Categories
ತೀರ್ಥಹಳ್ಳಿ

ಶ್ರೀ ರಾಮೇಶ್ವರ ಅನ್ನದಾನಕ್ಕೆ 1 ವರ್ಷ..!

ಶ್ರೀ ರಾಮೇಶ್ವರ ಅನ್ನದಾನಕ್ಕೆ 1 ವರ್ಷ..!
– ತೀರ್ಥಹಳ್ಳಿಯ ಶ್ರೀರಾಮೇಶ್ವರ ದೇವಸ್ಥಾನದಲ್ಲಿ ನಿತ್ಯ ಅನ್ನ ಸಂತರ್ಪಣೆ
– ವಾರ್ಷಿಕೋತ್ಸವದ ಪ್ರಯುಕ್ತ ವಿವಿಧ ಧಾರ್ಮಿಕ ಕಾರ್ಯಕ್ರಮ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಯ ಶ್ರೀರಾಮೇಶ್ವರ ದೇವಸ್ಥಾನದಲ್ಲಿ ಭಕ್ತಾದಿಗಳಿಗೆ ನಿತ್ಯ ಅನ್ನ ಸಂತರ್ಪಣಾ ಕಾರ್ಯ ಒಂದು ವರ್ಷ ಪೂರೈಸಿದೆ. ಈ ಮೂಲಕ ಧಾರ್ಮಿಕ ಕೆಲಸದ ಜತೆಗೆ ಪುಣ್ಯದ ಕೆಲಸ ಮಾಡಲಾಗುತ್ತಿದೆ. ಮೊದಲ ವರ್ಷದ ವಾರ್ಷಿಕೋತ್ಸವದ ಪ್ರಯುಕ್ತ ಶ್ರೀರಾಮೇಶ್ವರ ದೇವರ ನಿತ್ಯ ಅನ್ನ ಸಂತರ್ಪಣಾ ಮತ್ತು ಧಾರ್ಮಿಕ ಸೇವಾ ಸಮಿತಿ ವತಿಯಿಂದ ನ.4ರ ಸೋಮವಾರದಂದು ಬೆಳಗ್ಗೆ 8 ಗಂಟೆಗೆ ಲೋಕ ಕಲ್ಯಾಣಾರ್ಥ ಭಕ್ತ ಜನರ ಶ್ರೇಯೋಭಿವೃದ್ಧಿಗಾಗಿ ಹಾಗೂ ಆರೋಗ್ಯ ಆಯುಷ್ಯ ಪ್ರಾಪ್ತಿಗಾಗಿ ಶ್ರೀ ರಾಮೇಶ್ವರ ದೇವರ ಸನ್ನಿಧಿಯಲ್ಲಿ ನವಗ್ರಹ ಶಾಂತಿ ಸಹಿತ ಮಹಾಮೃತ್ಯುಂಜಯ ಹೋಮ ಹಾಗೂ ಧನ್ವಂತರಿ ಮಹಾವಿಷ್ಣು ಮಂತ್ರ ಯಾಗವನ್ನು ನಡೆಸಲಾಗುತ್ತದೆ. ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಕ್ತ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಈ ಸೇವಾ ಕಾರ್ಯದಲ್ಲಿ ಭಾಗಿಯಾಗಿ ಶ್ರೀರಾಮೇಶ್ವರ ದೇವರ ಕೃಪೆಗೆ ಪಾತ್ರರಾಗಲು ಈ ಮೂಲಕ ಸಮಿತಿ ಕೋರಿರುತ್ತಾರೆ.

ನಿತ್ಯ ಅನ್ನ ಸಂತರ್ಪಣಾ ಸಮಿತಿಯ ನಡೆದು ಬಂದ ಹಾದಿ

14-11-2022ರ ಕಾರ್ತಿಕ ಸೋಮವಾರ ಶ್ರೀರಾಮೇಶ್ವರ ದೇವರ ಅನುಗ್ರಹದಿಂದ ನಿತ್ಯ ಅನ್ನ ಸಂತರ್ಪಣೆಯನ್ನು ಪೂಜ್ಯ ಭೀಮೇಶ್ವರ ಜೋಶಿ ಧರ್ಮಕರ್ತರು ಶ್ರೀ ಕ್ಷೇತ್ರ ಹೊರನಾಡು ಇವರ ಅಮೃತ ಹಸ್ತದಿಂದ ಲೋಕಾರ್ಪಣೆಗೊಂಡಿತ್ತು., ಈ ಸಂದರ್ಭದಲ್ಲಿ ಅಂದಿನ ಕರ್ನಾಟಕ ಸರ್ಕಾರದ ಗೃಹ ಸಚಿವರಾಗಿದ್ದ ಆರಗ ಜ್ಞಾನೇಂದ್ರ, ಮಾಜಿ ಶಿಕ್ಷಣ ಸಚಿವರಾದ ಕಿಮ್ಮನೆ ರತ್ನಾರ್ ಹಾಗೂ ಸಹಕಾರಿ ನಾಯಕ ಮಂಜುನಾಥಗೌಡ, ತಹಶೀಲ್ದಾರ್, ಪಟ್ಟಣ ಪಂಚಾಯಿತಿ ಅಧ್ಯಕ್ಷರು ಹಾಗೂ ನಾಡಿನ ಸಹಸ್ರಾರು ಭಕ್ತಾದಿಗಳ ಸಮ್ಮುಖದಲ್ಲಿ ನಿತ್ಯ ಅನ್ನ ಸಂತರ್ಪಣೆಗೆ ಚಾಲನೆ ದೊರೆಯಿತು.

65 ಸಾವಿರ ಮಂದಿಗೆ ಅನ್ನದಾನ..!

ಸುಮಾರು 65 ಸಾವಿರಕ್ಕೂ ಹೆಚ್ಚು ಭಕ್ತಾದಿಗಳು (5 ದಿನದ ಎಳ್ಳಮವಾಸ್ಯೆ ಜಾತ್ರೆಯನ್ನು ಹೊರತುಪಡಿಸಿ ) ಅಂದಿನಿಂದ ನಿತ್ಯ ಅನ್ನ ಪ್ರಸಾದ ಸ್ವೀಕರಿಸಿದ್ದಾರೆ. ಈ ನಿತ್ಯ ಅನ್ನ ಸಂತರ್ಪಣೆ ಕಾರ್ಯಕ್ಕೆ ಭಕ್ತ ಜನರ ಸಹಕಾರದ ಹೊರತಾಗಿ ಸರ್ಕಾರದ ಅಥವಾ ಯಾವುದೇ ಇಲಾಖೆಯ ಹಣಕಾಸಿನ ನೆರವು ಇರುವುದಿಲ್ಲ.

ಒಂದು ವರ್ಷದ ಸಮಿತಿಯಿಂದ ಹಲವು ಕಾರ್ಯಕ್ರಮ

– ಶ್ರಾವಣ ಮಾಸದ ಮೂರನೇ ಸೋಮವಾರದಂದು ಲೋಕ ಕಲ್ಯಾಣಾರ್ಥ ಮತ್ತು ಭಕ್ತಾದಿಗಳ ಇಷ್ಟಾರ್ಥ ಸಿದ್ದಿಗಾಗಿ ಐವತ್ತಕ್ಕೂ ಹೆಚ್ಚು ಋತ್ವಿಜರಿಂದ ಸಹಸ್ರಕ್ಕೂ ಅಧಿಕ ರುದ್ರ ಪುನಶ್ಚರಣ ಹಾಗೂ ಸಾಯಂಕಾಲ ಶ್ರೀರಾಮೇಶ್ವರ ದೇವರಿಗೆ ಅತ್ಯಂತ ಪ್ರಿಯವಾದ ಭಸ್ಮಾಭಿಷೇಕವನ್ನು ವಿಜೃಂಭಣೆಯಿಂದ ಸಂಪನ್ನಗೊಳಿಸಲಾಯಿತು.

– ಅಡಿಕೆ ತೋಟಕ್ಕೆ ಬಾಧಿಸುತ್ತಿದ್ದ ಎಲೆಚುಕ್ಕಿ ರೋಗ ನಿವಾರಣೆಗಾಗಿ ಕೋಟಿ ಶಿವ ಪಂಚಾಕ್ಷರಿ ಓಂ ನಮಃ ಶಿವಾಯ ನಾಮ ಜಪ ಸಪ್ತಹ ಕಾರ್ಯಕ್ರಮವು ಒಂದು ವಾರ ನಿರಂತರವಾಗಿ ಭಕ್ತ ಜನರ ಹಾಗೂ ಭಜನಾ ತಂಡಗಳ ಸಹಕಾರದಿಂದ ಅತ್ಯಂತ ವಿಜೃಂಭಣೆಯಿಂದ ನೆರವೇರಿತು.
– 2023ರ ಮೊದಲನೇ ಶ್ರಾವಣ ಸೋಮವಾರದಿಂದ ಶ್ರೀ ರಾಮೇಶ್ವರ ದೇವರ ಆವರಣದಲ್ಲಿ ಪ್ರತಿ ಸೋಮವಾರ ಸಂಜೆ ಭಜನಾ ಕಾರ್ಯಕ್ರಮ ನಡೆಸಲು ಚಾಲನೆ ನೀಡಲಾಗಿದೆ.

– ಭಕ್ತ ಜನರ ಮೂಲ ಸೌಕರ್ಯಕ್ಕಾಗಿ ಶಿಥಿಲಗೊಂಡಿದ್ದ ಶ್ರೀರಾಮೇಶ್ವರ ಸಭಾಭವನದ ಶೌಚಾಲಯವನ್ನು ಸುಮಾರು ರೂ 60000 ವೆಚ್ಚದಲ್ಲಿ ನವೀಕರಣಗೊಳಿಸಲಾಗಿದೆ.

ಈ ಎಲ್ಲಾ ಸೇವಾ ಕಾರ್ಯಕ್ರಮವನ್ನು ಸಮಿತಿ ಉತ್ತಮ ರೀತಿಯಲ್ಲಿ ನಡೆಸಿಕೊಂಡು ಬರುತ್ತಿದ್ದು ಮುಂದೆಯೂ ಸಹ ಧಾರ್ಮಿಕ ಹಾಗೂ ನಿತ್ಯ ಅನ್ನಸಂತರ್ಪಣಾ ಕಾರ್ಯವನ್ನು ಇನ್ನು ಉತ್ತಮವಾಗಿ ನಡೆಸಲು ಸಾರ್ವಜನಿಕರಿಂದ ಹೆಚ್ಚಿನ ಸಹಕಾರ ಮತ್ತು ಆರ್ಥಿಕ ಬೆಂಬಲ ನೀಡಬೇಕೆಂದು ಸಮಿತಿಯ ಸರ್ವ ಸದಸ್ಯರು ವಿನಂತಿಸಿದ್ದಾರೆ.

ನಿತ್ಯ ಅನ್ನ ಸಂತರ್ಪಣೆಗೆ ಸೇವೆಗೆ ದೇಣಿಗೆ ನೀಡಲು..

ಬ್ಯಾಂಕ್ ಖಾತೆಯ ವಿವರ: ಶ್ರೀರಾಮೇಶ್ವರ ನಿತ್ಯ ಅನ್ನ ಸಂತರ್ಪಣಾ ಸೇವಾ ಸಮಿತಿ.
ಕೆನರಾ ಬ್ಯಾಂಕ್, ತೀರ್ಥಹಳ್ಳಿ ಶಾಖೆ
ಖಾತೆ ಸಂಖ್ಯೆ: 120002451892,
IFSC CODE: CNRB0000571

ಭಕ್ತರಿಗೆ ಸೇವಾ ವಿವರ

– ಧನ್ವಂತರಿ ಹೋಮ – 301 ರೂ.
– ಮೃತ್ಯುಂಜಯ ಹೋಮ – 301 ರೂ.
– ನವಗ್ರಹ ಶಾಂತಿ ಹೋಮ – 301 ರೂ.
– ಕಾರ್ತಿಕ ಮಾಸದ ಅನ್ನಸಂತರ್ಪಣಾ ಸೇವೆ – 201 ರೂ.
– ಸರ್ವ ಸೇವೆ – 1001 ರೂ.
– ಅನ್ನಸಂತರ್ಪಣೆ ಸಹಿತ ಸರ್ವ ಸೇವೆ – 3000 ರೂ.
ಈ ಸೇವೆಗಳನ್ನು ಮಾಡಲಿಚ್ಚಿಸುವ ಭಕ್ತಾದಿಗಳು ಡಿ.4ರಂದು ಬೆಳಗ್ಗೆ 8:00 ಗಂಟೆ ಯಿಂದ ಸಂಕಲ್ಪ ಮಾಡಿಸಲು ಕುಟುಂಬ ಸದಸ್ಯರ ರಾಶಿ ನಕ್ಷತ್ರಗಳೊಂದಿಗೆ ಬರಬೇಕಾಗಿ ವಿನಂತಿ.

Categories
ಅಂತಾರಾಷ್ಟ್ರೀಯ ಸುದ್ದಿ

ನಮೋ ಬಂಪ‌ರ್ ಗಿಫ್ಟ್..!

ನಮೋ ಬಂಪ‌ರ್ ಗಿಫ್ಟ್..!
– ಬಡವರಿಗೆ 5 ವರ್ಷ ಉಚಿತ ಅಕ್ಕಿ, ಸ್ತ್ರೀಶಕ್ತಿ ಸಂಘಗಳಿಗೆ ಕೃಷಿ ಡೋನ್ ವಿತರಣೆ
– ಏನಿದು ಯೋಜನೆ.. ಹೊಸ ಕೊಡುಗೆಗಳೇನು…?

NAMMUR EXPRESS NEWS
ನವದೆಹಲಿ: ದೇಶದ ಜನತೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಭರ್ಜರಿ ಸಿಹಿಸುದ್ದಿ ನೀಡಿದ್ದು, ಬಡವರಿಗೆ ಆಹಾರದ ಖಾತ್ರಿ ಮತ್ತು ಮಹಿಳೆಯರಿಗೆ ಆದಾಯದ ಹೊಸ ಮೂಲ ಸೃಷ್ಟಿಸುವ ಎರಡು ಬಂಪರ್ ಕೊಡುಗೆಗಳನ್ನು ಘೋಷಿಸಿದ್ದಾರೆ.
ದೇಶದ 81.35 ಕೋಟಿ ಬಡವರಿಗೆ ತಿಂಗಳಿಗೆ 5ಕೆಜಿ ಉಚಿತ ಪಡಿತರ ಆಹಾರ ಧಾನ್ಯಗಳನ್ನು ಒದಗಿಸುವ ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ್ ಅನ್ನ ಯೋಜನೆಯನ್ನು ಇನ್ನೂ 5 ವರ್ಷಗಳವರೆಗೆ ವಿಸ್ತರಿಸಲಾಗಿದ್ದು, ಜೊತೆಗೆ 15, 000 ಸ್ತ್ರೀಶಕ್ತಿ ಸಂಘಗಳಿಗೆ ಕೃಷಿ ಡೋನ್ ಒದಗಿಸುವ ಯೋಜನೆಗೆ ಕೇಂದ್ರ ಸಚಿವ ಸಂಪುಟ ಸಭೆ ಅನುಮೋದನೆ ನೀಡಿದೆ.

ಗರೀಬ್ ಕಲ್ಯಾಣ್ ಅನ್ನ ಯೋಜನೆಯ ಬಗ್ಗೆ ಅಂತರಾಷ್ಟ್ರೀಯ ಹಣಕಾಸು ಸಂಸ್ಥೆ ಐಎಂಎಫ್ ಶ್ಲಾಘಿಸಿತ್ತು. ಪ್ರಧಾನಮಂತ್ರಿ ಗರೀಬ್ ಕಲ್ಯಾಣ ಯೋಜನೆಯಡಿ ಬಡವರಿಗೆ ಆಹಾರ ಒದಗಿಸುವ ಮೂಲಕ ಕಡುಬಡತನದಿಂದ ದೇಶವಾಸಿಗಳನ್ನು ಪಾರು ಮಾಡಲಾಗಿದೆ ಎಂದು ವರದಿಯಲ್ಲಿ ತಿಳಿಸಿತ್ತು. ವರದಿಯ ಪ್ರಕಾರ ಭಾರತದಲ್ಲಿ ದಿನಕ್ಕೆ 142 ರೂಪಾಯಿಗಿಂತ ಕಡಿಮೆ ಸರಾಸರಿ ಆದಾಯ ಇರುವ ಕಡುಬಡವರ ಸಂಖ್ಯೆ ಕೊರೋನಾ ಬಿಕ್ಕಟ್ಟಿನ 2020ರ ವರ್ಷದಲ್ಲಿಯೂ ಕೊರೋನಾ ಪೂರ್ವ 2019ರ ಮಟ್ಟದಲ್ಲಿ ಉಳಿದುಕೊಂಡಿದೆ. ಗರೀಬ್ ಕಲ್ಯಾಣ ಯೋಜನೆ ಬಡತನವನ್ನು ದೂರ ಮಾಡುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿತ್ತು.

Categories
ಉಡುಪಿ ಕರಾವಳಿ ಕಾರ್ಕಳ

ಕಾರ್ಕಳದಲ್ಲಿ ಲಕ್ಷ ದೀಪೋತ್ಸವದ ಸಂಭ್ರಮ!

ಕಾರ್ಕಳದಲ್ಲಿ ಲಕ್ಷ ದೀಪೋತ್ಸವದ ಸಂಭ್ರಮ!
– ವೆಂಕಟರಮಣ ದೇವಸ್ಥಾನದ ಲಕ್ಷದೀಪೋತ್ಸವ
– ವಾಹನ ಸಂಚಾರಕ್ಕೆ ಬದಲಿ ವ್ಯವಸ್ಥೆ

NAMMUR EXPRESS NEWS :
ಕಾರ್ಕಳ: ಸುಮಾರು 550 ವರ್ಷಗಳ ಸುದೀರ್ಘ ಇತಿಹಾಸವಿರುವ ಪಡು ತಿರುಪತಿ ಖ್ಯಾತಿಯ ಕಾರ್ಕಳ ಶ್ರೀ ವೆಂಕಟರಮಣ ದೇವಸ್ಥಾನವು ನಿತ್ಯ ಉತ್ಸವದ ತಾಣವಾಗಿ ನಾಡಿನಲ್ಲಿ ಪ್ರಸಿದ್ದಿಯನ್ನು ಪಡೆದಿದೆ. ಅದರಲ್ಲಿ ಏಪ್ರಿಲ್ ತಿಂಗಳಲ್ಲಿ ಬರುವ ರಥೋತ್ಸವ ಮತ್ತು ಡಿಸೆಂಬರ್ ತಿಂಗಳಲ್ಲಿ ಬರುವ ಲಕ್ಷ ದೀಪೋತ್ಸವ ಇವು ಎರಡು ದೊಡ್ಡ ಉತ್ಸವಗಳು. ಅದರಲ್ಲಿ ಕೂಡ ಇಲ್ಲಿ ನಡೆಯುವ ಲಕ್ಷ ದೀಪೋತ್ಸವವು ಕಾರ್ಕಳದ ಭಕ್ತರಿಗೆ ತುಂಬಾನೆ ವಿಶೇಷ . ಈ ಬಾರಿ ಡಿ. 2ರಂದು ಶನಿವಾರ ದೇವಳದ ಲಕ್ಷ ದೀಪೋತ್ಸವ ಜರುಗಲಿದೆ. ಈ ಪ್ರಯುಕ್ತ ದೀಪೋತ್ಸವದ ಸಿದ್ಧತೆಯೂ ತುಂಬಾ ಭರದಿಂದ ನಡೆಯುತ್ತಿದೆ. ಕಾರ್ಕಳದ ನಗರದೆಲ್ಲೆಡೆ ದೀಪೋತ್ಸವದ ರಂಗು ಕಳೆಗಟ್ಟಿದೆ. ದೇವಾಲಯವು ಗೂಡು ದೀಪ, ಹಣತೆ, ಹೂವುಗಳ ಅಲಂಕಾರ ಮತ್ತು ಮಿನಿಯೇಚರ್ ಬಲ್ಬುಗಳಿಂದ ಕಂಗೊಳಿಸುತ್ತಿದೆ.

ಕೆರೆ ದೀಪದ ವೈಭವ :

ಡಿ.1 ರಂದು ಕೆರೆ ದೀಪೋತ್ಸವ ನಡೆಯಲಿದೆ. ಅಂದು ರಾತ್ರಿ ಎಂಟು ಗಂಟೆಯಿಂದ ಶ್ರೀ ದೇವಸ್ಥಾನದಲ್ಲಿ ಪೂಜೆಯಾಗಿ ಕೆಂಪು ಗರುಡ ವಾಹನದಲ್ಲಿ ಹೊರಟ ದೇವರ ಉತ್ಸವವು ನಗರ ಮಧ್ಯದಲ್ಲಿ ಇರುವ ಮಣ್ಣ ಗೋಪುರದವರೆಗೆ ಸಾಗಿ ಅಲ್ಲಿಂದ ಮತ್ತೆ ಮರಳಿ ದೇಗುಲದ ಕೆರೆಗೆ ಆಗಮಿಸುವುದು. ಕೆರೆಯಲ್ಲಿ ಮೂರು ಸುತ್ತು ದೋಣಿಯಲ್ಲಿ ವಿಹರಿಸುವುದು ಭಾರೀ ಚಂದ. ನಂತರ ಕೆರೆಯ ನಡುವೆ ಇರುವ ಕಟ್ಟೆಯಲ್ಲಿ ದೇವರಿಗೆ ದೀಪೋತ್ಸವದ ಪೂಜೆ ಆದ ಬಳಿಕ ದೇವರು ದೇವಸ್ಥಾನಕ್ಕೆ ತೆರಳುವುದು. ಅಲ್ಲಿ ಸುಡುಮದ್ದು ಹಸಿರು ಪಟಾಕಿ, ಹಣತೆಗಳ ವೈಭವ ಎಲ್ಲವೂ ನಯನ ಮನೋಹರ.

ಲಕ್ಷದೀಪೋತ್ಸವ :

ಡಿ.2 ರಂದು ದೇವಾಲಯದಲ್ಲಿ ಲಕ್ಷದೀಪೋತ್ಸವದ ವೈಭವವು ನಡೆಯಲಿದ್ದು ಅಂದು ಬೆಳಗ್ಗೆ 9-30 ಗಂಟೆಗೆ ಆರಂಭ ಆಗುತ್ತದೆ. ದೇವಸ್ಥಾನದಲ್ಲಿ ದೇವರಿಗೆ ಪೂಜೆ, ಪ್ರಾರ್ಥನೆ ನಡೆಯುತ್ತದೆ. ಅನಂತರ ಶ್ರೀನಿವಾಸ ದೇವರನ್ನು ಸ್ವರ್ಣ ಮಂಟಪದಲ್ಲಿ ಹಾಗೂ ವೆಂಕಟರಮಣ ದೇವರನ್ನು ಸ್ವರ್ಣ ಪಲ್ಲಕ್ಕಿಯಲ್ಲಿ ಕುಳ್ಳಿರಿಸಿ ಭುವನೇಂದ್ರ ಕಾಲೇಜು ಬಳಿಯಿರುವ ಶ್ರೀನಿವಾಸ ವನಕ್ಕೆ ವೇದ ಘೋಷ, ಭಜನೆ, ಮಂತ್ರಗಳ ವೈಭವಗಳ ಜೊತೆ ಹೊರಡುವುದು. ವರ್ಷಕ್ಕೆ ಒಂದು ಬಾರಿ ಈ ಸಂದರ್ಭದಲ್ಲಿ ಶ್ರೀನಿವಾಸ ಮತ್ತು ವೆಂಕಟರಮಣ ಎರಡೂ ದೇವರು ಒಟ್ಟಿಗೆ ಹೊರಡುತ್ತಾರೆ. ವನವನ್ನು ತಲುಪಿದ ನಂತರ ಮಧ್ಯಾಹ್ನ 3 ಗಂಟೆಗೆ ದೇವರಿಗೆ ಅಭಿಷೇಕ ಪ್ರಾರಂಭವಾಗಿ ಸಂಜೆ 5.30ರ ಹೊತ್ತಿಗೆ ಸಮಾಪ್ತಿ ಆಗುವುದು.

ನಂತರ ಸಾವಿರಾರು ಭಕ್ತರಿಗೆ ಮಹಾ ಅನ್ನ ಸಂತರ್ಪಣೆ, ಎಲ್ಲರೂ ನೆಲದ ಮೇಲೆ ಕುಳಿತು ಪ್ರಸಾದ ಭೋಜನ ಸ್ವೀಕಾರ ಮಾಡುವುದು ವಿಶೇಷ ಅನಂತರ ಅಲ್ಲಿಂದ ಹೊರಟ ದೇವರನ್ನು ಮಧ್ಯರಾತ್ರಿಯ ಹೊತ್ತಿಗೆ ಮಣ್ಣಗೋಪುರದಲ್ಲಿ ಕುಳ್ಳಿರಿಸಿ ಭಕ್ತಾದಿಗಳಿಗೆ ದೇವರ ದರ್ಶನದ ಭಾಗ್ಯ ದಾರಿಯುದ್ದಕ್ಕೂ ಹರಕೆಯ ಗುರ್ಜಿ ಅಥವಾ ಕುರಿಂದು (ದೀಪ ರಥಗಳು)ಗಳಲ್ಲಿ ದೇವರು ಪೂಜೆ ಸ್ವೀಕಾರ ಮಾಡುತ್ತಾರೆ. ಇಡೀ ರಾತ್ರಿ ಕಾರ್ಕಳದ ರಥ ಬೀದಿಯಲ್ಲಿ ಸ್ಯಾಕ್ರೋಫೋನ್, ನಾದಸ್ವರ ಮೊದಲಾದ ಸಂಗೀತ ಕಲಾವಿದರಿಂದ ನಾದ ಸೇವೆ ಇರುತ್ತದೆ. ದೇವರು ಪುನಃ ದೇವಸ್ಥಾನಕ್ಕೆ ಬಂದು ಸೇರುವಾಗ ನಸುಕು ಆಗಿರುತ್ತದೆ.

 ಅವಭ್ರತ- ವರ್ಣಮಯ ಓಕುಳಿ :

ಡಿ.3 ರಂದು ಬೆಳಿಗ್ಗೆ ಪೂಜೆ, ಪ್ರಾರ್ಥನೆ ಮತ್ತು ಅಭಿಷೇಕ ನಡೆಯುತ್ತದೆ. ಸಾಯಂಕಾಲ 3:30 ಗಂಟೆಗೆ ಪ್ರಾರ್ಥನೆಯಾಗಿ ಅವಕೃತ ಉತ್ಸವ ದೇವಸ್ಥಾನದಿಂದ ಹೊರಟು ರಾಮಸಮುದ್ರದವರೆಗೆ ಹೊರಡಲಿದೆ. ಈ ಸಂದರ್ಭ ಅಲ್ಲಲ್ಲಿ ಮನೆಗಳ ಮುಂದೆ ಓಕುಳಿಯನ್ನು ( ಬಣ್ಣದ ನೀರು) ಸಿದ್ಧಗೊಳಿಸಿ ಇಟ್ಟಿರುತ್ತಾರೆ. ಜನರು ಅದನ್ನು ಮಿಂದು ಮುಂದೆ ತೆರಳುವರು. ದೇವರ ಮೂರ್ತಿಯನ್ನು ತಲೆಯ ಮೇಲೆ ಹೊತ್ತು ಅರ್ಚಕರು ರಾಮಸಮುದ್ರದ ನೀರಿನಲ್ಲಿ ಮುಳುಗಿ ದೇವರಿಗೆ ಜಳಕ ಮಾಡಿಸುತ್ತಾರೆ. ನಂತರದಲ್ಲಿ ಮರಳಿ ಹೊರಟ ಉತ್ಸವವು ಅನಂತಶಯನದ ಪದ್ಮಾವತಿ ದೇವಸ್ಥಾನದಲ್ಲಿ ನಿಂತು ಅಲ್ಲಿ ಪೂಜೆ ನಡೆಯುತ್ತದೆ.

ಪ್ರಸಾದ ವಿತರಣೆಯ ಬಳಿಕ ಉತ್ಸವವು ಮತ್ತೆ ಹೊರಟು ದಾರಿಯುದ್ದಕ್ಕೂ ಭಕ್ತರಿಂದ ಹಣ್ಣುಕಾಯಿ, ಆರತಿಗಳನ್ನು ಸ್ವೀಕರಿಸುತ್ತಾ ರಾತ್ರಿ 9 ಗಂಟೆಯ ಹೊತ್ತಿಗೆ ದೇವಸ್ಥಾನಕ್ಕೆ ಬರುತ್ತದೆ. ಈ ಉತ್ಸವದ ಉದ್ದಕ್ಕೂ ಭಜನೆ, ವೇದ ಘೋಷ, ಮಂಗಳವಾದ್ಯ ಎಲ್ಲವೂ ಸೇರಿ ಇಡೀ ಕಾರ್ಕಳವು ಭೂವೈಕುಂಠ ಆಗುತ್ತದೆ. ಅನಂತರ ದೇವಸ್ಥಾನದಲ್ಲಿ ಭಕ್ತಾದಿಗಳಿಂದ ಉರುಳು ಸೇವೆ ನಡೆಯುತ್ತದೆ.ಮರು ದೀಪ ರಾತ್ರಿ 2 ಗಂಟೆಗೆ ಮರುದೀಪ ರಥೋತ್ಸವ ನಡೆಯುತ್ತದೆ. ರಥದಲ್ಲಿ ವೆಂಕಟರಮಣ ದೇವರು ಮಣ್ಣಗೋಪುರದವರೆಗೆ ತೆರಳಿ ಪೂಜೆ ಪಡೆದು ಹಿಂತಿರುಗುತ್ತಾರೆ. ಈ ಸಂದರ್ಭ ಪ್ರತಿ ಗುರ್ಜಿಯ ಬಳಿ ಸುಮಾರು 5 ನಿಮಿಷಗಳ ಕಾಲ ರಥ ನಿಂತು ಮತ್ತೆ ಮುಂದಕ್ಕೆ ಹೋಗುತ್ತದೆ.

ಲಕ್ಷ ದೀಪೋತ್ಸವಕ್ಕೆ ಭಾರೀ ತಯಾರಿ :

ಲಕ್ಷದೀಪೋತ್ಸವದ ತಯಾರಿಯಾಗಿ ರಥಬೀದಿಯಲ್ಲಿ ಈಗಾಗಲೇ ಗುರ್ಜಿಗಳ ನಿರ್ಮಾಣವಾಗಿದೆ. ರಸ್ತೆ ಬದಿಯಲ್ಲಂತೂ ವಿವಿಧೆಡೆಯಿಂದ ಬಂದ ಬೀದಿ ವ್ಯಾಪಾರಿಗಳು ಅಂಗಡಿ ಹಾಕಿಕೊಂಡಿದ್ದಾರೆ. ಖರೀದಿ ಈಗಾಗಲೇ ಆರಂಭ ಆಗಿದೆ. ವಿವಿಧ ಸಂಗೀತ ಕಲಾವಿದರು ದೇವಲಾಯದಲ್ಲಿ ಸಂಗೀತ ಸೇವೆ ಆರಂಭ ಮಾಡಿದ್ದಾರೆ.ವಾಹನ ಸಂಚಾರಕ್ಕೆ ಬದಲಿ ವ್ಯವಸ್ಥೆ
ಡಿ.1 ರಿಂದ ಡಿ. 3ರವರೆಗೆ ಮೂರುಮಾರ್ಗದಿಂದ ಸ್ಟೇಟ್ ಬ್ಯಾಂಕ್ ಜಂಕ್ಷನ್‌ವರೆಗೆ ರಥಬೀದಿಯಲ್ಲಿ ವಾಹನ ಸಂಚಾರಕ್ಕೆ ಬದಲಿ ವ್ಯವಸ್ಥೆ ಮಾಡಿ ಜಿಲ್ಲಾಧಿಕಾರಿಯವರು ಆದೇಶ ಹೊರಡಿಸಿದ್ದಾರೆ. ಅದರಂತೆ ಡಿ.1 ರಂದು ರಾತ್ರಿ 8 ಗಂಟೆಯಿಂದ ಮಧ್ಯರಾತ್ರಿ 12 ಗಂಟೆಯವರೆಗೆ ಘನ ವಾಹನಗಳು ಬಂಗ್ಲೆಗುಡ್ಡೆಯಿಂದ ಪುಕ್ಕೇರಿ ಮಾರ್ಗವಾಗಿ ಸಂಚರಿಸಬೇಕು. ಕಾರ್ಕಳದಿಂದ ಜೋಡುರಸ್ತೆ ಸಾಗುವ ವಾಹನಗಳು ಮಾರ್ಕೆಟ್ ರೋಡ್, ಕಲ್ಲೊಟ್ಟೆ, ತಾಲೂಕು ಜಂಕ್ಷನ್ ಆಗಿ ಸಂಚರಿಸಬೇಕು.

ಲಘು ವಾಹನಗಳು ಸ್ಟೇಟ್ ಬ್ಯಾಂಕ್ ಜಂಕ್ಷನ್‌ನಿಂದ ಗಾಂಧಿ ಮೈದಾನವಾಗಿ ಕಾಮಧೇನು ಹೋಟೆಲ್ ಜಂಕ್ಷನ್ ಮಾರ್ಗವಾಗಿ ಸಾಗಬೇಕು. ಡಿ. 2 ರಂದು ಬೆಳಗ್ಗೆ 10 ಗಂಟೆಯಿಂದ ಮರುದಿನ ಬೆಳಗ್ಗೆ 6 ಗಂಟೆಯವರೆಗೆ ಹಾಗೂ ಡಿ. 3 ರಂದು ಸಂಜೆ 4 ಗಂಟೆಯಿಂದ ಮರುದಿನ ಮುಂಜಾನೆ 4 ಗಂಟೆಯವರೆಗೆ ಘನ ವಾಹನಗಳು ಬಂಗ್ಲೆಗುಡ್ಡೆಯಿಂದ ಹಿರಿಯಂಗಡಿ, ಪುಕ್ಕೇರಿ ಮಾರ್ಗವಾಗಿ, ಜೋಡುರಸ್ತೆಯಿಂದ ಕಾರ್ಕಳ ಸಾಗುವ ವಾಹನಗಳು ತಾಲೂಕು ಜಂಕ್ಷನ್, ಕಲ್ಲೊಟ್ಟೆ ಮಾರ್ಕೆಟ್ ಮಾರ್ಗವಾಗಿ ಬಸ್ ನಿಲ್ದಾಣ ಪ್ರವೇಶಿಸಬೇಕು. ಲಘು ವಾಹನಗಳು ಸ್ಟೇಟ್ ಬ್ಯಾಂಕ್ ಜಂಕ್ಷನ್‌ನಿಂದ ಗಾಂಧಿ ಮೈದಾನವಾಗಿ ಕಾಮಧೇನು ಹೋಟೆಲ್ ಜಂಕ್ಷನ್ ಮಾರ್ಗವಾಗಿ ಸಾಗಬೇಕು.

Categories
ತೀರ್ಥಹಳ್ಳಿ

ತೀರ್ಥಹಳ್ಳಿ ಮುಖ್ಯ ರಸ್ತೆಯಲ್ಲಿ ಮಣ್ಣು-ಮಣ್ಣು!

ತೀರ್ಥಹಳ್ಳಿ ಮುಖ್ಯ ರಸ್ತೆಯಲ್ಲಿ ಮಣ್ಣು-ಮಣ್ಣು!
– ಮಣ್ಣಿನಿಂದ ಅನೇಕರಿಗೆ ತೊಂದರೆ: ವಾಹನ ಅಪಘಾತ ಸಾಧ್ಯತೆ
– ಧೂಳಿನಿಂದ ಜನರ ಅರೋಗ್ಯಕ್ಕೆ ಸಮಸ್ಯೆ!

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ಪಟ್ಟಣದ ಕೊಪ್ಪ ಸರ್ಕಲ್ ನಿಂದ ಆಗುಂಬೆ ಸ್ಟ್ಯಾಂಡ್ ವರೆಗೆ ಮುಖ್ಯರಸ್ತೆಯಲ್ಲಿ ಮಣ್ಣು ಬಿದ್ದಿದ್ದು ಈ ಧೂಳು ಇದೀಗ ಅನೇಕರಿಗೆ ಸಮಸ್ಯೆ ಉಂಟಾಗಿದೆ. ನೂತನವಾಗಿ ನಿರ್ಮಾಣವಾಗುತ್ತಿರುವ ತಾಲೂಕು ಪಂಚಾಯತ್ ಕಟ್ಟಡದಿಂದ ಮಣ್ಣು ಹೊಡೆಯಲಾಗಿದ್ದು, ಲಾರಿ, ಟ್ಯಾಕ್ಟರಿಗಳಲ್ಲಿ ಮಣ್ಣನ್ನು ಹೊಡೆಯಲಾಗಿದೆ. ಆದರೆ ರಸ್ತೆಯ ಮೇಲೆ ಮಣ್ಣು ಅರ್ಧ ಅಡಿಯಷ್ಟು ಬಿದ್ದಿರುವುದರಿಂದ ಮಣ್ಣು ವಾಹನ ಹೋದ ತಕ್ಷಣ ಎಲ್ಲೆಡೆ ಹಾರುತ್ತಿದೆ. ಇನ್ನೊಂದೆಡೆ ಈ ಮಣ್ಣು ವಾಹನಗಳು ಬಂದ ಸಂದರ್ಭದಲ್ಲಿ ಹೊರಗಡೆ ಹಾರುವದರಿಂದ ಅನೇಕರಿಗೆ ಈ ಭಾಗದಲ್ಲಿ ಆರೋಗ್ಯ ಸಮಸ್ಯೆಗಳಾಗುತ್ತಿದೆ. ಹೀಗಾಗಿ ತಕ್ಷಣ ಈ ಧೂಳಿನ ಸಮಸ್ಯೆಯನ್ನು ಬಗೆಹರಿಸಬೇಕು. ಜೊತೆಗೆ ಲಾರಿಗಳು ಹಾಗೂ ಟ್ಯಾಕ್ಟರಿಗಳಲ್ಲಿ ಮಣ್ಣು ಹೊಡೆಯುವಾಗ ಎಚ್ಚರ ವಹಿಸಬೇಕು ಎಂಬ ಆಗ್ರಹ ಸ್ಥಳೀಯರಿಂದ ವ್ಯಕ್ತವಾಗಿದೆ.

ನೀರು ಹೊಡೆದು ಮಣ್ಣು ಹಾರದಂತೆ ಕ್ರಮ ವಹಿಸಬೇಕು ಎಂದು ಸ್ಥಳೀಯ ವರ್ತಕರು ಸಂಬಂಧಪಟ್ಟವರಿಗೆ ಮನವಿ ಮಾಡಿದ್ದಾರೆ. ಪಟ್ಟಣದಲ್ಲಿ ಈಗಾಗಲೇ ಅನೇಕ ಅವ್ಯವಸ್ಥೆಗಳಿದ್ದು ಈ ಅವ್ಯವಸ್ಥೆ ಒಂದು ಸೇರ್ಪಡೆಯಾಗಿದೆ. ಹೀಗಾಗಿ ಸ್ಥಳೀಯ ಜನತೆ, ಆಟೋ ಚಾಲಕರು, ಅಂಗಡಿ ಮುಗ್ಗಟ್ಟುಗಳ ಮಾಲೀಕರು, ಹಾಗೂ ಪ್ರಯಾಣಿಕರು ಈ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

Categories
ತೀರ್ಥಹಳ್ಳಿ

ಜನವರಿಯಲ್ಲಿ ಎಳ್ಳಮಾವಾಸ್ಯೆ ಜಾತ್ರೆ!

ಜನವರಿಯಲ್ಲಿ ಎಳ್ಳಮಾವಾಸ್ಯೆ ಜಾತ್ರೆ!
– ತೀರ್ಥಹಳ್ಳಿಯಲ್ಲಿ ಎಳ್ಳಮಾವಾಸ್ಯೆ ಜಾತ್ರೆಗೆ ಸಿದ್ಧತೆ
– ಜನವರಿ 11,12,13 ರಂದು ಜಾತ್ರಾ ಮಹೋತ್ಸವ
– ಜ.15ರಂದು ಸಂಕ್ರಾಂತಿ ರಥೋತ್ಸವ

NAMMUR EXPRESS NEWS
ತೀರ್ಥಹಳ್ಳಿ: ಪುರಾಣ ಪ್ರಸಿದ್ಧ ತೀರ್ಥಹಳ್ಳಿ ಶ್ರೀರಾಮೇಶ್ವರ ದೇವರ ಎಳ್ಳಮಾವಾಸ್ಯೆ ಜಾತ್ರೆ ಜನವರಿ 11,12,13 ರಂದು ಜರುಗಲಿದೆ. 11ಕ್ಕೆ ಸ್ನಾನ, 12ರಂದು ರಥೋತ್ಸವ, 13 ರಂದು ತೆಪ್ಪೋತ್ಸವ ನಡೆಯಲಿದೆ. ಜನವರಿ 15ರಂದು ಮಕರ ಸಂಕ್ರಾಂತಿ ದಿನವಾಗಿರುತ್ತದೆ. ಪ್ರತಿ ವರ್ಷ ಡಿಸೆಂಬರ್ ಅಂತ್ಯದಲ್ಲಿ ಅಥವಾ ಜನವರಿ ಮೊದಲನೇ ವಾರದಲ್ಲಿ ಜಾತ್ರೆ ಬರುತ್ತಿತ್ತು. ಈ ಬಾರಿ ಪಂಚಾಂಗದ ಪ್ರಕಾರ ಎರಡನೇ ವಾರದಲ್ಲಿ ಜಾತ್ರೆ ಜರುಗಲಿದೆ.

ಯಾವತ್ತು ಏನೇನು

ಜ.11ಕ್ಕೆ ತೀರ್ಥ ಸ್ನಾನ
ಜ.12ರಂದು ರಥೋತ್ಸವ
ಜ.13 ರಂದು ತೆಪ್ಪೋತ್ಸವ

Categories
ಆರೋಗ್ಯ ಮಂಗಳೂರು

ಕರಾವಳಿಯಲ್ಲಿ ಹೆಚ್ಚಿದ ವೈರಲ್ ಜ್ವರ..!

ಕರಾವಳಿಯಲ್ಲಿ ಹೆಚ್ಚಿದ ವೈರಲ್ ಜ್ವರ..!
– ಮುನ್ನೆಚ್ಚರಿಕೆ ನೀಡಿದ ಆರೋಗ್ಯ ಇಲಾಖೆ
– ಮಳೆ, ಹವಾಮಾನ ಬದಲಾವಣೆ ಹಿನ್ನೆಲೆ

NAMMUR EXPRESS NEWS
ಮಂಗಳೂರು: ಬದಲಾದ ವಾತಾವರಣ ಹಾಗೂ ಹವಾಮಾನ ವೈಪರೀತ್ಯದಿಂದ ಮಂಗಳೂರಿನ ನಗರ ಮತ್ತು ಗ್ರಾಮಾಂತರ ಪ್ರದೇಶಗಳಲ್ಲಿ ವೈರಲ್ ಜ್ವರ ಹೆಚ್ಚಿದೆ. ಇದರಿಂದ ವೈರಲ್ ಜ್ವರದ ಪ್ರಮಾಣ ನಿಯಂತ್ರಿಸಲು ಕ್ರಮ ಕೈಗೊಳ್ಳಲು ಆರೋಗ್ಯ ಇಲಾಖೆ ನಿರ್ಧರಿಸಿದೆ. ಕಳೆದ ಕೆಲವು ದಿನಗಳಿಂದ ಹವಾಮಾನದಲ್ಲಿ ಆಗುತ್ತಿರುವ ಬದಲಾವಣೆಗಳೂ ವೈರಲ್ ಜ್ವರ ಪ್ರಕರಣಗಳ ಹೆಚ್ಚಳಕ್ಕೆ ಕಾರಣವೆಂದು ಗುರುತಿಸಲಾಗಿದ್ದು, ಇದು ನಗರದ ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಮತ್ತು ಚಿಕಿತ್ಸಾಲಯಗಳಿಗೆ ಭೇಟಿ ನೀಡುವ ರೋಗಿಗಳ ಸಂಖ್ಯೆಯಲ್ಲಿ ಹೆಚ್ಚಳಕ್ಕೆ ಕಾರಣವಾಗಿದೆ.

ಸಾಮಾನ್ಯ ಜನರಲ್ಲಿ ಶೀತ, ಜ್ವರ, ತಲೆನೋವು, ಕೀಲು ನೋವಿನಂತಹ ರೋಗಲಕ್ಷಣಗಳು ಕಂಡುಬರುತ್ತಿವೆ. ಅಂತಹ ರೋಗಿಗಳನ್ನು ನಿಭಾಯಿಸಲು ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಸಿದ್ಧವಾಗಿರಬೇಕು ಎಂದು ಆರೋಗ್ಯ ಇಲಾಖೆ ಸೂಚಿಸಿದೆ.
ಉದ್ಯೋಗ ಮತ್ತು ಶಿಕ್ಷಣ ಸೇರಿದಂತೆ ವಿವಿಧ ಉದ್ದೇಶಗಳಿಗಾಗಿ ನಗರಕ್ಕೆ ಬರುವ ಜನರ ಸಂಖ್ಯೆ ಹೆಚ್ಚುತ್ತಿದ್ದು, ಅವರಲ್ಲಿ ಕೆಲವರು ಈಗಾಗಲೇ ಅನಾರೋಗ್ಯದ ಲಕ್ಷಣಗಳು ಕಂಡುಬರುತ್ತಿವೆ. ಡೆಂಗ್ಯೂ ಅಂಕಿಅಂಶದ ಪ್ರಕಾರ, ಜಿಲ್ಲೆಯಲ್ಲಿ 60% ಪ್ರಕರಣಗಳು ಮಂಗಳೂರು ನಗರ ಭಾಗದಲ್ಲೇ ವರದಿಯಾಗಿವೆ ಎನ್ನಲಾಗಿದೆ. ಕೆಮ್ಮು, ಶೀತ, ತಲೆನೋವು ಸೇರಿದಂತೆ ವೈರಲ್‌ ಜ್ವರದ ಲಕ್ಷಣಗಳಾಗಿದ್ದು, ಈ ಜ್ವರದಿಂದ ರಕ್ಷಿಸಿಕೊಳ್ಳಲು ಸೋಪಿನಿಂದ ಕೈಗಳನ್ನು ನಿರಂತರವಾಗಿ ತೊಳೆಯುವುದು, ಜನಜಂಗುಳಿಯ ನಡುವೆ ಇರುವಾಗ ಮಾಸ್ಕ್ ಧರಿಸುವುದು, ದೇಹ ಶುಷ್ಕವಾಗಲು ಆಸ್ಪದ ನೀಡದಂತೆ ಸಾಕಷ್ಟು ನೀರು ಕುಡಿಯುವುದು ಅಗತ್ಯವಾಗಿದೆ.

Categories
ಕೃಷಿ ತೀರ್ಥಹಳ್ಳಿ

ಎಲೆ ಚುಕ್ಕಿ ರೋಗಕ್ಕೆ ಶಾಶ್ವತ ಪರಿಹಾರ

ಎಲೆ ಚುಕ್ಕಿ ರೋಗಕ್ಕೆ ಶಾಶ್ವತ ಪರಿಹಾರ
– ತೀರ್ಥಹಳ್ಳಿಯಲ್ಲಿ ಸಚಿವ ಮಧು ಬಂಗಾರಪ್ಪ ಭರವಸೆ
– ತಾಲೂಕಿನ ಹಲವು ಸಮಸ್ಯೆಗಳ ಚರ್ಚೆ

NAMMUR EXPRESS NEWS
ತೀರ್ಥಹಳ್ಳಿ: ಮಲೆನಾಡಿನಲ್ಲಿ ಎಲೆಚುಕ್ಕೆ ರೋಗ ಬಂದಿದ್ದರಿಂದ ರೈತರಿಗೆ ಸಮಸ್ಯೆ ಆಗಿದೆ. ಅಡಿಕೆ ಬೆಳೆಗೆ ತಗುಲಿರುವ ಎಲೆಚುಕ್ಕಿ ರೋಗಕ್ಕೆ ವಿಜ್ಞಾನಿಗಳನ್ನು ಕಳುಹಿಸಿ ಸಂಶೋಧನೆ ಮಾಡಿಸಲಾಗುವುದು ಎಂದು ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಹೇಳಿದ್ದಾರೆ. ತೀರ್ಥಹಳ್ಳಿ ತಾಲೂಕುಗಳ ಬರಗಾಲ ಮತ್ತು ಕುಡಿಯುವ ನೀರಿನ ಸಮಸ್ಯೆಗೆ ಕುರಿತು ಅಧಿಕಾರಿಗಳ ಸಭೆ ನಡೆಸಿ ಮಾತನಾಡಿದ ಅವರು, ಈಗಾಗಲೇ ತೀರ್ಥಹಳ್ಳಿಯ 5 ಗ್ರಾಮಗಳಲ್ಲಿ ಫ್ಲೋರೇಡ್ ಮತ್ತು ಹೊಸನಗರದಲ್ಲಿ ಫ್ಲೋರೈಡ್ ಅಂಶ ಇದೆ ಎಂದು ತಿಳಿದು ಬಂದಿರುವುದರಿಂದ ಪ್ರತಿಯೊಂದು ಗ್ರಾಮಗಳಲ್ಲಿ ಪರೀಕ್ಷೆ ನಡೆಸಿ ಎಂದು ತಿಳಿಸಿದರು.
ಅರಣ್ಯ ಇಲಾಖೆಗೆ ಸಂಬಂಧಪಟ್ಟ ಜಾಗದಲ್ಲಿ ನೀರಿನ ಟ್ಯಾಂಕ್ ಹಾಕಲು ಬಿಡುವುದಿಲ್ಲ ಎನ್ನುತ್ತಾರೆ ಅರಣ್ಯ ಅಧಿಕಾರಿಗಳು ಎಂದಾಗ ನನ್ನ ಪ್ರಕಾರ ಎಲ್ಲದಕ್ಕೂ ಪರ್ಮಿಷನ್ ತಗೊಂಡೆ ಮಾಡಲಾಗುವುದಿಲ್ಲ ಕೆಲವು ಮಾನವೀಯತೆ ದೃಷ್ಟಿಯಿಂದ ಕೆಲಸ ಮಾಡಬೇಕಾಗುತ್ತದೆ ಎಂದರು.

ಸಭೆಯಲ್ಲಿ ವಿವಾದಿತ ಕುಡಿಯುವ ನೀರು ಯೋಜನೆ ಪ್ರಸ್ತಾಪ!

ಜೆಜೆಎಮ್ ವಿಷಯದಲ್ಲಿ ಸ್ವಲ್ಪ ಬೇಜವಾಬ್ದಾರಿತನ ಕಾಣಿಸುತ್ತಿದೆ. ಜೆಜೆಎಂ ಸಮಸ್ಯೆ ನನಗೆ ಗೊತ್ತಿದೆ ಸಂಬಂಧಪಟ್ಟ ಅಧಿಕಾರಿಗಳು ರಿಪೋರ್ಟ್ ಕಳುಹಿಸಿಕೊಡಿ ಎಂದರು. ಬಹುಗ್ರಾಮ ಕುಡಿಯುವ ನೀರಿನ ಯೋಜನೆ ಮಾಡದಿದ್ದರೆ ತೊಂದರೆ ಆಗುತ್ತದೆ. ಬಹುಗ್ರಾಮ ಕುಡಿಯುವ ನೀರು ಯೋಜನೆ ಕಾಮಗಾರಿ ಬರುವ ಮಾರ್ಚ್ ನಲ್ಲಿ ಕೆಲಸ ಶುರುಮಾಡದೇ ಹೋದರೆ ಈ ಸ್ಟೀಮ್ ಕ್ಯಾನ್ಸಲ್ ಆಗುವ ಸಾಧ್ಯತೆ ಇದೆ. ಕುಡಿಯುವ ನೀರಿಗೆ ಪರಿಹಾರ ಕಂಡುಕೊಳ್ಳಬೇಕಿದೆ. ಎಲೆ ಚುಕ್ಕಿ ರೋಗಕ್ಕೆ ಪರಿಹಾರ ಕೂಡ ನೀಡಬೇಕು ಎಂದು ಮನವಿ ಮಾಡಿದರು. ಹೊಸನಗರದ ರಾಮಚಂದ್ರಪುರದಲ್ಲಿ ಸರ್ಕಾರ ವತಿಯಿಂದ ಗೋಶಾಲೆ ನಿರ್ಮಾಣವಾಗಿದೆ ಅದರ ನಿರ್ವಹಣೆಗೆ ಸುಮಾರು 60 ಲಕ್ಷ ರೂಪಾಯಿ ಬೇಕೆಂದು ಪಶು ಸಂಗೋಪನ ಇಲಾಖೆಯ ಅಧಿಕಾರಿಗಳು ಅಧಿಕಾರಿಗಳು ಉಸ್ತುವಾರಿ ಮಂತ್ರಿಗಳಿಗೆ ತಿಳಿಸಿದರು. ಇದಕ್ಕೆ ಆದಷ್ಟು ಬೇಗ ಹಣ ಬಿಡುಗಡೆ ಮಾಡಿಸುವುದಾಗಿ ಸಚಿವರು ತಿಳಿಸಿದರು.

ಕಾಟಾಚಾರಕ್ಕೆ ಕನಕ ದಾಸ ಜಯಂತಿ!

ಪಟ್ಟಣ ಪಂಚಾಯತಿ ಸದಸ್ಯರಾದ ಗಣಪತಿಯವರು ಗುರುವಾರ ದಿವಸ ಕನಕದಾಸ ಜಯಂತಿಯನ್ನು ತಾಲೂಕು ಆಡಳಿತದ ವತಿಯಿಂದ ಕಾಟಾಚಾರಕ್ಕೆ ಮಾಡಿದ್ದಾರೆ ಎಂದು ಮಂತ್ರಿಗಳ ಮುಂದೆ ತಿಳಿಸಿದಾಗ ಇಲ್ಲಿ ಜಾತಿಯಾಧರಿತ ಆಚರಣೆಗಿಂತ ಎಲ್ಲರೂ ಒಟ್ಟು ಸೇರಿ ಮಹಾತ್ಮರ ಜಯಂತಿಯನ್ನು ಮಾಡಬೇಕಿದೆ. ನಾನು ಈ ಹಿಂದೆ ಮುಖ್ಯಮಂತ್ರಿಗಳಿಗೆ ಯಾವುದೇ ಜಯಂತಿಗಳಿಗೆ ದಯಮಾಡಿ ರಜೆಯನ್ನು ಕೊಡಬೇಡಿ. ಹೇಳಿದ್ದೆ. ಇನ್ನು ಮುಂದೆಯಾದರೂ ಎಲ್ಲರನ್ನು ಒಗ್ಗೂಡಿಸಿ ಆಚರಣೆ ಮಾಡಿ ಎಂದು ತಿಳಿಸಿದರು.

ತೀರ್ಥಹಳ್ಳಿಯಲ್ಲಿ ಅದ್ದೂರಿ ಸ್ವಾಗತ..!

ತೀರ್ಥಹಳ್ಳಿ ತಾಲ್ಲೂಕಿನ ಬರಗಾಲ ಮತ್ತು ಪ್ರಗತೀಪರಿಶೀಲನಾ ಸಭೆಗೆ ಆಗಮಿಸಿದ ಸಚಿವ ಮಧು ಬಂಗಾರಪ್ಪ ಅವರನ್ನು ಪಟ್ಟಣ ಪಂಚಾಯತ್ ಸ್ಥಾಯಿ ಸಮಿತಿಯ ಅಧ್ಯಕ್ಷರು ದತ್ತಣ್ಣ ಅವರು ಹಾರ ಹಾಕಿ ಸ್ವಾಗತಿಸಿದರು. ಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾದ ಡಾ.ಆರ್ ಎಂ ಮಂಜುನಾಥ ಗೌಡ, ಕಾಂಗ್ರೆಸ್ ಪ್ರಚಾರ ಸಮಿತಿಯ ಅಧ್ಯಕ್ಷ ವಿಶ್ವನಾಥ ಶೆಟ್ಟಿ, ಡಾ.ಸುಂದರೇಶ್, ಕುರುವಳ್ಳಿ ನಾಗರಾಜ್, ಶ್ರೀಕಾಂತ್ ಬೆಟ್ಟಮಕ್ಕಿ ಇತರರು ಇದ್ದರು.

Categories
ತೀರ್ಥಹಳ್ಳಿ

ತೀರ್ಥಹಳ್ಳಿಯಲ್ಲಿ ದನಗಳ್ಳರ ಹೊಸ ಪ್ಲಾನ್!

ತೀರ್ಥಹಳ್ಳಿಯಲ್ಲಿ ದನಗಳ್ಳರ ಹೊಸ ಪ್ಲಾನ್!
– ನಿರ್ಜನ ರಸ್ತೆಗಳಲ್ಲಿ ಹುಲ್ಲು ಹಾಕಿ ಗೋ ಕಳ್ಳತನ?
– ಗೋ ಶಾಲೆ ಇಲ್ಲದಕ್ಕೆ ಹೆಚ್ಚಿದ ಗೋ ಕಳ್ಳತನ

NAMMUR EXPRESS NEWS
ತೀರ್ಥಹಳ್ಳಿ: ಪೋಲೀಸರು, ಹಿಂದೂ ಸಂಘಟನೆಗಳು, ಗೋ ಪ್ರೇಮಿಗಳು ಅದೆಷ್ಟೇ ಪ್ರಯತ್ನ ಪಟ್ಟರೂ ದನಗಳ್ಳರ ಹಾವಳಿ ಕಡಿಮೆಯಾಗಿಲ್ಲ. ರಾತ್ರಿ ವೇಳೆ ರಸ್ತೆಯ ಮೇಲೆ ಮಲಗುವ ಬೀಡಾಡಿ ದನಗಳನ್ನು ಕ್ರೂರ ರೀತಿಯಲ್ಲಿ ಗೋಣು ಮುರಿದು ಕಾರು-ವ್ಯಾನುಗಳಿಗೆ ತುಂಬಿ ಸಾಗಿರುವ ಖದೀಮರು ಪೊಲೀಸ್ ಜೆಕ್ ಪೋಸ್ಟ್‌ಗಳನ್ನು, ಅರಣ್ಯ ಇಲಾಖೆ ಚೆಕ್ ಪೋಸ್ಟ್‌ಗಳನ್ನು ಸಲೀಸಾಗಿ ದಾಟಿ ಹೋಗುತ್ತಾರೆ. ಈಗ ಹೊಸದಾಗಿ ದನಗಳನ್ನು ಕದಿಯಲು ಟೆಕ್ನಿಕ್ ಒಂದನ್ನು ಅನುಸರಿಸುತ್ತಿದ್ದಾರೆ. ಜನವಸತಿ ಇರದ ರಸ್ತೆಗಳನ್ನು ಗುರುತಿಸಿ ಅಲ್ಲಿ ರಸ್ತೆಯುದ್ದಕ್ಕೂ ಹುಲ್ಲಿನ ಪಿಂಡಿಗಳನ್ನು ಎಸೆದು ಹೋಗುತ್ತಾರೆ.
ಒಂದೆರಡು ದಿನವಲ್ಲ, ವಾರಗಟ್ಟಲೆ ಹೀಗೆ ಹುಲ್ಲುಹಾಕಿ ಹೋಗುತ್ತಾರೆ, ಬೀಡಾಡಿ ದನಗಳು ಹುಲ್ಲನಾಸೆಗೆ ಅಲ್ಲೇ ಠಿಕಾಣಿ ಹೂಡುತ್ತವೆ. ರಾತ್ರಿ ಅಲ್ಲೇ ಹಿಂಡು ಹಿಂಡಾಗಿ ಮಲಗುತ್ತವೆ. ದನಗಳ್ಳರು ಸಲೀಸಾಗಿ ಬಂದು ದನ ತುಂಬಿ ಕೊಂಡು ಹೋಗುತ್ತಾರೆ. ಇತ್ತೀಚಿಗೆ ಇಂತಹ ಘಟನೆಗಳು ಹಲವೆಡೆ ವರದಿಯಾಗಿವೆ.

ತೀರ್ಥಹಳ್ಳಿಯ ಚರ್ಚ್ ಓಣಿ ರಸ್ತೆ, ಟಿಎಪಿಸಿಎಂಎಸ್ ರಸ್ತೆ, ಪಟ್ಟಣ ಪಂಚಾಯ್ತಿ ಮೈದಾನ, ಛತ್ರಕೆರೆ ರಸ್ತೆ, ಬಾಳೇಬೈಲು ಪಾರ್ಕ್ ರಸ್ತೆ ಹೀಗೆ ರಾತ್ರಿ ವೇಳೆ ಜನ ಸಂಚಾರ ಇರದ, ಜನವಸತಿಯೂ ಇರದ ಜಾಗಗಳನ್ನು ಗುರುತಿಸಿ ದನ ಕಳ್ಳರು ಹುಲ್ಲಿನ ಪಿಂಡಿಗಳನ್ನು ಇಟ್ಟು ಹೋಗುತ್ತಿದ್ದಾರೆ. ಬಳಿಕ ದನಗಳನ್ನು ಕದಿಯಲಾಗುತ್ತಿದೆ ಎಂದು ಸ್ಥಳೀಯರೊಬ್ಬರು ಮಾಹಿತಿ ನೀಡಿದ್ದಾರೆ.

ಗೋ ಶಾಲೆ ಇಲ್ಲದಕ್ಕೆ ಹೆಚ್ಚಿದ ಗೋ ಕಳ್ಳತನ

ತೀರ್ಥಹಳ್ಳಿ ತಾಲೂಕಲ್ಲಿ ಗೋ ಶಾಲೆ ಇಲ್ಲದ ಕಾರಣ ಹೋರಿಗಳನ್ನು ಬೀದಿಗೆ ತಂದು ಬಿಡಲಾಗುತ್ತಿದೆ. ಇನ್ನು ಹಾಲು ಕೊಡದ, ವಯಸ್ಸಾದ ದನಗಳ ಪಾಲನೆ ಮಾಡಲು ಆಗುತ್ತಿಲ್ಲ. ಅಚ್ಚರಿ ಎಂದರೆ ಗೋ ಪ್ರೇಮ ರಾಜಕಾರಣಿಗಳ ರಾಜಕಾರಣಕ್ಕೆ ಮಾತ್ರ ಬಳಕೆಯಾಗುತ್ತಿದೆ. ಒಂದು ಗೋ ಶಾಲೆ ತೆರೆಯಲು ಎಲ್ಲಾ ಸರ್ಕಾರಗಳು ವಿಫಲವಾಗಿವೆ.

Categories
ಸಿನಿಮಾ

ಯುವ ಮನಸು ಸೆಳೆದ ಅರ್ದಂಬರ್ಧ ಪ್ರೇಮ ಕಥೆ..!

ಯುವ ಮನಸು ಸೆಳೆದ ಅರ್ದಂಬರ್ಧ ಪ್ರೇಮ ಕಥೆ..!
– ಬಿಗ್ ಬಾಸ್ ಜೋಡಿ ದಿವ್ಯಾ ಉರುಡುಗ, ಅರವಿಂದ್ ಕೆಪಿ ನಟನೆಯ ಸಿನಿಮಾ
– ಲವ್ ಜತೆ ರೊಮ್ಯಾಂಟಿಕ್ ಕಥೆ: ಎಲ್ಲೆಡೆ ಉತ್ತಮ ಸ್ಪಂದನೆ

NAMMUR EXPRESS NEWS
ಬಿಗ್ ಬಾಸ್ ಜೋಡಿ ದಿವ್ಯಾ ಉರುಡುಗ ಹಾಗೂ ಅರವಿಂದ್ ಕೆಪಿ ನಟನೆಯ ಸಿನಿಮಾ ಅರ್ಧ0ಬರ್ಧ ಪ್ರೇಮಕಥೆ ಇದೀಗ ಚಿತ್ರಮಂದಿರಗಳಲ್ಲಿ ಉತ್ತಮ ಸ್ಪಂದನೆ ಸಿಕ್ಕಿದೆ. ದಿವ್ಯ ಉರುಡುಗ, ರಾಪರ್ ಅಲೋಕ್, ಶ್ರೇಯಾ ಬಾಬು, ವೆಂಕಟಶಾಸ್ತ್ರಿ, ಪ್ರದೀಪ್‌ ರೋಷನ್, ಸೂರಜ್ ಹೂಗಾರ್, ಸುಜಿಶ್ ಶೆಟ್ಟಿ, ಅಭಿಲಾಷ್ ದ್ವಾರಕೀಶ್ ಹಾಗೂ ಮುಂತಾದವರು ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಒಂದು ಮುದ್ದಾದ ಹುಡುಗ ಹಾಗೂ ಸುಂದರವಾದ ಹುಡುಗಿಯ ಮನಸ್ಥಿತಿ, ಅವರ ನೋಟ, ಭೇಟಿ, ಸ್ನೇಹ, ಪಯಣ, ಪ್ರೀತಿ, ನೋವು, ನಲಿವು ಹೀಗೆ ಹಲವು ವಿಚಾರಗಳ ಬೆಸುಗೆಯೊಂದಿಗೆ ಪ್ರೀತಿಸುವ ವ್ಯಕ್ತಿ, ವ್ಯಕ್ತಿತ್ವ ಅದರ ಮಹತ್ವದ ರೂಪವನ್ನು ಮಾತುಕತೆ, ತರ್ಲೆಯ, ತುಂಟಾಟದ ಹಾದಿಯಲ್ಲಿ ತೆರೆಯ ಮೇಲೆ ಈ ವಾರ ತಂದಿರುವಂತಹ ಚಿತ್ರ “ಅರ್ದಂಬರ್ಧ ಪ್ರೇಮಕಥೆ”.

ತನ್ನದೇ ಏನೋ ಆಲೋಚನೆಯೊಂದಿಗಿರುವ ನಾಯಕ(ಅರವಿಂದ್. ಕೆ.ಪಿ). ಜೀವನದಲ್ಲಿ ಖುಷ್ ಖುಷಿಯಾಗಿ ಬದುಕಬೇಕೆಂದು ಆಸೆ ಪಡುತ್ತಾ ಆಡ್ ಏಜೆನ್ಸಿಯಲ್ಲಿ ಪ್ರಾಜೆಕ್ಟ್ ವರ್ಕ್ ಕೆಲಸ ಮಾಡುವ ನಾಯಕಿ (ದಿವ್ಯ ಉರುಡುಗ). ಅಚಾನಕ್ಕಾಗಿ ನಾಯಕನನ್ನ ಭೇಟಿಯಾಗುವ ನಾಯಕಿ ತನ್ನ ಕೆಲಸಕ್ಕಾಗಿ ಡ್ರಾಪನ್ನು ಕೇಳುತ್ತಾಳೆ. ಬೈಕಿನ ಮೂಲಕ ನಾಯಕಿ ಹೇಳಿದ ಸ್ಥಳಕ್ಕೆ ಡ್ರಾಪ್ ಮಾಡುವ ನಾಯಕನಿಗೆ ಆಕೆ ಪ್ರೀತಿಸಿದ ಹುಡುಗನಿಂದ ಬ್ರೇಕ್ ಅಪ್ ಆದ ವಿಚಾರ ತಿಳಿಯುತ್ತದೆ. ಮುಂದೆ ಆಕೆಯನ್ನು ಡ್ರಾಪ್ ಮಾಡಲು ಕರೆದುಕೊಂಡು ಹೋಗುವ ಮಾರ್ಗ ಮಧ್ಯ ಇಬ್ಬರಲ್ಲೂ ಸ್ನೇಹ, ವಿಶ್ವಾಸ ಬೆಳೆಯುತ್ತಾ ಕೆಲ ಸಮಯ ಕಾಲ ಕಳೆಯಲು ನಿರ್ಧರಿಸುತ್ತಾರೆ. ಮುಂದೇನಾಗುತ್ತದೆ ಎಂದು ತಿಳಿಯಬೇಕಾದರೆ ಅರ್ದಂಬರ್ಧ ಪ್ರೇಮಕಥೆ ಚಿತ್ರ ನೋಡಬೇಕು..!.

ಚಿತ್ರವನ್ನು ನಿರ್ದೇಶನ ಮಾಡಿರುವ ಅರವಿಂದ್ ಕೌಶಿಕ್ ಯುವ ಮನಸುಗಳ ಭಾವನೆ ತೆರೆ ಮೇಲೆ ತರುವ ಪ್ರಯತ್ನ ಮಾಡಿದ್ದಾರೆ. ಅರ್ಜುನ್ ಜನ್ಯ ಸಂಗೀತದ ಹಾಡು ಗಮನ ಸೆಳೆಯುತ್ತದೆ. ಛಾಯಾಗ್ರಹಕ ಸೂರ್ಯ ಕ್ಯಾಮೆರಾ ಕೈಚಳಕ ಅದ್ಭುತವಾಗಿದೆ. ನಾಯಕನಾಗಿ ಅರವಿಂದ್. ಕೆ.ಪಿ. ತಮ್ಮ ಪ್ರಥಮ ಚಿತ್ರದಲ್ಲಿ ಬಹಳ ಶ್ರಮಪಟ್ಟು ಅಭಿನಯಿಸಿದ್ದು, ಅನುಭವಿ ಕಲಾವಿದನಂತೆ ಪಾತ್ರಕ್ಕೆ ನ್ಯಾಯ ಕೊಡುವುದರಲ್ಲಿ ಯಶಸ್ವಿಯಾಗಿದ್ದಾರೆ. ಒಬ್ಬ ಬೈಕ್ ರೈಡರ್ ಆಗಿದ್ದರು, ನಟನೆಯ ಬಗ್ಗೆ ಇರುವ ಆಸಕ್ತಿ ಕಾಣುತ್ತದೆ. ದಿವ್ಯಾ ಅತ್ಯುತ್ತಮ ನಟನೆ ಮಾಡಿದ್ದಾರೆ.

Categories
ತೀರ್ಥಹಳ್ಳಿ

ಕನ್ನಡದಲ್ಲಿ ಭಾಷಣ ಮಾಡಿದ ಪೋರನಿಗೆ ಶಿಕ್ಷಣ ಸಚಿವರಿಂದ ಸನ್ಮಾನ!

ಕನ್ನಡದಲ್ಲಿ ಭಾಷಣ ಮಾಡಿದ ಪೋರನಿಗೆ ಶಿಕ್ಷಣ ಸಚಿವರಿಂದ ಸನ್ಮಾನ!
– ತೀರ್ಥಹಳ್ಳಿಯ ಅದ್ವಿನ್ ಸಾಧನೆಗೆ ಮೆಚ್ಚುಗೆ
– ಸರ್ಕಾರಿ ಶಾಲೆ ಹುಡುಗನಿಗೆ ಮಧು ಬಂಗಾರಪ್ಪ ಅವರಿಂದ ಸನ್ಮಾನ
– ತೀರ್ಥಹಳ್ಳಿ ಪ್ರಾಥಮಿಕ ಶಿಕ್ಷಕರ ಸಂಘದ ಸೊಸೈಟಿಗೂ ಭೇಟಿ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ಕುವೆಂಪು ಶಾಲೆಯ ಮ‌ೂರನೇ ತರಗತಿಯ ವಿಧ್ಯಾರ್ಥಿ ಅದ್ವಿನ್ ಎಸ್ ಶೆಟ್ಟಿ ಕನ್ನಡ ರಾಜ್ಯೋತ್ಸವದಲ್ಲಿ ಪ್ರಾಸ್ತಾವಿಕ ಭಾಷಣ ಮಾಡಿ ವೈರಲ್ ಆಗಿದ್ದು, ಇದೀಗ ಅವರ ಕನ್ನಡ ಪ್ರೇಮಕ್ಕೆ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರು ಸನ್ಮಾನ ಮಾಡಿ ಗೌರವಿಸಿದ್ದಾರೆ. ತೀರ್ಥಹಳ್ಳಿಯಲ್ಲಿ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಪಾಲ್ಗೊಂಡು ಬಳಿಕ ಶಿಕ್ಷಕರ ಪ್ರಾಥಮಿಕ ಸಂಘದ ಕಚೇರಿಗೆ ಭೇಟಿ ನೀಡಿದ ವೇಳೆ ಸಚಿವರು ಸನ್ಮಾನಿಸಿದರು. ಅಲ್ಲದೆ ಬಾಲಕನ ಭಾಷಾ ಜ್ಞಾನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು. ತೀರ್ಥಹಳ್ಳಿ ಉದ್ಯಮಿ ಸತೀಶ್ ಶೆಟ್ಟಿ, ಕವಿತಾ ಶೆಟ್ಟಿ ಪುತ್ರನಾಗಿರುವ ಅದ್ವಿನ್ ತೀರ್ಥಹಳ್ಳಿಯ ರಾಷ್ಟ್ರಕವಿ ಕುವೆಂಪು ಬಾಲಕರ ಹಿರಿಯ ಪ್ರಾಥಮಿಕ ಶಾಲೆಯ 3ನೇ ತರಗತಿ ವಿದ್ಯಾರ್ಥಿ. ಸೊಗಸಾಗಿ ಕನ್ನಡದ ಬಗ್ಗೆ ನಾಡಿನ ಹಿರಿಮೆಯನ್ನು ಸ್ಪಷ್ಟವಾಗಿ ಮಾತನಾಡುವ ಮೂಲಕ ಕರ್ನಾಟಕದ ಸರ್ಕಾರಿ ಶಾಲೆಯ ವಿಧ್ಯಾರ್ಥಿಗಳು ಯಾರಿಗೂ ಕಮ್ಮಿ ಇಲ್ಲ ಎನ್ನುವ ರೀತಿಯಲ್ಲಿ ಅತನ ಭಾಷಣ ವೈರಲ್ ಆಗಿತ್ತು.

ಪ್ರಾಥಮಿಕ ಶಿಕ್ಷಕರ ಸಂಘಕ್ಕೂ ಭೇಟಿ

ಶಿಕ್ಷಕರ ಪ್ರಾಥಮಿಕ ಶಾಲಾ ಶಿಕ್ಷಕರ ಸೌಹಾರ್ದ ಸಂಘದ ತೀರ್ಥಹಳ್ಳಿ ಕಚೇರಿಗೆ ಭೇಟಿ ನೀಡಿ ಅಲ್ಲಿ ಗೌರವ ಸ್ವೀಕರಿಸಿದರು. ಸಂಘದ ಅಧ್ಯಕ್ಷ ಮಹಾಬಲೇಶ್ವರ ಹೆಗಡೆ, ಸಹಕಾರಿ ನಾಯಕ ಡಾ. ಮಂಜುನಾಥ ಗೌಡ, ಎಲ್ಲಾ ನಿರ್ದೇಶಕರು ಇದ್ದರು.