Categories
ತೀರ್ಥಹಳ್ಳಿ ಮಲ್ನಾಡ್

ಆರ್.ಎಂ ಆಪ್ತ ಸಹಾಯಕರಾಗಿ ಕುರುವಳ್ಳಿ ನಾಗರಾಜ್ ನೇಮಕ

ಆರ್.ಎಂ ಆಪ್ತ ಸಹಾಯಕರಾಗಿ ಕುರುವಳ್ಳಿ ನಾಗರಾಜ್ ನೇಮಕ
– ಕೊಡಚಾದ್ರಿ ಗ್ರಾಮೀಣಾಭಿವೃದ್ಧಿ ಟ್ರಸ್ಟ್ ಕಛೇರಿಯ ಮಾಹಿತಿ

NAMMUR EXPRESS NEWS
ತೀರ್ಥಹಳ್ಳಿ: ಮಲೆನಾಡು ಪ್ರದೇಶ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷರು (MADB) ಹಾಗೂ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ, ರಾಜ್ಯ ಅಪೆಕ್ಸ್ ಬ್ಯಾಂಕ್ ನಿರ್ದೇಶಕರು, ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಪಕ್ಷದ ಸಹಕಾರ ವಿಭಾಗದ ರಾಜ್ಯ ಸಂಚಾಲಕರು ಹಾಗೂ ಕೊಡಚಾದ್ರಿ ಗ್ರಾಮೀಣ ಅಭಿವೃದ್ದಿ ಟ್ರಸ್ಟ್ ಅಧ್ಯಕ್ಷರಾದ ಡಾ ಆರ್ ಎಂ ಮಂಜುನಾಥಗೌಡ ಅವರ ಅಪ್ತ ಸಹಾಯಕರಾಗಿ ಕುರುವಳ್ಳಿ ನಾಗರಾಜ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಕೊಡಚಾದ್ರಿ ಗ್ರಾಮೀಣಾಭಿವೃದ್ಧಿ ಟ್ರಸ್ಟ್ ಕಛೇರಿಯ ಮೂಲಗಳು ತಿಳಿಸಿವೆ.

Categories
ಮಂಗಳೂರು ರಾಜ್ಯ

ಭೂಗತ ಪಾತಕಿ ಪ್ರಸಾದ್‌ ಪೂಜಾರಿ ಚೀನಾದಿಂದ ಗಡಿಪಾರು!

ಭೂಗತ ಪಾತಕಿ ಪ್ರಸಾದ್‌ ಪೂಜಾರಿ ಚೀನಾದಿಂದ ಗಡಿಪಾರು!
– ದಶಕಗಳಿಂದ ಭಾರತಕ್ಕೆ ಬೇಕಾಗಿದ್ದ ಅಂಡರ್ ವರ್ಲ್ಡ್ ಡಾನ್
– ಕರಾವಳಿ ನಂಟು ಹೊಂದಿರುವ ಈ ಪ್ರಸಾದ್‌ ಪೂಜಾರಿ ಯಾರು? ಚೀನಾಕ್ಕೆ ಆತ ಹೋಗಿದ್ದು ಏಕೆ?

NAMMUR EXPRESS NEWS
ಮಂಗಳೂರು: ರವಿ ಪೂಜಾರಿ, ಬನ್ನಂಜೆ ರಾಜ, ವಿಕ್ಕಿ ಶೆಟ್ಟಿ ಹೀಗೆ ಭೂಗತ ಪಾತಕಿಗಳ ಸಾಲಿನಲ್ಲಿ ಕರಾವಳಿಯ ನಂಟು ಹೊಂದಿರುವ ಮುಂಬೈಯ ಮತ್ತೊಬ್ಬ ಅಂಡರ್‌ ವರ್ಲ್ಡ್‌ ಡಾನ್‌ ಪ್ರಸಾದ್‌ ಪೂಜಾರಿ. ಪ್ರಸಾದ್‌ ಪೂಜಾರಿ ಮುಂಬೈನಲ್ಲಿ ತನ್ನ ಪಾತಕ ಕೃತ್ಯವನ್ನು ಆರಂಭಿಸಿ ಸುಮಾರು 20 ವರ್ಷಗಳಿಂದ ಚೀನಾದಲ್ಲಿ ನೆಲೆಸಿಕೊಂಡು ಹಫ್ತಾ ವಸೂಲಿ ಮಾಡುತ್ತಿದ್ದ.
ಇದೀಗ, ಪ್ರಸಾದ್‌ ಪೂಜಾರಿಯನ್ನು ಮುಂಬೈ ಕ್ರೈಂ ಬ್ರಾಂಚ್‌ ಮುಂಬೈಗೆ ಕರೆತರುವಲ್ಲಿ ಯಶಸ್ವಿಯಾಗಿದೆ. ಪ್ರಸಾದ್‌ ಪೂಜಾರಿ ಚೀನಾದಿಂದ ಗಡಿಪಾರುಮುಂಬೈನಲ್ಲಿ ಹಲವು ಪ್ರಕರಣಗಳಲ್ಲಿ ಬೇಕಾಗಿದ್ದ ಭೂಗತ ಪಾತಕಿ ಪ್ರಸಾದ್‌ ಪೂಜಾರಿಯನ್ನು ಚೀನಾ ಗಡಿಪಾರು ಮಾಡಿದ್ದು, ಪೊಲೀಸರು ಈತನನ್ನು ದೇಶಕ್ಕೆ ಕರೆತರುವಲ್ಲಿ ಯಶಸ್ವಿಯಾಗಿದ್ದಾರೆ.

ದಶಕದ ಹಿಂದೆ ಚೀನಾಕ್ಕೆ ಓಡಿಹೋಗಿ ಕೊಲೆ, ಹಫ್ತಾ ವಸೂಲಿ ಸೇರಿ ಮುಂಬೈನ ಪಾತಕ ಲೋಕದಲ್ಲಿ ತೊಡಗಿಸಿಕೊಂಡಿದ್ದ ಈತನನ್ನು ಕೆಲವು ತಿಂಗಳ ಹಿಂದೆ ಚೀನಾದಲ್ಲಿ ನಕಲಿ ಪಾಸ್‌ಪೋರ್ಟ್‌ ಆರೋಪದಡಿ ಬಂಧಿಸಿತ್ತು. ಚೀನಾದ ಮಹಿಳೆಯನ್ನು ಮದುವೆಯಾಗಿದ್ದ ಈತ ಹಾಕಾಂಗ್‌ಗೆ ಪತ್ನಿ ಜತೆ ಹೋಗುವಾಗ ಅಲ್ಲಿನ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದ. ಆತ ಅಲ್ಲಿನ ಮಹಿಳೆಯನ್ನೇ ಮದುವೆಯಾಗಿದ್ದ ಕಾರಣ ಕೂಡಲೇ ಗಡಿಪಾರು ಮಾಡುವುದು ಅಷ್ಟೊಂದು ಸುಲಭದ ಪ್ರಕ್ರಿಯೆ ಆಗಿರಲಿಲ್ಲ. ಆದರೆ, ಇಂಟರ್‌ ಪೋಲ್‌ ಮೂಲಕ ಭಾರತದ ರಾಜತಾಂತ್ರಿಕ ಅಧಿಕಾರಿಗಳು ನಡೆಸಿದ್ದ ಸತತ ಪರಿಶ್ರಮದ ಬಳಿಕ ಪ್ರಸಾದ್‌ ಪೂಜಾರಿಯನ್ನು ಭಾರತಕ್ಕೆ ಗಡಿಪಾರು ಮಾಡುವುದಕ್ಕೆ ಅಲ್ಲಿನ ಸರ್ಕಾರ ಗ್ರೀನ್‌ ಸಿಗ್ನಲ್‌ ನೀಡಿತ್ತು. ಅದರಂತೆ ಇಂದು ಬೆಳಗ್ಗೆ ಈತನನ್ನು ಭಾರತಕ್ಕೆ ಕರೆತಂದು ಮಧ್ಯಾಹ್ನ ಕೋರ್ಟ್‌ ಮುಂದೆ ಹಾಜರುಪಡಿಸಲಾಗಿದೆ.

ಆರಂಭದಲ್ಲಿ ಭೂತಕ ಪಾತಕಿ ಛೋಟಾ ರಾಜನ್‌ ಹಾಗೂ ಕುಮಾರ್‌ ಪಿಳ್ಳೆ ಸಹಚರನಾಗಿ ಪಾತಕ ಲೋಕಕ್ಕೆ ಎಂಟ್ರಿ ಕೊಟ್ಟಿದ್ದ. ಮುಂಬೈನ ಉದ್ಯಮಿಗಳು ರಾಜಕಾರಣಿಗಳನ್ನು ಬೆದರಿಸಿ ಅವರಿಂದ ಹಫ್ತಾ ವಸೂಲಿ ಮಾಡುವುದು, ಹಣ ಕೊಡದವರಿಗೆ ಕೊಲೆ ಬೆದರಿಕೆ ಹಾಕುತ್ತಿದ್ದ. ಚೀನಾದ ಗ್ವಾಂಗ್‌ ಡಾಂಗ್‌ ಪ್ರಾಂತ್ಯದ ಶೆನ್ಝೆನ್‌ ನಗರದ ಲೌಹು ಎಂಬಲ್ಲಿ ತಾತ್ಕಾಲಿಕ ವಸತಿ ವ್ಯವಸ್ಥೆಯಲ್ಲಿ ಆತ ಉಳಿದುಕೊಂಡಿದ್ದ. ಈತನಿಗೆ ಒಂದು ಮಗು ಕೂಡ ಇದೆ ಎನ್ನಲಾಗುತ್ತಿದೆ. 2020ರಲ್ಲಿ ಮುಂಬೈನಲ್ಲಿ ನಡೆದಿದ್ದ ಹಫ್ತಾ ವಸೂಲಿ ಪ್ರಕರಣದಲ್ಲಿ ಆತನ ತಾಯಿ ಇಂದಿರಾ ವಿಠಲ ಪೂಜಾರಿ ಹಾಗೂ ಇಬ್ಬರು ಆತನ ಸಹಚರರನ್ನು ಪೊಲೀಸರು ಬಂಧಿಸಿದ್ದರು.

ಸದ್ಯ ಭಾರತಕ್ಕೆ ಗಡಿಪಾರುಗೊಂಡಿರುವ ಪ್ರಸಾದ್‌ ಪೂಜಾರಿಯನ್ನು ಪೊಲೀಸರು ವಶಕ್ಕೆ ಪಡೆದು ಹೆಚ್ಚಿನ ವಿಚಾರಣೆ ನಡೆಸುವ ಸಾಧ್ಯತೆಯಿದೆ. ಆ ಮೂಲಕ ಹಲವು ಪ್ರಕರಣಗಳಲ್ಲಿ ಆತನ ಕೈವಾಡದ ಬಗ್ಗೆ ಮಾಹಿತಿಯನ್ನು ಪೊಲೀಸರು ಕಲೆ ಹಾಕಲಿದ್ದಾರೆ. ಕರಾವಳಿ ಭಾಗದ ನಂಟು ಹೊಂದಿರುವ ಕಾರಣ ಇಲ್ಲಿಯ ಕೆಲವು ಪ್ರಕರಣಗಳಲ್ಲಿಯೂ ಆತನ ಕೈವಾಡದ ಬಗ್ಗೆ ಮುಂದಿನ ದಿನಗಳಲ್ಲಿ ತನಿಖೆ ನಡೆಯುವ ಸಾಧ್ಯತೆ ಇದೆ.

Categories
ತೀರ್ಥಹಳ್ಳಿ

ಕಮ್ಮರಡಿಯಲ್ಲಿ ಯಕ್ಷಧ್ರುವ ಪಟ್ಲ ಫೌಂಡೇಶನ್ ವಾರ್ಷಿಕ ಸಂಭ್ರಮ

ಕಮ್ಮರಡಿಯಲ್ಲಿ ಯಕ್ಷಧ್ರುವ ಪಟ್ಲ ಫೌಂಡೇಶನ್ ವಾರ್ಷಿಕ ಸಂಭ್ರಮ
– ಕಟೀಲು ಮಹಾತ್ಮೆ ಯಕ್ಷಗಾನ: ಕಾರ್ಯಕ್ರಮಕ್ಕೆ ಮೆಚ್ಚುಗೆ
– ಕಿಮ್ಮನೆ ಆದಿತ್ಯ, ಸತೀಶ್ ರೈ ನೇತೃತ್ವದಲ್ಲಿ 2ನೇ ವರ್ಷದ ರಂಗು

NAMMUR EXPRESS NEWS
ತೀರ್ಥಹಳ್ಳಿ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ (ರಿ) ಮಂಗಳೂರು – ಕಮ್ಮರಡಿ ಘಟಕದ 2ನೇ ವಾರ್ಷಿಕೋತ್ಸವ ಬೆಣ್ಣೆಗುಡ್ಡ ಸುಭಾಷ್ ಚಂದ್ರಬೋಸ್ ಕ್ರೀಡಾಂಗಣದಲ್ಲಿ ಕಮ್ಮರಡಿ ಘಟಕದ ಗೌರವಾಧ್ಯಕ್ಷರಾದ ಕಿಮ್ಮನೆ ಆದಿತ್ಯ ಇವರ ಸಭಾಧ್ಯಕ್ಷತೆಯಲ್ಲಿ ನಡೆಯಿತು. ಸಾವಿರಾರು ಮಂದಿ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಮುಖ್ಯ ಅತಿಥಿಗಳಾಗಿ ಸ್ಥಾಪಕಾಧ್ಯಕ್ಷರಾದ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ, ಕೇಂದ್ರೀಯ ಫಟಕದ ಪುರುಷೋತ್ತಮ.ಕೆ. ಭಂಡಾರಿ, ಸುದೇಶ್ ಕುಮಾರ್ ರೈ, ರವಿಚಂದ್ರ ಶೆಟ್ಟಿ ಅಶೋಕನಗರ ಮತ್ತಿತರ ಗಣ್ಯರು ಉಪಸ್ಥಿತರಿದ್ದರು.

ಇದೇ ಸಂದರ್ಭದಲ್ಲಿ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ದಂಪತಿಗಳನ್ನು ಮತ್ತು ಉಪಸ್ಥಿತ ಕೇಂದ್ರೀಯ ಫಟಕದ ಅಭ್ಯಾಗತರನ್ನು ಗೌರವಿಸಲಾಯಿತು. ಹಿರಿಯ ನಾಟಿ ವೈದ್ಯರಾದ ನೀಲಕಂಠ ಭಟ್ ಮತ್ತು ಭಾಗವತರಾದ ಹೆಚ್. ಜಿ. ಶಿವಶಂಕರ ಇವರಿಗೆ ಗೌರವ ಸಂಮಾನ ನಡೆಯಿತು. ಕಾರ್ಯಕ್ರಮ ಸ್ಥಳೀಯರನ್ನು ರಂಜಿಸಿತು.

Categories
ತೀರ್ಥಹಳ್ಳಿ ಮಲ್ನಾಡ್

ಅಯ್ಯೋ… ನೀರಿಲ್ಲ ದೇವ್ರೇ..!

ಅಯ್ಯೋ… ನೀರಿಲ್ಲ ದೇವ್ರೇ..!
– ಬರಿದಾದ ತುಂಗೆ ಒಡಲು…!
– ಮಳೆಯೂರಲ್ಲೆ ಬರಗಾಲ: ಪಾತಾಳಕ್ಕಿಳಿದ ಅಂತರ್ಜಲ!
– ಅಪಾಯದ ಅಂಚಿನತ್ತ ಮಲೆನಾಡಿಗರು

NAMMUR EXPRESS NEWS
ತಿರ್ಥಹಳ್ಳಿ: ಮಲೆನಾಡಿನಲ್ಲಿ ಕಳೆದ ಬಾರಿ ಮಳೆ ಕೊರತೆಯ ಕಾರಣ ಅಂತರ್ಜಲ ಪಾತಾಳಕ್ಕೆ ಇಳಿದಿದ್ದು, ಕುಡಿಯುವ ನೀರಿಗೆ ಪರದಾಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಎಲ್ಲೆಡೆ ಕುಡಿಯುವ ನೀರಿಗೆ ಹಾಹಾಕಾರ ಶುರುವಾಗಿದೆ. ಅಡಿಕೆ ತೋಟಗಳು ನೀರಿಲ್ಲದೆ ಒಣಗುತ್ತಿವೆ. ನದಿ, ಹಳ್ಳಗಳು, ಕೆರೆಗಳು ನೀರಿಲ್ಲದೆ ಜನ ಜಾನುವಾರುಗಳಿಗೆ ನೀರಿಲ್ಲದಂತಾಗಿದೆ. ಗ್ರಾಮಗಳಿಗೆ ಕುಡಿಯುವ ನೀರು ಪೂರೈಸಲು ಆಯಾ ಪಂಚಾಯಿತಿಗಳು 716 ಕೊಳವೆ ಬಾವಿಗಳನ್ನು ಅವಲಂಬಿಸಿವೆ. ಬೇಸಿಗೆ ಆರಂಭದಲ್ಲಿಯೇ 285 ಕೊಳವೆ ಬಾವಿಗಳಲ್ಲಿ ನೀರು ಕಡಿಮೆಯಾಗಿದ್ದು, 431ರಲ್ಲಿ ನೀರು ಇದೆ.

ಬತ್ತಿ ಹೋದ ನದಿಗಳು..!

ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ಹರಿದಿರುವ ತುಂಗಾ, ಮಾಲತಿ, ಕುಶಾವತಿ ನದಿಗಳು ಬಹುತೇಕ ಬತ್ತಿವೆ. ಮುಂಬರುವ ದಿನಗಳಲ್ಲಿ ನೀರಿನ ಅಭಾವ ಉಂಟಾಗುವ ಸಾಧ್ಯತೆ ಹೆಚ್ಚಿದೆ. ಕಳೆದ ವರ್ಷ ಶೇಕಡ 53ರಷ್ಟು ವಾಡಿಕೆ ಮಳೆ ಸುರಿದಿದ್ದು, ಜನವರಿ ತಿಂಗಳ ಆರಂಭದಲ್ಲೇ ನೀರಿಗೆ ಅಭಾವ ಸೃಷ್ಟಿಯಾಗಿದೆ.

ಸಾವಿರ ಅಡಿ ಕೊರೆದರೂ ಬೋರ್ ನೀರು ಬರಲಿಲ್ಲ..!

ಸಾವಿರ ಅಡಿ ಆಳದವರೆಗೂ ಕೊಳವೆ ಬಾವಿ ಕೊರೆದರೂ ನೀರಿನ ಪಸೆ ಪತ್ತೆಯಾಗುತ್ತಿಲ್ಲ. ಹಲವೆಡೆ ಕಳೆದ ಬೇಸಿಗೆಯಲ್ಲಿ ಭರಪೂರ ನೀರು ನೀಡಿದ್ದ ಕೊಳವೆಬಾವಿಗಳು ಬತ್ತಿವೆ. ಗ್ರಾಮೀಣ ಭಾಗದ ಜನರು ಚಿಂತೆಗೀಡಾಗಿದ್ದಾರೆ. ತಾಲ್ಲೂಕಿನ 87 ಗ್ರಾಮಗಳಲ್ಲಿ ಕುಡಿಯುವ ನೀರಿನ ಕೊರತೆ ಇದೆ. ನೆರಟೂರು, ನೊಣಬೂರು, ಮೇಲಿನ ಕುರುವಳ್ಳಿ, ಹಣಗೆರೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಕುಡಿಯುವ ನೀರಿಗೆ ಅಭಾವ ಸೃಷ್ಟಿಯಾಗಿಲ್ಲ ಎಂದು ಸರ್ಕಾರಕ್ಕೆ ತಾಲ್ಲೂಕು ಆಡಳಿತದಿಂದ ವರದಿ ಸಲ್ಲಿಕೆಯಾಗಿದೆ.

ದಕ್ಷಿಣದ ಚಿರಾಪುಂಜಿಯಲ್ಲೇ ಮಳೆಯಿಲ್ಲ!

ಅಕೇಶಿಯಾ ನೆಡುತೋಪು, ಮಿತಿಮೀರಿದ ಮರಳು ಸಾಗಣೆ, ತರಿ ಭೂಮಿ ಪರಿವರ್ತನೆ, ಹೆಚ್ಚಿದ ಅಡಿಕೆ ತೋಟ, ಜೀವ ವೈವಿಧ್ಯತೆ ನಾಶ, ಕಣ್ಮರೆಯಾದ ಬಿದಿರು, ಪರಿಸರ ಅಸಮತೋಲನ, ಮಾನವ ಹಸ್ತಕ್ಷೇಪ, ಅಭಿವೃದ್ಧಿ ಮುಂತಾದ ಕಾರಣಗಳಿಂದ ‘ದಕ್ಷಿಣದ ಚಿರಾಪುಂಜಿ’ ಎಂಬ ಖ್ಯಾತಿ ಪಡೆದಿದ್ದ ಆಗುಂಬೆಯ ಪರಿಸರದಲ್ಲೇ ಮಳೆಯ ಪ್ರಮಾಣ ಕಡಿಮೆಯಾಗಿ, ಕುಡಿಯುವ ನೀರಿಗೆ ತತ್ವಾರ ಉಂಟಾಗಿದೆ.

ಬಿದರಗೋಡು, ಆಗುಂಬೆ, ಹೊನ್ನೇತ್ತಾಳು, ನಾಲೂರು, ಮೇಗರವಳ್ಳಿ, ಅರೇಹಳ್ಳಿ, ಹೊಸಹಳ್ಳಿ, ತೀರ್ಥಮುತ್ತೂರು, ಹೆಗ್ಗೋಡು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ವಿವಿಧ ಹಳ್ಳಿಗಳಲ್ಲಿ ನೀರಿಗೆ ತೀವ್ರ ಅಭಾವ ಉಂಟಾಗಿದೆ. ತುಂಗಾ, ಮಾಲತಿ ನದಿಗಳಲ್ಲಿ ನೀರಿನ ಹರಿವು ಸ್ಥಗಿತವಾಗಿರುವುದರಿಂದ ಸ್ಥಳೀಯರ ಆತಂಕ ಬಿಗಡಾಯಿಸುವಂತೆ ಮಾಡಿದೆ.

Categories
ತೀರ್ಥಹಳ್ಳಿ ರಾಜ್ಯ

ಅಂಗನವಾಡಿಗೆ ಬರುತ್ತಿಲ್ವಾ ಆಹಾರ, ಧಾನ್ಯ..!?

ಅಂಗನವಾಡಿಗೆ ಬರುತ್ತಿಲ್ವಾ ಆಹಾರ, ಧಾನ್ಯ..!?
– ಮನೆಯಿಂದಲೇ ಬಾಕ್ಸ್ ತರಲು ಸಲಹೆ
– ಮಕ್ಕಳ ಸ್ಥಿತಿ ಪರದಾಟ: ಏನಿದು ಅವ್ಯವಸ್ಥೆ
– ಕೆಲವು ಕಡೆ ಅತಿಯಾದ ಸರಬರಾಜು

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಿನ ಹಲವು ಕಡೆ ಅಂಗನವಾಡಿಯಲ್ಲಿ ಮಕ್ಕಳಿಗೆ ಹಾಗೂ ಫಲಾನುಭವಿಗಳಿಗೆ ಸಿಗಬೇಕಾದ ಆಹಾರ ಧಾನ್ಯಗಳು ಇನ್ನೂ ಅಂಗನವಾಡಿಯಿಂದ ಸಿಕ್ಕಿಲ್ಲ. ಇದರಿಂದ ಮಕ್ಕಳು, ಗರ್ಭಿಣಿಯರು ಪರದಾಡುವಂತಹ ಸ್ಥಿತಿ ನಿರ್ಮಾಣವಾಗಿದೆ ಎಂಬ ದೂರುಗಳು ಕೇಳಿ ಬರುತ್ತಿವೆ. ಕೆಲವು ಕಡೆ ಮಕ್ಕಳಿಗೆ ಮಧ್ಯಾಹ್ನದ ಆಹಾರವಿಲ್ಲದೇ ಮನೆಯಿಂದಲೇ ಬಾಕ್ಸ್ ತರಲು ಸಲಹೆ ನೀಡಿದ್ದು,ಈ ಬಗ್ಗೆ ಹಿರಿಯ ಅಧಿಕಾರಿಗಳು ಪರಿಶೀಲನೆ ನಡೆಸಬೇಕಿದೆ. ಅಂಗನವಾಡಿಯಲ್ಲಿ ಮಕ್ಕಳಿಗೆ ಗರ್ಭಿಣಿ- ಬಾಣಂತಿಯರಿಗೆ ಆಹಾರ ನೀಡಲಾಗುತ್ತಿತ್ತು. ಆದರೆ ಅಂಗನವಾಡಿಗೆ ಆಹಾರ ಧಾನ್ಯ ಬಾರದ ಹಿನ್ನೆಲೆ ಸಂಕಷ್ಟ ಎದುರಾಗಿದೆ. ಹೆಚ್ಚಿನ ಅಂಗನವಾಡಿಯಲ್ಲಿ ಆಹಾರವೇ ನೀಡದ ಪರಿಸ್ಥಿತಿ ನಿರ್ಮಾಣವಾಗಿದೆ. ಇತ್ತ ಅಂಗನವಾಡಿ ಶಿಕ್ಷಕಿಯರಿಗೆ ಹಾಗೂ ಸಹಾಯಕರಿಗೆ ನೀಡಲಾಗುತ್ತಿದ್ದ ವೇತನವು ಸಮರ್ಪಕವಾಗಿ ಆಗುತ್ತಿಲ್ಲ ಎಂಬ ದೂರುಗಳು ಕೇಳಿ ಬಂದಿವೆ.

ಮಕ್ಕಳಲ್ಲಿ ಪೌಷ್ಟಿಕಾಂಶದ ಕೊರತೆಯಾಗಬಾರದು, ಬೆಳೆಯುತ್ತಿರುವ ಮಕ್ಕಳ ಆರೋಗ್ಯ ಮುಖ್ಯ,ಇಂದಿನ ಮಕ್ಕಳೇ ಮುಂದಿನ ಪ್ರಜೆಗಳು ಎಂದು ಉದ್ದುದ್ದ ಭಾಷಣವನ್ನು ಕೇವಲ ಮೈಕ್‌ನಲ್ಲಿ ಮಾತ್ರ ಕೇಳುತ್ತೇವೆ ವಿನಃ ಇಂತಹ ಮಕ್ಕಳ, ಮಹಿಳೆಯರ ಸಮಸ್ಯೆಗಳು ಸಮಸ್ಯೆಗಳಾಗಿಯೇ ಉಳಿದಿವೆ. ಒಟ್ಟಿನಲ್ಲಿ ಮಕ್ಕಳಿಗೆ, ಅಂಗನವಾಡಿಕಾರ್ಯಕರ್ತೆಯರಿಗೆ,ಗರ್ಭಿಣಿ-ಬಾಣಂತಿಯರಿಗೆ ಆಗಿರುವ ಸಮಸ್ಯೆಗಳಿಗೆ ಸಂಬಂಧ ಪಟ್ಟ ಅಧಿಕಾರಿಗಳು, ಸರ್ಕಾರ ಇನ್ನಾದರೂ ಕೂಡಲೇ ಸ್ಪಂದಿಸಬೇಕಾಗಿದೆ.

Categories
ಕೃಷಿ

ವಿಚಿತ್ರ ರೋಗ ತೆಂಗಿನ ಮರಕ್ಕೆ

ವಿಚಿತ್ರ ರೋಗ ತೆಂಗಿನ ಮರಕ್ಕೆ
– ಸಾವಿರಾರು ತೆಂಗಿನ ಮರಗಳು ಬಲಿ
– ಪರಿಹಾರಕ್ಕೆ ರೈತರ ಆಗ್ರಹ

NAMMUR EXPRESS NEWS
ತೆಂಗಿನ ಮರಕ್ಕೆ ತಗುಲಿದ ವಿಚಿತ್ರ ರೋಗದಿಂದ ತೆಂಗಿನ ಗರಿಗಳು ಸುಳಿ ತನಕ ಕೆಂಪಾಗಿ ಕರಟಿ ಹೋಗಿದೆ. 5 ರಿಂದ 6 ಸಾವಿರಕ್ಕೂ ಅಧಿಕ ತೆಂಗಿನ ಮರಗಳು ರೋಗ ಬಾಧೆಯಿಂದ ತತ್ತರಿಸಿದ್ದು ರೈತರು ಆತಂಕಿತರಾಗಿದ್ದಾರೆ. ತೆಂಗಿನ ಮರಕ್ಕೆ ಅಂಟಿಕೊಂಡಿದ್ದ ರೋಗ ಬಾಧೆಯನ್ನು ಪತ್ತೆ ಹಚ್ಚಲು ಕ್ರಮ ಕೈಗೊಳ್ಳಬೇಕೆಂದು ರೈತರು ಆಗ್ರಹಿಸಿದ್ದಾರೆ. ಹಸಿರಿನಿಂದ ಕಂಗೊಳಿಸುತ್ತಿದ್ದ ತೆಂಗಿನ ಮರದ ಗರಿಗಳು ಇದ್ದಕ್ಕಿದಂತೆ ಸುಳಿ ತನಕ ಕೆಂಪಾಗಿ ಕರಟಿ ಒಣಗಿ ಜೋತು ಬೀಳುತ್ತಿದೆ. ತೆಂಗಿನ ಮರದಲ್ಲಿ ಹಸಿರಿನ ಅಂಶವೆ ಮಾಯವಾಗಿದೆ. ಹೊಸ ಗರಿಗಳು ಬಿಡುತ್ತಿಲ್ಲ, ಕೊನೆಗಳು ಕಣ್ಮರೆಯಾಗಿದೆ. ತೆಂಗಿನ ಮರಕ್ಕೆ ತಗುಲಿದ ರೋಗ ಬಾಧೆಯಿಂದ ರೈತರು ಹತಾಶರಾಗಿದ್ದು, ಏನು ಮಾಡದಂತಹ ಪರಿಸ್ಥಿತಿಯಲ್ಲಿಇದ್ದಾರೆ. ಸಂಕಷ್ಟದಲ್ಲಿದ್ದ ರೈತರಿಗೆ ಪರಿಹಾರ ನೀಡಬೇಕ್ಕೆನ್ನುವುದು ತೆಂಗು ಬೆಳೆಗಾರರ ಆಗ್ರಹ.

ರೈತರಿಗೆ ತೆಂಗಿನ ಬೆಳೆ ಜೀವನಾಧಾರ. ಗದ್ದೆಗಳು ನೀರಿನಲ್ಲಿ ಮುಳುಗಿ ಏಳುತ್ತಿದ್ದರಿಂದ ಭತ್ತದ ಕೃಷಿಯನ್ನು ಕೈ ಬಿಟ್ಟಿದ್ದ ಅಲ್ಲಿನ ಜನರು ತೆಂಗಿನ ಬೆಳೆಯನ್ನು ಪ್ರಮುಖ ಬೆಳೆಯನ್ನಾಗಿ ನೆಚ್ಚಿಕೊಂಡಿದ್ದಾರೆ. ಸರಿ ಸುಮಾರು ಒಬ್ಬ ರೈತ ಕಾಯಿ ಕೊಯ್ಲು ಸಮಯದಲ್ಲಿ 2 ರಿಂದ 1,500 ತನಕ ಕಾಯಿಯನ್ನು ಕೊಯ್ಲುಮಾಡುತ್ತಿದ್ದರು. ತೆಂಗಿನ ಮರಗಳು ರೋಗಕ್ಕೆ ತುತ್ತಾಗಿದ್ದರಿಂದ 100 ಕಾಯಿ ಸಿಗುವುದು ಕಷ್ಟ ಎಂದು ರೈತರು ತಮ್ಮ ಅಳನ್ನು ತೊಡಿಕೊಂಡಿದ್ದಾರೆ. ಇದೊಂದು ಗಂಭೀರ ಸ್ವರೂಪದ ಪ್ರಕರಣದಂತೆ ಕಂಡು ಬರುತ್ತಿದೆ.ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ.ಸಮಸ್ಯೆ ಕಾರಣವನ್ನು ಗುರುತಿಸಲಾಗುವುದು.ರೈತರ ಜತೆ ಮಾತುಕತೆ ಮಾಡಿ,ಸೂಕ್ತ ಕ್ರಮ ಕೈಗೊಳ್ಳಲಾಗುವುದು.

Categories
ರಾಜ್ಯ

ಚಿನ್ನದ ಆಸೆಗೆ ಹೋಗಿ ಜೀವ ಕಳೆದುಕೊಂಡರೇ ಮೂವರು?

ಚಿನ್ನದ ಆಸೆಗೆ ಹೋಗಿ ಜೀವ ಕಳೆದುಕೊಂಡರೇ ಮೂವರು?
– ತುಮಕೂರಿನಲ್ಲಿ ಕಾರಿಗೆ ಬೆಂಕಿಹಚ್ಚಿ ಬೆಳ್ತಂಗಡಿಯ ಮೂವರ ಹತ್ಯೆಯ ರಹಸ್ಯ ಬಯಲು: ಆರು ಮಂದಿ ವಶಕ್ಕೆ
– ರಾಜ್ಯದಲ್ಲಿ ನಕಲಿ ಚಿನ್ನದ ದಂಧೆ ಸಕ್ರಿಯ..?

NAMMUR EXPRESS NEWS
ತುಮಕೂರು: ತುಮಕೂರಿನಲ್ಲಿ ಕಾರಿಗೆ ಬೆಂಕಿ ಹಚ್ಚಿ ಕೆರೆಗೆ ತಳ್ಳಿ ಮೂವರ ಹತ್ಯೆ ಮಾಡಿದ್ದ ಪ್ರಕರಣ ರಹಸ್ಯ ಬಯಲಾಗಿದ್ದು, ಪ್ರಾಥಮಿಕ ಮಾಹಿತಿಯಂತೆ ನಕಲಿ ಚಿನ್ನದ ದಂಧೆಗೆ ಮೂವರು ಬಲಿಯಾಗಿದ್ದಾರೆ ಎಂದು ತಿಳಿದುಬಂದಿದೆ. ಈ ದಂಧೆಯ ಮಾಸ್ಟರ್ ಮೈಂಡ್ ತುಮಕೂರಿನ ಸ್ವಾಮಿ ಸೇರಿ ಆರು ಮಂದಿ ಈಗಾಗಲೇ ಪೊಲೀಸ್ ವಶದಲ್ಲಿದ್ದಾರೆ ಕಳೆದ ಹನ್ನೊಂದು ದಿನದ ಹಿಂದೆ ವ್ಯವಹಾರ ಸಂಬಂಧ ತುಮಕೂರಿಗೆ ಕಾರಿನಲ್ಲಿ ಬೆಳ್ತಂಗಡಿ ತಾಲೂಕಿನ ನಡ ಗ್ರಾಮದ ಟಿ.ಬಿ.ಕ್ರಾಸ್ ನಿವಾಸಿ ಆಟೋ ಚಾಲಕ ಸಾಹುಲ್ ಹಮೀದ್(45) , ಕುವೆಟ್ಟು ಗ್ರಾಮದ ಮದಡ್ಕ ನಿವಾಸಿ ಇಸಾಕ್(56) , ಶಿರ್ಲಾಲು ಗ್ರಾಮದ ಸಿದ್ದಿಕ್(34) ಮೂವರು ಬಾಡಿಗೆ ಮಾಡಿಕೊಂಡು ಹೋಗಿದ್ದರು. ಆದರೆ ಬಳಿಕ ಇವರೆಲ್ಲರ ಮೃತದೇಹ ಸುಟ್ಟ ಕಾರಿನಲ್ಲಿ ಪತ್ತೆಯಾಗಿತ್ತು.

ಕಾರಿನ ಢಿಕ್ಕಿಯಲ್ಲಿ 2 ಮೃತದೇಹ ಹಿಂಬದಿಯ ಸೀಟಿನಲ್ಲಿ ಒಂದು ಮೃತದೇಹ ಪತ್ತೆಯಾಗಿತ್ತು. ಕಾರನ್ನು ಕೆರೆಯ ಮಧ್ಯಭಾಗಕ್ಕೆ ಕೊಂಡೊಯ್ದು ಪೊದೆಗಳ ಮದ್ಯೆ ನಿಲ್ಲಿಸಿ ಆರೋಪಿಗಳು ಕಾರಿಗೆ ಬೆಂಕಿ ಹಚ್ಚಿ ಪರಾರಿಯಾಗಿದ್ದರು. ಶುಕ್ರವಾರ ಬೆಳಗ್ಗೆ ಈ ಪ್ರಕರಣ ಬೆಳಕಿಗೆ ಬಂದಿತ್ತು. ಈ ಮೃತ ಮೂವರು “ನಕಲಿ ಚಿನ್ನದ ದಂಧೆ”ಯ ಆಸೆಗೆ ಬಲಿಯಾಗಿದ್ದಾರೆ ಅನ್ನೋದು ಪ್ರಾಥಮಿಕ ವಿಚಾರಣೆ ವೇಳೆ ಗೊತ್ತಾಗಿದೆ. ಈ ಪ್ರಕರಣ ಪ್ರಮುಖ ಆರೋಪಿ ತುಮಕೂರಿನ ಸ್ವಾಮಿ ಸೇರಿ ಆರು ಮಂದಿಯನ್ನು ಕೋರಾ ಪೊಲೀಸರು ಮಾ.22 ರಂದು ರಾತ್ರಿ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಆರೋಪಿಗಳು, ನಮ್ಮ ಜಾಗದಲ್ಲಿ ಕೃಷಿ ಮಾಡುವಾಗ ಚಿನ್ನದ ಹಂಡೆ ಸಿಕ್ಕಿದೆ ಕಡಿಮೆ ಬೆಲೆಗೆ ಬಂಗಾರ ಮಾರಾಟ ಮಾಡುತ್ತೇವೆ ಎಂದು ಸುಳ್ಳು ಹೇಳಿ ಮೂವರನ್ನು ಕರೆಸಿ ಅವರಲ್ಲಿದ್ದ ಹಣ ದೋಚುವ ಪ್ಲ್ಯಾನ್ ಮಾಡಿ ಕರೆಸಿಕೊಂಡು ನಂತರ ಕೈಕಾಲು ಕಟ್ಟಿ ಹಾಕಿ ಕಾರಿಗೆ ಬೆಂಕಿ ಹಚ್ಚಿ ಕೊಲೆ ಮಾಡಿದ್ದಾರೆ ಎಂದು ಪ್ರಾಥಮಿಕ ಮಾಹಿತಿಯಿಂದ ತಿಳಿದುಬಂದಿದೆ. ಆರು ಮಂದಿಯನ್ನು ವಶಕ್ಕೆ ಪಡೆದಿರುವ ಪೊಲೀಸರು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

Categories
ತೀರ್ಥಹಳ್ಳಿ ರಾಜಕೀಯ

ತೀರ್ಥಹಳ್ಳಿಯಲ್ಲಿ ಗೀತಾ ಶಿವರಾಜ್ ಕುಮಾರ್ ಸ್ವಾಗತಕ್ಕೆ ಸಿದ್ದತೆ..!

ತೀರ್ಥಹಳ್ಳಿಯಲ್ಲಿ ಗೀತಾ ಶಿವರಾಜ್ ಕುಮಾರ್ ಸ್ವಾಗತಕ್ಕೆ ಸಿದ್ದತೆ..!
– ಬೆಜ್ಜವಳ್ಳಿಯಿಂದ ಬೃಹತ್ ಬೈಕ್‌ ರ್‍ಯಾಲಿ ಮೂಲಕ ಅದ್ದೂರಿ ಸ್ವಾಗತ
– ಬಿಜೆಪಿ ದೇಶಕ್ಕೆ ಮಾರಕ: ಮಾಜಿ ಸಚಿವ ಕಿಮ್ಮನೆ ರತ್ನಾಕರ್ ವಾಗ್ದಾಳಿ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಯ ಕೆಟಿಕೆ ಸಭಾಂಗಣದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಸಮ್ಮುಖದಲ್ಲಿ ಕಾರ್ಯಕರ್ತರ ಸಭೆಯನ್ನು ಭಾನುವಾರ ನಡೆಸಲಿದ್ದು ತೀರ್ಥಹಳ್ಳಿಗೆ ಗೀತಾ ಶಿವರಾಜ್ ಕುಮಾರ್ ಅವರು ಆಗಮಿಸಲಿದ್ದಾರೆ. ಪತ್ರಿಕಾಗೋಷ್ಠಿ ನಡೆಸಿದ್ದು, ಪತ್ರಿಕಾಗೋಷ್ಠಿ ಕುರಿತು ಮಾತನಾಡಿದ ನಿಮ್ಮನೆ ರತ್ನಾಕರವರು ಬಡವರಿಗೆ ನಿವೇಶನ ನೀಡುತ್ತೇನೆ ಎನ್ನುತ್ತಿದ್ದ ಶಾಸಕ ಆರಗ ಜ್ಞಾನೇಂದ್ರ ತಾಲ್ಲೂಕಿನಾದ್ಯಂತ ರೀಯಲ್ ಎಸ್ಟೇಟ್ ವ್ಯವಹಾರದಲ್ಲಿ ತೊಡಗಿಕೊಂಡಿದ್ದಾರೆ. ಹಿಂಬಾಲಕರೇ ರೀಯಲ್ ಎಸ್ಟೇಟ್ ವ್ಯವಹಾರದ ಪ್ರಮುಖ ರೂವಾರಿಗಳು. ಹೊಸನಗರ 22 ಎಕರೆ, ಮಡಿಕೇರಿ ಸೇರಿದಂತೆ ಹಲವು ಕಡೆಗಳಲ್ಲಿ ನೂರಾರು ಎಕರೆ ಬೇನಾಮಿ ಜಮೀನು ಖರೀದಿಸಿದ್ದಾರೆ. ಆರಗ ಜ್ಞಾನೇಂದ್ರ ಆಲೆಕಣೆ ಕೋಣದ ರೀತಿಯಲ್ಲಿ ತಿರುಗಾಡುತ್ತಿದ್ದಾರೆ. ಚುನಾವಣೆಗಾಗಿ ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ಮತ್ತೆ ಎರಡು ಕೋಮು ಸಂಘರ್ಷ ಪ್ರಕರಣವನ್ನು ನಡೆಸುವ ಹುನ್ನಾರ ನಡೆಸಿದ್ದಾರೆ ಎಂದು ಮಾಜಿ ಸಚಿವ ಕಿಮ್ಮನೆ ರತ್ನಾಕರ ಪತ್ರಿಕಾಗೋಷ್ಟಿಯಲ್ಲಿ ಗಂಭೀರ ಆರೋಪಿಸಿದರು.

ವಿರೋಧ ಪಕ್ಷಗಳು ಕಣದಲ್ಲಿಯೇ ಇರಬಾರದು ಎಂಬ ಧೋರಣೆ ಹಿಟ್ಲರ್, ಮುಸಲೊನಿ ಆಡಳಿತದಲ್ಲಿ ಇತ್ತು. ಪ್ರಧಾನಿ ನರೇಂದ್ರ ಮೋದಿ ಅವರಂತೆಯೇ ಸರ್ವಾಧಿಕಾರಿಯಾಗಿ ಬದಲಾಗಿದ್ದಾರೆ. ಮಣಿಪುರದಲ್ಲಿ ವಿಶ್ವವೇ ಬೆಚ್ಚಿ ಬೀಳುವ ಅತ್ಯಾಚಾರ ಪ್ರಕರಣ ನಡೆಯುತ್ತಿದ್ದರು, ನರೇಂದ್ರ ಮೋದಿ ಮುಗುಮ್ಮಾನಾಗಿ ಪ್ರತಿಕ್ರೀಯೆ ನೀಡದೆ ಕುಳಿತಿದ್ದಾರೆ. ಕಾಂಗ್ರೆಸ್ ಪಕ್ಷ ದೇಶದಲ್ಲಿಯೇ ಬೃಹತ್ ಕಾರ್ಯಕರ್ತರನ್ನು ಹೊಂದಿರುವ ಏಕೈಕ ಪಕ್ಷ. ಚುನಾವಣೆಯ ಸೋಲಿನ ಭಯದಲ್ಲಿ ಬ್ಯಾಂಕ್‌ ಖಾತೆ ಸ್ಥಗಿತಗೊಳಿಸಿದ್ದಾರೆ. ಇಂತಹ ಕ್ರೂರ ಆಡಳಿತ ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿಯೂ ಇರಲಿಲ್ಲ ಎಂದರು.

ಪ್ರಾದೇಶಿಕ, ಪಂಥೀಯ, ಭಾಷೆ ಆಧಾರದಲ್ಲಿ ದೇಶ, ರಾಜ್ಯ ಶಾಸಕಾಂಗ, ಕಾರ್ಯಾ೦ಗದ ವಿಂಗಡಣೆ ಮಾಡಿಲ್ಲ. ಕೇಂದ್ರೀಕೃತ ಸರ್ಕಾರ ಸ್ಥಾಪಿಸಲು ಸಂವಿಧಾನವನ್ನು ಮರು ಪರಿಶೀಲನೆ ಮಾಡಬೇಕು. ಹೊಸ ಕರುಡು ಸಿದ್ಧಪಡಿಸಬೇಕು ಎಂಬ ಆರ್‌ಎಸ್‌ಎಸ್‌ ಪ್ರಮುಖ ಎಂ.ಎಸ್. ಗೊಲ್ವಾಲ್ಕರ್ ಬರೆದಿರುವ ಬಂಚ್ ಆಫ್ ಥಾಟ್ಸ್ ಆಶಯದ ದೇಶ ನಿರ್ಮಾಣಕ್ಕೆ ಬಿಜೆಪಿ ಪ್ರಯತ್ನಿಸುತ್ತಿದೆ. ಅದಕ್ಕೆ ನರೇಂದ್ರ ಮೋದಿ ನೇತೃತ್ವದ ಬಿಜೆಪಿ ಪಕ್ಷ ಸಾಥ್ ನೀಡುತ್ತಿದೆ. ಮೋದಿಗೆ ಪ್ರಚಾರ ಭಾಷಣಕ್ಕೆ ಅವಕಾಶ ನೀಡುವ ಹಿನ್ನಲೆಯಲ್ಲಿ ಚುನಾವಣೆ ಆಯೋಗ 7 ಹಂತದ ಚುನಾವಣೆ ಘೋಷಿಸಿದೆ. ಮಾದ್ಯಮಗಳು ಚುನಾವಣಾ ಬಾಂಡ್ ಖರೀದಿಸಿದ್ದು ಕಾಂಗ್ರೆಸ್ ಸುದ್ದಿ ಹಾಕುವವರು ಯಾರು. ಮಾಧ್ಯಮಗಳು ವಿಶ್ವಾಸ ಕಳೆದುಕೊಂಡಿದೆ. 400 ಸೀಟು ಕುರಿತ ಮೋದಿಯ ಪ್ರೀತಿ ಗಮನಿಸಿದರೆ ಇವಿಎಂ ಪೂರ್ಣ ತಯಾರಿ ಮಾಡಿಕೊಂಡಂತೆ ಕಾಣಿಸುತ್ತಿದೆ. ಭಾರತದ ನಾಗರೀಕರಿಗೆ ಇದು ಕೊನೆಯ ಚುನಾವಣೆಯಾಗಿದ್ದು ದೇಶಕ್ಕಾಗಿ ಮತ ಚಲಾಯಿಸಬೇಕು ಎಂದರು.

ಪ್ರತಿಪಕ್ಷ ನಿಯಂತ್ರಿಸಲು ಇಡಿ, ಐಟಿ ಸಂಸ್ಥೆಗಳನ್ನು ದುರುಪಯೋಗ ಮಾಡಿಕೊಳ್ಳಲಾಗುತ್ತಿದೆ. ಪರಿಶಿಷ್ಟ ಸಮುದಾಯಕ್ಕೆ ಮೀಸಲಾತಿ ನೀಡಿರುವುದು ಬಿಜೆಪಿ, ಆರ್‌ಎಸ್‌ಎಸ್‌ ಮುಖಂಡರಿಗೆ ಸಹಿಸಲು ಸಾಧ್ಯವಾಗುತ್ತಿಲ್ಲ. ಗಾಂಧಿ, ಅಂಬೇಡ್ಕ‌ರ್, ಕಾಂಗ್ರೆಸ್ ಪಕ್ಷದ ಕಾರಣದಿಂದ ಪರಿಶಿಷ್ಟರಿಗೆ ಮಾತನಾಡುವ ಅವಕಾಶ ಸಿಕ್ಕಿದೆ. ಬಿಜೆಪಿ ಸಿದ್ಧಾಂತಗಳ ಬಗ್ಗೆ ಪುಸ್ತಕ ಓದಿ ತಿಳಿದುಕೊಳ್ಳಬೇಕು. ಜನ ಕುರಿ ಆಗದೆ ಹುಲಿ ಆಗಬೇಕು ಎಂದು ಹೇಳಿದರು.

ಶಿವಮೊಗ್ಗ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಗೀತಾ ಶಿವರಾಜಕುಮಾರ್ ಗೆಲ್ಲುತ್ತಾರೆ. ತಾಲ್ಲೂಕಿನ 258 ಮತಗಟ್ಟೆಯಲ್ಲೂ ‘ನನ್ನ ಬೂತ್ ನನ್ನ ಜವಾಬ್ದಾರಿ’ ಕಾರ್ಯಕ್ರಮ ಹಮ್ಮಿಕೊಂಡಿದ್ದೇವೆ. ಪ್ರತಿಯೊಂದು ಬೂತ್‌ನಲ್ಲಿ ಕನಿಷ್ಟ 100 ಮತಗಳು ಹೆಚ್ಚಿಗೆ ನೀಡುತ್ತೇವೆ. ಭಾನುವಾರ ಮಧ್ಯಾಹ್ನ 2.30ಕ್ಕೆ ಕೆಟಿಕೆ ಸಭಾಂಗಣದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಸಮ್ಮುಖದಲ್ಲಿ ಕಾರ್ಯಕರ್ತರ ಸಭೆ ಇದೆ. ಯುವ ಕಾಂಗ್ರೆಸ್ ವತಿಯಿಂದ ಬೆಜ್ಜವಳ್ಳಿ ಬೃಹತ್ ಬೈಕ್‌ ರ್‍ಯಾಲಿ ಮೂಲಕ ಅದ್ದೂರಿ ಸ್ವಾಗತ ನಡೆಯಲಿದೆ. ಕಾರ್ಯಕರ್ತರು ಭಾಗವಹಿಸಬೇಕೆಂದು ಕೋರಿದರು. ಕುಡುಮಲ್ಲಿಗೆಯಿಂದ ಕೆ ಟಿ ಕೆ ವರೆಗೂ ಬೈಕ್ ಜಾತ ಹಮ್ಮಿಕೊಳ್ಳಲಾಗಿದೆ.

ಪತ್ರಿಕಾಗೋಷ್ಟಿಯಲ್ಲಿ ಕೆಪಿಸಿಸಿ ವಕ್ತಾರ ನಾರಾಯಣ ರಾವ್, ಬ್ಲಾಕ್ ಕಾಂಗ್ರೆಸ್‌ ಅಧ್ಯಕ್ಷ ಕೆಸ್ತೂರು ಮಂಜುನಾಥ, ಜಿಲ್ಲಾ ವಕ್ತಾರ ಡಿ.ಎಸ್. ವಿಶ್ವನಾಥ ಶೆಟ್ಟಿ ಮುಖಂಡರಾದ ಅಮರನಾಥ ಶೆಟ್ಟಿ, ರಾಘವೇಂದ್ರ ಶೆಟ್ಟಿ, ವಿಲಿಯಂ ಮಾರ್ಟೀಸ್, ಗೀತಾ ರಮೇಶ್, ಬಿ.ಗಣಪತಿ, ಮಂಗಳ ಗೋಪಿ, ಮಂಜುಳಾ, ಸುಶೀಲ ಶೆಟ್ಟಿ, ವಿಶ್ವನಾಥ ಹಾರೋಗೊಳಿಗೆ ಇದ್ದರು.

Categories
ತೀರ್ಥಹಳ್ಳಿ

ಜಾತ್ರೆ, ಕ್ರೀಡಾಕೂಟದ ಬಳಿಕ ತೀರ್ಥಹಳ್ಳಿ ತಣ್ಣಗಾಯಿತು..!

ಜಾತ್ರೆ, ಕ್ರೀಡಾಕೂಟದ ಬಳಿಕ ತೀರ್ಥಹಳ್ಳಿ ತಣ್ಣಗಾಯಿತು..!
– ಅಂಗಡಿ ಮುಗ್ಗಟ್ಟುಗಳಿಗೆ ಜನಸಂಖ್ಯೆಯು ಕಡಿಮೆ
– ಬಿಸಿಲಿನ ಧಗೆಗೆ ಮನೆಯಿಂದ ಹೊರ ಬರುವುದು ಕಷ್ಟ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಯಲ್ಲಿ ಮಾರ್ಚ್ 12 ರಿಂದ ಮಾ.20 ರವರೆಗೆ 9 ದಿನಗಳ ಕಾಲ ಅದ್ದೂರಿ ಮಾರಿ ಜಾತ್ರೆ ನಡೆದಿದ್ದು, ಇದೀಗ ಜಾತ್ರೆಗೆ ತೆರೆ ಬಿದ್ದ ಮೇಲೆ ತೀರ್ಥಹಳ್ಳಿ ಪಟ್ಟಣ ತಣ್ಣಗಾಗಿದೆ. ಕಳೆದ 9 ದಿನಗಳ ಕಾಲ ಪಟ್ಟಣದಲ್ಲಿ ಜನಸಂಖ್ಯೆ ಹೆಚ್ಚಿದ್ದು, ಎಲ್ಲೆಲ್ಲೂ ಜಾತ್ರೆಯ ಸಡಗರ ಸಂಭ್ರಮದಿಂದ ಕೂಡಿತ್ತು. ಇನ್ನು ಜಾತ್ರೆಯ ಪ್ರಯುಕ್ತ ತೀರ್ಥಹಳ್ಳಿ ಇತಿಹಾಸದಲ್ಲಿ ಪ್ರಪ್ರಥಮ ಬಾರಿಗೆ ಖೋ ಖೋ ಟೂರ್ನಮೆಂಟ್ ನಡೆಸಿದ್ದು, ಅತಿ ಹೆಚ್ಚಿನ ಕ್ರೀಡಾ ಅಭಿಮಾನಿಗಳು ಆಗಮಿಸಿ ಸಂಭ್ರಮಿಸಿದ್ದಾರೆ.

ಪ್ರತಿದಿನ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳ ಕಲರವ ಮೂಡಿದ್ದು,9 ದಿನಗಳ ಅದ್ದೂರಿ ಜಾತ್ರೆಗೆ ಒಂದು ಲಕ್ಷಕ್ಕೂ ಹೆಚ್ಚಿನ ಭಕ್ತಾದಿಗಳು ಆಗಮಿಸಿದ್ದಾರೆ. ಇದೀಗ ಜಾತ್ರೆಗೆ ತೆರೆ ಬಿದ್ದ ಬಳಿಕ ಜನಸಂಖ್ಯೆಯು ಕಡಿಮೆಯಾಗಿ ತೀರ್ಥಹಳ್ಳಿ ಪಟ್ಟಣ ಖಾಲಿ ಖಾಲಿಯಾಗಿದೆ. ಒಂದು ಕಡೆ ಅತಿಯಾದ ಬಿಸಿಲು ಕೂಡ ಜನರನ್ನು ಮನೆಯಲ್ಲಿ ಕೂರುವಂತೆ ಮಾಡಿದೆ.

Categories
ತೀರ್ಥಹಳ್ಳಿ ಮಲ್ನಾಡ್ ಸಿನಿಮಾ

ಪಾಠ ಶಾಲಾ ಕನ್ನಡ ಹೊಸ ಸಿನಿಮಾಕ್ಕೆ ಬಾಲ ಕಲಾವಿದರಿಗಾಗಿ ಆಡಿಷನ್

ಪಾಠ ಶಾಲಾ ಕನ್ನಡ ಹೊಸ ಸಿನಿಮಾಕ್ಕೆ ಬಾಲ ಕಲಾವಿದರಿಗಾಗಿ ಆಡಿಷನ್
– ತೀರ್ಥಹಳ್ಳಿಯಲ್ಲಿ ಮಾ.31ರಂದು ಆಯ್ಕೆ
– ಮಲೆನಾಡ ಮಕ್ಕಳು, ಕಲಾವಿದರಿಗೆ ಅವಕಾಶ

NAMMUR EXPRESS NEWS
ಕನ್ನಡದ ಪಾಠ ಶಾಲಾ ಎಂಬ ಹೊಸ ಸಿನಿಮಾಕ್ಕೆ ಬಾಲ ಕಲಾವಿದರು ಮತ್ತು ಶಿಕ್ಷಕರ ಪಾತ್ರಕ್ಕೆ ನಟ ನಟಿಯರು ಬೇಕಾಗಿದ್ದಾರೆ.
ಕನ್ನಡದ ಖ್ಯಾತ ನಿರ್ದೇಶಕ ಹೆದ್ಧೂರ್ ಮಂಜುನಾಥ ಶೆಟ್ಟಿ (ಮಂಜು ಹೆದ್ದೂರ್) ಅವರು ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ಜೊತೆ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿ ಕೆಲಸ ಕಲಿತು ಝೀ ಕನ್ನಡದ ಪಾರ್ವತಿ ಪರಮೇಶ್ವರ ಧಾರವಾಹಿ ಮೂಲಕ ನಟನಾಗಿ ಬಡ್ತಿ ಪಡೆದು ಹಲವಾರು ಸಿನೆಮಾ ಧಾರಾವಾಹಿಯಲ್ಲಿ ನಟನೆ ಮಾಡಿದ್ದಾರೆ. ಇದೀಗ ಅವರ ನಿರ್ದೇಶನದ 3ನೇ ಸಿನಿಮಾ “ಪಾಠ ಶಾಲಾ’ ತೀರ್ಥಹಳ್ಳಿಯ ಸೊಗಡು ಹೊಂದಿರುವ ಈ ಚಲನಚಿತ್ರ ಶೂಟಿಂಗ್ ಹಂತಕ್ಕೆ ಬಂದಿದೆ. ತೀರ್ಥಹಳ್ಳಿ ಸೇರಿದಂತೆ ಮಲೆನಾಡಿನ ಹೊಸ ಪ್ರತಿಭೆಗಳಿಗೆ ಅವಕಾಶ ಕೊಡುವ ಇಚ್ಛೆಯಿಂದ ಪಾತ್ರಗಳ ಆಯ್ಕೆ ತೀರ್ಥಹಳ್ಳಿ ತಾಲೂಕಿನಲ್ಲಿ ಮಾಡುವ ನಿಟ್ಟನಲ್ಲಿ ಮಾ.31ರಂದು ಭಾನುವಾರದಂದು ತೀರ್ಥಹಳ್ಳಿಯ ವಾಗ್ದೇವಿ ಸ್ಕೂಲ್ ನಲ್ಲಿ ಹೊಸ ಕಲಾವಿದರಿಗೆ ಅವಕಾಶ ಇದೆ. ಮಲೆನಾಡು ಭಾಗದ ಎಲ್ಲರಿಗೂ ಅವಕಾಶ ಇದೆ.

ಆಡಿಷನ್

ದಿನಾಂಕ: ಮಾ.31ರಂದು ಭಾನುವಾರ
ಸ್ಥಳ: ತೀರ್ಥಹಳ್ಳಿಯ ವಾಗ್ದೇವಿ ಸ್ಕೂಲ್
ಸಮಯ: ಬೆಳಿಗ್ಗೆ 10 ಗಂಟೆ-5 ಗಂಟೆವರೆಗೆ

ಯಾವ ಯಾವ ಪಾತ್ರಗಳು?

1-7 ಶಾಲೆ ಅಥವಾ ಈ ವಯಸ್ಸಿಗೆ ಹೊಂದಾಣಿಕೆ ಆಗುವ ಪಾತ್ರಗಳು. 7 ವರ್ಷದ 14-16 ವರ್ಷದವರೆಗೆ
ಶಿಕ್ಷಕರ ಪಾತ್ರಕ್ಕೆ ಮಹಿಳಾ ಮತ್ತು ಪುರುಷ ಕಲಾವಿದರು

ಸಂಪರ್ಕ:
ಹೆದ್ದೂರು ಮಂಜು
+918050891555