Month: December 2023

ಪ್ರಕೃತಿಯ ಮಡಿಲಿನಲ್ಲಿ ಹೊಸ ವರ್ಷದ ಸಂಭ್ರಮ
– ಕುಂದಾದ್ರಿ ಮಿಸ್ಟ್ ಇನ್ : ನ್ಯೂ ಇಯರ್-2024
– ನೀವೂ ಬನ್ನಿ… ಹೊಸ ವರ್ಷ ಆಚರಿಸಿ..!

NAMMUR EXPRESS NEWS 
ಹೊಸ ವರ್ಷದ ಸಂಭ್ರಮಕ್ಕೆ ಇದೀಗ ದಿನಗಣನೆ ಆರಂಭವಾಗಿದೆ. ಇದೀಗ ತೀರ್ಥಹಳ್ಳಿಯ ಪ್ರಸಿದ್ಧ ಪ್ರವಾಸಿ ತಾಣ ಕುಂದಾದ್ರಿ ಸಮೀಪದ ಕುಂದಾದ್ರಿ ಮಿಸ್ಟ್ ಇನ್ ಅಲ್ಲಿ ಹೊಸ ವರ್ಷದ ಆಚರಣೆ ನಡೆಯಲಿದ್ದು ಆಸಕ್ತರು ಭಾಗವಹಿಸಬಹುದು. ಡ್ರಿಂಕ್ಸ್/ಫುಡ್/ಎಂಟರ್ಟೈನ್ಮೆಂಟ್ ಜೊತೆಗೆ ಪ್ರಸಿದ್ಧ ಹಾಡುಗಾರರು, ಡಿಜೆ ಪ್ಲೇಯರ್ ಜೊತೆ ಹೊಸ ವರ್ಷದ ಸಂಭ್ರಮ ಅನುಭವಿಸಬಹುದಾಗಿದೆ. ಖ್ಯಾತ ಹಾಡುಗಾರರಾದ ವಿನಯ್, ನಿಧಿ ಸುರೇಶ್ ನ್ಯೂ ಇಯರ್ ವಿಶೇಷ ಸಾಂಗ್ ಮನರಂಜನೆ ನೀಡಲಿದೆ.

ದಿನಾಂಕ: ಡಿ.31 ಭಾನುವಾರ
ಸಮಯ: ಸಂಜೆ 7ರಿಂದ ರಾತ್ರಿ 12:30

1999/- Per 1 Person (Silver Entry)
4999/- per 3 persons (Gold Entry)
7999/- per 5 person (Daimond Entry)
15,999/- per 10 persons ( Platinum Entry)

ತಮ್ಮೆಲ್ಲರಿಗೂ ಸುಸ್ವಾಗತ, ಬುಕ್ಕಿಂಗ್ ತಕ್ಷಣ ಮಾಡಿರಿ

ಸ್ಥಳ: ಕುಂದಾದ್ರಿ ಮಿಸ್ಟ್ ಇನ್, ಕೆಂದಾಳ ಬೈಲು, ಕುಂದಾದ್ರಿ ಸಮೀಪ, ತೀರ್ಥಹಳ್ಳಿ ತಾಲ್ಲೂಕು ಶಿವಮೊಗ್ಗ ಜಿಲ್ಲೆ

For enquiry and Booking :
9481652174
7019876081
9449805014

ಜಗದ ಕವಿ ಯುಗದ ಕವಿಗೆ ನಾಡ ನಮನ
– ಕುಪ್ಪಳಿಯಲ್ಲಿ ಕುವೆಂಪು ಸಮಾಧಿಗೆ ಪೂಜೆ
– ಕುವೆಂಪು ರಾಷ್ಟ್ರೀಯ ಪುರಸ್ಕಾರ ಪ್ರದಾನ ಸಂಭ್ರಮ
– ಕುವೆಂಪು ಪ್ರೇರಣೆಯಿಂದ ವರ್ಷಕ್ಕೆ 2 ಲಕ್ಷ ಪ್ರವಾಸಿಗರ ಭೇಟಿ!

NAMMUR EXPRESS NEWS
ತೀರ್ಥಹಳ್ಳಿ: ಜಗದ ಕವಿ ಯುಗದ ಕವಿ ಕುವೆಂಪು ಅವರ ಜನ್ಮ ದಿನವನ್ನು ಕುವೆಂಪು ಅವರ ಹುಟ್ಟೂರು ಕುಪ್ಪಳಿಯಲ್ಲಿ ಅವರ ಸಮಾಧಿಗೆ ನಮನ ಸಲ್ಲಿಸಲಾಯಿತು. ಕುವೆಂಪು ಸಮಾಧಿಗೆ ಶಿಕ್ಷಣ ಸಚಿವ ಮಧು ಬಂಗಾರಪ್ಪ, ಶಾಸಕ ಆರಗ ಜ್ಞಾನೇಂದ್ರ, ಮಾಜಿ ಸಚಿವ ಕಿಮ್ಮನೆ ರತ್ನಾಕರ್, ಕುವೆಂಪು ಪ್ರತಿಷ್ಠಾನದ ಅಧ್ಯಕ್ಷರಾದ ಬಿ.ಎಲ್. ಶಂಕರ್, ಸಮ ಕಾರ್ಯದರ್ಶಿ ಕಡಿದಾಳ್ ಪ್ರಕಾಶ್, ನೆಫ್ರೋ ಯೂರೋಲಜಿ ಸ್ಥಾಪಕ ನಿರ್ದೇಶಕ ಡಾ.ಜಿ.ಕೆ. ವೆಂಕಟೇಶ್ ಸೇರಿದಂತೆ ಜಿಲ್ಲಾ ಆಡಳಿತ, ತಾಲೂಕು ಆಡಳಿತ, ಸ್ಥಳೀಯ ಗ್ರಾಮ ಪಂಚಾಯತ್ ಆಡಳಿತದ ಪ್ರಮುಖರು ಹಾಜರಿದ್ದರು. ಬಳಿಕ ಪೂರ್ಣಚಂದ್ರ ತೇಜಸ್ವಿ ಅವರ ಸಮಾಧಿಗೆ ನಮನ ಸಲ್ಲಿಸಲಾಯಿತು.

ಕುವೆಂಪು ರಾಷ್ಟ್ರೀಯ ಪುರಸ್ಕಾರ ಪ್ರದಾನ

ಪ್ರಶಸ್ತಿಗಳು ಸಾಹಿತ್ಯ ರಚನೆಗೆ ಪ್ರೋತ್ಸಾಹ ನೀಡುತ್ತದೆ. ಆದರೆ ಶ್ರೇಷ್ಟವಾದ ಸಾಹಿತ್ಯ ಓದುಗರ ಮನಸ್ಸಿನಲ್ಲಿ ದೀರ್ಘವಾಗಿ ಉಳಿಯುವಂತೆ ಪ್ರಭಾವ ಬೀರುತ್ತದೆ ಎಂದು ಖ್ಯಾತ ಬಂಗಾಳಿ ಸಾಹಿತಿ ಶೀಷೇಂಧು ಮುಖ್ಯೋಪಾಧ್ಯಾಯ ಅಭಿಪ್ರಾಯ ವ್ಯಕ್ತಪಡಿಸಿದರು. ಕುಪ್ಪಳಿಯಲ್ಲಿ ಶುಕ್ರವಾರ ಕುವೆಂಪು 119ನೇ ಜನ್ಮದಿನೋತ್ಸವ ಅಂಗವಾಗಿ ನಡೆದ ವಿಶ್ವಮಾನದ ದಿನಾಚರಣೆಯಲ್ಲಿ “ಕುವೆಂಪು ರಾಷ್ಟ್ರೀಯ ಪುರಸ್ಕಾರ” ₹5 ಲಕ್ಷ ನಗದು ಬಹುಮಾನ ಸ್ವೀಕರಿಸಿ ಅವರು ಮಾತನಾಡಿದರು.

ವರ್ಷಕ್ಕೆ 2 ಲಕ್ಷ ಪ್ರವಾಸಿಗರ ಭೇಟಿಗೆ ಕುವೆಂಪು ಪ್ರೇರಣೆ

“ಕುವೆಂಪು ಅಭಿವ್ಯಕ್ತಿ ಸ್ವಾಂತ್ರಂತ್ರವನ್ನು ಗೌರವಿಸುತ್ತಿದ್ದರು. ರಾಜಕಾರಣಿ, ಪ್ರಧಾನಿ, ಸ್ವಾಮೀಜಿಗಳಿಗೂ ನಿಷ್ಠೂರವಾದಿಯಾಗಿ ಕಾಡಿದ್ದರು. ಸಾಸ್ಕೃತಿಕ ಮನಸ್ಸಿದ್ದರೆ ಏನು ಬೇಕಾದರು ಸಾಧ್ಯ ಎಂಬುದಕ್ಕೆ ಕುಪ್ಪಳಿ ಉದಾಹರಣೆಯಾಗಿದೆ. ವಾರ್ಷಿಕವಾಗಿ 2 ಲಕ್ಷಕ್ಕೂ ಅಧಿಕ ಸಂಖ್ಯೆಯ ಪ್ರವಾಸಿಗರು ಆಗಮಿಸುತ್ತಿದ್ದಾರೆ. ಎಲ್ಲರಿಗೂ ಸೌಕರ್ಯ ಒದಗಿಸುವ ಜವಾಬ್ದಾರಿ ಕಷ್ಟಸಾಧ್ಯ” ಎಂದು ಕುವೆಂಪು ಪ್ರತಿಷ್ಠಾನದ ಅಧ್ಯಕ್ಷ ಬಿ.ಎಲ್. ಶಂಕರ್ ಹೇಳಿದರು. ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ, ಶಾಸಕ ಆರಗ ಜ್ಞಾನೇಂದ್ರ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ನಿರ್ದೇಶಕಿ ಡಾ.ಧರಣಿದೇವಿ ಮಾಲಗತ್ತಿ ಮಾತನಾಡಿದರು. ವೇದಿಕೆಯಲ್ಲಿ ಜಿಲ್ಲಾ ಪಂಚಾಯಿತಿ ಸಿಇಓ ಸ್ನೇಹಲ್ ಸುಧಾಕರ್ ಲೋಕಂಡೆ, ದೇವಂಗಿ ಗ್ರಾ.ಪಂ. ಅಧ್ಯಕ್ಷೆ ಗಿರಿಜಾ ಕುಮಾರ್, ಸದಸ್ಯೆ ಹೆಚ್.ಸಿ. ಸರೋಜ ಇದ್ದರು.

ಬಂಗಾರಪ್ಪ ಅವರಿಂದ ಕುವೆಂಪು ಕನಸು ನನಸು

ಕುವೆಂಪು ಲೇಖನಗಳಲ್ಲಿ ಉಲ್ಲೇಖವಾದ ನಿಷ್ಟೂರ ವ್ಯಕ್ತಿತ್ವ ತದ್ರೂಪ ರಾಜಕಾರಣದಲ್ಲಿ ಎಸ್.ಬಂಗಾರಪ್ಪ ಅವರದ್ದಾಗಿತ್ತು. ಕರ್ನಾಟಕ ರತ್ನ ಪ್ರಶಸ್ತಿಯನ್ನು ಮುಖ್ಯಮಂತ್ರಿಯಾಗಿದ್ದ ಸಂದರ್ಭ ಸ್ವತಃ ಅವರೇ ಮನೆಗೆ ತೆರಳಿ ನೀಡಿದ್ದರು. ಕೊನೆಯ ದಿನಗಳಲ್ಲಿ ಕುವೆಂಪು ಅವರಿಗಿದ್ದ ಕುಪ್ಪಳಿ ನೋಡುವ ಆಸೆಯನ್ನು ತೀರಿಸಿದ್ದರು. ಎಲ್ಲರೂ ಇತಿಹಾಸದ ಪಾಲುದಾರರಾಗಬೇಕು. ಕುವೆಂಪು ಕನ್ನಡಿಗರ ಹೃದಯದಲ್ಲಿ ಅಜರಾಮರವಾಗಿ ನೆಲೆಸಿದ್ದಾರೆ.

– ಮಧು ಬಂಗಾರಪ್ಪ, ಜಿಲ್ಲಾ ಉಸ್ತುವಾರಿ ಸಚಿವ

ಕುವೆಂಪು ವಿಚಾರಧಾರೆಗೆ ಸಾವು ಇಲ್ಲ

ಕುವೆಂಪು ವಿಚಾರಧಾರೆಗೆ ಸಾವು ಎಂಬುದಿಲ್ಲ. ವ್ಯಕ್ತಿತ್ವದ ಮೂಲಕವೇ ಚಿರಂಜೀವಿಯಾಗಿ ನಮ್ಮೊಂದಿಗೆ ಬದುಕಿದ್ದಾರೆ. ಮಲೆನಾಡಿನ ಅಗಾಧ ಪ್ರಕೃತಿಯನ್ನು ವರ್ಣಿಸುವ ದಿವ್ಯದೃಷ್ಟಿ ಅವರಿಗಿತ್ತು. ಕುವೆಂಪು ಹೆಸರಿನಲ್ಲಿರುವ ಜೈವಿಕ ಅರಣ್ಯ ಪ್ರದೇಶದಲ್ಲಿ ಅಭಿವೃದ್ಧಿ ಸಲ್ಲ. ಪೂರ್ಣ ಮೂಲಭೂತ ಸೌಲಭ್ಯ ಕಲ್ಪಿಸಿದರೆ ವಿಲಾಸಿ ಕೇಂದ್ರವಾಗಿ ಪರಿವರ್ತನೆ ಹೊಂದಲಿದೆ.

– ಆರಗ ಜ್ಞಾನೇಂದ್ರ, ಶಾಸಕ

ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನೂತನ ಕಟ್ಟಡದ ಉದ್ಘಾಟನಾ ಸಮಾರಂಭ
– ನೂತನ ಕಟ್ಟಡದ ಉದ್ಘಾಟನಾ ಸಮಾರಂಭ
– ಸರ್ವರನ್ನು ಸ್ವಾಗತಿಸಿದ ಸೊಸೈಟಿ ಆಡಳಿತ

NAMMUR EXPRESS NEWS
ತೀರ್ಥಹಳ್ಳಿ: ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನೂತನ ಕಟ್ಟಡದ ಉದ್ಘಾಟನಾ ಸಮಾರಂಭ 30-12-2023 ನೇ ಶನಿವಾರ ಬೆಳಗ್ಗೆ 10-30ಕ್ಕೆ ಯಡೂರು ಸಹಕಾರಿ ಸಂಘದ ಆವರಣದಲ್ಲಿ ನಡೆಯಲಿದೆ. ಶ್ರೀ ಗುತ್ತಿ ರೇಣುಕಾಂಬ ಸಭಾ ಭವನ, ಸುಳುಗೋಡಿನ ಯಡೂರಿನಲ್ಲಿ ಸಭಾ ಕಾರ್ಯಕ್ರಮ ನಡೆಯಲಿದೆ. ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖಾ ಸಚಿವರು, ಕರ್ನಾಟಕ ಸರ್ಕಾರ ಮತ್ತು ಶಿವಮೊಗ್ಗ ಜಿಲ್ಲಾ ಉಸ್ತುವಾರಿ ಸಚಿವರಾದ ಮಧು ಬಂಗಾರಪ್ಪನವರು ಕಟ್ಟಡ ಉದ್ಘಾಟನೆ ಮಾಡಲಿದ್ದಾರೆ. ಆರ್ ಎಂ ಮಂಜುನಾಥ ಗೌಡ, ಮಾಜಿ ಅಧ್ಯಕ್ಷರು, ಅಪೆಕ್ಸ್ ಬ್ಯಾಂಕ್, ಬೆಂಗಳೂರು, ಅಧ್ಯಕ್ಷರು, ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಶಿವಮೊಗ್ಗ, ಅವರ ಸಾರಥ್ಯದಲ್ಲಿ ಸಮಾರಂಭ ಉದ್ಘಾಟನೆಯಾಗಲಿದೆ. ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಅಧ್ಯಕ್ಷರಾದ ಶಶಾಂಕ್ ಕೊಳವಾಡಿ ಅವರ ಅಧ್ಯಕ್ಷತೆಯಲ್ಲಿ ಕಾರ್ಯಕ್ರಮ ನೆರವೇರಲಿದೆ.

ಶ್ರೀ ಆರಗ ಜ್ಞಾನೇಂದ್ರ, ಮಾಜಿ ಗೃಹ ಸಚಿವರು, ಕರ್ನಾಟಕ ಸರ್ಕಾರ ಮಾನ್ಯ ವಿಧಾನಸಭಾ ಸದಸ್ಯರು, ತೀರ್ಥಹಳ್ಳಿ ಕ್ಷೇತ್ರ, ಮಾಜಿ ಶಿಕ್ಷಣ ಸಚಿವರು ಕಿಮ್ಮನೆ ರತ್ನಾಕರ ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ. ಎಂ. ಎಂ ಪರಮೇಶ್, ನಿರ್ದೇಶಕರು, ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಶಿವಮೊಗ್ಗ, ಎನ್. ಸುಧೀರ್, ನಿರ್ದೇಶಕರು, ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕ್, ಶಿವಮೊಗ್ಗ ಜಿ. ವಾಸುದೇವ್, ಮುಖ್ಯ ಕಾರ್ಯನಿರ್ವಾಹಕರು ಡಿ. ಸಿ. ಸಿ ಬ್ಯಾಂಕ್, ಶಿವಮೊಗ್ಗ ಮತ್ತು ಸಹಕಾರ ಸಂಘಗಳ ಉಪನಿಬಂಧಕರು, ಶಿವಮೊಗ್ಗ ಜಿಲ್ಲೆ, ಶೃತಿ ಶೇಷಾದ್ರಿ,ಅಧ್ಯಕ್ಷರು ಗ್ರಾಮ ಪಂಚಾಯಿತಿ ಸುಳುಗೋಡು,ಹೆಚ್ ಡಿ ಜಯಪ್ರಕಾಶ್, ಅಧ್ಯಕ್ಷರು ಗ್ರಾಮ ಪಂಚಾಯಿತಿ ಯಡೂರು, ಕೆ. ಬಿ. ಕೃಷ್ಣಮೂರ್ತಿ,ಅಧ್ಯಕ್ಷರು ಗ್ರಾಮ ಪಂಚಾಯಿತಿ, ಖೈರುಗುಂದ ಮಾಸ್ತಿಕಟ್ಟೆ, ಇವರುಗಳು ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.

ಶಶಾಂಕ್ ಕೊಳವಾಡಿ ಅಧ್ಯಕ್ಷರು,
ನಾಗೇಶ್ ಗೌಡ ಹಿರೇಬೈಲು ಉಪಾಧ್ಯಕ್ಷರು,
ಮಂಜುನಾಥ ಹೊಸಗದ್ದೆ ನಿರ್ದೇಶಕರು,
ಟೀಕಪ್ಪ ಗೌಡ ಹುಮ್ಮಡಗಲ್ಲು ನಿರ್ದೇಶಕರು,
ಪುರುಷೋತ್ತಮ ಜಗನಕೊಪ್ಪ ನಿರ್ದೇಶಕರು,
ರಮೇಶ್ ಅಚ್ಚುಮನೆ ನಿರ್ದೇಶಕರು,
ಪ್ರಶಾಂತ ಹಂದಿಗೆಮನೆ ನಿರ್ದೇಶಕರು,
ವಿನೋದ ರಾಜಶೇಖರ ಗಿಣಿಕಲ್ಲು ನಿರ್ದೇಶಕರು,
ಸತ್ಯ ಪ್ರೇಮ ಯೋಗೇಂದ್ರ ಮೇಲಿನಬೈಸೆ ನಿರ್ದೇಶಕರು,
ಸರಸ್ವತಿ ರತ್ನಾಕರ್ ಕೊಳವಾಡಿ ನಿರ್ದೇಶಕರು,
ಯಶೋದ ಚಂದ್ರಶೇಖರ್ ಸುಳಗೋಡು ನಿರ್ದೇಶಕರು,

ಶಿವಕುಮಾರ್ ಎಸ್ ಕ್ಷೇತ್ರ ಅಧಿಕಾರಿಗಳು, ಡಿಸಿಸಿ ಬ್ಯಾಂಕ್ ಹೊಸನಗರ ಶಾಖೆ, ಜಿಲ್ಲಾ ಬ್ಯಾಂಕ್ ಪ್ರತಿನಿಧಿ,

ಮಹೇಶ್ ಮಾಗಲು, ಮಾಜಿ ಅಧ್ಯಕ್ಷರು, ವೃತ್ತಿಪರ ನಿರ್ದೇಶಕರು,
ಮಹಮ್ಮದ್ ಶರೀಫ್ ಯಡೂರು ವೃತ್ತಿಪರ ನಿರ್ದೇಶಕರು.

ಸಂತೋಷ್ ಹೊಸಗದ್ದೆ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹಾಗೂ ಶ್ರೀಮತಿ ಕೆ ಆರ್ ಚೇತನ, ನಗದು ಗುಮಾಸ್ತೆ, ವಿಜೇತ್ ಗೌಡ ಕೊಳೂರು, ಪಿಗ್ಮಿ ಸಂಗ್ರಾಹಕರು ಇರಲಿದ್ದಾರೆ.

ತೀರ್ಥಹಳ್ಳಿ ಕರವೇ ಪ್ರತಿಭಟನೆ!
– ಕರವೇ ಅಧ್ಯಕ್ಷ ನಾರಾಯಣಗೌಡ ಬಿಡುಗಡೆಗೆ ಪಟ್ಟು!
– ತಹಶಿಲ್ದಾರರಿಗೆ ಮನವಿ ಪತ್ರ ಸಲ್ಲಿಸಿದ ಕರವೇ ಕಾರ್ಯಕರ್ತರು!

NAMMUR EXPRESS NEWS
ತೀರ್ಥಹಳ್ಳಿ: ಕರವೇ ರಾಜ್ಯಾಧ್ಯಕ್ಷರಾದ ಟಿ.ಎ. ನಾರಾಯಣ ಗೌಡರ ಬಂಧನದ ವಿರುದ್ಧ ರಾಜ್ಯ ಸರ್ಕಾರ ಮತ್ತು ಪೊಲೀಸ್ ದೌರ್ಜನ್ಯವನ್ನು ಖಂಡಿಸಿ ತೀರ್ಥಹಳ್ಳಿಯಲ್ಲಿ ಕ ರ ವೇ ಪ್ರತಿಭಟನೆ ಮಾಡಿದ್ದು, ಕೂಡಲೇ ನಾರಾಯಣ ಗೌಡರನ್ನು ಬಿಡುಗಡೆ ಮಾಡುವಂತೆ ಗೃಹ ಸಚಿವರಿಗೆ ಆಗ್ರಹಿಸಿದ್ದಾರೆ. ಕರ್ನಾಟಕ ರಕ್ಷಣಾ ವೇದಿಕೆ ಪ್ರಾರಂಭವಾಗಿ 25 ವರ್ಷಗಳು ಆಗಿದೆ. ಈ 25 ವರ್ಷದಲ್ಲಿ ಕರವೇ ಸಾಕಷ್ಟು ನಾಡಿನ ಗಡಿ, ನೆಲ, ನುಡಿ, ಭಾಷೆಗಾಗಿ ನಾವು ಹೋರಾಟ ಮಾಡಿದ್ದು ಕೇಸುಗಳನ್ನು ಹಾಕಿಸಿಕೊಂಡಿದ್ದೇವೆ. ಆದರೆ ಈಗ ರಾಜ್ಯದಲ್ಲಿ ಆಂಗ್ಲ ನಾಮಫಲಕಕ್ಕಾಗಿ ಹೋರಾಟದ ಸಂದರ್ಭದಲ್ಲಿ ರಾಜ್ಯಾಧ್ಯಕ್ಷರಾದ ನಾರಾಯಣಗೌಡರನ್ನು ಬಂಧಿಸುವುದು ಖಂಡನೀಯ! ಅವರನ್ನು ಕೂಡಲೇ ಬಿಡುಗಡೆಗೊಳಿಸಬೇಕೆಂದು, ರಾಜ್ಯ ಕರವೇ ಸಂಘಟನಾ ಕಾರ್ಯದರ್ಶಿ ಪಟೇಲ್ ವೆಂಕಟೇಶ್ ಹೆಗಡೆ ಅಕ್ರೋಶ ಹೊರಹಾಕಿದರು. ಅಧ್ಯಕ್ಷರ ಆರೋಗ್ಯವು ಸರಿ ಇಲ್ಲ. ಅವರಿಗೆ ಏನಾದರೂ ಹೆಚ್ಚು ಕಡಿಮೆ ಆದರೆ ರಾಜ್ಯ ಸರ್ಕಾರವೇ ಇದರ ಹೊಣೆ ಹೊರಬೇಕಾಗುತ್ತದೆ ಎಂದು ಹೇಳಿದರು.

ಶುಕ್ರವಾರ ತಾಲೂಕು ಕಚೇರಿ ಎದುರು ಪ್ರತಿಭಟನೆ ನಡೆಸಿ ಮಾತನಾಡಿದ ಅವರು ಪ್ರತಿಯೊಂದು ಅಂಗಡಿ ಮುಂಗಟ್ಟಿಗೆ ಹಾಗೂ ಮಾಲ್ ಗಳಲ್ಲಿ ಕನ್ನಡದ ನಾಮಪಲಕ ಬದಲು ಆಂಗ್ಲ ಹಾಗೂ ಇನ್ನಿತರ ಭಾಷೆ ನಾಮಫಲಕವನ್ನು ಹಾಕಲಾಗಿದೆ. ಹಾಗಾಗಿ ಕನ್ನಡವನ್ನು ಮೊದಲು ಬಳಸಬೇಕು. ಮೊದಲ ಆದ್ಯತೆ ಕನ್ನಡ ಭಾಷೆಗೆ ಇರಬೇಕು ಎಂಬ ಕಾರಣಕ್ಕೆ ಇಂತಹ ಹೋರಾಟವನ್ನು ಆರಂಭಿಸಿದ್ದೇವೆ. ಈ ಹೋರಾಟದಲ್ಲಿ ಗೆಲುವು ನಮ್ಮದಾಗಿಸಿಕೊಳ್ಳುತ್ತೇವೆ ಎಂದು ಹೇಳಿದರು.

ಕರವೇ ತಾಲೂಕಿನ ಅಧ್ಯಕ್ಷರಾದ ಯಡಿಯೂರು ಸುರೇಂದ್ರ ಮಾತನಾಡಿ, ಆಂಗ್ಲ ಅಥವಾ ಬೇರೆ ಭಾಷೆಯನ್ನು ವಿರೋಧ ಮಾಡುತ್ತಿಲ್ಲ. ಅದರ ಬದಲು ಕನ್ನಡಕ್ಕೆ 60 % ಉಳಿದ ಭಾಷೆಗೆ 40% ಇರುವಂತೆ ನಾಮಫಲಕ ಹಾಕಬೇಕು. ಈ ಸುತ್ತೋಲೆ ಮೊದಲಿನಿಂದಲೂ ಇತ್ತು. ಆದರೆ ಯಾವ ಸರ್ಕಾರವು ಇದರ ಬಗ್ಗೆ ಸೂಕ್ತ ಕ್ರಮ ಕೈಗೊಂಡಿಲ್ಲ, ಮತ್ತೆ ಈಗಾಗಲೇ ಮುಖ್ಯಮಂತ್ರಿಗಳು ಕೂಡ ಆದೇಶ ನೀಡಿದ್ದಾರೆ. ಹಾಗಾಗಿ ತೀರ್ಥಹಳ್ಳಿಯಲ್ಲಿ ಪಟ್ಟಣ ಪಂಚಾಯಿತಿ ಹಾಗೂ ತಾಲೂಕು ಆಡಳಿತ ಸೇರಿ ಈ ನಿಯಮ ಜಾರಿಗೆ ತರಬೇಕು. ಇಲ್ಲದಿದ್ದರೆ ಮುಂದಿನ ದಿನಗಳಲ್ಲಿ ಉಗ್ರ ಹೋರಾಟ ಮಾಡಲಾಗುವುದು ಎಂದು ಹೇಳಿದರು.

ಕರವೇ ಮಹಿಳಾ ಘಟಕದ ಅಧ್ಯಕ್ಷರಾದ ಜ್ಯೋತಿ ದಿಲೀಪ್ ಮಾತನಾಡುತ್ತಾ, ಮೊನ್ನೆ ಬೆಂಗಳೂರಿನಲ್ಲಿ ನಡೆದ ಕಡ್ಡಾಯ ಕನ್ನಡ ನಾಮಫಲಕಕ್ಕೆ ಒತ್ತಾಯಿಸಿ ಜನಜಾಗೃತಿ ಮೂಡಿಸುವ ರ್ಯಾಲಿಯಲ್ಲಿ ವಿನಾಕಾರಣ ಪೊಲೀಸರು ತಡೆಯೊಡ್ಡಿ ಕರವೇಯ ಸುಮಾರು 1000 ಜನರನ್ನು ಬಂಧಿಸಿ ಸೂಕ್ತ ಆಹಾರ ನೀಡದೆ ಮಧ್ಯರಾತ್ರಿಯವರೆಗೂ ಕೂಡಿಹಾಕಿ, ಮಧ್ಯರಾತ್ರಿ 2 ಗಂಟೆಗೆ ಬಲಾತ್ಕಾರವಾಗಿ ನಾರಾಯಣಗೌಡರನ್ನು ಬಂಧಿಸಿ ಕರೆದೊಯ್ದು, ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿರುವುದನ್ನು ತೀರ್ಥಹಳ್ಳಿ ತಾಲ್ಲೂಕು ಕರವೇ ಖಂಡಿಸುತ್ತದೆ. ಕರವೇ ಕಾರ್ಯಕರ್ತರನ್ನು ಬಂಧಿಸಿದ ಪೊಲೀಸರು ಬಂಧನಕ್ಕೆ ಒಳಗಾದ ಕರವೇ ಕಾರ್ಯಕರ್ತರನ್ನು ಭಯೋತ್ಪಾದಕರ ರೀತಿ ನಡೆಸಿಕೊಂಡಿದ್ದಾರೆ. ಮಧ್ಯಾಹ್ನ ಬಂಧಿಸಿದ ನಮಗೆ ಊಟ ನೀರು ಕೊಡದೆ ಹಾಗೆಯೇ ಕೂರಿಸಿದರು. ಸರ್ಕಾರ ಮತ್ತು ಪೊಲೀಸ್ ಇಲಾಖೆಯ ಇಂತಹ ಧೋರಣೆಯನ್ನು ಖಂಡಿಸುತ್ತೇವೆ ಎಂದರು.

ರಾಜ್ಯ ಸರ್ಕಾರಕ್ಕೆ ಮನವಿ ಏನು…?

ಗೃಹ ಸಚಿವರಲ್ಲಿ ನಮ್ಮ ಮನವಿ ಏನೆಂದರೆ, ಕರ್ನಾಟಕದಲ್ಲಿ ವ್ಯಾಪಾರ ಮತ್ತು ಇತರ ವ್ಯವಹಾರ ಮಾಡಲು ಹೊರರಾಜ್ಯದಿಂದ ಬರುವ ಅನ್ಯಭಾಷಿಕರಿಗೆ ಕನ್ನಡದ ಬಗ್ಗೆ ಇರುವ ಅಸಡ್ಡೆ ಮನೋಭಾವವನ್ನು ಈ ಹಿಂದಿನಿಂದಲೂ ಕರವೇ ವಿರೋಧಿಸಿಕೊಂಡು ಬಂದಿರುತ್ತದೆ. ಮೊನ್ನೆ ನಡೆದಿರುವ ಪ್ರತಿಭಟನೆಯಲ್ಲಿ ಸರ್ಕಾರದ ಮಾರ್ಗಸೂಚಿಯಂತೆ 60 % ಕನ್ನಡ ಮತ್ತು 40% ಇತರ ಭಾಷೆಗೆ ಮೀಸಲಿಟ್ಟು ಆದೇಶವನ್ನು ಜಾರಿಗೆ ತಂದಿರುತ್ತಾರೆ. ಆದರೆ ಅದನ್ನು ಬಹುತೇಕ ಜನರು ನಾಮಫಲಕದಲ್ಲಿ ಅಳವಡಿಸಿಕೊಳ್ಳದೇ ಇರುವುದರಿಂದ ಈ ವಿಚಾರವಾಗಿ ಸರ್ಕಾರಕ್ಕೆ ಕರವೇ ವತಿಯಿಂದ ಮನವಿ ಕೂಡ ಮಾಡಿರುತ್ತೇವೆ. ಆದರೂ ಪ್ರಯೋಜನವಾಗಿರುವುದಿಲ್ಲ. ಇದರಿಂದ ಕರ್ನಾಟಕದಲ್ಲಿ ಕನ್ನಡದ ಉಳಿವಿಗಾಗಿ ಕನ್ನಡಿಗರಿಂದಲೇ ಪ್ರಾರಂಭವಾದ ಕರವೇ ನೇತೃತ್ವದಲ್ಲಿ ರಾಜ್ಯಾಧ್ಯಕ್ಷರಾದ ನಾರಾಯಣಗೌಡರ ಮುಂದಾಳತ್ವದಲ್ಲಿ ಜನಜಾಗೃತಿ ಮೂಡಿಸಲು ಮುಂದಾದ ಸಂಧರ್ಭದಲ್ಲಿ ರಾಜ್ಯ ಸರ್ಕಾರವು ಪ್ರತಿಭಟನೆಯನ್ನು ಹತ್ತಿಕ್ಕಲು ಪೊಲೀಸರನ್ನು ಬಳಸಿಕೊಂಡು, ಹೋರಾಟಗಾರರನ್ನು ಅಪರಾಧಿಗಳಂತೆ ಬಿಂಬಿಸಿ ಅನೇಕ ಕಿರುಕುಳವನ್ನು ಕೊಟ್ಟಿರುತ್ತಾರೆ. ಮತ್ತು ರಾತ್ರೋರಾತ್ರಿ ರಾಜ್ಯಾಧ್ಯಕ್ಷರಾದ ನಾರಾಯಣ ಗೌಡರು ಮತ್ತು ಇತರರನ್ನು ಬಂಧಿಸಿರುತ್ತಾರೆ.

ಆದ್ದರಿಂದ ರಾಜ್ಯಾಧ್ಯಕ್ಷರನ್ನು ಮತ್ತು ಇತರರನ್ನು ಕೂಡಲೇ ಬಿಡುಗಡೆ ಮಾಡುವಂತೆ ರಾಜ್ಯ ಸರ್ಕಾರ ಮತ್ತು ಗೃಹ ಸಚಿವರಾದ ಜಿ.ಪರಮೇಶ್ವರ್ ಅವರನ್ನು, ತೀರ್ಥಹಳ್ಳಿ ತಾಲ್ಲೂಕು ಕರವೇ ಒತ್ತಾಯಿಸುತ್ತಿದೆ. ಇಲ್ಲದಿದ್ದಲ್ಲಿ ಮುಂದಿನ ದಿನಗಳಲ್ಲಿ ತೀವ್ರ ತರಹದ ಪ್ರತಿಭಟನೆಯನ್ನು ಹಮ್ಮಿಕೊಳ್ಳಲಾಗುವುದೆಂದು ಈ ಮೂಲಕ ತಿಳಿಸುತ್ತಿದ್ದೇವೆ. ಈ ಸಂದರ್ಭದಲ್ಲಿ ಕರವೆಯ ರಾಜ್ಯ ಸಂಘಟನಾ ಕಾರ್ಯದರ್ಶಿ ಪಟೇಲ್ ವೆಂಕಟೇಶ್ ಹೆಗ್ಡೆ, ತಾಲೂಕು ಕರವೇ ಅಧ್ಯಕ್ಷ ಯಡೂರು ಸುರೇಂದ್ರ, ಶ್ರೀಕಾಂತ್ ಬೆಟ್ಟಮಕ್ಕಿ ಯುವ ಘಟಕದ ಅಧ್ಯಕ್ಷರು, ರವಿ ಎಸ್ ನಗರ ಘಟಕ ಅಧ್ಯಕ್ಷರು, ವಿಕ್ರಂ ಶೆಟ್ಟಿ ತಾಲೂಕು ಪ್ರಧಾನ ಕಾರ್ಯದರ್ಶಿ, ಹರ್ಷೇಂದ್ರ ಕುಮಾರ್ ಜಿಲ್ಲಾ ಸಂಚಾಲಕರು, ಜ್ಯೋತಿ ದಿಲೀಪ್ ಮಹಿಳಾ ಘಟಕದ ಅಧ್ಯಕ್ಷರು, ಸುರೇಶ್ ಟೈಲರ್, ಸುಧೀನ್ ಗೌಡ, ಚಂದ್ರು, ಕುಶಾವತಿ ಹಾಗೂ ಪ್ರಮುಖರು ಇದ್ದರು.