Categories
ಹೊಸನಗರ

ಹೊಸನಗರ: ಕಾಲುವೆಯಲ್ಲಿ ಕಾಡಮ್ಮೆ ಸಾವು

ಹೊಸನಗರ: ಕಾಲುವೆಯಲ್ಲಿ ಕಾಡಮ್ಮೆ ಸಾವು
– ಸರ್ಕಾರದ ಹೊಸ ನಿಯಮಾವಳಿ ಪ್ರಕಾರ ಅಂತ್ಯಕ್ರಿಯೆ
– ಕಾಡೆಮ್ಮೆ ಸಾವು ಕಂಡಿದ್ದು ಹೇಗೆ..?

NAMMUR EXPRESS NEWS
ಹೊಸನಗರ: ಕಾಡೆಮ್ಮೆಯೊಂದು ಕಂದಕವೊಂದರಲ್ಲಿ ಬಿದ್ದು ಸಾವನಪ್ಪಿದ ಘಟನೆ ತಾಲೂಕಿನ ಬ್ರಾಹ್ಮಣವಾಡ ಗ್ರಾಮದಲ್ಲಿ ಸೋಮವಾರ ನಡೆದಿದೆ. ಅರಮನೆಕೊಪ್ಪ ಗ್ರಾಪಂ ವ್ಯಾಪ್ತಿಯ ಬ್ರಾಹ್ಮಣವಾಡ ಗ್ರಾಮದ ಸನಂ 50/52 ರ ನಾಗರಾಜಭಟ್ಟರಿಗೆ ಸೇರಿದ ಜಮೀನಿನ ಕಾಲುವೆಯೊಂದರಲ್ಲಿ ಸಾವನಪ್ಪಿದ ಸ್ಥಿತಿಯಲ್ಲಿ ಕಾಡೆಮ್ಮೆ ಪತ್ತೆಯಾಗಿತ್ತು. ಅರಣ್ಯಾಧಿಕಾರಿಗಳು ಪರಿಶೀಲಿಸಿದ ಬಳಿಕ ಪಶು ವೈದ್ಯಾಧಿಕಾರಿ ಅವಿನಾಶ್ ಮರಣೋತ್ತರ ಪರೀಕ್ಷೆ ನಡೆಸಿದ್ದು ಕಾಡೆಮ್ಮೆ ವಯೋಸಹಜ ಸಾವನಪ್ಪಿದ ಬಗ್ಗೆ ದೃಢಪಡಿಸಿದ್ದಾರೆ.

ನಗರ ಅರಣ್ಯ ವಲಯ ವ್ಯಾಪ್ತಿಯಲ್ಲಿ ಘಟನೆ‌ ನಡೆದಿದ್ದು ಇತ್ತೀಚಿನ ನಿಯಮಾವಳಿ‌ ಪ್ರಕಾರ ಕಾಡೆಮ್ಮೆ ಕೋಡುಗಳನ್ನು ಭಾಗಶಃ ನಾಶಪಡಿಸಿ ನಂತರ ಅಂತ್ಯಕ್ರಿಯೆ ನಡೆಸಲಾಯಿತು. ಹೊಸನಗರ ಎಸಿಎಫ್ ಮೋಹನ್ ಕುಮಾರ್, ವಲಯ ಅರಣ್ಯಾಧಿಕಾರಿ ಸಂಜಯ್, ಉಪ‌ವಲಯ ಅರಣ್ಯಾಧಿಕಾರಿ ಅಮೃತ್ ಸುಂಕದ್, ಗ್ರಾಪಂ ಸದಸ್ಯ ರಾಜಶೇಖರ್ ಕುಂದಗಲ್, ಅರಣ್ಯ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.

Categories
ಉಡುಪಿ

ಉಡುಪಿ ಜಿಲ್ಲೆ ಕಂಬಳ ಯಾವತ್ತು ಎಲ್ಲೆಲ್ಲಿ?

ಉಡುಪಿ ಜಿಲ್ಲೆ ಕಂಬಳ ಯಾವತ್ತು ಎಲ್ಲೆಲ್ಲಿ?
– ಇಲ್ಲಿದೆ ವೇಳಾಪಟ್ಟಿ: ಜಿಲ್ಲಾ ಕಂಬಳ ಸಮಿತಿಯಿಂದ ಬಿಡುಗಡೆ
– ಕರಾವಳಿಯಲ್ಲಿ ಕಂಬಳ ಸಂಭ್ರಮ ಶುರು

NAMMUR EXPRESS NEWS
ಉಡುಪಿ: ಸಾಂಪ್ರದಾಯಿಕ ಕಂಬಳ ಸಮಿತಿ ಉಡುಪಿ ಜಿಲ್ಲೆ 2023-24 ನೇ ಸಾಲಿನ ಬಡಗುತಿಟ್ಟಿನ ಕಂಬಳದ ಸಾಂಪ್ರದಾಯಿಕ ವೇಳಾಪಟ್ಟಿ ಬಿಡುಗಡೆ ಮಾಡಲಾಗಿದೆ.

ಯಾವತ್ತು ಎಲ್ಲೆಲ್ಲಿ ಕಂಬಳ ಇದೆ ಇಲ್ಲಿದೆ ಮಾಹಿತಿ

ನವೆಂಬರ್ 20 ಏಕಲವ್ಯಕೊಡೇರಿ,
ನವೆಂಬರ್ 21 ಮಣೂರು, ಕೊಡೇರಿ ಹಕ್ರೆಮಠ,
ನವೆಂಬರ್ 29 ಕೆರಾಡಿ ,ಹೆಗ್ಗುಂಜೆ,
ನವೆoಬರ್ 30 ಕಡ್ರಿ,ಕೆಂಜೂರು ಯಡ್ತಾಡಿ,
ನವಂಬರ್ 30 ಉಲ್ಲೂರು,
ಡಿಸೆಂಬರ್ 1 ಬಿಲ್ಲಾಡಿ,ತಲ್ಲೂರು,
ಡಿಸೆಂಬರ್ 2 ಹೊಸ್ಮಠ,
ಡಿಸೆಂಬರ್ 3 ಕೊಡವೂರು,ತೋನ್ಸೆ,ಮೊಳಹಳ್ಳಿ,
ಡಿಸೆಂಬರ್ 4 ಹೊರ್ಲಾಳಿ,
ಡಿಸೆಂಬರ್ 2 ಮುದ್ದುಮನೆ,
ಡಿಸೆಂಬರ್ 5 ಕುಚ್ಚೂರು,
ಡಿಸೆಂಬರ್ 6 ಗುಲ್ವಾಡಿ,
ಡಿಸೆಂಬರ್ 7 ಆತ್ರಾಡಿ,ಮೂಡ್ಲಕಟ್ಟೆ,
ಡಿಸೆಂಬರ್ 8 ವಂಡಾರು, ಹಂದಾಡಿ ಚೇರ್ಕಾಡಿ,
ಡಿಸೆಂಬರ್ 9 ಬಾರ್ಕೂರು,ಚೋರಾಡಿ
ಡಿಸೆಂಬರ್ 10 ಕೊರ್ಗಿ,ತೆಗ್ಗರ್ಸೆ,ನಡೂರು,ವಡ್ಡಂಬೆಟ್ಟು
ಡಿಸೆoಬರ್ 11 ಹೆರಂಜೆ,
ಡಿಸೆಂಬರ್ 13 ಬನ್ನಾಡಿ
ಡಿಸೆಂಬರ್ 15 ಮಂಡಾಡಿ,

ಸಾಂಪ್ರದಾಯಿಕ ಕಂಬಳ ಸಮಿತಿಯ ಉಡುಪಿ ಜಿಲ್ಲಾ ಅದ್ಯಕ್ಷರಾದ ಸುಧಾಕರ ಹೆಗ್ಡೆ ಹೆರ್ಗ ಹಾಗೂ ಉಡುಪಿ ಜಿಲ್ಲಾ ಪ್ರಧಾನಕಾರ್ಯದರ್ಶಿ ಪ್ರಥ್ವೀರಾಜ್ ಶೆಟ್ಟಿ ಬಿಲ್ಲಾಡಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Categories
ಕರಾವಳಿ ಕೃಷಿ ಮಲ್ನಾಡ್

ರೈತರಿಗೆ ಅಡಿಕೆ ಮಿಷನ್ ಮೀಟರ್ ಶಾಕ್..!

ರೈತರಿಗೆ ಅಡಿಕೆ ಮಿಷನ್ ಮೀಟರ್ ಶಾಕ್..!
– ವಿದ್ಯುತ್ ಇಲಾಖೆ ನಿಯಮದ ವಿರುದ್ಧ ಭಾರೀ ಆಕ್ರೋಶ
– ಮಾತನಾಡದ ನಾಯಕರು: ರೈತರ ದನಿ ಕೇಳೋರು ಯಾರು?

NAMMUR EXPRESS NEWS
ಮಲೆನಾಡು/ ಕರಾವಳಿ: ಅಡಿಕೆ ಬೆಳೆಗಾರರಿಗೆ ಅಡಿಕೆ ಕೊಯ್ಲು ಮಾಡುವ ಸಮಯ ಬಂದಿದ್ದು ಇದೀಗ ವಿದ್ಯುತ್ ಮೀಟರ್ ತಲೆನೋವಾಗಿ ಪರಿಣಮಿಸಿದೆ. ಸಣ್ಣ ಮತ್ತು ಮಧ್ಯಮ ವರ್ಗದ ರೈತರು ವರ್ಷವಿಡಿ ಎಲ್ಲಾ ಔಷಧಿಗಳನ್ನು ರೋಗಗಳಿಗೆ ಪ್ರಯೋಗ ಮಾಡಿ ಈಗ ಉಳಿದ ಕೊನೆಯನ್ನು ತೆಗೆದು ಆಕಾರ ಮಾಡಿಕೊಂಡು, ಪಾಲಿಗೆ ಬಂದದ್ದು ಪಂಚಾಮೃತ ಎಂದುಕೊಂಡ ರೈತರಿಗೆ ಈಗ ವಿದ್ಯುತ್ ಮೀಟರ್ ಶಾಕ್ ಎದುರಾಗಿದೆ. ಮಲೆನಾಡು, ಕರಾವಳಿ ಭಾಗದಲ್ಲಿ ಎಲೆಚುಕ್ಕಿ. ಸೇರಿ ಅನೇಕ ರೋಗಗಳಿಂದ ಅಡಿಕೆ ಫಸಲು ನೆಲಕಚ್ಚಿದೆ. ಲಕ್ಷ ಲಕ್ಷ ಸಾಲ ಮಾಡಿಕೊಂಡ ರೈತ ತಲೆ ಮೇಲೆ ಕೈ ಹೊತ್ತು ಕೂರುವ ಸ್ಥಿತಿ ನಿರ್ಮಾಣವಾಗಿದೆ. ಇದೀಗ ಸರ್ಕಾರದ ಅಡಿಯಲ್ಲಿರುವ ಎಸ್ಕಾಂಗಳಿಂದ ಅಡಿಕೆ ಬೆಳೆಗಾರರಿಗೆ ಏಕಾಏಕಿ ಅಡಿಕೆ ಮಿಷನ್ ಬಳಸುವ ವಿದ್ಯುತ್ತಿಗೆ ಪ್ರತ್ಯೇಕ ಮೀಟರ್ ಅಳವಡಿಸಿಕೊಳ್ಳಿ ಎಂಬ ಸೂಚನೆ ಓಡಾಡುತ್ತಿರುವುದು ರೈತರ ಪಾಲಿಗೆ ಬರಸಿಡಿಲು ಬಡಿದಂತಾಗಿದೆ.

ಇರೋ ಮೀಟರ್ ಹಾಕಿದರೆ ನಷ್ಟ ಏನು?

ಬಡ, ಮಧ್ಯಮ ವರ್ಗದ ರೈತ ತಾನು ಬೆಳೆಯುವ ಸುಮಾರು 15 ಕ್ವಿಂಟಾಲ್ ಅಡಿಕೆ ಆಕಾರ ಮಾಡಿಕೊಳ್ಳಲು ಗೊರಬಲು ಪಾಲಿಶ್ ಬಳಸಿದರೂ ಸಹ ಸರಿಸುಮಾರು 100 ಯೂನಿಟ್ ವಿದ್ಯುತ್ ಮಾತ್ರ ಬಳಸುತ್ತಾನೆ. ಅಡಿಕೆ ಮಿಷನ್ ನಿಗೆ ಕಮರ್ಷಿಯಲ್(LT7) ವಿದ್ಯುತ್ ಸಂಪರ್ಕ ಪಡೆದುಕೊಳ್ಳಿ ಎನ್ನುವ ಕಂಪನಿಗಳು ತಾತ್ಕಾಲಿಕ ಸಂಪರ್ಕವಾದರೆ ನಾಲ್ಕು ಸಾವಿರ ಕಟ್ಟಿ ಎನ್ನುತ್ತದೆ(ಹಾಗೂ ಉಳಿದ ಹಣವನ್ನು ನಿಮ್ಮ ಮನೆಯ ವಿದ್ಯುತ್ ಸಂಪರ್ಕಕ್ಕೆ ಅಡ್ಜಸ್ಟ್ ಮಾಡುತ್ತೇವೆ ಎನ್ನುತ್ತದೆ), ಆಗ ಪ್ರತಿ ಯೂನಿಟ್ ಕಾಸ್ಟ್ ರೂ.7, ವಿದ್ಯುತ್ತಿಗೆ ಸರಿ ಸುಮಾರು 100 ಯೂನಿಟ್ಟಿಗೆ 700 ರೂಪಾಯಿ ಆಗುತ್ತದೆ. ಆದರೆ ಇನ್ನು ಕಾಯಂ ಬಳಕೆಗೆ ಸಂಪರ್ಕ(LT5) ಪಡೆದುಕೊಂಡರೆ ಮೀಟರ್ ಮಿನಿಮಮ್ ಮತ್ತು ಪ್ರತಿ ಬಳಸಿ ಆರು ರೂ. ಆಗುತ್ತದೆ. ಹೇಗೂ ಇರಲಿ ಈಗ ನಾವು ಬಳಸುತ್ತಿರುವ ವಿದ್ಯುತ್ತಿಗೆ ಮನೆ ಮೀಟರ್ ನಿಂದ ಬಳಸಿದಾಗ 50 ಯೂನಿಟ್ ನಂತರ 5 ರೂಪಾಯಿ, 100 ಯೂನಿಟ್ ನಂತರ ಬಳಸಿದ ಎಲ್ಲಾ ಯುನಿಟ್ಟಿಗೆ 7 ರೂಪಾಯಿ ಕಟ್ಟುತ್ತೇವೆ. ಆದರೂ ಇದೀಗ ಇಲಾಖೆ ಕುರುಡು ನೀತಿ ರೈತ ವಲಯದಲ್ಲಿ ಆಕ್ರೋಶ ಹೆಚ್ಚಿಸಿದೆ.

ನಾಯಕರು ಮಾತನಾಡುತ್ತಿಲ್ಲ ಏಕೆ?

ಮಲೆನಾಡ ರೈತರ ಈ ಸಮಸ್ಯೆ ಬಗ್ಗೆ ಕಾಂಗ್ರೆಸ್ ಶಾಸಕರು, ನಾಯಕರು ಮಾತನಾಡುತ್ತಿಲ್ಲ. ಹೋಗಲಿ ಬಿಜೆಪಿ ಶಾಸಕರು ಕೂಡ ದನಿ ಎತ್ತಿಲ್ಲ. ಒಟ್ಟಿನಲ್ಲಿ ರೈತರ ಸಮಸ್ಯೆ ಯಾರಿಗೂ ಬೇಡವಾಗಿದೆ. ಈ ಬಗ್ಗೆ ತಕ್ಷಣ ಕ್ರಮ ಕೈಗೊಳ್ಳಬೇಕು ಎಂದು ನಮ್ಮೂರ್ ಎಕ್ಸ್ ಪ್ರೆಸ್ ಅಗ್ರಹಿಸುತ್ತದೆ.

Categories
ಮಲ್ನಾಡ್ ಶಿವಮೊಗ್ಗ

ಮಲೆನಾಡಿಗೆ ಕಾಲಿಟ್ಟ ಹನಿಟ್ರ್ಯಾಪ್ ಗ್ಯಾಂಗ್!

ಮಲೆನಾಡಿಗೆ ಕಾಲಿಟ್ಟ ಹನಿಟ್ರ್ಯಾಪ್ ಗ್ಯಾಂಗ್!
– ಭದ್ರಾವತಿ ಯುವಕನಿಗೆ ವಂಚನೆ: ಮೈಸೂರಿನ ಗ್ಯಾಂಗ್ ಅರೆಸ್ಟ್
– ಯುವಕ ಆತ್ಮಹತ್ಯೆ: ಪ್ರೇಮ ವೈಫಲ್ಯ ಕಾರಣ ಅಯ್ತೆ?

NAMMUR EXPRESS NEWS
ಶಿವಮೊಗ್ಗ: ಯುವಕರನ್ನು ಹನಿಟ್ರ್ಯಾಪ್ ಮಾಡಿ ಹಣ ವಸೂಲಿ ಮಾಡುತ್ತಿದ್ದ ಗ್ಯಾಂಗ್ ಒಂದನ್ನು ಭದ್ರಾವತಿ ಪೊಲೀಸರು ಬಂಧಿಸಿದ್ದಾರೆ. ಮೈಸೂರು ಮೂಲದ ಶ್ವೇತಾ, ವಿನಾಯಕ, ಮಹೇಶ್,ಅರುಣ್‌ ಕುಮಾರ್ ಹಾಗೂ ಹೇಮಂತ್ ಕಾರು ಸೇರಿದಂತೆ 7 ಮೊಬೈಲ್ ಫೋನ್ ವಶಕ್ಕೆ ಪಡೆಯಲಾಗಿದೆ.

ಏನಿದು ಘಟನೆ?:

ಭದ್ರಾವತಿ ಮೂಲದ ಶರತ್ ಎಂಬುವರ ದೂರು ಆಧರಿಸಿ, ಗ್ಯಾಂಗ್ ಅನ್ನು ಸೆರೆ ಹಿಡಿಯಲಾಗಿದೆ. ಭದ್ರಾವತಿಯ ಪೆಟ್ರೋಲ್ ಬಂಕ್ ನಲ್ಲಿ ಕೆಲಸ ನಿರ್ವಹಣೆ ಮಾಡುತ್ತಿದ್ದ ಶರತ್ ಕುಮಾರ್ ಗೆ ವಾಟ್ಸಪ್ ನಲ್ಲಿ ಬೆತ್ತಲೆಯಾಗಿ ಮಹಿಳೆಯೋರ್ವಳು ವಿಡಿಯೋ ಕಾಲ್ ಮಾಡಿದ್ದಳು. ಬಳಿಕ 20 ಲಕ್ಷ ರೂ. ಹಣದ ಬೇಡಿಕೆ ಇಟ್ಟಿದ್ದರು. ಮೈಸೂರಿನ ಹನಿಟ್ರ್ಯಾಪ್ ಗ್ಯಾಂಗ್ ಶರತ್ ಬಳಿ 1 ಲಕ್ಷ ಹಣವನ್ನು ಹೆದರಿಸಿ ಕಿತ್ತುಕೊಂಡಿದ್ದರು. ಮೈಸೂರಿಗೆ ಬಸ್ ನಲ್ಲಿ ಪ್ರಯಾಣಿಸುವಾಗ ಶರತ್ ಅನ್ನು ಶ್ವೇತಾ ಪರಿಚಯ ಮಾಡಿಕೊಂಡಿದ್ದಳು. ಬಳಿಕ ವಿಡಿಯೋ ಕಾಲ್ ರೆಕಾರ್ಡ್ ಮಾಡಿ ಹೆದರಿಸುತ್ತಿದ್ದ ಗ್ಯಾಂಗ್ ಶರತ್ ಗೆ ಹಲ್ಲೆ ನಡೆಸಿ ಬಲವಂತವಾಗಿ ಮೈಸೂರಿಗೆ ಕರೆದುಕೊಂಡು ಹೋಗಿದ್ದರು.

ಅಲ್ಲದೆ ಒತ್ತಾಯಪೂರ್ವಕವಾಗಿ 25 ಲಕ್ಷ ಸಾಲ ಪಡೆದುಕೊಂಡಿರುವುದಾಗಿ ಸಹಿ ಹಾಕಿಸಿಕೊಂಡಿದ್ದರು. ಮೈಸೂರಿನಲ್ಲಿ ಶರತ್ ನನ್ನು ಎರಡು ದಿನಗಳ ಕಾಲ ಕೂಡಿ ಹಾಕಿ ಹಲ್ಲೆ ಮಾಡಿದ್ದರು. ತಪ್ಪಿಸಿಕೊಂಡು ಭದ್ರಾವತಿ ಹೊಸಮನೆ ಠಾಣೆಯಲ್ಲಿ ಶರತ್ ದೂರು ದಾಖಲಿಸಿದ್ದರು. ಶರತ್ ದೂರಿನ ಆಧರಿಸಿ, ಹಣ ವರ್ಗಾವಣೆಯ ಡೀಟೈಲ್ಸ್ ತೆಗದುಕೊಂಡು ಪೊಲೀಸರ ಕಾರ್ಯಚರಣೆ‌ ನಡೆಸಿದ್ದರು. ಹನಿಟ್ರ್ಯಾಪ್ ಗ್ಯಾಂಗ್ ಲೀಡರ್ ಶ್ವೇತಾ ಸೇರಿದಂತೆ ಐವರನ್ನು ಬಂಧಿಸಲಾಗಿದೆ. ಐವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ ಪೊಲೀಸರು.

ಪ್ರೇಮ ವೈಫಲ್ಯದಿಂದ ಯುವಕ ಆತ್ಮಹತ್ಯೆ!

ಶಿವಮೊಗ್ಗ: ಯುವಕನೋರ್ವ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದು ಲವ್ ವಿಷಯದಲ್ಲಿ ಈ ಘಟನೆ ನಡೆದಿರಬಹುದು ಎಂದು ಶಂಕಿಸಲಾಗಿದೆ. ಸೋಮವಾರ ಸಂಜೆ ವಿನೋದ್(21) ಎಂಬ ಯುವಕ ಆಡುಗೋಡಿ ಗ್ರಾಮದಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಹೇಳಲಾಗುತ್ತಿದೆ. ಜಮೀನಿಗೆ ಹೋಗಿ ಬಂದ ವಿನೋದ್ ಮನೆಯಲ್ಲಿ ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿದ್ದ. ಬಿಎ ಪದವಿ ಪಾಸ್ ಆಗಿದ್ದ.. ಕುಂಸಿ ಪೊಲೀಸ್ ಠಾಣ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ. ಅಸ್ವಭಾವಿಕ ಸಾವಿನ ಪ್ರಕರಣದ ಅಡಿಯಲ್ಲಿ ದೂರು ದಾಖಲಾಗಿದೆ.

Categories
ಅಡಿಕೆ-ದರ

ಅಡಿಕೆ ಧಾರಣೆ ಎಷ್ಟಿದೆ?

ಅಡಿಕೆ ಧಾರಣೆ ಎಷ್ಟಿದೆ?
– ಎಲ್ಲೆಲ್ಲಿ ಎಷ್ಟಿದೆ ಅಡಿಕೆ ದರ.. ಯಾವುದಕ್ಕೆ ಹೆಚ್ಚು?

ಶಿವಮೊಗ್ಗ ಮಾರುಕಟ್ಟೆ
ಗೊರಬಲು – 18200 – 37089
ಬೆಟ್ಟೆ – 44000 – 52600
ರಾಶಿ – 34869 – 47179
ಸರಕು – 51700 – 79663

Categories
ಬೆಂಗಳೂರು ಮಂಗಳೂರು ರಾಜ್ಯ

ಕರಾವಳಿ ಕಂಬಳಕ್ಕೆ ರಾಜಧಾನಿ ಸಜ್ಜು!

ಕರಾವಳಿ ಕಂಬಳಕ್ಕೆ ರಾಜಧಾನಿ ಸಜ್ಜು!
– ಮೊಟ್ಟ ಮೊದಲ ಬೆಂಗಳೂರುಲ್ಲಿ ಕಂಬಳ
– 300 ಕೋಣಗಳ ಬಲಾಬಲ ಪ್ರದರ್ಶನ
– ನ.25, 26ಕ್ಕೆ ಲಕ್ಷ ಲಕ್ಷ ಜನ ಸೇರುವ ನಿರೀಕ್ಷೆ
– ಕರಾವಳಿಯಲ್ಲೂ ಕಂಬಳ ರಂಗು ಶುರು

NAMMUR EXPRESS NEWS
ಮಂಗಳೂರು: ಮೊದಲ ಬಾರಿಗೆ ಕರಾವಳಿಯ ಸಾಂಪ್ರದಾಯಿಕ ಕಂಬಳ ರಾಜಧಾನಿಯಲ್ಲಿ ನಡೆಯಲಿದೆ. ಈ ಕಂಬಳಕ್ಕೆ ಕರಾವಳಿ ವಿವಿಧ ಭಾಗದಿಂದ 300ಕ್ಕೂ ಹೆಚ್ಚು ಕೋಣಗಳು ಆಗಮಿಸಲಿವೆ. ನ.25 ಮತ್ತು 26ರಂದು ಎರಡು ದಿನ ರಾಜಧಾನಿ ಬೆಂಗಳೂರಿನಲ್ಲಿ ಇದೇ ಮೊದಲ ಬಾರಿ ಎರಡು ದಿನಗಳ ಕಾಲ ಕಂಬಳ ನಡೆಯಲಿದೆ. ಕಂಬಳಪ್ರಿಯರ ಹಾಗೂ ಬೆಂಗಳೂರಿನಲ್ಲಿ ನೆಲೆಸಿರುವ ಕರಾವಳಿಯ ಜನರ ನಿರೀಕ್ಷೆಗಳು, ಉತ್ಸಾಹ ಮುಗಿಲುಮುಟ್ಟಿವೆ.

ಕಂಬಳ ಇತಿಹಾಸದಲ್ಲೇ ಇದು ಹೊಸ ಮೈಲುಗಲ್ಲು ಸೃಷ್ಟಿಸುವ ಸಾಧ್ಯತೆ ಇದೆ. ‘ಈಗಾಗಲೇ 155 ಮೀಟರ್‌ ಉದ್ದದ ಕಂಬಳ ಕರೆಗಳ ನಿರ್ಮಾಣ ಬಹುತೇಕ ಪೂರ್ಣವಾಗಿದೆ. ಕಂಬಳದ ಎರಡು ದಿನಗಳ ಅವಧಿಯಲ್ಲಿ ಅಂದಾಜು 8 ಲಕ್ಷ ಮಂದಿ ಸೇರುವ ನಿರೀಕ್ಷೆ ಇದೆ’ ಎಂದು ಕಂಬಳದ ರೂವಾರಿ ಪುತ್ತೂರು ಶಾಸಕ ಅಶೋಕ್ ರೈ ಕೋಡಿಂಬಾಡಿ ಹೇಳಿದ್ದಾರೆ.
ಕಂಬಳಕ್ಕಾಗಿ ಕೋಣಗಳ ತಯಾರಿ ಬಾರಿ ಜೋರಾಗಿ ನಡೆಯುತ್ತಿದೆ

ಮೊದಲ ಕಂಬಳ ಶುರು

ಶನಿವಾರ ಕಂಬಳದ ಸೀಸನ್ ಆರಂಭಗೊಂಡಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕಿನ ಕಕ್ಯಪದವು ಎಂಬಲ್ಲಿ ಶನಿವಾರ ಈ ಸೀಸನ್ ನ ಪ್ರಥಮ ಕಂಬಳ ಸಂಸದ ನಳಿನ್ ಕುಮಾರ್ ಮತ್ತು ಶಾಸಕ ರಾಜೇಶ್ ನಾಯ್ಕ್ ನೇತೃತ್ವದಲ್ಲಿ ನಡೆದಿದೆ. ಜಿಲ್ಲೆಯ ಹೊರಗೆ ನಡೆಯುವ ಪ್ರಥಮ ಕಂಬಳ ಇದಾಗಿರುವ ಕಾರಣ ಕೋಣಗಳನ್ನು ವರ್ಷವಿಡೀ ತಯಾರು ಮಾಡಿಕೊಂಡಿರಬೇಕು. ಹಾಗೆಯೇ ಹವಾಮಾನ ಬದಲಾವಣೆಗೆ ಕೋಣಗಳೂ ಒಗ್ಗಿಕೊಳ್ಳಬೇಕು. ಇದಕ್ಕಾಗಿಯೇ ಸಕಲ ತಯಾರಿಗಳು ನಡೆಯುತ್ತಿವೆ.

300 ಕೋಣಗಳು ಬರಲಿವೆ!

ಕೋಣಗಳ ಯಜಮಾನರ ಆಗ್ರಹದಂತೆ ಕೋಣಗಳ ಕ್ಷಮತೆ, ಆರೋಗ್ಯ ಕಾಪಾಡುವ ಹಿನ್ನೆಲೆಯಲ್ಲಿ ನೀರನ್ನೂ ದಕ್ಷಿಣ ಕನ್ನಡ ಜಿಲ್ಲೆಯಿಂದಲೇ ಕೊಂಡೊಯ್ಯಲಾಗುತ್ತದೆ. ಘಟ್ಟ ಹತ್ತಲಿವೆ 150 ಲಾರಿಗಳು, 300 ಕೋಣಗಳು ಬೆಂಗಳೂರು ಕಂಬಳದಲ್ಲಿ ಭಾಗವಹಿಸಲು 150 ಲಾರಿಗಳಲ್ಲಿ 300 ಕೋಣಗಳು ಸಾಗುತ್ತವೆ. ಅಂದರೆ ಒಂದು ಲಾರಿಯಲ್ಲಿ 2 ಕೋಣಗಳು ಸಾಗುತ್ತವೆ. ಅವುಗಳಿಗೆ ಉಪ್ಪಿನಂಗಡಿಯಲ್ಲಿ ಬೀಳ್ಕೊಡಲಾಗುತ್ತದೆ ನವೆಂಬರ್ 23ರಂದು ಬೆಳಗ್ಗೆ 10 ಗಂಟೆಗೆ ಉಪ್ಪಿನಂಗಡಿಯಿಂದ ಕೋಣಗಳು ಲಾರಿಯಲ್ಲಿ ಹೊರಡುತ್ತವೆ. ಹಾಸನದಲ್ಲಿ ಭವ್ಯ ಸ್ವಾಗತ ಅವುಗಳಿಗೆ ದೊರಕಲಿದೆ. ಅಲ್ಲಿ ಎರಡು ಗಂಟೆಗಳ ಕಾಲ ತಂಗಲು ವ್ಯವಸ್ಥೆ ಮಾಡಲಾಗುತ್ತದೆ. ಬಳಿಕ ಅಲ್ಲಿಂದ ಬೆಂಗಳೂರಿಗೆ ತೆರಳಲಾಗುತ್ತದೆ.

ಕಂಬಳ ವೀಕ್ಷಣೆಗೆ ಸಿನಿ ತಾರೆಯರ ದಂಡು

ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆಯ ಕ್ರೀಡೆ ಕಂಬಳ ವೀಕ್ಷಣೆಗೆ ಸಿನಿತಾರೆಯರ ದಂಡೇ ಆಗಮಿಸುವ ನಿರೀಕ್ಷೆ ಇದೆ. ಬಾಲಿವುಡ್, ಸಹಿತ ಪಾನ್ ಇಂಡಿಯಾ ಸ್ಟಾರ್ ಗಳು ಆಗಮಿಸಲಿದ್ದಾರೆ. ಅವರಲ್ಲದೆ, ಗಣ್ಯರು, ಉನ್ನತ ಅಧಿಕಾರಿಗಳು ಕಂಬಳ ನೋಡಲು ಬರುತ್ತಾರೆ. ವಿಶೇಷವಾಗಿ ಐಶ್ವರ್ಯ ರೈ, ಅನುಷ್ಕಾ ಶೆಟ್ಟಿ ಕಂಬಳ ನೋಡಲು ಬರುತ್ತಾರೆ. ಕಂಬಳ ವೀಕ್ಷಿಸಲು ಗ್ಯಾಲರಿ, 150ಕ್ಕೂ ಅಧಿಕ ಕರಾವಳಿ ವೈವಿಧ್ಯತೆ ಸಾರುವ ಆಹಾರ, ತಿಂಡಿ, ತಿನಿಸುಗಳು, ವಸ್ತುಪ್ರದರ್ಶನದ ಮಳಿಗೆಗಳನ್ನು ತೆರೆಯಲಾಗುತ್ತದೆ. ಜೋಡುಕರೆ (ಎರಡು ಅಂಕಣ) ಈಗಾಗಲೇ ರೆಡಿ ಆಗುತ್ತಿದೆ.

Categories
ಶಿವಮೊಗ್ಗ

ಗೋವಾ, ಹೈದ್ರಾಬಾದ್,ತಿರುಪತಿಗೆ ಶಿವಮೊಗ್ಗದಿಂದ ವಿಮಾನ!

ಗೋವಾ, ಹೈದ್ರಾಬಾದ್,ತಿರುಪತಿಗೆ ಶಿವಮೊಗ್ಗದಿಂದ ವಿಮಾನ!
– 400 ಜನ ಇಂದು ಒಂದೇ ದಿನ ಪ್ರಯಾಣ
– ಯಾವತ್ತು ಎಲ್ಲೆಲ್ಲಿಗೆ ವಿಮಾನ ಸೇವೆ?!

NAMMUR EXPRESS NEWS
ಶಿವಮೊಗ್ಗ: ಮಂಗಳವಾರದಿಂದ ಶಿವಮೊಗ್ಗದಿಂದ ಹೈದರಾಬಾದ್, ತಿರುಪತಿ, ಗೋವಾ ರಾಜ್ಯಗಳಿಗೆ ವಿಮಾನಯಾನ ಪ್ರಾರಂಭವಾಗಲಿದೆ. ಬುಧವಾರ ಸ್ಟಾರ್ ಏರ್ ಲೈನ್ಸ್ ಹೈದರಾಬಾದ್ ನಿಂದ. ಬೆಳಗ್ಗೆ 9:30 ಕ್ಕೆ ಹೊರಟು ಶಿವಮೊಗ್ಗಕ್ಕೆ 10:35 ಕ್ಕೆ ಆಗಮಿಸಿದೆ. ಹೈದರಬಾದ್ ಗೆ ಮಂಗಳವಾರ, ಬುಧವಾರ ಗುರುವಾರ ಹಾಗೂ ಶನಿವಾರ ಸೇವೆ ನೀಡಲಿದೆ.

ಶಿವಮೊಗ್ಗದಿಂದ ಗೋವಾಕ್ಕೆ:

ಶಿವಮೊಗ್ಗದಿಂದ 13.55 ಕ್ಕೆ ಹೊರಟು ಗೋವಾಕ್ಕೆ 14.45 ಕ್ಕೆ ಗೋವಾದಲ್ಲಿ ವಿಮಾನ ಇಳಿಯಲಿದೆ. ಶಿವಮೊಗ್ಗದಿಂದ ಗೋವಾಕ್ಕೆ ಮಂಗಳವಾರ, ಬುಧವಾರ, ಗುರುವಾರ ಹಾಗೂ ಶನಿವಾರ ಸ್ಟಾರ್ ಏರ್ ಲೈನ್ಸ್ ತನ್ನ ಸೇವೆಯನ್ನು ನೀಡಲಿದೆ.

ಶಿವಮೊಗ್ಗ- ತಿರುಪತಿ ಸೇವೆ:

ಶಿವಮೊಗ್ಗದಿಂದ ಬೆಳಗ್ಗೆ 11 ಗಂಟೆಗೆ ಹೊರಡುವ ವಿಮಾನ ಮಧ್ಯಾಹ್ನ 12 ಗಂಟೆಗೆ ತಿರುಪತಿ ತಲುಪಲಿದೆ. ಈ ಸೇವೆಯು ಮಂಗಳವಾರ, ಗುರುವಾರ ಹಾಗೂ ಶನಿವಾರ ಇರಲಿದೆ. ಮಂಗಳವಾರ, ಗುರುವಾರ ಹಾಗೂ ಶನಿವಾರ ವಿಮಾನವು ಬೆಳಗ್ಗೆ 12.35 ಕ್ಕೆ ತಿರುಪತಿಯಿಂದ ಹೊರಟು ಶಿವಮೊಗ್ಗಕ್ಕೆ 13.40 ಕ್ಕೆ ಬರಲಿದೆ. ಬುಧವಾರ ಶಿವಮೊಗ್ಗದಿಂದ ವಿಮಾನ 13.:40 ಕ್ಕೆ ಹೊರಟ ವಿಮಾನವು ಮಧ್ಯಾಹ್ನ 14:35 ಕ್ಕೆ ತಲುಪಲಿದೆ. ಅದೇ ರೀತಿ ಮಧ್ಯಾಹ್ನ 15:05 ಕ್ಕೆ ತಿರುಪತಿಯಿಂದ ಹೊರಡುವ ವಿಮಾನ 15.55 ಕ್ಕೆ ಶಿವಮೊಗ್ಗಕ್ಕೆ ಆಗಮಿಸಲಿದೆ.

ಶಿವಮೊಗ್ಗದಿಂದ ಗೋವಾ, ಹೈದರಾಬಾದ್ ಮತ್ತು ತಿರುಪತಿಗೆ ಮೂರು ಕಡೆ ವಿಮಾನ ಹಾರಾಟ ಆರಂಭವಾಗಿದೆ. ಮೂರು ಕಡೆ ಪ್ರಯಾಣಿಸಲು 1999 ರೂ. ನಿಗದಿ ಪಡಿಸಲಾಗಿದೆ. ಹೈದರಾಬಾದ್ ನಿಂದ ಬಂದ ಸ್ಟಾರ್ ವಿಮಾನಕ್ಕೆ ವಾಟ‌ರ್ ಸೆಲ್ಯೂಟ್ ಮಾಡಲಾಯಿತು. ಮತ್ತೆ ವಿಸಿಬಿಲಿಟಿ ಕಂಡ ಬಂದ ಕಾರಣ ಭದ್ರಾವತಿ ಸುತ್ತಿಕೊಂಡು ವಾಪಾಸ್ ಶಿವಮೊಗ್ಗ ವಿಮಾನ ನಿಲ್ದಾಣಕ್ಕೆ ಬಂದಿದೆ.

ಉದ್ಘಾಟಿಸಿದ ಸಂಸದ:

ಚಾಲನೆ ನೀಡಿದ ಸಂಸದ ಬಿ.ವೈ.ರಾಘವೇಂದ್ರ ಕಾಂಕ್ರಿಟ್ ಮ್ಯೂಸಿಯಂ ಆಗ್ತಾ ಇತ್ತು. ಉಡಾನ್ ಯೋಜನೆ ಅಡಿ ಈ ಗೋವಾ, ಹೈದ್ರಾಬಾದ್ ಮತ್ತು ತಿರುಪತಿ ವಿಮಾನ ಹಾರಾಟ ಪ್ರಾರಂಭವಾಗಿದೆ. 400 ಜನ ಪ್ರಯಾಣಿಕರು ಇಂದು ಒಜದೇ ದಿನ ಪ್ರಯಾಣದ ಲಾಭ ಪಡೆದಿದ್ದಾರೆ.63 ಜನ ತಿರುಪತಿಗೆ, ಹೈದ್ರಾಬಾದ್ ನಿಂದ 63, ಶಿವಮೊಗ್ಗದಿಂದ 41 ಜನ ಹೋಗ್ತಾ ಇದ್ದಾರೆ. ಒಟ್ಟು 400 ಜನ ಸ್ಟಾರ್ ಏರ್ ಲೈನ್ಸ್ ನಲ್ಲಿ ಪ್ರಯಾಣಿಸುತ್ತಿದ್ದಾರೆ ಎಂದರು.

ಬೆಂಗಳೂರು -ಶಿವಮೊಗ್ಗ ಸಕ್ಸಸ್

ಬೆಂಗಳೂರು ಮತ್ತು ಶಿವಮೊಗ್ಗದ ನಡುವೆ ಹಾರಾಡುತ್ತಿದ್ದಾರೆ. ಇಂಡಿಗೋ 78% ಜನ ಪ್ರಯಾಣಿಸಿದ್ದಾರೆ. ಮಧ್ಯಕರ್ನಾಟಕಕ್ಕೆ ಈ ವಿಮಾನ ನಿಲ್ದಾಣ ಉತ್ತಮವಾಗಿದೆ. ಇಂಡಿಗೋ ಮತ್ತು ಸ್ಟಾರ್ ಹಾರಾಟವಾಗುತ್ತಿದೆ. ಶಿವಮೊಗ್ಗ ಮತ್ತು ದೆಹಲಿ ಏ‌ರ್ ಇಂಡಿಯಾ, ಸ್ಟಾರ್ ಜೆಟ್ ಸಹ ಕೆಲ ದಿನಗಳಲ್ಲಿ ಹಾರಾಟ ನಡೆಸಲಿವೆ.

Categories
ಕರಾವಳಿ

ಕುಂದಾಪುರ ಆಸ್ಪತ್ರೆಯಲ್ಲಿ ನವಜಾತ ಶಿಶು ಸಾವು

ಕುಂದಾಪುರ ಆಸ್ಪತ್ರೆಯಲ್ಲಿ ನವಜಾತ ಶಿಶು ಸಾವು
– ವೈದ್ಯರ ನಿರ್ಲಕ್ಷ್ಯ ಶಿಶುವಿನ ಮರಣಕ್ಕೆ ಕಾರಣವೆಂದು ಸಿಟ್ಟು
– ಆಸ್ಪತ್ರೆ ಮುಂದೆ ಬಿಗುವಿನ ವಾತಾವರಣ

NAMMUR EXPRESS NEWS
ಕುಂದಾಪುರ: ವೈದ್ಯರ ನಿರ್ಲಕ್ಷ್ಯದಿಂದ ನವಜಾತ ಶಿಶು ಹೆರಿಗೆ ಸಂದರ್ಭ ಮರಣಹೊಂದಿದೆ ಎಂದು ಆರೋಪಿಸಿ ಮಹಿಳೆಯ ಸಂಬಂಧಿ ಹಾಗೂ ಸಾರ್ವಜನಿಕರು ಕುಂದಾಪುರದ ಸಾರ್ವಜನಿಕ ಆಸ್ಪತ್ರೆಗೆ ಮುತ್ತಿಗೆ ಹಾಕಿ ವೈದ್ಯರನ್ನು ಅಮಾನತುಗೊಳಿಸಬೇಕೆಂದು ಪ್ರತಿಭಟನೆ ನಡೆಸಿದ ಘಟನೆ ಸೋಮವಾರ ನಡೆದಿದೆ. ಶಿಶುವನ್ನು ಕಳೆದುಕೊಂಡ ಮಹಿಳೆ ಗಂಗೊಳ್ಳಿ ಗುಡ್ಡಕೇರಿಯ ಜ್ಯೋತಿ ಖಾರ್ವಿ (29) ಎಂದು ತಿಳಿದು ಬಂದಿದೆ. ಶ್ರೀನಿವಾಸ್ ಖಾರ್ವಿ ತನ್ನ ಪತ್ನಿಯನ್ನು ನ. 17 ರಂದು ಕುಂದಾಪುರ ಸಾರ್ವಜನಿಕ ಆಸ್ಪತ್ರೆಗೆ ಹೆರಿಗೆಗಾಗಿ ದಾಖಲಿಸಿರುತ್ತಾರೆ. ಅವರನ್ನು ಪರೀಕ್ಷಿಸಿದ ಡಾ. ಚಂದ್ರ ಮೊಗವೀರ ಅವರು ಗರ್ಭಿಣಿ ಮಹಿಳೆ ಅರೋಗ್ಯವಾಗಿದ್ದರೆ ಎಂದು ಹೇಳಿದ್ದರು. ಅದಕ್ಕೆ ಶ್ರೀನಿವಾಸ್ ಖಾರ್ವಿಯು ತನ್ನ ಪತ್ನಿಗೆ ಹೊಟ್ಟೆ ನೋವು ಇರುವುದಾಗಿ ತಿಳಿಸಿ ತಕ್ಷಣ ಸ್ಕ್ಯಾನಿಂಗ್ ಮಾಡಲು ಕೇಳಿಕೊಂಡಿರುತ್ತಾರೆ. ಅದಕ್ಕೆ ವೈದ್ಯರು ಸ್ಕ್ಯಾನಿಂಗ್ ಮಾಡಲು ವೈದ್ಯ ನಾನಾ ನೀವಾ ಎಂದು ಉಡಾಪೆ ಮಾತಾಡಿದ್ದು ಯಾವುದೇ ಕ್ರಮ ವಹಿಸದೆ ಮೂರು ದಿನದ ನಂತರ ಇಂದು (ನ. 20) ಸೋಮವಾರ ಬೆಳಿಗ್ಗೆ ನಾರ್ಮಲ್ ಹೆರಿಗೆ ಮಾಡಿಸುವ ಸಂದರ್ಭ ಮಗು ತಾಯಿಯ ಹೊಟ್ಟೆಯಲ್ಲೇ ಕರಳು ಬಳ್ಳಿ ಸುತ್ತಿಕೊಂಡಿದ್ದು ಇದರಿಂದ ಮೃತಪಟ್ಟಿರುವುದಾಗಿ ತಿಳಿದು ಬಂದಿದೆ.

ಹಾಗಾಗಿ ವೈದ್ಯರು ಮಾಡಿದ ನಿರ್ಲಕ್ಷ್ಯದಿಂದ ಮಗು ಮಾತ್ರ ಮೃತಪಟ್ಟಿದ್ದರಿಂದ ಆಕ್ರೋಶಗೊಂಡ ಮಹಿಳೆಯ ಸಂಬಂಧಿ ಹಾಗೂ ಸಾರ್ವಜನಿಕರು ಆಸ್ಪತ್ರೆಗೆ ಮುತ್ತಿಗೆ ಹಾಕಿ ಪ್ರತಿಭಟನೆ ಮಾಡಿ ವೈದ್ಯ ಚಂದ್ರ ಮೊಗವೀರ ಅವರನ್ನು ತಕ್ಷಣ ಅಮಾನತು ಮಾಡಿ ನಮಗೆ ನ್ಯಾಯ ಕೊಡಬೇಕು ಎಂದು ಪಟ್ಟು ಹಿಡಿದರು. ತಕ್ಷಣ ಸ್ಥಳಕ್ಕಾಗಮಿಸಿದ ಕುಂದಾಪುರ ತಹಸೀಲ್ದಾರ್ ಶೋಭಾ ಲಕ್ಷ್ಮೀ ಅವರು ಪ್ರತಿಭಟನಕಾರರ ಮನವೊಲಿಸಲು ಪ್ರಯತ್ನ ಪಟ್ಟರು. ಸಂಪೂರ್ಣ ತನಿಖೆ ಮಾಡಿ ಕ್ರಮ ಕೈಗೊಳ್ಳುದಾಗಿ ಭರವಸೆ ನೀಡಿದರು. ಆದರೂ ಜಗ್ಗದ ಪ್ರತಿಭಟನಾಕಾರರು ಜಿಲ್ಲಾ ಆರೋಗ್ಯಧಿಕಾರಿ ಬರುವವರೆಗೂ ಮಗುವಿನ ಮೃತದೇಹ ಮುಟ್ಟುವುದಿಲ್ಲ ಎಂದು ಪಟ್ಟು ಹಿಡಿದರು. ನಂತರ ಪ್ರತಿಭಟನಾ ಸ್ಥಳಕ್ಕಾಗಮಿಸಿದ ಬೈಂದೂರು ಶಾಸಕ ಗುರುರಾಜ್ ಗಂಟಿಹೊಳೆ ಅವರು ನ್ಯಾಯಕ್ಕಾಗಿ ಪ್ರತಿಭಟನಾಕಾರರಿಗೆ ಸಾಥ್ ನೀಡಿದರು. ಜಿಲ್ಲಾ ಆರೋಗ್ಯಧಿಕಾರಿ ಆಗಮಿಸಿ ಸಂಪೂರ್ಣ ತನಿಖೆ ಮಾಡಿ ವೈದ್ಯರನ್ನು ಅಮಾನತು ಮಾಡುವುದಾಗಿ ಹೇಳಿ ಪ್ರತಿಭಟನಾಕಾರರ ಮನವೊಲಿಸಲು ಪ್ರಯತ್ನ ಪಟ್ಟರು. ಆದರೂ ಸಾಧ್ಯವಾಗಲಿಲ್ಲ ಧರಣಿ ಮುಂದುವರಿಯಿತು.

Categories
ಚಿಕ್ಕಮಗಳೂರು

ಬಿರಿಯಾನಿ ತಿಂದವರು ಆಸ್ಪತ್ರೆಗೆ!

ಬಿರಿಯಾನಿ ತಿಂದವರು ಆಸ್ಪತ್ರೆಗೆ!
– ಬಿರಿಯಾನಿ ಸೇವಿಸಿ 17 ಮಂದಿ ಅಸ್ವಸ್ಥರಾದರು
– ಕಡೂರು ತಾಲೂಕಿನ ಮರವಂಜಿ ಗ್ರಾಮದಲ್ಲಿ ಘಟನೆ

NAMMUR EXPRESS NEWS
ಕಡೂರು: ಕಾರ್ಯಕ್ರಮದಲ್ಲಿ ಬಿರಿಯಾನಿ ಸೇವಿಸಿ 17ಕ್ಕೂ ಹೆಚ್ಚು ಮಂದಿ ಅಸ್ವಸ್ಥರಾಗಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆಯ ಕಡೂರು ತಾಲೂಕಿನ ಮರವಂಜಿ ಗ್ರಾಮದಲ್ಲಿ ನಡೆದಿದ್ದು, ಅಸ್ವಸ್ಥರಾದವರನ್ನು ಕಡೂರು ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮರವಂಜಿ ಗ್ರಾಮದಲ್ಲಿ ಭಾನುವಾರ ಕಾರ್ಯಕ್ರಮದಲ್ಲಿ ತಯಾರಿಸಿದ ಬಿರಿಯಾನಿ ಸೇವಿಸಿದ ಕೆಲವರಲ್ಲಿ ಸೋಮವಾರ ವಾಂತಿ- ಭೇಧಿ ಕಾಣಿಸಿಕೊಂಡು ಅಸ್ವಸ್ಥಗೊಂಡರು. ಕೂಡಲೇ ಗ್ರಾಮಸ್ಥರು ಅವರನ್ನು ಆಂಬುಲೆನ್ಸ್‌ ಮೂಲಕ ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ನೀಡಿದ್ದಾರೆ. ಎಲ್ಲರೂ ಅಪಾಯದಿಂದ ಪಾರಾಗಿದ್ದಾರೆ ಎಂದು ಆಸ್ಪತ್ರೆಯ ಮೂಲಗಳು ತಿಳಿಸಿವೆ.
ಕಡೂರು ಶಾಸಕ ಕೆ ಎಸ್ ಆನಂದ್‌ ಆಸ್ಪತ್ರೆಗೆ ಭೇಟಿ ನೀಡಿ ಚಿಕಿತ್ಸೆ ಪಡೆಯುತ್ತಿರುವವರ ಆರೋಗ್ಯ ವಿಚಾರಿಸಿದ್ದಾರೆ.

Categories
ತೀರ್ಥಹಳ್ಳಿ

ತೀರ್ಥಹಳ್ಳಿಗೂ ಬಂದ ಚಿರತೆಗಳು!

ತೀರ್ಥಹಳ್ಳಿಗೂ ಬಂದ ಚಿರತೆಗಳು!
– ಕಮ್ಮರಡಿ ಸಮೀಪ ಕೆಸಲೂರಲ್ಲಿ ಚಿರತೆ ಹಿಂಡು!
– ರಾತ್ರಿ ಸ್ಥಳೀಯರಿಗೆ ಕಂಡ ಚಿರತೆಗಳು
– ಜೀವ ಭಯದಲ್ಲಿ ಜನ: ಅರಣ್ಯ ಇಲಾಖೆ ಗಮನಿಸಿಲಿ…

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕು ಕಮ್ಮರಡಿ ಸಮೀಪದ ಕೆಸಲೂರು ಎಂಬಲ್ಲಿ ಚಿರತೆ ಹಿಂಡು ಪತ್ತೆಯಾಗಿದೆ. ಇದು ಈಗ ಗ್ರಾಮಸ್ಥರಲ್ಲಿ ಜೀವ ಭಯ ಉಂಟು ಮಾಡಿದೆ. ಭಾನುವಾರ ರಾತ್ರಿ ಬನಶಂಕರಿ ದೇವಾಲಯದ ಬಳಿ ಮೂರು ಚಿರತೆ ಮರಿ ಪತ್ತೆಯಾಗಿದ್ದು ದೊಡ್ಡ ಚಿರತೆ ಇವೆ ಎನ್ನಲಾಗಿದೆ. ಇದಲ್ಲದೆ ಸೋಮವಾರ ಮಿಗೇರಿ ಎಂಬಲ್ಲಿ ನಾಯಿಯನ್ನು ಎಳೆದುಕೊಂಡು ಹೋಗಿವೆ ಎಂದು ಸ್ಥಳೀಯರು ಹೇಳಿದ್ದಾರೆ.

ಮಕ್ಕಳು, ರೈತರಿಗೆ ಜೀವ ಭಯ!

ಬಸ್ ನಿಲ್ದಾಣದಿಂದ ಶಾಲಾ ಮಕ್ಕಳು ಭಯ ಪಡುತ್ತಿದ್ದಾರೆ. ನಡೆದುಕೊಂಡು ಹೋಗಲು ಭಯ ಪಡುವಂತಾಗಿದೆ. ಅದೂ ಈಗ ಅಡಿಕೆ ಕೊಯ್ಲು ಬೇರೆ. ಆದ್ದರಿಂದ ರೈತರು ಕೂಡ ಆತಂಕದಲ್ಲಿದ್ದಾರೆ.

ವಾಹನದಲ್ಲೇ ಹೋಗಬೇಕು!.. ಅರಣ್ಯ ಇಲಾಖೆ ತಕ್ಷಣ ಆಗಮಿಸಲಿ

ಚಿರತೆ ಭಯದಿಂದ ಜನರು ಈಗ ಅನಿವಾರ್ಯವಾಗಿ ವಾಹನಗಳಲ್ಲೇ ಹೋಗಬೇಕಿದೆ. ಅಲ್ಲದೆ ಎಲ್ಲರಲ್ಲೂ ಭಯದ ವಾತಾವರಣ ಮೂಡಿದೆ. ತಕ್ಷಣ ಗ್ರಾಮಕ್ಕೆ ಅರಣ್ಯ ಅಧಿಕಾರಿಗಳು ಆಗಮಿಸಿ ಬೋನ್ ಇಟ್ಟು ಚಿರತೆ ಹಿಡಿಯಬೇಕು ಎಂದು ಗ್ರಾಮಸ್ತರು ನಮ್ಮೂರ್ ಎಕ್ಸ್ ಪ್ರೆಸ್ ಮೂಲಕ ಅಗ್ರಹಿಸಿದ್ದಾರೆ.