Category: ಹೊಸನಗರ

ಯಡೂರು ಕ್ರಿಕೆಟ್ ಲೀಗ್ ರಂಗು: ಮಾದರಿಯಾದ ಟೂರ್ನಿ!
– 2 ದಿನಗಳ ಕಾಲ ಕ್ರಿಕೆಟ್ ಮಹಾ ಹಬ್ಬ: ಆಟದ ಜತೆ ಸಮಾಜಸೇವೆ
– ಯಡೂರಿಗೆ ಬರಲಿದ್ದಾರೆ ಗಣ್ಯರ ದಂಡು: ಸರ್ವರಿಗೂ ಸ್ವಾಗತ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಹೊಸನಗರ/ತೀರ್ಥಹಳ್ಳಿ: ಹೊಸನಗರ ತೀರ್ಥಹಳ್ಳಿ ತಾಲೂಕುಗಳ ಗಡಿ ಭಾಗ ಯಡೂರಿನಲ್ಲಿ ಯಡೂರು ಕ್ರಿಕೆಟ್ ಲೀಗ್ ಸೀಸನ್ 8 ಫೆ. 21, 22ರಂದು ಸುಳುಗೋಡು-ಯಡೂರು ಗ್ರಾಮದ ವಿ.ಟಿ. ಮೈದಾನದಲ್ಲಿ ನಡೆದಿದ್ದು, ಅತ್ಯಂತ ಯಶಸ್ವಿಯಾಗಿ ನಡೆಯಿತು. ಯಡೂರು ಸುಳುಗೋಡು ಗ್ರಾಮ ಪಂಚಾಯತ್ ಅನ್ನು ಹೊಸನಗರ ತಾಲೂಕಿನಿಂದ ತೀರ್ಥಹಳ್ಳಿ ತಾಲೂಕಿಗೆ ಸೇರಿಸಿ ಎಂಬ ಅಗ್ರಹ ಇದೇ ವೇದಿಕೆಯಲ್ಲಿ ವ್ಯಕ್ತವಾಯಿತು.

ಫೆ. 21ರ ಶನಿವಾರ ಟೂರ್ನಿಯನ್ನು ಉದ್ಘಾಟನೆ ಮಾಡಲಾಯಿತು. ಎರಡು ದಿನಗಳ ವೇದಿಕೆ ಕಾರ್ಯಕ್ರಮ ಅತ್ಯಂತ ಅರ್ಥಪೂರ್ಣವಾಗಿ ನಡೆದಿದ್ದು, ಭಾಗವಹಿಸಿದ ಎಲ್ಲರೂ ವೈ.ಸಿ.ಎಲ್ ತಂಡದ ಸಾಮಾಜಿಕ ಸೇವೆ ಬಗ್ಗೆ ಮೆಚ್ಚುಗೆ ಮಾತನಾಡಿದರು. ಉದ್ಘಾಟನೆ ವೇಳೆ ಸತೀಶ್ ಈರೇಗೌಡ, ಡಾಕ್ಟರ್ ಸುನೀಲ್ , ಶ್ರುತಿ ಡಾಕಪ್ಪ, ಲೋಹಿತ್ಇದ್ದರು.

ಸಮಾರೋಪದಲ್ಲಿ ಊರಿನ ಪ್ರಮುಖರಾದ ಭಾಸ್ಕರ ಜೋಯ್ಸ, ಶಂಕರಪ್ಪ ಗೌಡ, ಸಹ್ಯಾದ್ರಿ ಪಾಲಿಟೆಕ್ನಿಕ್ ಅನಿತಾ ನಾಗರಾಜ್, ವಕೀಲ ಶಶಾಂಕ ಕೊಳವಾಡಿ, ಉದ್ಯಮಿಗಳಾದ ಆದಿತ್ಯ ಕಿಮ್ಮನೆ, ಯುವ ಸಹಕಾರಿ ಅಜಿತ್ ಗೌಡ, ಕೃಷಿಕರಾದ ಮೂರ್ತಿಗೌಡ , ರಾಘವೇಂದ್ರ ( ನಮ್ಮೂರ್ ಎಕ್ಸ್ಪ್ರೆಸ್ ಮುಖ್ಯಸ್ಥರು ), ಶ್ರುತಿ ಡಾಕಪ್ಪ ನ್ಯೂಸ್ 18,  ರಾಜುಗೌಡ ಕೋಣಂದೂರು, ಕಲ್ಪನಾ ಖುಷಿ, HG, ಡಾ ಸುನೀಲ್, ಡಾ ಪ್ರತೀಕ್, ಸಂದೀಪ್ ಈಚಲಬೈಲ್, ಅನಿಲ್ ಗೋವಿನ ಹಳ್ಳಿ, YCL ನ ಹತ್ತು ತಂಡದ ಮಾಲೀಕರು ಹಾಜರಿದ್ದರು. ಆಯೋಜಕರಾದ ಪ್ರೇಮ್ ಯಡೂರು, ಸುಂದರೇಶ್ ಯಡೂರು, ಚಿದಾನಂದ್, ವಿನಯ್ ಸೇರಿ ಸರ್ವರೂ ಇದ್ದರು.

ಸಾಧಕರಿಗೆ ಸನ್ಮಾನ: ಸಾಂಸ್ಕೃತಿಕ ಕಾರ್ಯಕ್ರಮ

ಪ್ರತಿಷ್ಠಿತ ರೋಲ್ಸ್ ರಾಯ್ ಕಂಪನಿಯಲ್ಲಿ ಕೆಲಸ ಪಡೆದುಕೊಂಡ ಹೆಮ್ಮೆಯ ಕನ್ನಡತಿ ಕುಮಾರಿ ರಿತುಪರ್ಣ ಸುರೇಶ್, ಎಸ್ ಎಸ್ ಎಲ್ ಸಿ ಯಲ್ಲಿ ರಾಜ್ಯಕ್ಕೆ 5ನೇ ಸ್ಥಾನವನ್ನು ಪಡೆದುಕೊಂಡ ಬಂಗ್ಲಗಲ್ಲು ಕುಮಾರಿ ನಿಧಿ ಬಿ.ಕೆ ಅವರನ್ನು ಸಮಾರೋಪ ಕಾರ್ಯಕ್ರಮದಲ್ಲಿ ಸನ್ಮಾನಿಸಿ ಗೌರವಿಸಲಾಯಿತು. ಉಡುಪಿ ವಿ ರಾಕ್ಸ್ ತಂಡದ ನೃತ್ಯ ಕಾರ್ಯಕ್ರಮ ನಡೆಯಿತು. ಪಟಾಕಿ ಪ್ರದರ್ಶನ ಗಮನ ಸೆಳೆಯಿತು.

ಗೆದ್ದವರು ಯಾರು..?
– ಪ್ರಥಮ ಸ್ಥಾನವನ್ನು ಮಲ್ನಾಡ್ ಫಾರ್ಮರ್ಸ್ ತಂಡ
– ಎರಡನೇ ಸ್ಥಾನ ಪಡೆದ ಯಡೂರು ಲಯನ್ಸ್ ತಂಡ
– ಮೂರನೇ ಸ್ಥಾನ ಪಡೆದ ಲಚ್ಚಿ ಬ್ರದರ್ಸ್ ತಂಡ
– ನಾಲ್ಕನೇ ಸ್ಥಾನ ಪಡೆದ ಹನಿ ಸ್ಟ್ರೈಕರ್ ತಂಡ

ಅಚ್ಚುಕಟ್ಟಿನ ಆಯೋಜನೆಗೆ ಹೆಸರು!

ಕ್ರಿಕೆಟ್ ಜತೆಗೆ ಸಾಮಾಜಿಕ ಸೇವೆ ಕೆಲಸ ಮಾಡುವ ಕೆಲಸವನ್ನು ಈ ಯಡೂರು ಹುಡುಗರು 8 ವರ್ಷದಿಂದ ಮಾಡಿಕೊಂಡು ಬಂದಿದ್ದಾರೆ. ಬರೀ ಕ್ರಿಕೆಟ್ ಸೀಮಿತವಾಗದೆ ಅನೇಕ ಜನಪರ ಕೆಲಸಗಳನ್ನು ಮಾಡುತ್ತಿದ್ದಾರೆ. ಯಡೂರು ಪ್ರೇಮ್, ಸುಂದರೇಶ್ ಸೇರಿ 25ಕ್ಕೂ ಹೆಚ್ಚು ಮಂದಿ ಸ್ನೇಹಿತರು ಈ ಕೆಲಸ ಮಾಡುತ್ತಿದ್ದಾರೆ.

ತೀರ್ಥಹಳ್ಳಿ, ಕೋಣಂದೂರಲ್ಲಿ ಹೈಟೆಕ್ ಬಸ್ ನಿಲ್ದಾಣಕ್ಕೆ ಶಂಕು!
– ಮಲೆನಾಡು ಅಭಿವೃದ್ಧಿ ಮಂಡಳಿಯಿಂದ ಬಸ್ ನಿಲ್ದಾಣ ನಿರ್ಮಾಣಕ್ಕೆ ಚಾಲನೆ
– ಕೋಣಂದೂರಲ್ಲಿ ಹೊಸ ಬಸ್ ನಿಲ್ದಾಣ: ಸ್ಥಳೀಯ ಪ್ರಮುಖರ ಸಾಥ್

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ತೀರ್ಥಹಳ್ಳಿ: ತೀರ್ಥಹಳ್ಳಿ ಪಟ್ಟಣದ ಆಗುಂಬೆ ಬಸ್ ನಿಲ್ದಾಣ ಮತ್ತು ಕೋಣಂದೂರಲ್ಲಿ ಹೈಟೆಕ್ ಬಸ್ ನಿಲ್ದಾಣಕ್ಕೆ ಶಂಕು ಸ್ಥಾಪನೆ ಮಾಡಲಾಯಿತು.
ಮಲೆನಾಡು ಪ್ರದೇಶಾಭಿವೃದ್ಧಿ ನಿಗಮದ ಅಧ್ಯಕ್ಷರಾದ ಡಾ.ಆರ್.ಎಂ.ಮಂಜುನಾಥ ಗೌಡ ಚಾಲನೆ ನೀಡಿ, 15 ಲಕ್ಷ ರೂಪಾಯಿಯಲ್ಲಿ ಒಳ್ಳೆಬಸ್ ನಿಲ್ದಾಣ ನಿರ್ಮಾಣ ಆಗಲಿದೆ. ತೀರ್ಥಹಳ್ಳಿ ಸುಂದರವಾದ ಊರು. ಅದು ಇನ್ನಷ್ಟು ಸುಂದರವಾಗಿ ಕಾಣುವಂತೆ ಮಾಡೋಣ ಎಂದರು.

ತೀರ್ಥಹಳ್ಳಿ ಕ್ಷೇತ್ರದ ಶಾಸಕರು ಹಾಗೂ ಮಾಜಿ ಗೃಹ ಸಚಿವರಾದ ಆರಗ ಜ್ಞಾನೇಂದ್ರ, ಪಟ್ಟಣ ಪಂಚಾಯತ್ ಅಧ್ಯಕ್ಷರಾದ ರತ್ನಾಕರ ಶೆಟ್ಟಿ, ಸಹಕಾರ ನಾಯಕ ವಿಜಯದೇವ, ಉಪಾಧ್ಯಕ್ಷೆಯಾದ ಗೀತಾ ರಮೇಶ್, ಮುಖ್ಯ ಅಧಿಕಾರಿ ನಾಗರಾಜ್, ಸದಸ್ಯರಾದ ಸೊಪ್ಪುಗುಡ್ಡೆ ರಾಘವೇಂದ್ರ, ರಹಮತ್ ಉಲ್ಲಾ ಅಸಾದಿ, ಜ್ಯೋತಿ ಮೋಹನ್, ಸುಶೀಲಾ ಶೆಟ್ಟಿ, ಮಂಜುಳಾ ನಾಗೇಂದ್ರ, ಶಬನಮ್, ಸಂದೇಶ್ ಜವಳಿ, ರಾಘವೇಂದ್ರ ಶೆಟ್ಟಿ,, ಜಿನಾ ವಿಕ್ಟರ್, ಸುಂದರೇಶ್ ಮೊದಲಾದವರು ಉಪಸ್ಥಿತರಿದ್ದರು.

ಕೋಣಂದೂರಲ್ಲಿ ಬಸ್ ನಿಲ್ದಾಣಕ್ಕೆ ಚಾಲನೆ

ಕೋಣಂದೂರು: ತೀರ್ಥಹಳ್ಳಿ ಬಳಿಕ ಅತೀ ವೇಗವಾಗಿ ಬೆಳೆಯುತ್ತಿರುವ ತಾಲೂಕಿನ ಪ್ರಮುಖ ಪಟ್ಟಣ ಕೋಣಂದೂರಿನಲ್ಲಿ ಮಲೆನಾಡು ಅಭಿವೃದ್ಧಿ ಮಂಡಳಿ ವತಿಯಿಂದ 10 ಲಕ್ಷ ಮೊತ್ತದಲ್ಲಿ ಬಸ್ ನಿಲ್ದಾಣ ಮಂಜೂರು ಆಗಿದೆ. ಅಧ್ಯಕ್ಷ ಮಂಜುನಾಥ್ ಗೌಡ ಹಾಗೂ ಶಾಸಕ ಜ್ಞಾನೇಂದ್ರ ಗುದ್ದಲಿ ಪೂಜೆ ನೆರವೇರಿಸಿದರು. ಅಧ್ಯಕ್ಷತೆಯನ್ನು ಉದ್ಯಮಿಗಳಾದ ಪ್ರಕಾಶ್ ಅವರು ವಹಿಸಿದ್ದರು . ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯಿತಿ ಪಿಡಿಒ ರುಕ್ಮಣ್ ಗೌಡ ಸಹಕಾರ ಸಂಘದ ಅಧ್ಯಕ್ಷರಾದ ಸುರೇಶ್ ಕಂಪ ತೀರ್ಥಹಳ್ಳಿ ಪಟ್ಟಣ ಪಂಚಾಯಿತಿ ಮಾಜಿ ಅಧ್ಯಕ್ಷರು ಹಾಲಿ ಸದಸ್ಯರಾದ ಅಸಾದಿ ಗ್ರಾಮ ಪಂಚಾಯತಿ ಮಾಜಿ ಅಧ್ಯಕ್ಷರು ಗಳಾದ ಪೂರ್ಣೇಶ್ ಕೆ ಸಿ ರತ್ನಾಕರ್ ಕಲಗದ್ದೆ ವಿಶಾಲಾಕ್ಷಿ ಪ್ರಪುಲ್ ಚಂದ್ರ ಹಾಗೂ ಎಲ್ಲಾ ಗೌರವಾನ್ವಿತ ಮಾಜಿ ಗ್ರಾಮ ಪಂಚಾಯತ್ ಸದಸ್ಯರುಗಳು ಕಾಂಗ್ರೆಸ್ ಪಕ್ಷದ ಮುಖಂಡರುಗಳು ಉಪಸ್ಥಿತಿ ಇದ್ದರು.

45 ಯಕ್ಷಗಾನ ಪ್ರಸಂಗ ಪ್ರದರ್ಶನ.. 700 ಕಲಾವಿದರು!
– ಪಟ್ಲ ಫೌಂಡೇಶನ್ ಆಶ್ರಯದಲ್ಲಿ ಹೊಸ ನಗರದಲ್ಲಿ ವಿಶೇಷ ಕಾರ್ಯಕ್ರಮ
– ಪಟ್ಲ ಸತೀಶ್ ಶೆಟ್ಟಿ ಅವರಿಗೆ ಸನ್ಮಾನ: ನಗರ ರಾಘವೇಂದ್ರ ಅವರಿಂದ ಆಯೋಜನೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಹೊಸನಗರ: ಪಟ್ಲ ಫೌಂಡೇಶನ್ ಆಶ್ರಯದಲ್ಲಿ ಶನಿವಾರದಂದು ಗಾಯಿತ್ರಿ ಮಂದಿರದಲ್ಲಿ, ರಾಮಶೇಟ್ ಮತ್ತು ಮಾರ್ಕೊಡು ಸುಬ್ರಾಯ ಆಚಾರ್ಯ ವೇದಿಕೆಗಳಲ್ಲಿ 45 ಪ್ರಸಂಗಗಳ ಯಕ್ಷಗಾನವು ಸುಮಾರು 700ಕ್ಕೂ ಹೆಚ್ಚು ಕಲಾವಿದರಿಂದ ಪ್ರದರ್ಶನ ಕಂಡಿತು. ಈ ಕಾರ್ಯಕ್ರಮದ ಉದ್ಘಾಟನೆಯನ್ನು ನೆರವೇರಿಸಿದ ಸಾಗರ-ಹೊಸನಗರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಗೋಪಾಲಕೃಷ್ಣ ಬೇಳೂರು ಅವರು ಭಾಗವತರಾದ ಪಟ್ಲ ಸತೀಶ್ ಶೆಟ್ಟಿಯವರು ಕಳೆದ ಎರಡು ವರ್ಷಗಳಿಂದ 50 ಶಾಲೆಗಳ ವಿದ್ಯಾರ್ಥಿಗಳಿಗೆ ತಮ್ಮ ಪಟ್ಲ ಫೌಂಡೇಶನ್ ಮುಖಾಂತರ ಯಕ್ಷ ಶಿಕ್ಷಣ ನೀಡಿ, ಅವರ ಪ್ರತಿಭೆಯನ್ನು ಹೊರ ಹಾಕುವ ಮೂಲಕ ಆರ್ಥಿಕವಾಗಿ ದುರ್ಬಲರಾಗಿರುವ ಕಲಾವಿದರ ಭವಿಷ್ಯಕ್ಕೆ ಆಶಾಕಿರಣವಾಗಿದ್ದಾರೆ ಎಂದರು.

ಆರ್.ಎಂ.ಮಂಜುನಾಥಗೌಡ, ಶ್ರೀರಾಮಕೃಷ್ಣ ವಿದ್ಯಾಸಂಸ್ಥೆ, ಇತರ ಶಾಲೆಗಳು ಮತ್ತು ಸಂಘ-ಸಂಸ್ಥೆಗಳ ವತಿಯಿಂದ ಪಟ್ಲ ಸತೀಶ್ ಶೆಟ್ಟಿಯವರಿಗೆ ವಿಶೇಷವಾಗಿ ಸನ್ಮಾನಿಸಲಾಯಿತು.

5500 ಮಕ್ಕಳಿಗೆ ಉಚಿತ ಶಿಕ್ಷಣ

ಪಟ್ಲ ಫೌಂಡೇಶನ್ ವಿಶೇಷ ಕಲಾ ಸೇವೆ ಬಗ್ಗೆ ಮಾತನಾಡಿದ ಪತ್ರಕರ್ತರಾದ ನಗರ ರಾಘವೇಂದ್ರ ಅವರು “ಪಟ್ಲ ಫೌಂಡೇಶನ್ ನ ಆಶ್ರಯದಲ್ಲಿ ಹೊಸನಗರ, ಸಾಗರ, ತೀರ್ಥಹಳ್ಳಿ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ 5500 ಮಕ್ಕಳಿಗೆ ಯಕ್ಷ ಶಿಕ್ಷಣವನ್ನು ಉಚಿತವಾಗಿ ನೀಡಲಾಗುತ್ತಿದ್ದು, ಹೊಸನಗರದ ಯಕ್ಷಗಾನ ಕಲಾವಿದರಿಗೆ ನಾಲ್ಕು ಆಶ್ರಯ ಮನೆಯನ್ನು ವಿತರಣೆ ಮಾಡಲಾಗಿದೆ. ಆರ್ಥಿಕವಾಗಿ ಹಿಂದುಳಿದ 15 ಜನ ಕಲಾವಿದರಿಗೆ 30,000 ರೂಪಾಯಿ ಪ್ರೋತ್ಸಾಹ ಧನ, 500 ಮಕ್ಕಳಿಗೆ ಒಂದು ದಿನದ ಪ್ರವಾಸವನ್ನು ಮಾಡಿಸಿದ್ದೇವೆ” ಎಂದರು.

ಹೊಸ ನಗರ ಗಣ್ಯರು ಹಾಜರ್

ರಾಮಕೃಷ್ಣ ವಿದ್ಯಾಸಂಸ್ಥೆಯ ಡಿ.ದೇವರಾಜ್, ಬೆಂಗಳೂರಿನ ಉದ್ಯಮಿಗಳಾದ ಮಾವಿನಕೊಪ್ಪ ಸುರೇಶ್ ಎನ್, ಹೊಸನಗರ ತಾಲ್ಲೂಕಿನ ಆರೋಗ್ಯ ಭಾರತೀಯ ಅಧ್ಯಕ್ಷರು ಹಾಗೂ ಸುವರ್ಣಶ್ರೀ ಕ್ಲಿನಿಕ್ ವೈದ್ಯರಾದ ಡಾ.ಚೈತನ್ಯ ಕಳೂರು, ಸೊಸೈಟಿ ಅಧ್ಯಕ್ಷರಾದ ದುಮ್ಮ ವಿನಯ್, ಎನ್ .ಆರ್.ದೇವಾನಂದ್, ಸಾಹಿತಿಗಳಾದ ಸುಧೀಂದ್ರ ಭಂಡಾರ್ಕರ್, ಪತ್ರಕರ್ತರ ಸಂಘದ ಅಧ್ಯಕ್ಷರಾದ ಎಂ.ಕೆ.ವೆಂಕಟೇಶ್ ಮೂರ್ತಿ, ಗೌತಮ್ ಆಚಾರ್ಯ ಮೊದಲಾದವರು ಉಪಸ್ಥಿತರಿದ್ದರು. ಸ್ವಾಗತ ಕಾರ್ಯಕ್ರಮವನ್ನು ಸುಜಾತ ಸುರೇಶ್ ಅವರು, ಕಾರ್ಯಕ್ರಮದ ನಿರೂಪಣೆಯನ್ನು ಸುದೀಂದ್ರ ಪಂಡಿತ್ ಅವರು ನಡೆಸಿಕೊಟ್ಟರು.