಟ
– ಮಕ್ಕಳ ಮೆರವಣಿಗೆ: ಸಭಾ ಕಾರ್ಯಕ್ರಮ

NAMMUR EXPRESS NEWS
ತೀರ್ಥಹಳ್ಳಿ: ಕರ್ನಾಟಕದಾದ್ಯಂತ ಕರ್ನಾಟಕ ಸಂಭ್ರಮ-50 ಹೆಸರಾಯಿತು ಕರ್ನಾಟಕ ಉಸಿರಾಗಲಿ ಕನ್ನಡ ಎಂಬ ಘೋಷವಾಕ್ಯ ಮೂಲಕ ರಾಜ್ಯೋತ್ಸವ ಆಚರಣೆ ಮಾಡಲಾಗಿದೆ. ಆದರೆ ತೀರ್ಥಹಳ್ಳಿಯಲ್ಲಿ ರಾಜ್ಯೋತ್ಸವದ ರಂಗು ಅಷ್ಟಾಗಿ ಕಾಣಲಿಲ್ಲ. ರಾಜ್ಯದ ಹಲವೆಡೆ, ತಾಲೂಕು ಕೇಂದ್ರ, ಪಟ್ಟಣದಲ್ಲಿ ಸಂಭ್ರಮ ಸಡಗರದಿಂದ ವಿದ್ಯುತ್ ದೀಪ ಅಲಂಕಾರ ಹಾಗೂ ಕನ್ನಡ ಬಾವುಟ, ತಳಿರು ತೋರಣಗಳಿಂದ ಸಿಂಗರಿಸಿ ವಿವಿಧ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಆದರೆ ತೀರ್ಥಹಳ್ಳಿ ಪಟ್ಟಣದಲ್ಲಿ ಕನ್ನಡ ಕಹಳೆ ಮೊಳಗಲಿಲ್ಲ. ಸರ್ಕಾರಿ ಕಾರ್ಯಕ್ರಮ ಹೊರತುಪಡಿಸಿದರೆ ಬೇರೆಲ್ಲೂ ರಾಜ್ಯೋತ್ಸವದ ಸಂಭ್ರಮ ಕಾಣಲಿಲ್ಲ. ಬೆಳಗ್ಗೆಯ ಕಾರ್ಯಕ್ರಮದಲ್ಲಿ ಶಾಲಾ ವಿದ್ಯಾರ್ಥಿಗಳು, ಬೆರಳೆಣಿಕೆಯ ಅಧಿಕಾರಿಗಳು, ರಕ್ಷಣಾ ವೇದಿಕೆಯ ಪದಾಧಿಕಾರಿಗಳು ಹೊರತುಪಡಿಸಿದರೆ, ಇಲಾಖೆಯ ಅಧಿಕಾರಿಗಳು ಇದ್ದು ಚುನಾಯಿತ ಜನಪ್ರತಿನಿಧಿಗಳು ಕಾಣಲಿಲ್ಲ.

ಸರ್ಕಾರಿ ಕಚೇರಿಗಳಲ್ಲಿ ಕನ್ನಡಕ್ಕೆ ಅವಮಾನ

ತೀರ್ಥಹಳ್ಳಿ ಸರ್ಕಾರಿ ಕಚೇರಿಗಳಲ್ಲಿ ಕೂಡ ಸಿಬ್ಬಂದಿ ಕನ್ನಡ ಹಬ್ಬ ಆಚರಣೆ ಮಾಡಲಿಲ್ಲ. ಎಲ್ಲಿಯೂ ಭಾವುಟ, ಅಲಂಕಾರ ಕಾಣಲಿಲ್ಲ.

ತೀರ್ಥಹಳ್ಳಿಯಲ್ಲಿ ನಡೆದ ರಾಜ್ಯೋತ್ಸವ ಕಾರ್ಯಕ್ರಮ

ತೀರ್ಥಹಳ್ಳಿಯಲ್ಲಿ ನಡೆದ ಸಭಾ ಕಾರ್ಯಕ್ರಮದಲ್ಲಿ ಶಾಸಕ ಆರಗ ಜ್ಞಾನೇಂದ್ರ, ತಹಸೀಲ್ದಾರ್ ಲಿಂಗರಾಜ್, ಪಟ್ಟಣ ಪಂಚಾಯತ್ ಅಧ್ಯಕ್ಷರಾದ ಗೀತಾ ರಮೇಶ್, ಮುಖ್ಯ ಅಧಿಕಾರಿ ಕುರಿಯಾಕೋಸ್, ಕರವೇ ಅಧ್ಯಕ್ಷ ಸುರೇಂದ್ರ, ಇಒ ಶೈಲಾ, ಪಟ್ಟಣ ಪಂಚಾಯತ್ ಸದಸ್ಯರಾದ ಗಣಪತಿ, ರತ್ನಾಕರ್ ಶೆಟ್ಟಿ ಸೇರಿದಂತೆ ಅನೇಕ ಗಣ್ಯರು ಹಾಜರಿದ್ದರು.