Categories
ಹಬ್ಬಗಳು

ಗಣಪತಿ ಬಂದ ಗಣೇಶ..!

ಗಣಪತಿ ಬಂದ ಗಣೇಶ..!
– ಎಲ್ಲರೂ ಪೂಜಿಸುವ ಗಣೇಶನಿಗೆ ಜೈ
– ಪ್ರತಿ ಮನೆ ಮನೆಯಲ್ಲೂ ಹಬ್ಬದ ಸಂಭ್ರಮ

NAMMUR EXPRESS NEWS
ಪ್ರಥಮ ಪೂಜಿತ ಅಷ್ಟೇ ಅಲ್ಲದೆ, ಎಲ್ಲರ ಪಾಲಿನ ಪ್ರೀತಿಯ ದೇವರು ಗಣಪತಿ. ಅದರಲ್ಲೂ ಮಕ್ಕಳಿಗೆ ಗಣೇಶ ಎಂದರೆ ಒಂದು ರೀತಿ ಸ್ನೇಹಿತನ ಹಾಗೆ. ತಂದೆ ತಾಯಿಗಳು ತಮ್ಮ ಮಕ್ಕಳ ತುಂಟಾಟದಲ್ಲಿ ಕೃಷ್ಣನನ್ನು ಕಾಣುವಂತೆ, ತಿಂಡಿ ತಿನಿಸುಗಳ ವಿಚಾರಕ್ಕೆ ಬಂದಾಗ ಮಕ್ಕಳಲ್ಲಿ ಗಣೇಶನನ್ನು ಕಾಣುವುದು ಸಹಜ.
ಮೂರ್ತಿಗಳಲ್ಲಿ ಮತ್ತು ಇಂದಿನ ಆಧುನಿಕ ತಂತ್ರಜ್ಞಾನದಲ್ಲಿ ವಿವಿಧ ಬಗೆಯ ಗಣೇಶನನ್ನು ಮತ್ತು ಆತನ ಕಾರ್ಯವೈಖರಿಗಳನ್ನು ನೋಡುವುದೇ ಒಂದು ಸೊಗಸು. ಅಂತಹ ಕಡೆಗಳಲ್ಲಿ ಆತ ದೇವರಾಗುವ ಬದಲು, ನಮ್ಮನಿಮ್ಮೆಲ್ಲರಂತೆ ಒಬ್ಬ ಸಾಮಾನ್ಯ ವ್ಯಕ್ತಿಯಾಗಿ ಕಣ್ಣಿಗೆ ಗೋಚರಿಸುತ್ತಾನೆ. ಅದಕ್ಕಾಗಿಯೇ ಪುಟಾಣಿ ಮಕ್ಕಳಿಗೆ ಮೂಷಿಕವಾಹನನನ್ನು ಕಂಡರೆ ಎಲ್ಲಿಲ್ಲದ ಪ್ರೀತಿ. ಇಂತಹ ಮುದ್ದು ಗಣಪನ ಆಗಮನಕ್ಕಾಗಿ ಎಲ್ಲೆಡೆ ಪೂಜೆಗಿಂತ ಹೆಚ್ಚಾಗಿ, ತಿಂಡಿ ತಿನಿಸುಗಳ ತಯಾರಿ ಭರದಿಂದ ಸಾಗಿದೆ.‌
ಗಣೇಶ ಚತುರ್ಥಿ ಎನ್ನುವುದು ಒಂದರ್ಥದಲ್ಲಿ ಗಣಪತಿಯ ಹುಟ್ಟುಹಬ್ಬವೆಂದೇ ಹೇಳಬಹುದು. ಒಂದೊಂದು ಕಥೆಗಳಲ್ಲಿ ಒಂದೊಂದು ರೀತಿಯಲ್ಲಿ ಗಣೇಶನನ್ನು ಬಿಂಬಿಸಲಾಗಿದೆ. ಯಾಜ್ಞವಲ್ಕ್ಯ ಸ್ಮೃತಿಯ ಪ್ರಕಾರ ಗಣಪತಿಯ ತಾಯಿ ಅಂಬಿಕೆ. ಇನ್ನೊಂದು ಕಥೆಯ ಪ್ರಕಾರ ಪಾರ್ವತಿಯ ಮೈಯಿಂದ ಜನಿಸಿದವನು ಈ ಗಣೇಶ. ಮತ್ತೊಂದು ಕಥೆಯಲ್ಲಿ ಗಣಪತಿಯು ಸ್ವರ್ಣಗೌರಿಯ ಮಾನಸ ಪುತ್ರ ಎನಿಸಿಕೊಂಡಿದ್ದಾನೆ. ಇನ್ನು ಜನಪದರ ಪ್ರಕಾರ ಗಣೇಶ ಚತುರ್ಥಿಯ ರೀತಿಯೇ ವಿಭಿನ್ನ. ‘ ಶಿವನು ಭಿಕ್ಷಕ್ಕೆ ಬಂದ ನೀಡು ಬಾರೆ’ ಎಂಬ ಜನಪದ ಗೀತೆಯಲ್ಲಿ ಕೊನೆಯದಾಗಿ ಒಂದು ಸಾಲು ಬರುತ್ತದೆ ‘ಗೌರಿ ಮನಸ ಬಿಟ್ಟಿರಲಾರನಂತೆ ಕಾಣೆ’ ಎಂದು ಶಿವನು ತನ್ನ ಮಡದಿಯ ಮೇಲೆ ಇಟ್ಟಿರುವ ಮೋಹವನ್ನು ಕುರಿತು ಈ ರೀತಿ ತಿಳಿಸಲಾಗಿದೆ. ಆ ಸಾಲಿಗೂ ಈ ಹಬ್ಬಕ್ಕೂ ಒಂದು ರೀತಿಯಲ್ಲಿ ಅವಿನಾಭಾವ ಸಂಬಂಧವಿದೆ ಎಂದೇ ಹೇಳಬಹುದು. ಏಕೆಂದರೆ ಕೈಲಾಸದಿಂದ ತನ್ನ ತವರುಮನೆಗೆ ಹೋಗಿ ಬರುವುದಾಗಿ ಗೌರಿಯು ಭೂಲೋಕಕ್ಕೆ ಆಗಮಿಸುತ್ತಾಳೆ. ಆಗ ಶಿವನು ವಿರಹ ವೇದನೆಯಿಂದ ಬಳಲುತ್ತಾನೆ. ಆಕೆಯನ್ನು ಕ್ಷಣ ಕೂಡ ಬಿಟ್ಟಿರುವುದು ಶಿವನಿಂದ ಸಾಧ್ಯವಾಗುವುದಿಲ್ಲ. ಮರುದಿನ ತನ್ನ ಮುದ್ದಿನ ಮಗನಾದ ಗಣೇಶನನ್ನು ಕರೆದು, ತಾಯಿಯನ್ನು ಮರಳಿ ಕರೆತರುವಂತೆ ಹೇಳಿ ಭೂಲೋಕಕ್ಕೆ ಕಳುಹಿಸಿಕೊಡುತ್ತಾನೆ. ಗಣಪತಿಯು ತನ್ನ ಅಜ್ಜಿಯ ಮನೆಗೆ ಸಂತೋಷ ಮತ್ತು ಸಂಭ್ರಮದಿಂದ ಆಗಮಿಸುತ್ತಾನೆ. ಮುದ್ದಿನ ಮತ್ತು ಆಹಾರಪ್ರಿಯ ಮೊಮ್ಮಗನ ಆಗಮನದಿಂದ ಗೌರಿಯ ತವರುಮನೆಯ ಸಂಭ್ರಮ ಇಮ್ಮಡಿಸುತ್ತದೆ. ಮೊಮ್ಮಗ ಬಯಸಿದ ಎಲ್ಲಾ ರೀತಿಯ ತಿಂಡಿ ತಿನಿಸುಗಳನ್ನು ಮಾಡಿ, ಬಡಿಸಿ ಆತನನ್ನು ತೃಪ್ತಿಪಡಿಸುತ್ತಾರೆ. ಜೊತೆಗೆ ಅಕ್ಕಪಕ್ಕದ ಮನೆಯವರು ತಮ್ಮ ಮನೆಗೆ ಆಹ್ವಾನಿಸಿ, ತಿಂಡಿಪೋತ ಗಣೇಶನಿಗೆ ವಿವಿಧ ಬಗೆಯ ಪದಾರ್ಥಗಳನ್ನು ತಿನ್ನಿಸಿ, ಸಂತೋಷಪಡಿಸುತ್ತಾರೆ. ಉಂಡು ತಿಂದು ಖುಷಿಪಟ್ಟ ಗಣಪತಿಯು ಬಳಿಕ ತನ್ನ ತಾಯಿಯನ್ನು ಕರೆದುಕೊಂಡು ಕೈಲಾಸಕ್ಕೆ ತೆರಳುತ್ತಾನೆ ಎನ್ನುವುದಾಗಿದೆ. ಹೀಗಾಗಿ ಭೂಲೋಕದ ಮುದ್ದಿನ ಮಗುವಿನ ಆಗಮನಕ್ಕಾಗಿ ಎಲ್ಲೆಡೆ ಸಂಭ್ರಮದ ತಯಾರಿ ನಡೆಯುತ್ತದೆ ಎನ್ನುವುದು ವಾಡಿಕೆ. ಮಗಳು ಮತ್ತು ಆಕೆಯ ಮಗುವನ್ನು ಮರಳಿ ಕಳುಹಿಸಿಕೊಡುವಾಗ ನೋವುಂಟಾಗುವುದು ಸಹಜ. ಅದೇ ರೀತಿಯ ಭಾವ ಗಣೇಶನನ್ನು ಕಳುಹಿಸಿಕೊಡುವಾಗ ಎಲ್ಲರ ಮನದಲ್ಲೂ ಉಂಟಾಗುವುದನ್ನು ಕಾಣಬಹುದಾಗಿದೆ. ಹಬ್ಬದ ಆಚರಣೆಯ ರೀತಿ, ಸಂಪ್ರದಾಯ ಮತ್ತು ಮಹತ್ವ ಏನೇ ಇದ್ದರೂ, ಸಾಮಾನ್ಯ ಮನುಷ್ಯರ ಪಾಲಿಗೆ ಹೆಚ್ಚಾಗಿ ಆಪ್ತವಾಗುವುದು ಈ ರೀತಿಯ ಸಂಗತಿ ಎಂದೇ ಹೇಳಬಹುದು. ದೇವರನ್ನು ಮನುಷ್ಯನ ಭಾವನೆಗಳಿಗೆ ಪೂರಕವಾಗಿ ನೋಡುವ ರೀತಿಯೇ ವಿಭಿನ್ನ.

ಸಮಸ್ತ ಜನತೆಗೆ ಗಣೇಶ ಹಬ್ಬದ ಶುಭಾಶಯಗಳು 

Categories
ತೀರ್ಥಹಳ್ಳಿ

ಗೌರಿ-ಗಣೇಶ ಹಬ್ಬ: ಖರೀದಿ ಜೋರು.. ಎಲ್ಲೆಡೆ ಸಂಭ್ರಮ

ಗೌರಿ-ಗಣೇಶ ಹಬ್ಬ: ಖರೀದಿ ಜೋರು.. ಎಲ್ಲೆಡೆ ಸಂಭ್ರಮ 
– ತೀರ್ಥಹಳ್ಳಿ ತಾಲೂಕಲ್ಲಿ ಒಟ್ಟು 253 ಗಣಪತಿ ಪ್ರತಿಷ್ಠಾಪನೆ
– ಹಬ್ಬದ ಸಂಭ್ರಮ ಕಸಿಯುತ್ತಾ ಮಳೆ: ಮೊದಲ ದಿನ 84 ಗಣಪತಿ ವಿಸರ್ಜನೆ

NAMMUR EXPRESS NEWS 
ತೀರ್ಥಹಳ್ಳಿ: ಗೌರಿ-ಗಣೇಶ ಹಬ್ಬದ ಸಂಭ್ರಮ ಜೋರಾಗಿದೆ. ಮಳೆಯ ಅರ್ಭಟವೂ ಹೆಚ್ಚಾಗಿದ್ದು ಹಬ್ಬ ಇನ್ನಷ್ಟು ಕಳೆ ಕಟ್ಟಿದೆ. ಹಬ್ಬದ ಖರೀದಿ ಬಿರುಸಾಗಿದೆ. ಎಲ್ಲೆಡೆ ಜನ ಕಾಣುತ್ತಿದ್ದಾರೆ.
ತೀರ್ಥಹಳ್ಳಿಯಲ್ಲಿ ಸೋಮವಾರ ಹಬ್ಬದ ಸಂತೆ ಬಲು ಜೋರಾಗಿತ್ತು. ಸಾಲು-ಸಾಲು ಸರ್ಕಾರಿ ರಜೆ, ಹಲವು ಶಾಲೆಗಳಿಗೆ 4ರಿಂದ 6 ದಿನಗಳ ನಿರಂತರ ರಜೆ ನೀಡಿರುವುದರಿಂದ ಪರ ಊರುಗಳಲ್ಲಿ ನೆಲೆಸಿರುವ ತೀರ್ಥಹಳ್ಳಿ ಮೂಲದವರು ಹಬ್ಬಕ್ಕೆ ಊರಿಗೆ ಬಂದಿದ್ದಾರೆ.
ಸೋಮವಾರ, ಮಂಗಳವಾರ ತೀರ್ಥಹಳ್ಳಿಯಲ್ಲಿ ವಾಹನ ದಟ್ಟಣೆ ಹೆಚ್ಚಾಗಿತ್ತು. ವಿವಿಧೆಡೆ ಸಾರ್ವಜನಿಕ ಗಣಪತಿ ಪ್ರತಿಷ್ಠಾಪನಾ ಸಮಿತಿಗಳೂ ಹಬ್ಬಕ್ಕಾಗಿ ತಮ್ಮ ತಮ್ಮ ಬಡಾವಣೆಗಳಲ್ಲಿ ವಿದ್ಯುತ್ ದೀಪಾಲಂಕಾರ ವ್ಯವಸ್ಥೆ ಮಾಡಿದ್ದಾರೆ. ಊರು ಜಗಮಗಿಸುತ್ತಿದೆ.

ತೀರ್ಥಹಳ್ಳಿ ತಾಲೂಕಲ್ಲಿ ಒಟ್ಟು 253 ಗಣಪತಿ ಪ್ರತಿಷ್ಠಾಪನೆ 

ತೀರ್ಥಹಳ್ಳಿ ತಾಲೂಕಲ್ಲಿ ಒಟ್ಟು 253 ಗಣಪತಿ ಪ್ರತಿಷ್ಠಾಪನೆ ಮಾಡಲಾಗಿದೆ. ತೀರ್ಥಹಳ್ಳಿ ಠಾಣಾ ವ್ಯಾಪ್ತಿಯಲ್ಲಿ 135, ಆಗುಂಬೆ ಠಾಣೆ ವ್ಯಾಪ್ತಿಯಲ್ಲಿ 54, ಮಾಳೂರು ವ್ಯಾಪ್ತಿಯಲ್ಲಿ 64 ಗಣಪತಿ ಪ್ರತಿಷ್ಠಾಪನೆ ಮಾಡಲಾಗುತ್ತದೆ. ಮೊದಲ ದಿನ ಒಟ್ಟು 84 ಗಣಪತಿ ವಿಸರ್ಜನೆ ಮಾಡಲಾಗುತ್ತದೆ.

Categories
ಚಿಕ್ಕಮಗಳೂರು

ಕಾಫಿನಾಡಿನಾದ್ಯಂತ ಗೌರಿಗಣೇಶ ಹಬ್ಬದ ಸಂಭ್ರಮ

ಕಾಫಿನಾಡಿನಾದ್ಯಂತ ಗೌರಿಗಣೇಶ ಹಬ್ಬದ ಸಂಭ್ರಮ

* ಇಂದು ಸ್ವರ್ಣ ಗೌರೀವ್ರತ ನಾಳೆ ಗಣೇಶನ ಪ್ರತಿಷ್ಠಾಪನೆ
* ವಿಶೇಷ ಆಕರ್ಷಣೆಗಳೊಂದಿಗೆ ತುಂಬಿದ ಹಬ್ಬದ ತುಂಬಿದ ಕಳೆ

NAMMMUR EXPRESS NEWS
ಚಿಕ್ಕಮಗಳೂರು: ಜಿಲ್ಲೆಯಾದ್ಯಂತ ಗೌರಿಗಣೇಶ ಹಬ್ಬ ಬಹಳ ಸಡಗರದಿಂದ ನಡೆಯುತ್ತಿದ್ದು, ಇಂದು ಭಕ್ತಿ ಸಡಗರದಿಂದ ಸ್ವರ್ಣಗೌರೀ ವ್ರತ ಆಚರಣೆ ನಡೆಯಿತು.ನಾಳೆಯಿಂದ ಗಣೇಶೋತ್ಸವಕ್ಕೆ ಭರ್ಜರಿ ತಯಾರಿ ನಡೆದಿದ್ದು,ನಾಳೆ ಗಣೇಶ ಪ್ರತಿಷ್ಠಾಪಿಸುವ ಕಾರ್ಯಕ್ರಮಗಳಿಗೆ ಕಾಫಿನಾಡು ಸಜ್ಜಾಗಿದೆ. ಚಿಕ್ಕಮಗಳೂರು ನಗರದಲ್ಲಿ ಹಿಂದೂ ಮಹಾ ಗಣಪತಿ ಪ್ರತಿಷ್ಠಾಪನೆ ಹಾಗೂ ಗಣೇಶೋತ್ಸವಕ್ಕೆ ಭರ್ಜರಿ ತಯಾರಿ ನಡೆದಿದ್ದು,ಪ್ರತಿ ವರ್ಷವೂ ಒಂದಿಲ್ಲೊಂದು ವಿಶೇಷತೆಯೊಂದಿಗೆ ಆಚರಿಸುವ ಚಿಕ್ಕಮಗಳೂರು ಹಿಂದೂ ಮಹಾ ಗಣಪತಿ ಸಮಿತಿಯು ಈ ಬಾರಿ ಗಣೇಶೋತ್ಸವ ಮಹಾದ್ವಾರಕ್ಕೆ ‘ ಶ್ರೀ ಧರ್ಮಸ್ಥಳ ಮಹಾದ್ವಾರ’ ಎಂದು ಹೆಸರಿಡುವುದರೊಂದಿಗೆ ಮತ್ತೊಂದು ವಿಶೇಷತೆಗೆ ಕಾರಣವಾಗಿದೆ.
ಬಾಳೆಹೊನ್ನೂರಿನ ವಿದ್ಯಾಗಣಪತಿ ಸೇವಾ ಸಮಿತಿ,ಆಲ್ದೂರು,ಮೂಡಿಗೆರೆ,ಟಳಸ,ಎನ್ ಆರ್ ಪುರ ಹಿಂದೂ ಮಹಾ ಗಣಪತಿ,ಕೊಪ್ಪ,ಹರಿಹರಪುರ,ಶೃಂಗೇರಿ,ತರೀಕೆರೆ,ಬಿರೂರು,ಅಜ್ಜಂಪುರಸಾರ್ವಜನಿಕ ಮಹಾಗಣಪತಿ ಸೇವಾ ಸಮಿತಿಗಳು ತಾಲೂಕು ಕೇಂದ್ರ ಸೇರಿದಂತೆ ಪ್ರಮುಖ ಸ್ಥಳಗಳಲ್ಲಿ ಗಣಪತಿ ಪ್ರತಿಷ್ಠಾಪಿಸಲಿದ್ದು,ಉಳಿದಂತೆ ಜಿಲ್ಲೆಯ ಎಲ್ಲಾ ಊರುಗಳಲ್ಲೂ ಗಣೇಶೋತ್ಸವದ ವಿಜೃಂಭಣೆಯ ಆಚರಣೆಗೆ ಸಜ್ಜಾಗಿದೆ.

Categories
ಕರಾವಳಿ

ಕರಾವಳಿ ಟಾಪ್ ನ್ಯೂಸ್

ಕರಾವಳಿ ಟಾಪ್ ನ್ಯೂಸ್

• ಹೊನ್ನಾವರ: ಮುದ್ದು ಗಣಪನ ಆಗಮನಕ್ಕೆ ಸಕಲ ಸಿದ್ಧತೆ
• ಬೈಂದೂರು: ಎಕ್ಸ್ ಪ್ರೆಸ್ ರೈಲಿಗೆ ನೂತನ ನಿಲುಗಡೆ
• ಉಳ್ಳಾಲ: ಅಂಗಾಂಗ ದಾನದ ಮೂಲಕ ಸಾವಿನಲ್ಲೂ ಸಾರ್ಥಕತೆ
• ಪುತ್ತೂರು: ದಿಗ್ಬಂಧನಕ್ಕೆ ಒಳಗಾದ ಕಾಡಾನೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಹೊನ್ನಾವರ: ಕರಾವಳಿ ಭಾಗದ ಎಲ್ಲೆಡೆ ಗೌರಿ ಗಣೇಶ ಹಬ್ಬದ ಸಡಗರ ಮನೆ ಮಾಡಿದೆ. ಈಗಾಗಲೇ ಮುತ್ತೈದೆಯರು ಅರಿಶಿಣ,ಕುಂಕುಮ, ಹೂವು, ಹಣ್ಣು, ಬಳೆ, ಕಾಯಿಗಳನ್ನು ಸಿದ್ಧಪಡಿಸಿಟ್ಟುಕೊಂಡು, ಶಿವನ ಅರ್ಧಾಂಗಿಯಾದ ಗೌರಿಗೆ ಬಾಗಿನವನ್ನು ಅರ್ಪಿಸಲು ಸಂಭ್ರಮದಿಂದ ತಮ್ಮ ಮನೆಗೆ ಆಹ್ವಾನಿಸಿ, ಬಾಗಿನ ಪೂಜೆಯನ್ನು ಆರಂಭಿಸಿದ್ದಾರೆ, ಪುರುಷರು ನಾಳೆಯ ದಿನ ಬರುವ ಗೌರಿಸುತನಿಗಾಗಿ ಮನೆಯನ್ನು ಅಲಂಕರಿಸಿ, ಸ್ವಾಗತಕ್ಕೆ ಸಜ್ಜಾಗಿದ್ದಾರೆ. ಇನ್ನು ಹೊನ್ನಾವರದ ಭೂಸ್ವರ್ಗ ಕೆರೆಯ ಗಣಪತಿ ಶಾಲೆಯಲ್ಲಿ ನೂರಾರು ವಿಘ್ನನಿವಾರಕರು ಒಡವೆ ವಸ್ತ್ರಗಳನ್ನು ಧರಿಸಿ, ಔತಣಕ್ಕೆ ಭಕ್ತರ ಮನೆಗೆ ತೆರಳಲು ಸಿದ್ಧರಾಗಿ ಕುಳಿತಿದ್ದಾರೆ.‌ ವೃತ್ತಿಯಿಂದ ಪಂಚವಾದ್ಯ ವಾದಕರು ಮತ್ತು ಯಕ್ಷಗಾನ ಕಲಾವಿದರಾದ ಕುಟುಂಬವೊಂದು ಮಳೆಗಾಲ ಆರಂಭವಾಗುತ್ತಿದ್ದಂತೆ ಗದ್ದೆಯ ಆಳದಲ್ಲಿರುವ ಮೃದುವಾದ ಮಣ್ಣನ್ನು ಸಂಗ್ರಹಿಸಿ ತಂದು, ಅದನ್ನು ಹದಗೊಳಿಸಿ ಮೂರ್ತಿಯ ತಯಾರಿಕೆಯನ್ನು ಆರಂಭಿಸಿ ಬಿಡುತ್ತಾರೆ. ಶುದ್ಧ ನೈಸರ್ಗಿಕ ಮಣ್ಣಿನಿಂದ ತಯಾರಾಗುವ ಮೂರ್ತಿಗಳಿಗೆ, ಪರಿಸರ ಸ್ನೇಹಿ ಬಣ್ಣವನ್ನು ಲೇಪಿಸಲಾಗುತ್ತದೆ.‌ ಯಾವುದೇ ಪರಿಕರಗಳನ್ನು ಬಳಸದೆ, ಕೇವಲ ಕೈಯಿಂದಲೇ ಸಂಪೂರ್ಣ ಮೂರ್ತಿಯನ್ನು ರೂಪಿಸುವುದು ಇವರ ಹೆಗ್ಗಳಿಕೆ. ಇನ್ನು ಭಂಡಾರಿ ಕೇರಿಯಲ್ಲಿ ನೂರಾರು ಗಣಪತಿಗಳು ಒಂದೇ ಬಾರಿಗೆ ನೋಡಲು ಲಭಿಸುವುದರಿಂದ, ಈಗಾಗಲೇ ಗಣಪತಿ ಪ್ರಿಯರು ಅಲ್ಲಿಗೆ ತೆರಳಿ ವೈವಿಧ್ಯಮಯ ಮುದ್ದು ಗಣೇಶನನ್ನು ಕಣ್ತುಂಬಿಕೊಂಡು ಬರುತ್ತಿದ್ದಾರೆ. ಕರಾವಳಿ ಭಾಗದ ಎಲ್ಲೆಡೆ ಅಧಿಕ ಪ್ರಮಾಣದಲ್ಲಿ ಮನೆ ಮನೆಯಲ್ಲೂ ಗಣೇಶನನ್ನು ಬರಮಾಡಿಕೊಂಡು, ಆಹಾರ ಪ್ರಿಯನಿಗೆ ಚಕ್ಕುಲಿ, ಮೋದಕ, ಕರಿಗಡುಬು ಮೊದಲಾದವುಗಳನ್ನು ನೈವೇದ್ಯ ಮಾಡಿ ವಿಘ್ನನಿವಾರಕನನ್ನು ಸಂತೃಪ್ತಪಡಿಸಲು ತಯಾರಿ ಮಾಡಿಕೊಳ್ಳಲಾಗಿದೆ.

• ಬೈಂದೂರು: ಎಕ್ಸ್ ಪ್ರೆಸ್ ರೈಲಿಗೆ ನೂತನ ನಿಲುಗಡೆ

ಬೈಂದೂರು: ಗೋವಾದ ಮಡಗಾಂವ್ ನಿಂದ ಕೇರಳದ ಎರ್ನಾಕುಲಂವರೆಗೆ ಚಲಿಸುವ ಸೂಪರ್ ಫಾಸ್ಟ್ ಎಕ್ಸ್ ಪ್ರೆಸ್ ರೈಲಿಗೆ ಮೂಕಾಂಬಿಕಾ ರಸ್ತೆ ಬೈಂದೂರಿನಲ್ಲಿ, ಕೊಲ್ಲೂರು ಮೂಕಾಂಬಿಕಾ ದೇವಾಲಯಕ್ಕೆ ತೆರಳುವ ಭಕ್ತರಿಗೆ ಅನುಕೂಲವಾಗಲೆಂದು, ನೂತನ ನಿಲುಗಡೆ ನೀಡಲು ಸರ್ಕಾರ ನಿರ್ಧರಿಸಿದೆ ಮತ್ತು ಇದು ತತಕ್ಷಣವೇ ಜಾರಿಗೆ ಬರಲಿದೆ ಎಂಬ ಮಾಹಿತಿಯನ್ನು ರೈಲ್ವೆ ಸಹಾಯಕ ಸಚಿವರಾದ ವಿ.ಸೋಮಣ್ಣ ಅವರು ನೀಡಿದ್ದಾರೆ.

• ಉಳ್ಳಾಲ: ಅಂಗಾಂಗ ದಾನದ ಮೂಲಕ ಸಾವಿನಲ್ಲೂ ಸಾರ್ಥಕತೆ.

ಉಳ್ಳಾಲ: ಅಂಕೋಲಾ ಮೂಲದ ಸುಬ್ರಾಯ ವೆಂಕಟರಮಣ ಭಟ್ ಎಂಬ ವ್ಯಕ್ತಿಯು ತಮ್ಮ ಅಂಗಾಂಗಗಳನ್ನು ದಾನ ಮಾಡುವ ಮೂಲಕ, ಸಾವನ್ನು ಕೂಡ ಸಾರ್ಥಕ ಪಡಿಸಿಕೊಂಡಿದ್ದಾರೆ.‌ ಮೆದುಳು ನಿಷ್ಕ್ರಿಯಗೊಂಡಿದ್ದ ಇವರ ಅಂಗಾಂಗಗಳನ್ನು, ಕುಟುಂಬಸ್ಥರು ದಾನ ಮಾಡಲು ಒಪ್ಪಿಗೆ ಸೂಚಿಸುವ ಮೂಲಕ ಸಮಾಜಕ್ಕೆ ಮಾದರಿಯಾಗಿದ್ದಾರೆ. ಮೆದುಳಿನ ರಕ್ತಸ್ರಾವದಿಂದ ಬಳಲುತ್ತಿದ್ದ ವೆಂಕಟರಮಣ ಭಟ್ ಅವರನ್ನು ದೇರಳಕಟ್ಟೆಯ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಕಳೆದೆರಡು ದಿನಗಳ ಹಿಂದೆ ಅಲ್ಲಿನ ವೈದ್ಯರು ಬ್ರೈನ್ ಡೆಡ್ ಆಗಿರುವುದನ್ನು ಕುಟುಂಬಸ್ಥರಿಗೆ ಘೋಷಿಸಿದ್ದರು. ಹೀಗಾಗಿ ಈ ನಿರ್ಧಾರ ಕೈಗೊಳ್ಳಲಾಯಿತು ಎನ್ನುವ ಸಂಗತಿ ತಿಳಿದುಬಂದಿದೆ. ವೈದ್ಯಕೀಯ ಅಧೀಕ್ಷಕಿ ಡಾ/ ಸುಮಲತಾ ಶೆಟ್ಟಿ, ವೆಂಕಟರಮಣ ಭಟ್ ಅವರಿಗೆ ಚಿಕಿತ್ಸೆ ನೀಡಿದ ಡಾ/ ಸುಧೀಂದ್ರ ಯು, ಡಾ/ ಸುರೇಶ್. ಜಿ ಹಾಗೂ ಅಂಗಾಂಗ ಕಸಿ ಸಂಯೋಜಕರಾದ ಡಾ/ಅಕ್ಷತಾ ಶೆಟ್ಟಿ ಅವರ ಮಾರ್ಗದರ್ಶನದಲ್ಲಿ ವಿವಿಧ ತಜ್ಞರ ಸಹಕಾರದಿಂದ ಜೀವಸಾರ್ಥಕ ತಂಡವು ಅಂಗಾಂಗ ಬೇರ್ಪಡಿಸುವ ಕಾರ್ಯವನ್ನು ಕೈಗೊಂಡಿತು ಎಂಬ ಮಾಹಿತಿ ಬಂದಿದೆ. ಬೇರ್ಪಡಿಸಿದ ಅಂಗಗಳನ್ನು ಎಂ.ಜೆ. ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ ಮತ್ತು ಮಂಗಳೂರಿನ ಕೆಎಂಸಿ ಆಸ್ಪತ್ರೆಗೆ ಒದಗಿಸಲಾಯಿತು ಎನ್ನಲಾಗಿದೆ.

• ಪುತ್ತೂರು: ದಿಗ್ಬಂಧನಕ್ಕೆ ಒಳಗಾದ ಕಾಡಾನೆ

ಪುತ್ತೂರು: ಬಿಳಿಯೂರು ಸುತ್ತಮುತ್ತಲ ಪ್ರದೇಶಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಕಾಡಾನೆ ಜೋಡಿಯೊಂದು, ಭಾನುವಾರದಂದು ಉಪ್ಪಿನಂಗಡಿಯ ನೇತ್ರಾವತಿ ನದಿಯಲ್ಲಿ ವಿಹರಿಸುತ್ತಿರುವುದು ಬೆಳಕಿಗೆ ಬಂದಿದೆ. ಆ ಸಂದರ್ಭದಲ್ಲಿ ನದಿಯ ಎರಡು ದಿಕ್ಕುಗಳಲ್ಲೂ ಜನ ಸಮೂಹ ನೆರೆದಿದ್ದರಿಂದ, ಕಾಡಾನೆ ಜೋಡಿಗಳು ಡಿಗ್ಬಂಧನಕ್ಕೆ ಒಳಗಾದವು. ಶನಿವಾರದಂದು ಸುಬ್ರಾಯ ಭಟ್ಟ ಎಂಬ ಸ್ಥಳೀಯರ ತೋಟದಲ್ಲಿದ್ದ ಇವು, ಬಳಿಕ ಸರಳೀಕಟ್ಟೆ, ಪಿಲಿಗೂಡು, ಅಂಬೊಟ್ಟು, ಅಂಡೆತಡ್ಕ ದಾರಿಯಿಂದ ನೇತ್ರಾವತಿ ನದಿಗೆ ಇಳಿದಿರಬಹುದು ಎಂದು ಹೇಳಲಾಗಿದೆ. ವಿಷಯ ತಿಳಿದೊಡನೆ ಜನರು ಆನೆಗಳನ್ನು ವೀಕ್ಷಿಸಲು ನದಿಯ ತೀರಕ್ಕೆ ಆಗಮಿಸಿದ್ದಾರೆ. ಈ ಸಂದರ್ಭದಲ್ಲಿ ಆನೆಗಳಿಗೆ ಗಲಿಬಿಲಿಯುಂಟಾಗಿ, ದಡದತ್ತ ತೆರಳಲು ಸಹ ಸಾಧ್ಯವಾಗದೇ ನದಿಯ ಮಧ್ಯಭಾಗದಲ್ಲಿದ್ದ ದಿನ್ನೆಯ ಮೇಲೆ ನಿಂತುಕೊಂಡಿತು ಎನ್ನಲಾಗಿದೆ. ನಂತರ ಅವು ಜನವಸತಿ ಪ್ರದೇಶದತ್ತ ಬಾರದ ರೀತಿಯಲ್ಲಿ ಅರಣ್ಯ ಇಲಾಖೆಯವರು, ಪೊಲೀಸ್ ಇಲಾಖೆಯವರು, ಹೋಂಗಾರ್ಡ್ ಸಿಬ್ಬಂದಿಗಳು ಗಮನವಿರಿಸಿ, ಕಾರ್ಯಾಚರಣೆಯನ್ನು ನಡೆಸಿದರು. ಇದರಿಂದಾಗಿ ಕಾಡಾನೆಗಳು ಕಾಡಿನತ್ತ ತೆರಳಿ, ಯಾವುದೇ ರೀತಿಯ ಅಪಾಯ ಸಂಭವಿಸಲಿಲ್ಲ ಎಂಬ ಮಾಹಿತಿ ಬಂದಿದೆ.

Categories
ಬೆಂಗಳೂರು

ರಾಜ್ಯದ ರೈತರಿಗೆ ಗುಡ್ ನ್ಯೂಸ್…!!

ರಾಜ್ಯದ ರೈತರಿಗೆ ಗುಡ್ ನ್ಯೂಸ್…!!
– ಅರ್ಜಿ ಹಾಕದಿದ್ದರೂ ಪೌತಿ ಖಾತೆ!
– ಸರ್ಕಾರದ ಹೊಸ ನಿಯಮ: ಜನತೆಗೆ ಅನುಕೂಲ

NAMMUR EXPRESS NEWS
ಬೆಂಗಳೂರು : ರಾಜ್ಯದ ರೈತರಿಗೆ ಗುಡ್ ನ್ಯೂಸ್ ಎನ್ನುವಂತೆ ಅರ್ಜಿ ಹಾಕದಿದ್ದರೂ ಪೌತಿ ಖಾತೆ ಅಭಿಯಾನವನ್ನು ಸರ್ಕಾರದಿಂದ ಆರಂಭಿಸಲಾಗುತ್ತಿದೆ. ಈ ಮೂಲಕ ವಾರಸುದಾರರ ಹೆಸರಿಗೆ ಜಮೀನು ವರ್ಗಾವಣೆ ಮಾಡುವುದಾಗಿ ಕಂದಾಯ ಸಚಿವ ಕೃಷ್ಣ ಬೈರೇಗೌಡ ತಿಳಿಸಿದ್ದಾರೆ. ಸೋಮವಾರ ವಿಕಾಸಸೌಧದಿಂದ ವಿಡಿಯೋ ಕಾನ್ಫರೆನ್ಸ್ ಮೂಲಕ ರಾಜ್ಯದ ಎಲ್ಲಾ ತಹಶೀಲ್ದಾರರುಗಳ ಜೊತೆ ಪ್ರಗತಿ ಪರಿಶೀಲನಾ ಸಭೆ ನಡೆಸಿ ಮಾತನಾಡಿದ ಅವರು, “ಕಳೆದ ಎರಡು ವರ್ಷಗಳಿಂದ ತಹಶೀಲ್ದಾರ್ ನ್ಯಾಯಾಲಯಗಳ ತಕರಾರು ಅರ್ಜಿಗಳ ವಿಲೇ ಕೆಲಸ ಗಮನಾರ್ಹ ರೀತಿಯಲ್ಲಿ ಪ್ರಗತಿ ಕಂಡಿತ್ತು. ಈ ಮೊದಲು ಒಂದು ಪ್ರಕರಣದ ಇತ್ಯರ್ಥಕ್ಕೆ 212 ದಿನ ತೆಗೆದುಕೊಳ್ಳುತ್ತಿದ್ದರೆ, ಪ್ರಸ್ತುತ 82 ದಿನಕ್ಕೆ ಇಳಿಸಲಾಗಿತ್ತು. ಆದರೆ, ಬರುಬರುತ್ತಾ ತಕರಾರು ಅರ್ಜಿಗಳ ವಿಲೇ ಕೆಲಸ ಮತ್ತೆ ವೇಗ ಕಳೆದುಕೊಳ್ಳುತ್ತಿರುವುದನ್ನು ಒಪ್ಪಲು ಸಾಧ್ಯವಿಲ್ಲ” ಎಂದು ಬೇಸರ ಹೊರಹಾಕಿದರು.

ರಾಜ್ಯದಲ್ಲಿ 52 ಲಕ್ಷ ಜಮೀನುಗಳು ಮೃತರ ಹೆಸರಿನಲ್ಲಿದೆ. ಈ ಪೈಕಿ ಫೌತಿ ಖಾತೆ ಆಂದೋಲನದ ಮೂಲಕ 3,35,727 ಪ್ರಕರಣಗಳಲ್ಲಿ ಮೃತರ ಹೆಸರಿನಿಂದ ಅವರ ವಾರಸುದಾರರ ಹೆಸರಿಗೆ ಜಮೀನು ವರ್ಗಾವಣೆ ಮಾಡಲಾಗಿದೆ. ಆದರೆ, ಈ ಸಾಧನೆ ತೃಪ್ತಿಕರವಾಗಿಲ್ಲ. ಹೀಗಾಗಿ ಶೀಘ್ರದಲ್ಲಿ ಎಲ್ಲಾ ತಾಲೂಕುಗಳಲ್ಲೂ ಅಭಿಯಾನ ಮಾದರಿಯಲ್ಲಿ ಫೌತಿಖಾತೆ ಕೆಲಸ ನಡೆಯಬೇಕು” ಎಂದು ಅಧಿಕಾರಿಗಳಿಗೆ ಸಚಿವ ಕೃಷ್ಣ ಬೈರೇಗೌಡ ಅವರು ತಿಳಿಸಿದರು.

“ಮೃತರ ಹೆಸರಿನಲ್ಲಿರುವ ಜಮೀನುಗಳಿಗೆ ಪಿಎಂ ಕಿಸಾನ್, ಹನಿ ನೀರಾವರಿ ಹಾಗೂ ಯಂತ್ರೋಪಕರಣ ಖರೀದಿ ಸಬ್ಸಿಡಿ ನೀಡದಂತೆ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿದೆ. ಇದರಿಂದ ರೈತರಿಗೆ ತೊಂದರೆಯಾಗಲಿದೆ, ಅನ್ಯಾಯವಾಗಲಿದೆ. ಹೀಗಾಗಿ ಜನರಿಂದ ಅರ್ಜಿ ಕರೆಯದೆ ನಾವೇ ರೈತರ ಮನೆ ಬಾಗಿಲಿಗೆ ತೆರಳಿ ಅಭಿಯಾನ ಮಾದರಿಯಲ್ಲಿ ಫೌತಿ ಖಾತೆ ಮಾಡಿಕೊಡುತ್ತಿದ್ದೇವೆ. ಮುಂದಿನ ದಿನಗಳಲ್ಲಿ ಈ ಅಭಿಯಾನಕ್ಕೆ ಮತ್ತಷ್ಟು ವೇಗ ತುಂಬಬೇಕು ಎಂದು ತಾಕೀತು ಮಾಡಿದರು.

Categories
ಜ್ಯೋತಿಷ್ಯ

ಈ ಒಂದು ಸಣ್ಣ ಅನುಷ್ಠಾನವನ್ನು ಬೆನಕನ ದಿನದಂದು ಅಂದರೆ ಮಂಗಳವಾರ ಮಾಡಿದ್ರೆ ಗಣಪತಿಯಿಂದ ನಿಮಗೆ ಅದೃಷ್ಟ ಶುರು

ಈ ಒಂದು ಸಣ್ಣ ಅನುಷ್ಠಾನವನ್ನು ಬೆನಕನ ದಿನದಂದು ಅಂದರೆ ಮಂಗಳವಾರ ಮಾಡಿದ್ರೆ ಗಣಪತಿಯಿಂದ ನಿಮಗೆ ಅದೃಷ್ಟ ಶುರು
ಪಂಡಿತ್ ದೈವಜ್ಞ ಪ್ರಧಾನ ತಾತ್ರಿಂಕ ಶ್ರೀ ಜ್ಞಾನೇಶ್ವರ್ ರಾವ್ ಜ್ಯೋತಿಷ್ಯರು 8548998564 ಓಂ ಶ್ರೀ ಕಟೀಲು ದುರ್ಗಾದೇವಿ ಜ್ಯೋತಿಷ್ಯಂ ನಿಮ್ಮಜೀವನದಯಾವುದೇ ಕಠಿಣ ಗುಪ್ತಾ ಸಮಸ್ಯೆಗಳಾದ ಪ್ರೀತಿ ಪ್ರೇಮ ಮದುವೆ ದಾಂಪತ್ಯ ಕಲಹ ಹಣಕಾಸು ವ್ಯವಹಾರಗಳು ಉದ್ಯೋಗ ಇತ್ಯಾದಿ ಸಮಸ್ಯೆಗಳಿಗೆ ಅಷ್ಟಮಂಗಳ ಪ್ರಶ್ನೆ, ತಾಂಬೂಲಪ್ರಶ್ನೆ ,ಜಾತಕ ವಿಶ್ಲೇಷಣೆ,ಪಂಚಪಕ್ಷಿ ಪ್ರಶ್ನೆಗಳ ಮುಖಾಂತರ ಸಂಪೂರ್ಣವಾಗಿ ಅವಲೋಕನೇ ಮಾಡಿ ಪರಿಹಾರ ಸೂಚಿಸುವರು ಸಮಸ್ಯೆಗಳಿಗೆ(3)ದಿನಗಳಲ್ಲಿ ಶಾಶ್ವತ ಪರಿಹಾರ ಕರೆ ಮಾಡಿ ಸಮಸ್ಯೆ ಏನೇ ಇರಲಿ ಏಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ( ಪರಿಹಾರದಲ್ಲಿ ಚಾಲೆಂಜ್)call/WhatsApp 8548998564.
ಸ್ನೇಹಿತರೆ ನಮಗೆ ಮಹಾ ಲಕ್ಷ್ಮಿಯ ಅನುಕೂಲ ಆಗಬೇಕು ಎಂದು ಬಹಳ ಕಷ್ಟ ಪಡುತ್ತ ಇರುತ್ತೇವೆ ಹಣಕಾಸಿನ ತೊಂದರೆ ಇಂದ ಬಳಲುತ್ತಾ ಇರುತ್ತೇವೆ ಈ ತೊಂದರೆಯಿಂದ ನಾವು ಸಾಲಕ್ಕೆ ಕೂಡ ಗುರಿ ಆಗುತ್ತೇವೆ ಈ ಒಂದು ಸಾಲ ಬಾಧೆಯಿಂದ ನಾವು ಋಣ ಮುಕ್ತ ಆಗಬೇಕು ಒಂದು ಒಳ್ಳೆಯ ರೀತಿಯಲ್ಲಿ ನಾವು ಋಣಮುಕ್ತ ಆಗಬೇಕು ಎಂದರೆ ಈ ವಿಶಿಷ್ಟವಾದ ಗಣಪತಿ ಪೂಜೆ ಮಾಡುವುದರಿಂದ ಬಹಳ ಒಳ್ಳೆಯ ರೀತಿಯಿಂದ ನೀವು ಸಾಲ ಭಾದೆಯಿಂದ ಋಣ ಮುಕ್ತ ಆಗುವಿರಿ ಅದನ್ನು ಸಂಕಟ ಮೋಚನ ಗಣಪತಿ ಎಂದು ಕರೆಯುತ್ತಾರೆ ಅಂದರೆ ಸಂಕಟ ವಿಮೋಚನ ಮಾಡುವ ಗಣಪತಿಯ ಒಂದು ಪೂಜೆ ಆಗಿದೆ ಈ ಪೂಜೆಯನ್ನು ಯಾವ ರೀತಿ ಮಾಡುವುದು ಎಂದು ನೋಡೋಣ ಬನ್ನಿ. ಈ ಪೂಜೆಯನ್ನು ಮಂಗಳವಾರದ ದಿನ ಮಾಡಬೇಕು ಒಂಬತ್ತು ಮಂಗಳವಾರ ದಿನ ಮಾಡಬೇಕು ಈ ಪೂಜೆಯನ್ನು ನೀವು 9 ಮಂಗಳವಾರ ಮಾಡುತ್ತಾ ಬಂದರೆ ಕ್ರಮೇಣ ಬರುತ್ತಾ ಬರುತ್ತಾ ನಿಮ್ಮ ಸಾಲ ಭಾದೆ ಕಡಿಮೆ ಆಗುತ್ತಾ ಬರುತ್ತದೆ ಅದು ಯಾವ ರೀತಿ ಮಾಡಬೇಕು ಎಂದರೆ ನೀವು ಮಂಗಳವಾರ ದಿನ ಸ್ನಾನ ಮುಗಿಸಿ ಪೂಜೆ ಮಾಡುವ ಸಮಯದಲ್ಲಿ ಪರಿಶುದ್ಧವಾದ ಸ್ವಲ್ಪ ಅರಿಶಿನ ತೆಗೆದುಕೊಂಡು ಅದಕ್ಕೆ ಪರಿಶುದ್ಧವಾದ ನೀರನ್ನು ಬೆರೆಸಿ
ಅರಿಶಿಣದ ಗಣಪತಿ ಮಾಡಬೇಕು ನೀವು ಈ ಅರಿಶಿಣದ ಮುದ್ದೆ ಅಂದರೆ ಗಣಪತಿ ಮಾಡಿರುವಿರಿ ಅಲ್ಲವೇ ಈ ಗಣಪತಿಗೆ ಒಂದು ಕುಂಕುಮ ಇಟ್ಟರೆ ಅದು ಗಣಪತಿ ಆಗಿರುತ್ತದೆ ಎರಡು ಕುಂಕುಮ ಇಟ್ಟರೆ ಅದು ಮಹಾ ಲಕ್ಷ್ಮಿಗೆ ಸಮ ಆಗಿರುತ್ತದೆ ಹಾಗಾಗಿ ನೀವು ಅರಿಶಿಣ ಗಣಪತಿ ಮಾಡಿ ಈ ಗಣಪತಿ ಯನ್ನ ಯಾವ ರೀತಿ ಪೂಜಿಸಬೇಕು ಎಂದರೆ ನಿಮ್ಮ ಮನೆ ಹತ್ತಿರ ಎಲ್ಲಾದರೂ ದಾಸವಾಳದ ಗಿಡ ಇದ್ದರೆ ಇಂದು ದಾಸವಾಳದ ಎಲೆ ತೆಗೆದುಕೊಂಡು ಬನ್ನಿ ಈ ದಾಸವಾಳದ ಎಲೆಯಿಂದ ಏನು ಮಾಡಬೇಕು ಎಂದರೆ ಸ್ವಲ್ಪ ಗಂಧ ಹಾಗೂ ಕುಂಕುಮವನ್ನು ಮಿಶ್ರಣ ಮಾಡಬೇಕು ಹೀಗೆ ಮಾಡಿ ಈ ದಾಸವಾಳದ ಎಲೆಯಲ್ಲಿ ಗಂ ಎಂದು ಬರೆಯಬೇಕು ಬರೆದು ನಂತರ ಈ ಎಲೆಯ ಮೇಲೆ ಈ ಗಣಪತಿಯನ್ನು ಪ್ರತಿಷ್ಠಾಪನೆ ಮಾಡಬೇಕು 21 ಗರಿಕೆಗಳನ್ನು ಏರಿಸಬೇಕು ಮತ್ತು ಯಾವ ರೀತಿ ಗಂ ಎಂದು ಬರೆಯುತ್ತಿರಿ ಎಂದರೆ ದಾಸವಾಳದ ಹೂವಿನ ತೊಟ್ಟು ಏನಿರುತ್ತದೆ ಈ ತೊಟ್ಟಿನಿಂದ ಗಂಧದಲ್ಲಿ ಅದ್ದಿ ಹೀಗೆ ಗಂ ಎಂದು ಬರೆಯಬೇಕು. ದಾಸವಾಳದ ಎಲೆಯ ಮೇಲೆ ದಾಸವಾಳದ ಹೂವಿನ ತೊಟ್ಟಿನಿಂದ ಗಂ ಎಂದು ಬರೆಯಬೇಕು ಆದ ನಂತರ ಈ ಎಲೆಯ ಮೇಲೆ ಗಣಪನನ್ನು ಪ್ರತಿಷ್ಠಾಪನೆ ಮಾಡಬೇಕು ಹಾಗೂ 21 ಗರಿಕೆ ಏರಿಸಬೇಕು ಮತ್ತು ನೀವು ಬರೆದ
ದಾಸವಾಳದ ಹೂವು ಇರುತ್ತದೆ ಅಲ್ಲವೇ ಅದು ಗಣಪನಿಗೆ ಸಮರ್ಪಿಸಬೇಕು ಈ ಗಣಪನಿಗೆ ಬೆಲ್ಲವನ್ನು ನೈವೇದ್ಯವಾಗಿ ಸಮರ್ಪಿಸಿ ನಂತರ ಈ ಮಂತ್ರ ೧೦೮ ಬಾರಿ ಪಾರಾಯಣ ಮಾಡಬೇಕು ಓಂ ನಮೋ ಸಿದ್ಧಿ ವಿನಾಯಕಾಯ ಸರ್ವ ಕಾರ್ಯ ಕರ್ತ್ರೆ ಸರ್ವ ವಿಘ್ನ ಪ್ರಶಾಮನೇ ಸರ್ವಜಯ ವಶಿಕರ್ನಾಯ ಸರ್ವಜನ ಸರ್ವಸ್ತ್ರೀ ಪುರುಷ ಆಕರ್ಷನಾಯ ಶೃಂಗ ಓಂ ಸ್ವಾಹ ಈ ರೀತಿ ನೀವು 9 ಮಂಗಳವಾರ ಕಾಲ ಮಾಡುತ್ತಾ ಬಂದರೆ ಕ್ರಮೇಣ ನಿಮ್ಮ ಸಾಲ ಭಾದೆ ಕಡಿಮೆ ಆಗಿ ನೀವು ಜೀವನದಲ್ಲಿ ಅನುಕೂಲ ಪಡೆಯುವಿರಿ.
ಓಂ ಶ್ರೀ ಕಟೀಲು ದುರ್ಗಾದೇವಿ ದೇವಿಯ ಆರಾಧನೆ ಮಾಡುತ್ತಾ ಇರೋ
ಮಹಾ ಪಂಡಿತ್ ಶ್ರೀ ಜ್ಞಾನೇಶ್ವರ್ ರಾವ್ ತಾಂತ್ರಿಕ್ ಗುರುಗಳಿಂದ ನಿಮ್ಮ ಜೀವನದ ಅತ್ಯಂತ ಕಷ್ಟದ ಸಮಸ್ಯೆಗಳಿಗೆ ಮೂರೂ ದಿನದಲ್ಲಿ ಶಾಶ್ವತ ಪರಿಹಾರ ದೊರೆಯುತ್ತದೆ. ಆರ್ಥಿಕ ಸಮಸ್ಯೆಗಳು ಉದ್ಯೋಗ ಸಮಸ್ಯೆಗಳು ಅಥವ ಪ್ರೀತಿ ಪ್ರೇಮದ ಸಮಸ್ಯೆಗಳು ಆಥವ ಅನಾರೋಗ್ಯ ಭಾಧೆಗಳು ಅಥವ ಕೋರ್ಟು ಕೇಸಿನ ವ್ಯಾಜ್ಯಗಳು ಅಥವ ಮನೆಯಲ್ಲಿ ಅತ್ತೆ ಸೊಸೆ ಜಗಳ ಅಥವ ನಿಮ್ಮ ಶತ್ರುಗಳಿಂದ ತೊಂದ್ರೆ ಅಥವ ನಿಮ್ಮ ಜೀವನದ ಅತ್ಯಂತ ಗುಪ್ತ ಸಮಸ್ಯೆಗಳು ಏನೇ ಇದ್ದರು ಸಹ ಮೂರೂ ದಿನದಲ್ಲಿ ಶಾಶ್ವತ ಪರಿಹಾರ ದೊರೆಯಲಿದೆ. ಈ ಕೂಡಲೇ ಮೇಲೆ ನೀಡಿರೋ ಮಹಾ ಪಂಡಿತರ ಸಂಖ್ಯೆಗೆ ಕರೆ ಮಾಡಿ 8548998564

Categories
ಬೆಳ್ತಂಗಡಿ

ಧರ್ಮಸ್ಥಳ ಬುರುಡೆ ಪ್ರಕರಣ ಬಿ ಗ್ಯಾಂಗ್‌ಗೆ ಎಸ್‌ಐಟಿ ಶಾಕ್

ಧರ್ಮಸ್ಥಳ ಬುರುಡೆ ಪ್ರಕರಣ ಬಿ ಗ್ಯಾಂಗ್‌ಗೆ ಎಸ್‌ಐಟಿ ಶಾಕ್

* ತಿಮರೋಡಿ ಮನೆಯಲ್ಲಿ ತೀವ್ರ ಶೋಧ ನಡೆಸುತ್ತಿರುವ ಎಸ್‌ಐಟಿ
* ಮಹೇಶ್ ಶೆಟ್ಟಿ ತಿಮರೋಡಿ,ಗಿರೀಶ್ ಮಟ್ಟಣ್ಣ,ಸಮೀರ್ ಎಂ ಡಿಗೆ ಬಂಧನ ಭೀತಿ

NAMMMUR EXPRESS NEWS
ಬೆಳ್ತಂಗಡಿ: ಧರ್ಮಸ್ಥಳ ಬುರುಡೆ ಪ್ರಕರಣಲ್ಲಿ ಸುಳ್ಳು ಹೆಣೆದಿದ್ದಾರೆ ಎಂಬ ಆರೋಪದ ಮೇಲೆ ಎಸ್‌ಐಟಿ ತನಿಖೆ ನಡೆಸುತ್ತಿದ್ದು, ಇಂದು ಬೆಳಗ್ಗೆ ಬೆಳ್ತಂಗಡಿಯ ಉಜಿರೆಯಲ್ಲಿರುವ ಮಹೇಶ್ ಶೆಟ್ಟಿ ತಿಮರೋಡಿ ನಿವಾಸಕ್ಕೆ ಎಸ್‌ಐಟಿ ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ. ದೂರುದಾರನಾಗಿದ್ದ ಆರೋಪಿ ಚಿನ್ನಯ್ಯನಿಗೆ ಆಶ್ರಯ ಕೊಟ್ಟ ಹಿನ್ನೆಲೆ ದಾಳಿ ನಡೆಸಿದ್ದು,ಈ ವೇಳೆ ಚಿನ್ನಯ್ಯನ ಮೊಬೈಲ್ ಪತ್ತೆ ಆಗಿದೆ.
ಮಹೇಶ್ ಶೆಟ್ಟಿ ತಿಮರೋಡಿ ಮನೆಯ ಶೋಧಕ್ಕೆ ಸರ್ಚ್ ವಾರಂಟ್ ಪಡೆದ ಎಸ್ ಐ ಟಿ, ಆರೋಪಿ ಚಿನ್ನಯ್ಯನನ್ನು ಕರೆದುಕೊಂಡು ತಿಮರೋಡಿ ಮನೆಗೆ ಮಹಜರು ನಡೆಸಿ ತೀವ್ರ ಶೋಧ ನಡೆಸಿತು.
ಮಹೇಶ್ ತಿಮರೋಡಿ ಹಾಗೂ ಆವರ ಸಹೋದರ ಮೋಹನ್ ಕುಮಾರ್ ಶೆಟ್ಟಿ ಮನೆಯಲ್ಲಿ ಕೂಡಾ ಎಸ್ ಐಟಿ ತನಿಖೆ ನಡೆಸುತ್ತಿದೆ. ಜಿತೇಂದ್ರ ದಯಾಮ ಸೇರಿದಂತೆ ಹಲವು ಅಧಿಕಾರಿಗಳ ತಂಡ ಕೆಲಸ ಮಾಡುತ್ತಿದೆ. ಚಿನ್ನಯ್ಯ ತನ್ನ 25 ವಿಡಿಯೋಗಳನ್ನು ಮಾಡಲಾಗಿದೆ. ಈಗಾಗಲೆ 3 ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಲಾಗಿದೆ ಇನ್ನೂ 22 ವಿಡಿಯೋ ಮಹೇಶ್ ಶೆಟ್ಟಿ ತಂಡದ ಬಳಿ ಇದೆ ಎಂದು ವಿಚಾರಣೆ ವೇಳೆ ಹೇಳಿದ್ದ ಹಾಗೂ ತನ್ನ ಮೊಬೈಲ್‌ನ್ನು ಬುರುಡೆಯನ್ನು ಪೊಲೀಸರೆದುರು ತಂದ ದಿನದಂದೇ ತಿಮರೋಡಿ ಕಸಿದು ಇಟ್ಟುಕೊಂಡಿದ್ದಾರೆ ಎಂದಿದ್ದ, ಆದ್ದರಿಂದ ಚಿನ್ನಯ್ಯನ ಮೊಬೈಲ್‌ಗಾಗಿ ತಿಮರೋಡಿ ಮನೆಯಲ್ಲಿ ಶೋಧ ನಡೆದಿದ್ದು, ಆತನ ಬಳಸುತ್ತಿದ್ದ ಮೊಬೈಲ್ ಸಿಕ್ಕಿದೆ ಎನ್ನಲಾಗಿದೆ, ತಿಮರೋಡಿ ಮನೆಯಲ್ಲಿ ಚಿನ್ನಯ್ಯನಿಗೆ ಆಶ್ರಯ ನೀಡಿದ ಶಂಕೆ ಇದ್ದು, ಈತ ಇದೇ ಮನೆಯಿಂದ ಹಲವು ಯೂಟ್ಯೂಬ್ ಚಾನೆಲ್ ಗಳಿಗೆ ಸಂದರ್ಶನ ನೀಡಿದ್ದ. ಮಹೇಶ್ ಶೆಟ್ಟಿ ಮನೆ ಹಾಗೂ ಪಕ್ಕದಲ್ಲೇ ಇರುವ ಮಹೇಶ್ ಶೆಟ್ಟಿ ಸಹೋದರನ ಮನೆಯ ಸಿಸಿಟಿವಿ ಫೋಟೇಜ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಇತ್ತೀಚೆಗಷ್ಟೆ ಬಿಜೆಪಿ ನಾಯಕ ಬಿಎಲ್‌ ಸಂತೋಷ್ ವಿರುದ್ಧ ಮಹೇಶ್ ಶೆಟ್ಟಿ ತಿಮರೋಡಿ ಕೊಟ್ಟ ಅವಹೇಳನಕಾರಿ ಹೇಳಿಕೆಯ ಹಿನ್ನೆಲೆ ಉಡುಪಿ ಬ್ರಹ್ಮಾವರ ಪೊಲೀಸರಿಂದ ಬಂಧನಕ್ಕೊಳಗಾಗಿ ಜಾಮೀನು ಪಡೆದು ಹೊರಗೆ ಬಂದಿದ್ದರು. ಇದೀಗ ಧರ್ಮಸ್ಥಳ ಬುರುಡೆ ಪ್ರಕರಣ ಮುಳುವಾಗುವ ಸಾಧ್ಯತೆಯಿದೆ. ಎಸ್‌ಐಟಿ ತಂಡ ದಾಳಿ ಹಾಗೂ ಪರಿಶೀಲನೆ ವೇಳೆ ಮಹೇಶ್ ಶೆಟ್ಟಿ ತಿಮರೋಡಿ ಮನೆಯಲ್ಲಿ ಇರಲಿಲ್ಲ ಮನೆಯಲ್ಲಿ ಕೇವಲ ತಿಮರೋಡಿ ಪತ್ನಿ ಹಾಗೂ ಬೆಂಬಲಿಗರು ಮಾತ್ರ ಇದ್ದರು ಎಂದು ಮಾಹಿತಿ ಲಭ್ಯವಾಗಿದೆ. ಧರ್ಮಸ್ಥಳ ಬುರುಡೆ ಕೇಸ್ ಉಲ್ಟಾ ಹೊಡೆಯುತ್ತಿದ್ದಂತೆ ಪ್ರಕರಣದ ಹಿಂದಿನ ಬಿ ಗ್ಯಾಂಗ್‌ನ ಪ್ರಮುಖರಾದ ಮಹೇಶ್ ಶೆಟ್ಟಿ ತಿಮರೋಡಿ,ಗಿರೀಶ್ ಮಟ್ಟಣ್ಣ,ಯ್ಯೂಟ್ಯೂಬರ್ ಸಮೀರ್ ಎಂ ಡಿ ಗೆ ಬಂಧನ ಭೀತಿ ಎದುರಾಗಿದೆ. ಈ ನಡುವೆ ಆ.27 ರಂದು ಎಸ್‌ಐಟಿ ಮುಂದೆ ತನಿಖೆಗೆ ಹಾಜರಾಗುವುದಾಗಿ ಹೇಳಿದ್ದ ಸುಜಾತ ಭಟ್ ಇಂದು ಬೆಳ್ಳಂಬೆಳಿಗ್ಗೆ 5 ಗಂಟೆಗೆ ಎಸ್‌ಐ‌ಟಿ ಕಛೇರಿಗೆ ಧಿಢೀರ್ ಭೇಟಿ ನೀಡಿ ಹೇಳಿಕೆ ನೀಡುವುದಾಗಿ ಹೇಳಿದ್ದಾರೆ ಆದರೆ ಇಂದು ಎಸ್‌ಐಟಿ ತಂಡದ ಯೋಜನೆ ಮೊದಲೇ ನಿಶ್ಚಯವಾಗಿದ್ದರಿಂದ ಇಂದು ಪೂರ್ಣ ಪ್ರಮಾಣದ ವಿಚಾರಣ ಮಾಡದೇ ಅಧಿಕಾರಿಗಳ ಸೂಚನೆ ಮೇರೆಗೆ ಸುಜಾತ್ ಭಟ್‌ರಿಂದ ಕೇವಲ ಬೇಸಿಕ್ ವಿಚಾರಣೆ ನಡೆಸಲಾಗುತ್ತಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

Categories
ಕಾರ್ಕಳ

ಕ್ರಿಯೇಟಿವ್ ಕಾಲೇಜಲ್ಲಿ ಕಾರ್ಕಳದಲ್ಲಿ ‘ಸ್ಫೂರ್ತಿ ಮಾತು-11

ಕ್ರಿಯೇಟಿವ್ ಕಾಲೇಜಲ್ಲಿ ಕಾರ್ಕಳದಲ್ಲಿ ‘ಸ್ಫೂರ್ತಿ ಮಾತು-11’
– ಸರಣಿ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳಿಗೆ ಸ್ಫೂರ್ತಿ ಮಾತು
– ಡಾ.ಅನುರಾಧ ಕುರುಂಜಿ ಅವರಿಗೆ ಕಾಲೇಜಿನ ವತಿಯಿಂದ ಗೌರವ

NAMMUR EXPRESS NEWS
ಕಾರ್ಕಳದ ಕ್ರಿಯೇಟಿವ್ ಪದವಿ ಪೂರ್ವ ಕಾಲೇಜಿನಲ್ಲಿ ಕಲಿಕೆಯಲ್ಲಿ ಆಸಕ್ತಿ ಮತ್ತು ನಿರಂತರತೆಯನ್ನು ಕಾಯ್ದುಕೊಳ್ಳುವಲ್ಲಿ ಪ್ರಾರಂಭವಾದ ಸಂಸ್ಥೆಯ ನೂತನ ಪರಿಕಲ್ಪನೆಯಾದ ಸ್ಫೂರ್ತಿ ಮಾತು-11 ಸರಣಿ ಕಾರ್ಯಕ್ರಮವು ‘ನಿಮಗೆ ನೀವೇ ಕನ್ನಡಿಯಾಗಿ’ ಎಂಬ ಶೀರ್ಷಿಕೆಯಡಿಯಲ್ಲಿ ಜರುಗಿತು. ಕಾರ್ಯಕ್ರಮವನ್ನು ಸಂಪನ್ಮೂಲ ವ್ಯಕ್ತಿಯಾಗಿ ಆಗಮಿಸಿದ ವ್ಯಕ್ತಿತ್ವ ವಿಕಸನ ತರಬೇತುದಾರರು ಹಾಗೂ ನೆಹರು ಮೆಮೋರಿಯಲ್ ಕಾಲೇಜ್ ಸುಳ್ಯದ ಅಸಿಸ್ಟೆಂಟ್ ಪ್ರೊಫೆಸರಾದ ಡಾ.ಅನುರಾಧ ಕುರುಂಜಿ ನಡೆಸಿಕೊಟ್ಟರು.
“ತಂದೆ ತಾಯಿ ಮತ್ತು ಗುರುಗಳಿಗೆ ಗೌರವ ನೀಡಿ ಓದಿನಲ್ಲಿ ಕಠಿಣ ಶ್ರಮವನ್ನು ಹಾಕಿದ್ದಲ್ಲಿ ಖಂಡಿತ ಉತ್ತುಂಗ ಮಟ್ಟಕ್ಕೆ ಏರಬಹುದು. ಸಿಕ್ಕ ಅವಕಾಶವನ್ನು ಬಾಚಿಕೊಳ್ಳುವವನೇ ಜಾಣ. ವಿದ್ಯಾರ್ಥಿ ಜೀವನದಲ್ಲಿ ಎದುರಾಗುವ ಪ್ರತಿಕ್ಷಣವೂ ಕೂಡ ಅಮೂಲ್ಯವಾದದ್ದು, ಋಣಾತ್ಮಕ ಚಿಂತನೆಯನ್ನು ಬಿಟ್ಟು ಧನಾತ್ಮಕವಾಗಿ ಆಲೋಚಿಸಿದಾಗ ನಮ್ಮ ಪ್ರಗತಿ ಸಾಧ್ಯ.” ಎಂದು ವಿದ್ಯಾರ್ಥಿಗಳೊಂದಿಗೆ ಗಾದೆ, ಮನೋರಂಜನೆಯ ಆಟಗಳ ಮೂಲಕ ವಿದ್ಯಾರ್ಥಿಗಳನ್ನು ಹುರಿದುಂಬಿಸಿ ಮಾತುಗಳನ್ನಾಡಿದರು. ಕಾರ್ಯಕ್ರಮದಲ್ಲಿ ಸಂಸ್ಥೆಯ ಸಹಸಂಸ್ಥಾಪಕರು ಹಾಗೂ ಪ್ರಾಂಶುಪಾಲರಾದ ವಿದ್ವಾನ್ ಗಣಪತಿ ಭಟ್ ಹಾಗೂ ಸಹ ಸಂಸ್ಥಾಪಕರಲ್ಲಿ ಓರ್ವರಾದ ಶ್ರೀ ಆದರ್ಶ ಎಂ.ಕೆ. ಮತ್ತು ಉಪನ್ಯಾಸಕ ವರ್ಗ, ಬೋಧಕೇತರ ಸಿಬ್ಬಂದಿಗಳು, ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಕಾರ್ಯಕ್ರಮದ ಕೊನೆಯಲ್ಲಿ ಡಾ. ಅನುರಾಧಾ ಕುರುಂಜಿಯವರಿಗೆ ಸ್ಮರಣಿಕೆಯನ್ನು ನೀಡಿ ಗೌರವಿಸಲಾಯಿತು. ಕಾರ್ಯಕ್ರಮವನ್ನು ಸಂಸ್ಕೃತ ಭಾಷಾ ಉಪನ್ಯಾಸಕಿಯಾದ ಡಾ. ಸೌಂದರ್ಯ ಲಕ್ಷ್ಮೀ ನಿರ್ವಹಿಸಿದರು.

Categories
ಕರಾವಳಿ

ಕರಾವಳಿಯಲ್ಲಿ ಗಣಪತಿ ಹಬ್ಬಕ್ಕೆ ಮಳೆ ಅಡ್ಡಿ!?

ಕರಾವಳಿಯಲ್ಲಿ ಗಣಪತಿ ಹಬ್ಬಕ್ಕೆ ಮಳೆ ಅಡ್ಡಿ!?
– 4 ದಿನ ತೀವ್ರ ಮಳೆಯಾಗುವ ಸಾಧ್ಯತೆ
– ಮೀನುಗಾರರಿಗೆ ಎಚ್ಚರಿಕೆ: ಮಳೆ ಅಲರ್ಟ್
– ಕರಾವಳಿಯಲ್ಲಿ ಗಣಪತಿ ಹಬ್ಬಕ್ಕೆ ಮಳೆ ಅಡ್ಡಿ!?

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಕರಾವಳಿ: ಕಳೆದ ಕೆಲವು ದಿನಗಳಿಂದ ಎಲ್ಲೆಡೆ ಮಳೆಯ ಪ್ರಮಾಣ ಕಡಿಮೆಯಾಗಿದ್ದರೂ, ಮೋಡಕವಿದ ವಾತಾವರಣವಿದೆ. ಈ ಹಿನ್ನೆಲೆಯಲ್ಲಿ ಆಗಸ್ಟ್ 26ರಿಂದ ನಾಲ್ಕು ದಿನಗಳ ಕಾಲ ಉಡುಪಿ, ದಕ್ಷಿಣ ಕನ್ನಡ ಮತ್ತು ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಮಳೆಯ ಪ್ರಮಾಣ ತೀವ್ರವಾಗುವ ಸಾಧ್ಯತೆಯಿದ್ದು, ಮೀನುಗಾರರು ಸಮುದ್ರಕ್ಕೆ ಇಳಿಯದಂತೆ ಹವಾಮಾನ ಇಲಾಖೆಯು ತಿಳಿಸಿದೆ.

ಕರಾವಳಿಯಲ್ಲಿ ಗಣಪತಿ ಹಬ್ಬಕ್ಕೆ ಮಳೆ ಅಡ್ಡಿ!? 

ಕರಾವಳಿಯಲ್ಲಿ ಗೌರಿ ಗಣೇಶ ಹಬ್ಬ ಸಡಗರ ಸಂಭ್ರಮದಿಂದ ನಡೆಯಲು ಸಿದ್ಧತೆ ನಡೆದಿದೆ. ಈಗಾಗಲೇ ಎಲ್ಲೆಡೆ ತಯಾರಿ ಆಗಿದೆ. ಆದ್ರೆ ಮಳೆ ಅಡ್ಡಿ ಈಗ ಆತಂಕ ಸೃಷ್ಟಿ ಮಾಡಿದೆ.

Categories
ಬೆಂಗಳೂರು

ಮಲೆನಾಡ ನಾಯಕಿ ಡಾ. ಆರತಿ ಕೃಷ್ಣ ಈಗ ಎಂ. ಎಲ್ಸಿ

ಮಲೆನಾಡ ನಾಯಕಿ ಡಾ. ಆರತಿ ಕೃಷ್ಣ ಈಗ ಎಂ. ಎಲ್ಸಿ
– ಕಾಂಗ್ರೆಸ್ ಹೈಕಮಾಂಡ್ ನೇಮಕ ಮಾಡಿ ಆದೇಶ
– ಹಲವು ದಶಕಗಳ ಸೇವೆಗೆ ಸಂದ ಗೌರವ: ಶುಭಾಶಯಗಳು

NAMMUR EXPRESS NEWS
ಬೆಂಗಳೂರು: ಅನಿವಾಸಿ ಭಾರತೀಯ ಸಂಘಟಕಿ, ಕಾಂಗ್ರೆಸ್ ನಾಯಕಿ ಡಾ.ಆರತಿ ಕೃಷ್ಣ ಅವರಿಗೆ ವಿಧಾನ ಪರಿಷತ್ ಸ್ಥಾನ ಒಲಿದು ಬಂದಿದೆ. ಮಲೆನಾಡ ನಾಯಕಿಯಾಗಿ ಹೊರ ದೇಶದಲ್ಲಿರುವ ಭಾರತೀಯರ ಸಂಕಷ್ಟಕ್ಕೆ ಮಿಡಿಯುವ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತಮ್ಮದೇ ಸೇವೆ ಮಾಡುತ್ತಿರುವ ಹಾಲಿ ಕರ್ನಾಟಕ ರಾಜ್ಯ ಸರ್ಕಾರದ ಅನಿವಾಸಿ ಭಾರತೀಯ ಸಮಿತಿ ಉಪಾಧ್ಯಕ್ಷರಾಗಿರುವ, ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷದ ಅನಿವಾಸಿ ಭಾರತೀಯ ಘಟಕದ ಮುಖ್ಯ ಕಾರ್ಯದರ್ಶಿಯಾಗಿಯೂ ಸೇವೆ ಸಲ್ಲಿಸುತ್ತಿರುವ ಡಾ.ಆರತಿ ಕೃಷ್ಣ ಅವರನ್ನು ಕರ್ನಾಟಕದ ವಿಧಾನ ಪರಿಷತ್ ಸದಸ್ಯರಾಗಿ ನೇಮಕ ಮಾಡಲಾಗಿದೆ. ಕಳೆದ ಎರಡು ತಿಂಗಳ ಹಿಂದೆಯೇ ಇವರ ನೇಮಕ ಅಂತಿಮವಾಗಿತ್ತು.
ಹೈಕಮಾಂಡ್ ಅನುಮೋದಿಸಿರುವ ಈ ಪಟ್ಟಿಯನ್ನು ಸಿಎಂ ಸಿದ್ದರಾಮಯ್ಯ ಅವರು ರಾಜಭವನಕ್ಕೆ ಕಳುಹಿಸಿ ಕೊಟ್ಟಿದ್ದು, ಅಧಿಕೃತ ಆದೇಶ ಬಾಕಿಯಿದೆ.

ಕನ್ನಡ ನಾಡಿಗೆ ಅಪಾರ ಸೇವೆ

ಅಮೆರಿಕ ಹಾಗೂ ಮತ್ತಿತರ ರಾಷ್ಟ್ರಗಳಲ್ಲಿ ಕನ್ನಡಿಗರ ಸಂಘಟನೆಗಳನ್ನು ಒಂದುಗೂಡಿಸುತ್ತಾ ಕನ್ನಡಕ್ಕಾಗಿ ದುಡಿಯುತ್ತಿದ್ದಾರೆ. ಯಶಸ್ವಿ ರಾಜತಾಂತ್ರಿಕ ಅಧಿಕಾರಿಯಾಗಿ, ಕಲಾವಿದೆ ಮತ್ತು ಉತ್ತಮ ಗಾಯಕಿ, ಸಾಮಾಜಿಕ ಕಾರ್ಯಕರ್ತೆ ಮತ್ತು ದಾನಿಯಾಗಿ ಡಾ. ಆರತಿ ಕೃಷ್ಣ ಅವರು ಬಹುಮುಖ ಹುಮುಖ ವ್ಯಕ್ತಿತ್ವ ಹೊಂದಿರುವ ನಾಯಕಿ. ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿಯ ಬೇಗಾನೆ ಮೂಲದವರು. ಆದರೆ ಅವರು ಉಡುಪಿಯಲ್ಲಿ ಜನಿಸಿದ್ದು, ತಂದೆ ಬೇಗಾನೆ ರಾಮಯ್ಯ ಮತ್ತು ತಾಯಿ ಸೀತಾ ಬಿ. ರಾಮಯ್ಯ. ಡಾ. ಅರತಿ ಕೃಷ್ಣ ಅವರ ತಂದೆ ಶೃಂಗೇರಿ, ಎನ್.ಆರ್. ಪುರದಲ್ಲಿ ವಕೀಲರಾಗಿದ್ದರು. ಅವರು ಶೃಂಗೇರಿಯ ಶಾಸಕರಾಗಿದ್ದರು ಹಾಗೂ ಗ್ರಾಮೀಣಾಭಿವೃದ್ಧಿ ಸಚಿವರ ಸ್ಥಾನವನ್ನು ಕೂಡ ನಿರ್ವಹಿಸಿದ್ದರು. ಇತ್ತೀಚಿಗೆ ಅವರು ಇಹ ಲೋಕ ತ್ಯಜಿಸಿದ್ದಾರೆ.

ಹಳ್ಳಿಯಿಂದ ದಿಲ್ಲಿವರೆಗೆ ಸೇವೆ: ಕೃಷ್ಣ ಫೌಂಡೇಶನ್ ಮೂಲಕ ಸೇವೆ

2007ರಲ್ಲಿ ಡಾ.ಅರತಿ ಕೃಷ್ಣ ಅವರು ಶೃಂಗೇರಿಯಲ್ಲಿ ಕೃಷ್ಣ ಫೌಂಡೇಶನ್ ಅನ್ನು ಸ್ಥಾಪಿಸಿದರು. ಅನಾಥ ಮಕ್ಕಳಿಗೆ ಶಿಕ್ಷಣವನ್ನು ಒದಗಿಸುವ ಮೂಲಕ ಸ್ಕಾಲರ್‌ಶಿಪ್ ನೀಡುತ್ತಿದ್ದಾರೆ.
ಡಾ.ಆರತಿ ಕೃಷ್ಣ ಅವರು ಎನ್.ಆರ್.ಪುರದಲ್ಲಿ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿ ನಂತರ ರಾಜ್ಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದುಕೊಂಡರು. ಅಮೇರಿಕಾದಲ್ಲಿ ಸಾರ್ವಜನಿಕ ನೀತಿಗಳು ಮತ್ತು ಅಂತಾರಾಷ್ಟ್ರೀಯ ವ್ಯಾಪಾರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಮುಗಿಸಿದರು ಮತ್ತು ನಂತರ ಭಾರತೀಯ ರಾಯಭಾರ ಕಚೇರಿಯಲ್ಲಿ ಕೆಲಸಕ್ಕೆ ಸೇರ್ಪಡೆಯಾದರು. ರಾಜೀನಾಮೆ ನೀಡಿ, ದೆಹಲಿಯ ರಾಯಭಾರ ಕಚೇರಿಯಲ್ಲಿ ಸಲಹೆಗಾರರ ಕೆಲಸವನ್ನು ಸ್ವೀಕರಿಸಿದರು.
ವಿದೇಶದಲ್ಲಿರುವ ಭಾರತೀಯರು, ಕನ್ನಡಿಗರ ಕರೆ ತರಲು ಸಹಾಯ ಕರೋನಾ, ಇರಾನ್ ಯುದ್ಧ, ಸೇರಿದಂತೆ ಅನೇಕ ತುರ್ತು ಸಂದರ್ಭದಲ್ಲಿ ಡಾ. ಆರತಿ ಕೃಷ್ಣ ಅವರು ಎನ್‌ಆರ್‌ಐಗಳ (ಭಾರತೀಯರ) ಕಷ್ಟಗಳಿಗೆ ಸ್ಪಂದಿಸಿದ್ದರು.
ಕರೋನಾ ಮಹಾ ಮಾರಿಯ ಸಮಯದಲ್ಲಿ ಹಲವಾರು ಎನ್‌ಆರ್‌ಐಗಳನ್ನು ಭಾರತಕ್ಕೆ ಕರೆತರಲು ಯಶಸ್ವಿಯಾದರು. ವಾಣಿಜ್ಯ ವಿಮಾನಗಳಲ್ಲಿ ಎನ್‌ಆರ್‌ಐಗಳನ್ನು ಕರೆತರಲು ರಾಯಭಾರ ಕಚೇರಿಯಿಂದ ಅನುಮತಿಯನ್ನು ಒದಗಿಸಲು ಅವರು ಶ್ರಮಿಸಿದರು.
ನೂರಾರು ಪ್ರಶಸ್ತಿ ಇವರನ್ನು ಅರಸಿ ಬಂದಿವೆ. ಇದೀಗ ಮತ್ತೊಂದು ಸ್ಥಾನ ದೊರಕಿದೆ. ಆಪ್ತರು, ಸ್ನೇಹಿತರು, ಕುಟುಂಬದವರು ಶುಭಾಶಯ ಸಲ್ಲಿಸಿದ್ದಾರೆ.

ನಮ್ಮೂರ್ ಎಕ್ಸ್ ಪ್ರೆಸ್ ಶುಭಾಶಯ ಸಲ್ಲಿಸುತ್ತದೆ