Month: October 2023

Categories
ತೀರ್ಥಹಳ್ಳಿ

ಅವಧಿ ಮುಗಿದ್ರೂ ಅಂಗಡಿ ಖಾಲಿ ಮಾಡದಕ್ಕೆ ಆಕ್ರೋಶ

ಅವಧಿ ಮುಗಿದ್ರೂ ಅಂಗಡಿ ಖಾಲಿ ಮಾಡದಕ್ಕೆ ಆಕ್ರೋಶ
– ಅಂಗಡಿ ವಸ್ತುಗಳನ್ನು ಹೊರಗೆ ಅಲ್ಲಿ ಸ್ಥಳೀಯರು
– ತೀರ್ಥಹಳ್ಳಿ ತಾಲೂಕಿನ ಗಡಿಕಲ್ ಅಲ್ಲಿ ಘಟನೆ

NAMMUR EXPRESS NEWS
ತೀರ್ಥಹಳ್ಳಿ: ತಮ್ಮ ಜಾಗದಲ್ಲಿ ಬಾಡಿಗೆಗೆ ಕೊಟ್ಟ ಜಾಗವನ್ನು 12 ವರ್ಷ ಅವಧಿ ಮುಗಿದರೂ ಬಿಡಲಿಲ್ಲ ಎಂಬ ಕಾರಣಕ್ಕೆ ಜಾಗದ ಮಾಲೀಕರು ಹಾಗೂ ಸ್ಥಳೀಯರು ಸೇರಿ ಅಂಗಡಿಯಲ್ಲಿದ್ದ ವಸ್ತುಗಳನ್ನು ಹೊರ ಹಾಕಿ ಆಕ್ರೋಶ ವ್ಯಕ್ತಪಡಿಸಿದ ಘಟನೆ ತೀರ್ಥಹಳ್ಳಿ ತಾಲೂಕು ಕೊಪ್ಪ ತಾಲೂಕು ಗಡಿ ಭಾಗದ ಗಡಿಕಲ್ ಅಲ್ಲಿ ಸೋಮವಾರ ನಡೆದಿದೆ. ನೂರಾರು ಮಂದಿ ಸೇರಿ ಅಂಗಡಿಯಲ್ಲಿದ್ದ ವಸ್ತುಗಳನ್ನು ಹೊರ ಹಾಕಿದ್ದಾರೆ. ಮಂಜುನಾಥ್ ಎಂಬ ಪರಿಶಿಷ್ಟ ಪಂಗಡಕ್ಕೆ ಸೇರಿದ ವ್ಯಕ್ತಿ ಅಂಗಡಿ ಮಾಡಲು ಕರಾರು ಮಾಡಿಕೊಂಡು ಜಾಗ ಕೊಟ್ಟಿದ್ದಾರೆ. ಆದ್ರೆ ಅಂಗಡಿಯವರು 12 ವರ್ಷ ಆದರೂ ಜಾಗ ಬಿಟ್ಟಿರಲಿಲ್ಲ.

ಇದರಿಂದ ಮಂಜುನಾಥ್ ಮತ್ತು ಕುಟುಂಬ ಹಲವು ಬಾರಿ ಮನವಿ ಮಾಡಿದ್ದರು. ಆದರೂ ಅವರು ಜಾಗ ಬಿಟ್ಟಿರಲಿಲ್ಲ ಎಂದು ಸ್ಥಳೀಯರು ಹೇಳಿದ್ದಾರೆ. ಇದೀಗ ಸೋಮವಾರ ಮಂಜುನಾಥ್ ಮತ್ತು ಕುಟುಂಬದ ಮಹಿಳೆಯರು, ಸ್ಥಳೀಯರು ಸೇರಿ ಅಂಗಡಿ ವಸ್ತುಗಳನ್ನು ಹೊರ ಹಾಕಿದ್ದಾರೆ.

Categories
ತೀರ್ಥಹಳ್ಳಿ

ಮೊಬೈಲ್ ಕೊಡುವುದಾಗಿ ಮರದ ತುಂಡು ಕೊರಿಯರ್ ಅಲ್ಲಿ ಕಳುಹಿಸಿದರು!

ಮೊಬೈಲ್ ಕೊಡುವುದಾಗಿ ಮರದ ತುಂಡು ಕೊರಿಯರ್ ಅಲ್ಲಿ ಕಳುಹಿಸಿದರು!
– ತೀರ್ಥಹಳ್ಳಿಗೂ ಕಾಲಿಟ್ಟ ಆನ್ ಲೈನ್ ಶಾಪಿಂಗ್ ಮೋಸ!
– 10 ಸಾವಿರದ ಮೊಬೈಲ್ 1500 ರೂ. ಗೆ ಕೊಡುವುದಾಗಿ ವಂಚನೆ

NAMMUR EXPRESS NEWS
ತೀರ್ಥಹಳ್ಳಿ: ರಾಜ್ಯದ ಹಲವೆಡೆ ಇದ್ದ ಶಾಪಿಂಗ್ ವಂಚನೆ ಇದೀಗ ತೀರ್ಥಹಳ್ಳಿಗೂ ಕಾಲಿಟ್ಟಿದೆ. ಆನ್ ಲೈನ್ ಶಾಪಿಂಗ್ ಮೋಸ ಎಲ್ಲಾ ಕಡೆ ಹೆಚ್ಚಿದ್ದು, 10 ಸಾವಿರದ ಮೊಬೈಲ್ 1500 ರೂ. ಗೆ ಕೊಡುವುದಾಗಿ ವಂಚನೆ ಮಾಡಲಾಗಿದೆ.
10 ಸಾವಿರ ಬೆಲೆಯ ಸ್ಟಾರ್ಟ್ ಮೊಬೈಲ್ ಫೋನ್ ಅನ್ನು ನಿಮಗೆ ಕೇವಲ 1500 ರೂಪಾಯಿಗೆ ಕೊಡುತ್ತೇವೆ. ನಿಮ್ಮ ಮೊಬೈಲ್ ನಂಬರ್ ಲಕ್ಷ್ಮೀ ಕೂಪನ್‌ ನಲ್ಲಿ ಆಯ್ಕೆ ಆಗಿರುವುದಕ್ಕೆ ಈ ಕೊಡುಗೆ, ನೀವು ಮೊದಲೇ ಹಣ ಪಾವತಿ ಮಾಡಬೇಕಾಗಿಲ್ಲ, ಪ್ರಾಡಕ್ಟ್ ಅನ್ನು ಸ್ವೀಕರಿಸಿದ ನಂತರ ಹಣ ಕೊಟ್ಟರೆ ಆಯಿತು ಎಂದು ಫೋನ್‌ನಲ್ಲಿ ನಂಬಿಸಲಾಗುತ್ತದೆ. ನೀವೇನಾದರೂ ಸರಿ ಕಳುಹಿಸಿ ಎಂದರೆ, 3-4 ದಿನದಲ್ಲಿ ಅಂಚೆ ಮೂಲಕ ನಿಮ್ಮ ವಿಳಾಸಕ್ಕೆ ಪಾರ್ಸಲ್ ಬರುತ್ತದೆ. ಪಾರ್ಸಲ್‌ ಸ್ವೀಕರಿಸುವ ಮುನ್ನ ಹಣ ಪಾವತಿ ಮಾಡಬೇಕು. ಹಣ ಕೊಟ್ಟು ಬಾಕ್ಸ್‌ ಓಪನ್ ಮಾಡಿದರೆ ಅದರಲ್ಲಿ ಸ್ಮಾರ್ಟ್ ಮೊಬೈಲ್ ಬದಲಿಗೆ ಮೊಬೈನ್‌ ಕವರ್, ಮೊಬೈಲ್ ಗಾರ್ಡ್ ಹೀಗೆ 100-150ರೂ ಬೆಲೆ ಬಾಳುವ ವಸ್ತುಗಳಿರುತ್ತವೆ. ಕೆಲವೊಮ್ಮೆ ಮರದ ತುಂಡು, ಹೊಟ್ಟು ಇತ್ಯಾದಿ ತುಂಬಿ ಕಳುಹಿಸಲಾಗಿದೆ. ತೀರ್ಥಹಳ್ಳಿಯಲ್ಲಿ ಹಲವರು ಈ ರೀತಿಯ ಆನ್‌ಲೈನ್ ಶಾಂಪಿಂಗ್ ವಂಚನೆಗೀಡಾಗಿದ್ದಾರೆ.

Categories
ಕರಾವಳಿ

ಮೊಬೈಲ್‌ನಲ್ಲಿ ಮಾತನಾಡುತ್ತಿದ್ದವನಿಗೆ ಸಿಡಿಲು ಬಡಿದು ಯುವಕ ಸಾವು!

ಮೊಬೈಲ್‌ನಲ್ಲಿ ಮಾತನಾಡುತ್ತಿದ್ದವನಿಗೆ ಸಿಡಿಲು ಬಡಿದು ಯುವಕ ಸಾವು!
– ಮನೆಯಿಂದ ಹೊರ ಬಂದು ಮಾತನಾಡುವಾಗ ಹೊಡೆದ ಸಿಡಿಲು
– ಪರಿಹಾರ ನೀಡಲು ಕುಟುಂಬದ ಪಟ್ಟು

NAMMUR EXPRESS NEWS
ಕೋಟ: ಮೊಬೈಲ್‌ ಫೋನ್‌ನಲ್ಲಿ ಮಾತನಾಡುತ್ತಿದ್ದಾಗ ಸಿಡಿಲು ಬಡಿದು ಯುವಕನೋರ್ವ ಮೃತಪಟ್ಟ ಘಟನೆ ಆವರ್ಸೆ ಸಮೀಪ ಕಿರಾಡಿಯಲ್ಲಿ ಭಾನುವಾರ ರಾತ್ರಿ ಸಂಭವಿಸಿದೆ. ಸ್ಥಳೀಯ ಕಿರಾಡಿ ಹಂಚಿನಮನೆ ನಿವಾಸಿ, ಬಾಬಣ್ಣ ಶೆಟ್ಟಿ ಹಾಗೂ ಬೇಬಿ ಶೆಡ್ತಿಯವರ ಪುತ್ರ ಪ್ರಮೋದ್ ಶೆಟ್ಟಿ ( 24) ಮೃತ ಯುವಕ. ಈತ ಮನೆಯ ಹೊರೆಗೆ ಮೊಬೈಲ್ ನಲ್ಲಿ ಮಾತನಾಡುತ್ತಿದ್ದ ಸಂದರ್ಭದಲ್ಲಿ ಸಿಡಿಲು ಬಡಿದು ಗಂಭೀರವಾಗಿ ಗಾಯ ಗೊಂಡಿದ್ದು, ಬ್ರಹ್ಮಾವರ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯುವಾಗ ಮಾರ್ಗಮಧ್ಯೆ ಸಾವನ್ನಪ್ಪಿದ್ದಾನೆ. ಪ್ರಮೋದ್ ಬಡಕುಟುಂಬದವನಾಗಿದ್ದು, ಶಿಕ್ಷಣ ಮುಗಿಸಿ ಬ್ರಹ್ಮಾವರದ ಬಟ್ಟೆಯಂಗಡಿಯೊಂದರಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ. ಸೌಮ್ಯ ಸ್ವಭಾವದನಾಗಿದ್ದ ಈತ ವಾಲಿಬಾಲ್ ಮುಂತಾದ ಕ್ರೀಡೆಯಲ್ಲಿ ಆಸಕ್ತಿಯಿಂದ ಭಾಗವಹಿಸುತ್ತಿದ್ದ. ಇಬ್ಬರು ಸಹೋದರನ್ನು ಅಗಲಿದ್ದಾನೆ. ಕುಟುಂಬದವರು ಮನೆಗೆ ಆಧಾರವಾಗಿದ್ದ ಮಗನನ್ನು ಕಳೆದುಕೊಂಡು ಶೋಕಸಾಗರದಲ್ಲಿ ಮುಳುಗಿದ್ದಾರೆ.

Categories
ಬೆಂಗಳೂರು

ಈರುಳ್ಳಿ ಈಗ ದುಬಾರಿ..!

ಈರುಳ್ಳಿ ಈಗ ದುಬಾರಿ..!
– ಕೆಜಿಗೆ 100 ರೂ.ಗೆ ಮಾರಾಟ: ಇನ್ನಷ್ಟು ಹೆಚ್ಚಳ ಸಾಧ್ಯತೆ
– ಮಳೆ ಕೊರತೆಯಿಂದ ಬೆಳೆಯದ ಈರುಳ್ಳಿ

NAMMUR EXPRESS NEWS
ಬೆಂಗಳೂರು: ಕಳೆದ ವಾರದಿಂದ ದಿನೇ ದಿನೇ ಏರುಗತಿಯಲ್ಲಿ ಸಾಗುತ್ತಿರುವ ಈರುಳ್ಳಿ ದರ ಶತಕ ಬಾರಿಸಿದೆ. ತುಮಕೂರು ಜಿಲ್ಲೆ ಹುಳಿಯಾರಿನಲ್ಲಿ ಭಾನುವಾರ ಕೆಜಿಗೆ 100 ರೂಪಾಯಿಗೆ ಈರುಳ್ಳಿ ಮಾರಾಟವಾಗಿದೆ. ಮಳೆ ಕೊರತೆಯಿಂದಾಗಿ ಈರುಳ್ಳಿ ಬೆಳೆ ಕುಂಠಿತವಾಗಿದ್ದು, ಪೂರೈಕೆಯಲ್ಲಿ ವ್ಯತ್ಯವಾಗಿದ್ದರಿಂದ ಕ್ವಿಂಟಾಲ್ ಈರುಳ್ಳಿ ದರ 6000 ರೂ. ಇದೆ. ಚಿಲ್ಲರೆ ಮಾರಾಟದಲ್ಲಿ ಕೆಜಿಗೆ 100 ರೂಪಾಯಿಗೆ ಏರಿಕೆಯಾಗಿದೆ. ಹುಳಿಯಾರು ಈರುಳ್ಳಿ ಹರಾಜು ಕೇಂದ್ರದಲ್ಲಿ ಭಾನುವಾರ ದೊಡ್ಡ ಗಾತ್ರದ ಉತ್ತಮ ಈರುಳ್ಳಿ 70 -100 ರೂ., ಮಧ್ಯಮ ಗಾತ್ರದ ಈರುಳ್ಳಿ 50 ರೂ., ಚಿಕ್ಕ ಗಾತ್ರದ ಈರುಳ್ಳಿ 40 ರೂ. ದರದಲ್ಲಿ ಮಾರಾಟವಾಗಿದೆ. ಬಿಜಾಪುರ ಈರುಳ್ಳಿ 80 ರಿಂದ 100 ರೂ.ಗೆ ರಿಟೇಲ್ ದರದಲ್ಲಿ ಮಾರಾಟವಾಗಿದೆ.

ವಿಜಯಪುರ ಜಿಲ್ಲೆಯ ಗೊಳಸಂಗಿ ಸಮೀಪದ ಕೂಡಗಿ ಎಪಿಎಂಸಿಯಲ್ಲಿ ಶನಿವಾರ ಸಂತೆಯಲ್ಲಿ ಈರುಳ್ಳಿ ದರ ಕ್ವಿಂಟಾಲ್ ಗೆ 10,000 ರೂ. ಗಡಿ ದಾಟಿದೆ. ಕೆಲವು ರೈತರು ಇನ್ನೂ ಬೆಲೆ ಏರಿಕೆ ಆಗಬಹುದು ಎಂದು ಮಾರಾಟಕ್ಕೆ ತಂದಿದ್ದ ಈರುಳ್ಳಿ ವಾಪಸ್ ತೆಗೆದುಕೊಂಡು ಹೋಗಿದ್ದಾರೆ.

Categories
ಕರಾವಳಿ

ಕರಾವಳಿಯಲ್ಲಿ ವರುಣನ ಆರ್ಭಟ..!

ಕರಾವಳಿಯಲ್ಲಿ ವರುಣನ ಆರ್ಭಟ..!
– ಸಿಡಿಲ ಬಡಿತದಕ್ಕೆ ತತ್ತರಿಸಿದ ಜನ
– ಕಾರ್ಕಳ ಹೆಬ್ರಿ ಸೇರಿ ಎಲ್ಲೆಡೆ ಭಾರೀ ಮಳೆ

NAMMUR EXPRESS NEWS
ಕಾರ್ಕಳ: ಕಾರ್ಕಳ ಹಾಗೂ ಹೆಬ್ರಿ ತಾಲೂಕುಗಳಲ್ಲಿ ಹಲವೆಡೆ ಭಾನುವಾರ ಸಂಜೆ ಸಿಡಿಲು ಸಹಿತ ಭಾರೀ ಮಳೆಯಾಗಿದೆ. ಇನ್ನು 2 ದಿನ ಭಾರೀ ಮಳೆ ಸಾಧ್ಯತೆ ಇದೆ. ಕಾರ್ಕಳ ತಾಲೂಕಿನ ಬಜಗೋಳಿ ಮಾಳ ಕಡಾರಿ, ಕೆರ್ವಾಶೆ, ಶಿರ್ಲಾಲು ಈದು,ಅಜೆಕಾರು, ಕಣಂಜಾರು ಮುಂತಾದ ಕಡೆಗಳಲ್ಲಿ ಗಾಳಿ ಸಿಡಿಲು ಸಹಿತ ಧಾರಾಕಾರ ಮಳೆ ಸುರಿದಿದೆ.. ಹೆಬ್ರಿ ತಾಲೂಕಿನ ಕೆಲವೆಡೆ ಭಾರೀ ಹಾಗೂ ತುಂತುರು ಮಳೆಯಾಗಿದ್ದು,ಮುದ್ರಾಡಿ ವರಂಗ, ಅಂಡಾರು, ನಾತ್ಪಾಲು,ಕಬ್ಬಿನಾಲೆ ಭಾಗಗಳಲ್ಲಿ ಸಾಧಾರಣ ಮಳೆಯಾಗಿದೆ.

ಸಿಡಿಲಿನ ಆರ್ಭಟಕ್ಕೆ ಹಲವೆಡೆ ಹಾನಿ :

ಮಳೆಯೊಂದಿಗೆ ಭಾರೀ ಸಿಡಿಲಿನ ಆರ್ಭಟಕ್ಕೆ ಹಲವೆಡೆ ಮನೆಗಳ ವಿದ್ಯುತ್ ವಯರಿಂಗ್ ಸುಟ್ಟ ಹಾನಿ ಸಂಭವಿಸಿದೆ.
ಕಾರ್ಕಳ ತಾಲೂಕಿನ ಕಣಂಜಾರು ಗ್ರಾಮದ ಪೆಲತ್ತೂರು ಪಟ್ಲ ದೇವೇಂದ್ರ ನಾಯಕ್ ಎಂಬವರ ಮನೆಯ ಪಕ್ಕದಲ್ಲಿ ಸಿಡಿಲು ಬಡಿದಿದ್ದು ಸುಮಾರು 50 ಸಾವಿರ ಮೌಲ್ಯದ ವಿದ್ಯುತ್ ಉಪಕರಣಗಳು ಹಾನಿಗೀಡಾಗಿವೆ. ಮರ್ಣೆ ಗ್ರಾಮದ ಕಾಡುಹೊಳೆ ಶಾಂತ ನಾಯ್ಕ ಎಂಬವರ ಮನೆಗೆ ಸಿಡಿಲು ಬಡಿದ ಪರಿಣಾಮ ಮನೆಯ ಗೋಡೆ ಬಿರುಕು ಬಿಟ್ಟಿದ್ದುವಯರಿಂಗ್ ಸಂಪೂರ್ಣವಾಗಿ ಭಸ್ಮವಾಗಿದ್ದು, ಸುಮಾರು 20 ಸಾವಿರ ರೂ ನಷ್ಟ ಸಂಭವಿಸಿದೆ. ಉಡುಪಿ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಯ ಬಹುತೇಕ ಕಡೆ ಭಾನುವಾರ ಮಳೆಯಾಗಿದೆ.

Categories
ತೀರ್ಥಹಳ್ಳಿ

ತೀರ್ಥಹಳ್ಳಿಯಲ್ಲಿ ಭಾರೀ ಮಳೆ!

ತೀರ್ಥಹಳ್ಳಿಯಲ್ಲಿ ಭಾರೀ ಮಳೆ!
– ಸಂಜೆಯಿಂದ ಶುರುವಾದ ಭಾರೀ ಮಳೆಗಾಳಿ
– ಅಡಿಕೆ ಕೊಯ್ಲು ನಡುವೆ ಮಳೆ ಅಬ್ಬರ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ಸೇರಿ ಮಲೆನಾಡಲ್ಲಿ ಸಂಜೆಯಿಂದ ತಡರಾತ್ರಿ ಭಾರೀ ಮಳೆ ಸುರಿದಿದ್ದು, ಭಾರೀ ಅವಾಂತರ ಸೃಷ್ಟಿ ಮಾಡಿದೆ. ಬಿಸಿಲಿನ ಹವೆ ನಡುವೆ ಮಳೆರಾಯನ ಏಕಾಏಕಿ ಎಂಟ್ರಿ ರೈತರಿಗೆ ತಲೆನೋವು ಉಂಟು ಮಾಡಿದೆ. ಕೆಲವರು ಅಡಿಕೆ ಕೊನೆ ತೆಗೆದಿದ್ದು, ಮಳೆ ಈಗ ಆತಂಕ ಸೃಷ್ಟಿ ಮಾಡಿದೆ. ಭಾರೀ ಮಳೆ ಗಾಳಿಯಿಂದ ವಾಹನಗಳು ಓಡಾಡದೆ ಪರದಾಟ ನಡೆಸಬೇಕಾಯಿತು. ಹಲವೆಡೆ ವಿದ್ಯುತ್ ಹಾಗೂ ಮೊಬೈಲ್ ನೆಟ್ ವರ್ಕ್ ಜಾಮ್ ಆಗಿದೆ.

Categories
ತೀರ್ಥಹಳ್ಳಿ

ನ.6ರಂದು ಡಾ.ಆರ್.ಎಂ. ಎಂಗೆ ತೌರೂರ ಸನ್ಮಾನ!

ನ.6ರಂದು ಡಾ.ಆರ್.ಎಂ. ಎಂಗೆ ತೌರೂರ ಸನ್ಮಾನ!
– ಮಂಜುನಾಥ ಗೌಡ ಅಭಿಮಾನಿಗಳಿಂದ ಸಿದ್ಧತೆ
– ಸರ್ವರನ್ನು ಸ್ವಾಗತಿಸಿದ ಸಹಕಾರಿ ವೇದಿಕೆ

NAMMUR EXPRESS NEWS
ತೀರ್ಥಹಳ್ಳಿ: ಸಹಕಾರಿ ನಾಯಕ, ಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾದ ಡಾ. ಮಂಜುನಾಥ ಗೌಡ ಅವರಿಗೆ ತೀರ್ಥಹಳ್ಳಿಯಲ್ಲಿ ಸನ್ಮಾನಕ್ಕೆ ಮತ್ತೆ ಸಿದ್ಧತೆ ನಡೆದಿದೆ. ಶಿವಮೊಗ್ಗ ಡಿಸಿಸಿ ಬ್ಯಾಂಕ್ ನ 10ನೇ ಬಾರಿಗೆ ಅಧ್ಯಕ್ಷರಾಗಿ ಸರ್ವಾನು ಮತದಿಂದ ಆಯ್ಕೆಯಾಗಿರುವ ಕರ್ನಾಟಕದ ಹೆಮ್ಮೆಯ ಸಹಕಾರಿ, ಸಹಕಾರ ರತ್ನ ಡಾ ಆರ್ ಎಂ ಮಂಜುನಾಥ್ ಗೌಡರಿಗೆ ತೀರ್ಥಹಳ್ಳಿಯಲ್ಲಿ ತಾಲೂಕು ಸರ್ವ ಸಹಕಾರಿಗಳ ಪರವಾಗಿ ತೌರೂರ ಸಂಮಾನ ಕಾರ್ಯಕ್ರಮವನ್ನು ನವೆಂಬರ್ 6ರಂದು ಹಮ್ಮಿಕೊಳ್ಳಲಾಗಿದೆ. ಅಕ್ಟೋಬರ್ 6ರಂದು ಗೋಪಾಲಗೌಡ ರಂಗಮಂದಿರದಲ್ಲಿ ಈ ಕಾರ್ಯಕ್ರಮ ನಿಗದಿ ಪಡಿಸಲಾಗಿತ್ತು. ಆದರೆ ಕೆಲವು ಕಾರಣಾಂತರಗಳಿಂದ ಕಾರ್ಯಕ್ರಮ ರದ್ದು ಮಾಡಿ ಮುಂದೂಡಲಾಗಿತ್ತು. ಈಗ ನವೆಂಬರ್ 6ರಂದು ಅದ್ದೂರಿಯಾಗಿ ಮಾಡಲು ತೀರ್ಮಾನಿಸಲಾಗಿದೆ.

Categories
ಬೆಂಗಳೂರು

ವನ್ಯಜೀವಿಗಳ ಸಂರಕ್ಷಣೆ ಬಗ್ಗೆ ನಿಮಗೆಷ್ಟು ಗೊತ್ತು ?

ವನ್ಯಜೀವಿಗಳ ಸಂರಕ್ಷಣೆ ಬಗ್ಗೆ ನಿಮಗೆಷ್ಟು ಗೊತ್ತು ?
– ವನ್ಯಜೀವಿಗಳ ಸಂರಕ್ಷಣೆ ಇರುವ ಕಾಯ್ದೆಯಾವುದು
– ಹುಲಿ ಉಗುರು ಅಷ್ಟೇ ಅಲ್ಲ ನವಿಲು ಗರಿ ಇಟ್ಟುಕೊಂಡ್ರು ಕೇಸ್ ಅಗುತ್ತೆ ಹುಷಾರ್!

NAMMUR EXPRESS NEWS
ಬೆಂಗಳೂರು: ಅರಣ್ಯ ಇಲಾಖೆ ಕಾನೂನಿನ ಬಗ್ಗೆ ಮಾಹಿತಿ ಕೊರತೆ ಇರುವ ಕಾರಣ, ಕಾಯ್ದೆ ಸೇರಿದಂತೆ ಇತರೆ ಕಾನೂನಿನ ಉಲ್ಲಂಘನೆ ಸಾರ್ವಜನಿಕ ವಲಯದಲ್ಲಿ ಕಂಡುಬರುತ್ತಿದೆ. ವರ್ತೂರು ಸಂತೋಷ್ ಹುಲಿ ಉಗುರುಳ್ಳ ಚಿನ್ನದ ಸರ ಧರಿಸಿದ್ದ ಕಾರಣ ವನ್ಯಜೀವಿ ಕಾಯ್ದೆಯಡಿ ಆತನನ್ನು ಬಂಧಿಸಿದ ಬಳಿಕ ಹುಲಿ ಉಗುರು ಸೇರಿ ವನ್ಯಜೀವಿಗಳ ಅಂಗಾಂಗ ಹೊಂದುವುದು ಅಪರಾಧ ಎಂಬುದು ಗೊತ್ತಾಗುತ್ತಿದೆ. ಆದರೆ ಈ ಕಾಯ್ದೆ ಮೊದಲೇ ಜಾರಿಯಲ್ಲಿದೆ.

ವನ್ಯಜೀವಿಗಳ ಸಂರಕ್ಷಣಾ ಕಾಯಿದೆ 1972 ಏನು ಹೇಳುತ್ತದೆ?

-ವನ್ಯಜೀವಿಗಳ ಸಂರಕ್ಷಣಾ ಕಾಯಿದೆ 1972ರ ಪ್ರಕಾರ ವನ್ಯಜೀವಿಗಳ ಅಂಗಾಂಗ, ಅವಶೇಷಗಳ ಮಾರಾಟ ಅಥವಾ ಬಳಕೆಗೆ ಸಂಪೂರ್ಣ ನಿಷೇಧವಿದೆ. ಯಾವುದೇ ಜೀವಿಯನ್ನು ಜೀವಂತವಾಗಿ ಅಥವಾ ಮೃತಪಟ್ಟ ಬಳಿಕ ಮಾರಾಟ ಮಾಡುವಂತಿಲ್ಲ.
-ಕಾಡು ಪ್ರಾಣಿಗಳ ಚರ್ಮವನ್ನು ಹದ ಮಾಡಿ ಅಲಂಕಾರಿಕ ವಸ್ತುಗಳಾಗಿ ಬಳಸುವಂತಿಲ್ಲ.
-ವನ್ಯಜೀವಿಗಳ ಮಾಂಸ ಮಾರಾಟ ಹಾಗೂ ಭಕ್ಷಣೆ ಸಹ ಅಪರಾಧ.
-ಹಾವಿನ ವಿಷವನ್ನೂ ಸಂಗ್ರಹ ಮಾಡುವಂತಿಲ್ಲ. ನವಿಲು ಗರಿಗಳನ್ನೂ ಸಂಗ್ರಹಿಸುವಂತಿಲ್ಲ.
-ವನ್ಯಜೀವಿಗಳ ಕೂದಲು, ಚರ್ಮ, ಉಗುರು, ಗೊರಸು, ಹಲ್ಲು, ಆನೆ ದಂತ ಸೇರಿದಂತೆ ದೇಹದ ಯಾವುದೇ ಭಾಗವನ್ನು ಸಂಗ್ರಹಿಸುವುದು, ಸಾಗಿಸುವುದು, ಮಾರಾಟ ಮಾಡುವುದು ಹಾಗೂ ಬಳಕೆ ಮಾಡುವುದು ಶಿಕ್ಷಾರ್ಹ ಅಪರಾಧವಾಗಿದೆ.

Categories
ಮಂಗಳೂರು

ಕುಚ್ಚಲಕ್ಕಿ ಬೆಲೆಯಲ್ಲಿ ಭಾರೀ ಹೆಚ್ಚಳ..!

ಕುಚ್ಚಲಕ್ಕಿ ಬೆಲೆಯಲ್ಲಿ ಭಾರೀ ಹೆಚ್ಚಳ..!
– ಕೆಜಿಗೆ 15ರಿಂದ 20 ರೂ ಏರಿಕೆ, ಮಲೆನಾಡ ಅಕ್ಕಿಗೂ ಬೆಲೆ ಹೆಚ್ಚು
– ಭತ್ತದ ಬೆಳೆ ಕಡಿಮೆಯೇ ಬೆಲೆ ಏರಿಕೆಗೆ ಕಾರಣ
– ಮಲೆನಾಡ ಅಕ್ಕಿಗೂ ಹೆಚ್ಚಿದ ಡಿಮ್ಯಾಂಡ್

NAMMUR EXPRESS NEWS
ಮಂಗಳೂರು: ಕುಚ್ಚಲಕ್ಕಿ ದರ ಬಾರಿ ಏರಿಕೆ ಕಂಡಿದ್ದು, ಜನಸಾಮಾನ್ಯರು ತತ್ತರಿಸಿದ್ದಾರೆ. ಕೆ.ಜಿ.ಗೆ 15ರಿಂದ 20 ರೂ. ಹೆಚ್ಚಳವಾಗಿ 48 ರಿಂದ 50 ರೂ.ನಲ್ಲಿ ಮಾರಾಟವಾಗುತ್ತಿರುವ ಹಿನ್ನಲೆಯಲ್ಲಿ ಕರಾವಳಿಯ ಜನರು ಕಂಗಾಲಾಗಿದ್ದಾರೆ. ಇನ್ನು ಮಲೆನಾಡ ಕೆಂಪು ಅಕ್ಕಿಗೂ ಡಿಮ್ಯಾಂಡ್ ಹೆಚ್ಚಿದೆ. ಕಳೆದ ವರುಷ ಡಿಸೆಂಬರ್ ನಲ್ಲಿ ಒಂದು ಕ್ವಿಂಟಾಲ್ ಕುಚ್ಚಲಕ್ಕಿ ದರ 3200 ರೂ.ನಿಂದ 3300 ರೂ.ವರೆಗೆ ಇತ್ತು. 2023ರ ಮಾರ್ಚ್ ಏಪ್ರಿಲ್ ನಲ್ಲಿ ಭಾರಿ ಏರಿಕೆ ಖಂಡ ಕುಚಲಕ್ಕಿ ದರ ಕ್ವಿಂಟಾಲ್ ಗೆ 4,200 ರೂ.ವರೆಗೂ ತಲುಪಿತ್ತು.ಕುಚ್ಚಲಕ್ಕಿ ಬೆಲೆಯಲ್ಲಿ ಭಾರೀ ಹೆಚ್ಚಳವಾದರೂ ಸಹ ಭತ್ತದ ಬೆಲೆ ಕೆ.ಜಿ.ಗೆ 2-3 ರೂ. ಮಾತ್ರ ಏರಿಕೆಯಾಗಿದೆ ಎಂದು ರೈತರು ಬೇಸರ ವ್ಯಕ್ತಪಡಿಸಿದ್ದಾರೆ.

ಬೇಸಾಯದ ಕೊರತೆಯೆ ಬೆಲೆ ಏರಿಕೆಗೆ ಕಾರಣ :

ಕರಾವಳಿ ಸೇರಿದಂತೆ ಮಲೆನಾಡು, ಬಯಲುಸೀಮೆ ಭಾಗದಲ್ಲೂ ಕಾರ್ಮಿಕರ ಕೊರತೆ, ಬೆಲೆಯ ಅಸ್ಥಿರತೆ ಇತ್ಯಾದಿ ಕಾರಣಕ್ಕೆ ಭತ್ತದ ಬೇಸಾಯ ಕುಸಿತ ಕಂಡಿದ್ದು, ಇದರಿಂದಾಗಿ ಕುಚ್ಚಲಕ್ಕಿ ಬೆಲೆ ಏರಿಕೆಯಾಗಿದೆ. ಮಲೆನಾಡ ಕೆಂಪಕ್ಕಿ ಕೂಡ 50-55 ರೂ ಕೆಜಿಗೆ ಆಗಿದ್ದು, ಭಾರೀ ಡಿಮ್ಯಾಂಡ್ ಸೃಷ್ಟಿ ಆಗಿದೆ.

Categories
ತೀರ್ಥಹಳ್ಳಿ

ಸ್ವಯಂ ಸೇವಕರ ಪಥ ಸಂಚಲನ..!

ಸ್ವಯಂ ಸೇವಕರ ಪಥ ಸಂಚಲನ..!
– ತೀರ್ಥಹಳ್ಳಿ ತಾಲೂಕಿನ ಆರಗದಲ್ಲಿ ಕಾರ್ಯಕ್ರಮ

ತೀರ್ಥಹಳ್ಳಿ ತಾಲೂಕು ಆರಗದಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಅಗ್ರಹಾರ ಹೋಬಳಿ ಮಟ್ಟದ ಸ್ವಯಂ ಸೇವಕರ ಪಥ ಸಂಚಲನ ಶನಿವಾರ ನಡೆಯಿತು. ಮಾಜಿ ಗೃಹ ಸಚಿವ ಆರಗ ಜ್ಞಾನೇಂದ್ರ ಸೇರಿ ಪ್ರಮುಖರು ಭಾಗವಹಿಸಿದ್ದರು.