Categories
ರಾಷ್ಟ್ರೀಯ ವಾರ್ತೆ

ಹಿಂದೂಗಳಿಗೆ ಮತ್ತೊಂದು ಜಯ..!

ಹಿಂದೂಗಳಿಗೆ ಮತ್ತೊಂದು ಜಯ..!
– ಶ್ರೀ ಕೃಷ್ಣ ಜನ್ಮ ಭೂಮಿ ಸರ್ವೇಗೆ ಹೈಕೋರ್ಟ್ ಅಸ್ತು
– ಏನಿದು ವಿವಾದ… ಹಿಂದೂಗಳಿಗೆ ಸಿಹಿ ಸುದ್ದಿ

NAMMUR EXPRESS NEWS
ಅಲಹಾಬಾದ್: ಭಗವಾನ್ ಶ್ರೀಕೃಷ್ಣನ ಜನ್ಮಸ್ಥಳ ಮಥುರಾದಲ್ಲಿ ಕೃಷ್ಣ ದೇವಸ್ಥಾನದ ಪ್ರದೇಶದಲ್ಲಿ ಶಾಹಿ ಈದ್ಧಾ ಮಸೀದಿ ನಿರ್ಮಿಸಲಾಗಿದ್ದು, ಈ ಬಗ್ಗೆ ಹಿಂದೂ ಪರ ಅರ್ಜಿದಾರರು ದೇವಾಲಯ ಸಂಕೀರ್ಣದ ವೈಜ್ಞಾನಿಕ ಸಮೀಕ್ಷೆ ಮಾಡಲು ಅನುಮತಿ ಕೋರಿ ಅಲಹಾಬಾದ್‌ ಹೈಕೋರ್ಟಿನಲ್ಲಿ ಅರ್ಜಿ ಸಲ್ಲಿಸಿದ್ದರು. ಶಾಹಿ ಇದ್ದಾ ಮಸೀದಿ ಸಂಕೀರ್ಣವನ್ನು ಪರಿಶೀಲಿಸಲು ಆಯೋಗವನ್ನು ನೇಮಿಸುವಂತೆ ಕೋರಿ ಸಲ್ಲಿಸಲಾದ ಅರ್ಜಿಯನ್ನು ಅಲಹಾಬಾದ್ ಹೈಕೋರ್ಟ್ ಗುರುವಾರ ಅಂಗೀಕರಿಸಿದೆ. ಅರ್ಜಿದಾರರ ಪರ ವಕೀಲ ರಂಜನಾ ಅಗ್ನಿಹೋತ್ರಿ ಮಾಧ್ಯಮದ ಜೊತೆ ಮಾತನಾಡಿ, ಸ್ಥಳವನ್ನು ಸಮೀಕ್ಷೆ ಮಾಡಲು ಆಯೋಗವನ್ನು ನೇಮಿಸಬೇಕೆಂಬ ನಮ್ಮ ಮನವಿಯನ್ನು ನ್ಯಾಯಾಲಯವು ಅನುಮತಿಸಿದೆ.

ಆದೇಶವನ್ನು ಅಪ್‌ಲೋಡ್ ಮಾಡಿದ ಬಳಿಕ ಹೆಚ್ಚಿನ ವಿವರಗಳು ಹೊರಬರಲಿವೆ ಎಂದಿದ್ದಾರೆ. ಮಥುರಾದಲ್ಲಿರುವ ಶಾಹಿ ಈದ್ಯಾ ಮಸೀದಿಯನ್ನು ಮೊಘಲ್ ಚಕ್ರವರ್ತಿ ಔರಂಗಜೇಬನ ಆದೇಶದ ಮೇರೆಗೆ ಕೃಷ್ಣ ಜನ್ಮಸ್ಥಳದ ಪಕ್ಕದಲ್ಲಿ ನಿರ್ಮಿಸಲಾಗಿದೆ ಎನ್ನುವ ಐತಿಹ್ಯಗಳಿವೆ. ಹಿಂದೂ ದೇವಾಲಯವನ್ನು ಕೆಡವಿ ಈದ್ಯಾ ಮಸೀದಿಯನ್ನು ನಿರ್ಮಾಣ ಮಾಡಲಾಗಿದೆ ಎಂದು ಅರ್ಜಿದಾರರು ವಾದಿಸಿದ್ದಾರೆ. ಗುರುವಾರ ಮಧ್ಯಾಹ್ನ ಸುದ್ದಿಗಾರರೊಂದಿಗೆ ಮಾತನಾಡಿದ ವಕೀಲ ವಿಷ್ಣು ಶಂಕರ್ ಜೈನ್, ಅಡ್ವೊಕೇಟ್ ಕಮಿಷನರ್ ನೇಮಕ ಮಾಡಬೇಕು ಎಂಬ ನಮ್ಮ ಬೇಡಿಕೆಗೆ ನ್ಯಾಯಾಲಯ ಅನುಮತಿ ನೀಡಿದೆ. ಅಡ್ವಕೇಟ್ ಕಮಿಷನ‌ರ್ ಯಾರಾಗುತ್ತಾರೆ.

ವಿಧಾನಗಳೇನು ಮತ್ತು ಅದು ತ್ರಿಸದಸ್ಯ ಸಮಿತಿಯಾಗಬಹುದೇ? ಈ ಎಲ್ಲಾ ವಿಷಯಗಳು ಡಿಸೆಂಬರ್ 18ರಂದು ನಿರ್ಧಾರವಾಗುತ್ತವೆ ಎಂದಿದ್ದಾರೆ. ಶಾಹಿ ಈದ್ಲಾ ಮಸೀದಿಯಲ್ಲಿ ಸಾಕಷ್ಟು ಸಂಕೇತಗಳು ಮತ್ತು ಚಿಹ್ನೆಗಳು ಇವೆ ಮತ್ತು ವಾಸ್ತವಿಕ ಸ್ಥಿತಿಯನ್ನು ತಿಳಿಯಲು ನಿಜವಾದ ಅಡ್ವಕೇಟ್ ಕಮಿಷನರ್ ಅಗತ್ಯವಿದೆ ಎಂದು ನಾವು ಒತ್ತಾಯಿಸಿದ್ದೇವೆ. ನ್ಯಾಯಾಲಯವು ನಮ್ಮ ಅರ್ಜಿಯನ್ನು ಅಂಗೀಕರಿಸಿದೆ ಎಂದು ಅವರು ತಿಳಿಸಿದ್ದಾರೆ.

Categories
ಮಾಹಿತಿ ರಾಜ್ಯ

ಡ್ರೈವಿಂಗ್ ಕಲಿಯುವವರಿಗೆ ಕಹಿ ಸುದ್ದಿ!

ಡ್ರೈವಿಂಗ್ ಕಲಿಯುವವರಿಗೆ ಕಹಿ ಸುದ್ದಿ!
– ದುಬಾರಿಯಾದ ಡ್ರೈವಿಂಗ್ ತರಬೇತಿ ವೆಚ್ಚ
– 10 ವರ್ಷದ ನಂತರ ಶುಲ್ಕ ಹೆಚ್ಚಿಸಲು ಆದೇಶ
– ಜನವರಿಯಿಂದ ಜಾರಿ: ಯಾವ ವಾಹನಕ್ಕೆ ಎಷ್ಟು?

NAMMUR EXPRESS NEWS
ಎಲ್ಲಾ ವಾಹನಗಳ ಡ್ರೈವಿಂಗ್ ತರಬೇತಿಯ ಮೇಲಿನ ವೆಚ್ಚ ಹೆಚ್ಚಾಗಿದ್ದು ತರಬೇತಿ ಕೇಂದ್ರಗಳ ನಿರಂತರ ಹೋರಾಟಕ್ಕೆ ಇದೀಗ ಸಾರಿಗೆ ಇಲಾಖೆ ಅಸ್ತು ಎಂದಿದೆ. ಈ ಬಗ್ಗೆ ಆರ್ಟಿಓಗಳು, ಆಯುಕ್ತರು ಇಲಾಖೆಗೆ ಬಹಳ ಹಿಂದೆಯೇ ಅರ್ಜಿಸಲ್ಲಿಸಿದ್ದು ಅದರಲ್ಲಿ ಬದಲಾದ ಇಂಧನ ದರ, ಡ್ರೈವಿಂಗ್ ಸ್ಕೂಲ್ ನಿರ್ವಹಣೆ, ಡ್ರೈವಿಂಗ್ ಕಲಿಯುವಾಗಿನ ಡ್ಯಾಮೇಜ್ ಗಳು, ಮತ್ತು ಚಾಲಕರ ಸಂಬಳ ಎಲ್ಲವನ್ನೂ ಪರಿಗಣಿಸಲಾಗಿದೆ. ಈ ನಿಯಮ ಜನವರಿ 1.2024 ರಿಂದ ಜಾರಿಗೆ ಬರಲಿದೆ. ಇನ್ಮುಂದೆ ಆರ್ಟಿಒ ಕಚೇರಿಗಳಲ್ಲಿ ಲೈಸೆನ್ಸ್ ಪಡೆಯಲು LLR ಗೆ 350ರೂ ಮತ್ತು DL ಗೆ 1,000 ರೂ.ಗಳನ್ನು ಪ್ರತ್ಯೇಕವಾಗಿ ಪಾವತಿಸಬೇಕು. ಈ ಹಿಂದೆ ತರಬೇತಿ ಕೇಂದ್ರಗಳ ಶುಲ್ಕ ನಾಲ್ಕು ಚಕ್ರ ವಾಹನಗಳಿಗೆ 4,500 ಇದ್ದು ಲೈಸೆನ್ಸ್ ಜೊತೆಗೆ 4,500 ರಿಂದ 8 ಸಾವಿರದ ವರೆಗೂ ಪಡೆಯುತ್ತಿದ್ದು ಇದೀಗ ಒಬ್ಬ ವ್ಯಕ್ತಿ ಕಾರು ಚಾಲನೆ ಕಲಿಕೆ ಮತ್ತು ಲೈಸೆನ್ಸ್ ಗೆ ನೀಡಬೇಕಾದ ಹಣ 7ರಿಂದ 8 ಸಾವಿರದಷ್ಟಾಗಿದೆ.

ಶುಲ್ಕವನ್ನು ನಾಲ್ಕು ವರ್ಗಗಳಲ್ಲಿ ನಿಗದಿ

ಬೈಕ್: 2,000 ರಿಂದ 3,000ರೂ.
ಆಟೋರಿಕ್ಷಾ : 3,000 – 4,000ರೂ.
ಕಾರು: 4,000-7,000ರೂ.
ಸಾರಿಗೆ ವಾಹನ: 6,000- 9,000 ರೂ.

Categories
ಚಿಕ್ಕಮಗಳೂರು

ಚಿಕ್ಕಮಗಳೂರು ಪ್ರವಾಸಿ ತಾಣಗಳು ಬಂದ್..!

ಚಿಕ್ಕಮಗಳೂರು ಪ್ರವಾಸಿ ತಾಣಗಳು ಬಂದ್..!
– 6 ದಿನಗಳ ಕಾಲ ಪ್ರವಾಸಿಗರಿಗೆ ನಿಷೇಧ
– ಡಿ.22ರಿಂದ 27ರವರೆಗೆ ಪ್ರವಾಸ ಇಲ್ಲ
– ಏನಿದು ನಿಯಮ..? ಏಕೆ ನಿಷೇಧ..?

NAMMUR EXPRESS NEWS
ಚಿಕ್ಕಮಗಳೂರು: ವರ್ಷಾಂತ್ಯಕ್ಕೆ ಪಶ್ಚಿಮ ಘಟ್ಟಗಳ ಸಾಲಿನ ಪ್ರವಾಸಿ ತಾಣಗಳಿಗೆ ಆರು ದಿನಗಳ ಕಾಲ ಪ್ರವೇಶ ನಿಷೇಧಿಸಿ ಚಿಕ್ಕಮಗಳೂರು ಜಿಲ್ಲಾಡಳಿತ ಆದೇಶ ಹೊರಡಿಸಲಾಗಿದೆ. ಮುಳ್ಳಯ್ಯನಗಿರಿ, ಸೀತಾಳಯ್ಯನಗಿರಿ, ಗಾಳಿಕೆರೆ, ಮಾಣಿಕ್ಯಾಧಾರಾ ಪ್ರವಾಸಿ ತಾಣಗಳಿಗೆ ಪ್ರವೇಶ ಡಿಸೆಂಬರ್ 22 ರಿಂದ 27ರವರೆಗೆ ನಿರ್ಬಂಧಿಸಲಾಗಿದೆ. ಡಿಸೆಂಬರ್ 26ಕ್ಕೆ 20 ಸಾವಿರಕ್ಕೂ ಅಧಿಕ ಮಾಲಾಧಾರಿಗಳು ದತ್ತಪೀಠಕ್ಕೆ ಆಗಮಿಸಲಿದ್ದಾರೆ. ಮುಂಜಾಗ್ರತಾ ಕ್ರಮವಾಗಿ ಪ್ರವಾಸಿಗರಿಗೆ ನಿರ್ಬಂಧ ಹೇರಲಾಗಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ. ಡಿಸೆಂಬರ್ 23, 24 ವಾರಾಂತ್ಯ ಇದೆ. 25ರಂದು ಸೋಮವಾರ ಕ್ರಿಸ್ಮಸ್ ಪ್ರಯುಕ್ತ ಸಾರ್ವಜನಿಕ ರಜೆ ಇದ್ದು, ಹೀಗಾಗಿ ಈ ಸಂದರ್ಭದಲ್ಲಿ ಅನೇಕರು ಪ್ರವಾಸಕ್ಕೆ ಬರುವ ಸಾಧ್ಯತೆ ಇದೆ. ಹೀಗಾಗಿ ಜಿಲ್ಲಾಡಳಿತ ಮುಂಚಿತವಾಗಿಯೇ ಮಾಹಿತಿ ನೀಡಿದೆ.

Categories
ಕರಾವಳಿ

ಮೂಡಿಬಿದರೆ ಆಳ್ವಾಸ್ ವಿರಾಸತ್ ಶುರು!

ಮೂಡಿಬಿದರೆ ಆಳ್ವಾಸ್ ವಿರಾಸತ್ ಶುರು!
– ಇಂದಿನಿಂದ ಡಿ.17ರವರೆಗೆ ಅದ್ದೂರಿಯಾಗಿ ನಡೆಯುತ್ತೆ ವಿರಾಸತ್
– ಸಾಂಸ್ಕೃತಿಕ ರಸದೌತಣ ಉಣ ಬಡಿಸುವ ಸಿದ್ದ

NAMMUR EXPRESS NEWS
ಮೂಡುಬಿದಿರೆ: ರಾಷ್ಟ್ರದ ಪರಂಪರೆಯ ಶ್ರೀಮಂತಿಕೆಯ ಅನನ್ಯತೆಯೊಂದಿಗೆ ಸಾಂಸ್ಕೃತಿಕ ಮನಸ್ಸುಗಳನ್ನು ತನ್ನತ್ತ ಸೆಳೆಯುವ ಮೂಡುಬಿದಿರೆಯ ವಿದ್ಯಾಗಿರಿ ಮತ್ತೆ “ಆಳ್ವಾಸ್ ವಿರಾಸತ್-2023’ಕ್ಕೆ ತಳಿರು ತೋರಣದೊಂದಿಗೆ ಸಜ್ಜಾಗಿ ಜನರನ್ನು ಸ್ವಾಗತಿಸುತ್ತಿದೆ. ಈಗಾಗಲೇ ಸಾವಿರಾರು ಮಂದಿ ಕಾರ್ಯಕ್ರಮಕ್ಕೆ ಆಗಮಿಸುತ್ತಿದ್ದಾರೆ. 29ನೇ ವಿರಾಸತ್ ಡಿ.14ರಂದು ಚಾಲನೆ ಪಡೆದು ಡಿ. 17ರ ವರೆಗೆ ಪುತ್ತಿಗೆ ಗ್ರಾಮದ ವಿವೇಕಾನಂದ ನಗರದ ವನಜಾಕ್ಷಿ ಕೆ. ಶ್ರೀಪತಿ ಭಟ್ ಬಯಲು ರಂಗಮಂದಿರದಲ್ಲಿ ನಡೆಯಲಿವೆ. ಪ್ರತೀ ಸಂಜೆ ವೇಳೆಗೆ ಸಾಂಸ್ಕೃತಿಕ ರಸದೌತಣ ನೀಡಲು ವಿರಾಸತ್ ವೇದಿಕೆ ಸಜ್ಜಾಗಿದ್ದರೆ, ಸಪ್ತ ಮೇಳಗಳು ದಿನವಿಡೀ ನಡೆದು ಯಾವುದೇ ಆಸಕ್ತಿ ಇರುವವರಿಗೂ ಮನಮುದಗೊಳಿಸಲಿವೆ. ದೀಪಾಲಂಕಾರ, ಕಲಾಕೃತಿಗಳು, ಪುಷ್ಪ-ಫಲಗಳು ಕಣ್ಮನ ಸೆಳೆಯುತ್ತಿವೆ.

ವಿರಾಸತ್ ನಡೆಯುವ ವಿದ್ಯಾಗಿರಿ ಆವರಣದ ತುಂಬಾ ಸುಮಾರು ಸಾವಿರಕ್ಕೂ ಅಧಿಕ ಕಲಾಕೃತಿಗಳು ನಿಮ್ಮನ್ನು ಕೈಬೀಸಿ ಕರೆಯುತ್ತಿವೆ. ವೀರಪುರುಷರು, ಪ್ರಾಣಿ-ಪಕ್ಷಿಗಳು, ಸಾಂಸ್ಕೃತಿಕ ನಾಯಕರು, ದೈವ-ದೇವರು, ಸ್ವಾತಂತ್ರ್ಯ ಹೋರಾಟಗಾರರು, ಪುಟಾಣಿಗಳ ನೆಚ್ಚಿನ ಕಾರ್ಟೂನ್ ಪಾತ್ರಗಳು, ತಾಯಿಯ ಮಮತೆ, ಬುದ್ಧನ ಧ್ಯಾನ, ನಗಿಸುವ ಮೋಟು, ಪ್ರಾದೇಶಿಕ ಕಲಾಪ್ರಕಾರಗಳ ಕಲಾಕೃತಿಗಳು ಮನ ಸೆಳೆಯುತ್ತವೆ. ಪ್ರಾಂಗಣದುದ್ದಕ್ಕೂ ಹೆಜ್ಜೆ ಹಾಕಿದಂತೆ ಆನೆ, ಜಿರಾಫೆ, ಎತ್ತು ಮಹಿಷಾಸುರ, ಯಕ್ಷಗಾನ, ಎತ್ತಿನ ಬಂಡಿ, ಚಕ್ರ, ಗಣಪತಿ, ಸಂಗೊಳ್ಳಿ ರಾಯಣ್ಣ ಡೊಳ್ಳು ಕುಣಿತ, ಅಂಬೇಡ್ಕರ್, ವೀರಗಾಸೆ ಕಥಕ್ಕಳಿ ಪ್ರತಿಮೆಗಳನ್ನು ಕಾಣಬಹುದು.

ನಾಡಿನ ಮೂಲೆ ಮೂಲೆಯಿಂದ ಜನ

ಕರಾವಳಿ, ಮಲೆನಾಡು ಮಾತ್ರವಲ್ಲದೆ ಈ ಹಬ್ಬಕ್ಕೆ ನಾಡಿನ ಮೂಲೆ ಮೂಲೆಯಿಂದ ಜನ ಆಗಮಿಸುತ್ತಿದ್ದಾರೆ. ಇಲ್ಲಿನ ಸಾಂಸ್ಕೃತಿಕ ಹಬ್ಬ ಯುವ ಜನರನ್ನು ಸೆಳೆಯುತ್ತಿದೆ. ಡಾ. ಮೋಹನ್ ಆಳ್ವಾ ಸರ್ವರನ್ನು ಸ್ವಾಗತಿಸಿದ್ದಾರೆ.

Categories
ತೀರ್ಥಹಳ್ಳಿ

ರೈತ ಸಂಘದಿಂದ ತೀರ್ಥಹಳ್ಳಿಯಲ್ಲಿ ಕಾರ್ಯಕ್ರಮ

ರೈತ ಸಂಘದಿಂದ ತೀರ್ಥಹಳ್ಳಿಯಲ್ಲಿ ಕಾರ್ಯಕ್ರಮ
– ಡಿ.21ರಂದು ಎನ್.ಡಿ.ಸುಂದರೇಶ್ ಅವರ ನೆನಪು
– ಕಡಿದಾಳು ಶಾಮಣ್ಣ ಅವರಿಗೆ ತವರೂರು ಸನ್ಮಾನ
– ಸರ್ವರನ್ನು ಸ್ವಾಗತಿಸಿದ ತೀರ್ಥಹಳ್ಳಿ ರೈತ ಸಂಘ

NAMMUR EXPRESS NEWS
ತೀರ್ಥಹಳ್ಳಿ: ಕರ್ನಾಟಕ ರಾಜ್ಯ ರೈತರ ಸಂಘ, ತಾಲೂಕು ಘಟಕ ತೀರ್ಥಹಳ್ಳಿ ಮತ್ತು ಸಮಾನ ಮನಸ್ಕ ಸಂಘಟನೆಗಳ ವತಿಯಿಂದ ಡಿ.21ರಂದು ಎನ್ ಡಿ, ಸುಂದರೇಶ್ ಅವರ ನೆನಪು ಮತ್ತು ಕಡಿದಾಳು ಶಾಮಣ್ಣ ಅವರಿಗೆ ತವರೂರು ಸನ್ಮಾನ ,ರೈತೋಪಚಾರ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಈ ಕಾರ್ಯಕ್ರಮಕ್ಕೆ ಈಗಾಗಲೇ ಸಿದ್ಧತೆ ನಡೆಯುತ್ತಿದೆ. ತೀರ್ಥಹಳ್ಳಿಯಲ್ಲಿ ಕಾರ್ಯಕ್ರಮದ ವಿವರ ನೀಡಿದ ರೈತ ನಾಯಕ ರಾಜೇಂದ್ರ ಕಂಬಳಿಗೆರೆ, ರಾಜ್ಯ ರೈತ ಸಂಘ ಕಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸಿದವರು ಕಡಿದಾಳು ಶಾಮಣ್ಣ. ಇತ್ತೀಚಿನ ಪೀಳಿಗೆಗೆ ಇವರ ವಿಷಯ ತಿಳಿದಿಲ್ಲ. ಹೊಸ ಜಗತ್ತಿಗೆ, ಆಲೋಚನೆಗೆ ಇವರ ವಿಷಯಗಳನ್ನು ತಿಳಿಸಬೇಕಾಗಿದೆ. ಹಾಗಾಗಿ ಅಂತಹ ನಾಯಕರಿಗೆ ರೈತೋಪಚಾರ ಮಾಡಲು ತೀರ್ಮಾನಿಸಲಾಗಿದೆ. ಜತೆಗೆ ರೈತ ಸಂಘದ ಪ್ರಮುಖರಾದ ಸುಂದರೇಶ್ ಅವರ ಜನ್ಮ ದಿನದಂದು ನೆನಪಿನ ಕಾರ್ಯಕ್ರಮ ನಡೆಸಲಾಗುತ್ತದೆ. ಸರ್ವರನ್ನು ಸ್ವಾಗತಿಸಲಾಗುವುದು ಎಂದರು.

ಮಲೆನಾಡಿನ ರೈತ ಹೋರಾಟವೇ ಅತ್ಯಂತ ವೈಶಿಷ್ಟ್ಯವಾದುದು.1980ರ ದಶಕದ ಆರಂಭದಲ್ಲಿ ಹುಟ್ಟಿಕೊಂಡ ಕರ್ನಾಟಕದ ರೈತರ ಸ್ವಾಭಿಮಾನದ ಚಳವಳಿಯನ್ನು ಮೇಲಿನ ಚಾರಿತ್ರಿಕ ಮಹತ್ವ ಮತ್ತು ಗುಣಲಕ್ಷಣಗಳೊಂದಿಗೆ ಸಮೀಕರಿಸಿ ಹುಟ್ಟು ಹಾಕಿದವರದಲ್ಲಿ ಎನ್.ಡಿ. ಸುಂದರೇಶ್ ಪ್ರಮುಖರು. ಇವರಷ್ಟೆ ಪ್ರಮುಖ ಪಾತ್ರವಹಿಸಿದವರಲ್ಲಿ ಇದೇ ಊರಿನ ಪೂರ್ಣಚಂದ್ರ ತೇಜಸ್ವಿ ಮತ್ತು ಕಡಿದಾಳು ಶಾಮಣ್ಣ ಕೂಡ ಇದ್ದರು ಎಂಬುದು ಹೆಮ್ಮೆಯ ವಿಷಯ. ಹಾಗೆಯೇ ಪ್ರಮುಖರಾಗಿದ್ದ ಪ್ರೊ.ಎಂ.ಡಿ. ನಂಜುಂಡಸ್ವಾಮಿ, ಎಚ್.ಎಸ್. ರುದ್ರಪ್ಪನವರ ನೇತೃತ್ವದಲ್ಲಿ ರೈತ ಹೋರಾಟ ಬೆಳೆಯಿತು. ಎನ್.ಡಿ. ಸುಂದರೇಶ್ ಅವರ ನೆನಪು ಹಾಗೂ ನಮ್ಮೊಡನೆ ಸಾಕ್ಷಿ ಪ್ರಜ್ಞೆಯಂತಿರುವ ಕಡಿದಾಳು ಶಾಮಣ್ಣನವರಿಗೆ ರೈತೋಪಚಾರದ ಹಿನ್ನೆಲೆಯಲ್ಲಿ ಈ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.

ಈಗಿನ ಕಾಲದಲ್ಲಿ ರೈತಾಪಿ ಜನ ಎಲ್ಲದಕ್ಕೂ ರಾಜಕೀಯವನ್ನು ನೆಚ್ಚಿಕೊಂಡು, ಅಧಿಕಾರಿಗಳ ಮುಂದೆ ಗೋಣು ಬಗ್ಗಿಸುವ ಸ್ಥಿತಿ ತಲುಪಿರುವ ದುರಂತ ಕಾಲದಲ್ಲಿ ಸ್ವಾಭಿಮಾನಿ ರೈತ ಚಳುವಳಿಯ ನಾಯಕರನ್ನು ನೆನಪು ಮಾಡಿಕೊಳ್ಳುವುದು ಅನಿವಾರ್ಯ ಹಾಗೂ ಅಗತ್ಯ ಕೂಡ. ರೈತರ ಮುಂದಿನ ಭವಿಷ್ಯಕ್ಕಾಗಿ ಮರೆಯದೇ ಕಾರ್ಯಕ್ರಮಕ್ಕೆ ಬನ್ನಿ ಎಂದು ಕರೆ ನೀಡಿದರು. ಈ ಸಂದರ್ಭದಲ್ಲಿ ರೈತ ಸಂಘದ ಪ್ರಮುಖರಾದ ಕೋಡ್ಲು ವೆಂಕಟೇಶ್‌, ಹೊರಬೈಲು ರಾಮಕೃಷ್ಣ, ಸುಭಾಷ್ ದೇವಂಗಿ, ನೆಂಪೆ ದೇವರಾಜ್, ಕರ್ಕಿ ಶಿವಾನಂದ್ ಸೇರಿ ಹಲವರು ಉಪಸ್ಥಿತರಿದ್ದರು.

ಕಾರ್ಯಕ್ರಮದಲ್ಲಿ ಏನೇನು..?

ರಾಜ್ಯ ರೈತ ಸಂಘ ತೀರ್ಥಹಳ್ಳಿ ಘಟಕ ಹಾಗೂ ಸಮಾನ ಮನಸ್ಕ ಸಂಘಟನೆಗಳ ನೇತೃತ್ವದಲ್ಲಿ ಡಿ.21 ರ ಗುರುವಾರದಂದು ಗೋಪಾಲಗೌಡ ರಂಗಮಂದಿರದಲ್ಲಿ ಎನ್. ಡಿ. ಸುಂದರೇಶ್ ಅವರ ನೆನಪು ಮತ್ತು ಸಾಕ್ಷಿ ಪ್ರಜ್ಞೆಯಂತಿರುವ ಕಡಿದಾಳು ಶಾಮಣ್ಣ ಅವರಿಗೆ ರೈತೋಪಚಾರ ಎಂಬ ವಿಶೇಷ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಈ ಕಾರ್ಯಕ್ರಮದಅಧ್ಯಕ್ಷತೆ ಕೂಡ್ಲು ವೆಂಕಟೇಶ್, ರೈತ ಹೋರಾಟಗಾರರು ಮತ್ತು ಉದ್ಘಾಟನೆಯನ್ನು ರೈತ ಹೋರಾಟಗಾರರು ಹಾಗೂ ಶಾಸಕರು ಆಗಿರುವ ದರ್ಶನ್ ಪುಟ್ಟಣ್ಣಯ್ಯ ಮಾಡಲಿದ್ದಾರೆ. ಮತ್ತು ಸಾಹಿತಿಗಳು ಮತ್ತು ಸಾಮಾಜಿಕ ಹೋರಾಟಗಾರ ಡಾ.ರಾಜೇಂದ್ರ ಚೆನ್ನಿ ಭಾಗವಹಿಸಲಿದ್ದಾರೆ.

Categories
Quotes

ಲೈಫ್ ಬ್ಯೂಟಿಫುಲ್ – life beautifull Kannada Quotes

ಲೈಫ್ ಬ್ಯೂಟಿಫುಲ್

Every child is born as a universal human being, and as they grow up, they become less human regardless of caste, religion, clan, or tribe!
– Kuvempu

ಪ್ರತಿಯೊಂದು ಮಗುವು ಹುಟ್ಟುತ್ತಾ ವಿಶ್ವ ಮಾನವನಾಗಿ ಹುಟ್ಟುತ್ತವೆ ಬೆಳಿತಾ ಬೆಳಿತಾ ಜಾತಿ, ಧರ್ಮ, ಕುಲ-ಗೋತ್ರ ಅಂತ ಅಲ್ಪಮಾನವನನ್ನಾಗಿ ಮಾಡಿಬಿಡ್ತಿವಿ!
– ಕುವೆಂಪು

All the cruel, dark ideologies of the Middle Ages, such as the Varna Ashram and the caste system, should be incinerated in the fire of scientific vision.
ವರ್ಣಾಶ್ರಮ, ಜಾತಿಪದ್ಧತಿ ಮೇಲು ಕೀಳು ಭಾವನೆ ಮುಂತಾದ ಮಧ್ಯಯುಗದ ಕ್ರೂರ ಕರಾಳ ತತ್ವಗಳೆಲ್ಲ ವೈಜ್ಞಾನಿಕ ದೃಷ್ಟಿಯ ಅಗ್ನಿಕುಂಡದಲ್ಲಿ ಭಸ್ಮಿಕೃತವಾಗಬೇಕು.
-ಕುವೆಂಪು

Criticism dies. Works remain. Great.
ಟೀಕೆಗಳು ಸಾಯುತ್ತವೆ. ಕೆಲಸಗಳು ಉಳಿಯುತ್ತವೆ. ಕುವೆಂಪು

The greatest glory in living lies not in never falling, but in rising every time we fall.
ಬೀಳದೆ ಬದುಕುವುದೊಂದು ಸುಳ್ಳು‌ ಹಾಗೂ ಆ ಸುಳ್ಳಿನಲ್ಲಿ ಸಂಭ್ರಮವಿಲ್ಲ. ಪ್ರತೀ ಬಾರಿ ಬಿದ್ದಾಗಲು ಎದ್ದು ನಿಲ್ಲುವುದರಲ್ಲಿ ಗೆಲುವಿದೆ ಮತ್ತು ಆ ಗೆಲುವು ಕೇವಲ ಗೆಲುವಾಗಿರದೆ ಒಂದು ಸಂಭ್ರಮವಾಗಿರುತ್ತದೆ.

The way to get started is to quit talking and begin doing.
ಪ್ರತಿ ಆರಂಭಗಳು ಕ್ರಿಯೆಯನ್ನು ಒಳಗೊಂಡಿರುತ್ತವೆ. ಕ್ರಿಯೆಗಳಿಲ್ಲದ ಯೋಜನೆಗಳು ಆರಂಭದಲ್ಲೇ ಮುಗಿದುಹೋಗುತ್ತವೆ. ಮಾತನ್ನು ನಿಲ್ಲಿಸಿ ಕೃತಿಯನ್ನು ಆರಂಭಿಸುವುದೇ ಏಳ್ಗೆಯ ಮೂಲ.

The future belongs to those who believe in the beauty of their dreams.
ಕನಸು ಕಾಣುವುದು ಪ್ರತಿ ಜೀವಿಯ ಮೂಲಭೂತ ಅವಶ್ಯಕತೆ. ಆ ಕನಸುಗಳಲ್ಲಿ ನಂಬಿಕೆಯಿಟ್ಟು ಸಾಕಾರಕ್ಕೆ ಶ್ರಮಿಸುವವರಿಗಷ್ಟೇ ಆ ಕನಸು ಸುಂದರ ಭವಿಷ್ಯವಾಗಿ ಮುಂದಿರುತ್ತದೆ.

Do one thing every day that scares you.
ಇದೊಂದು ಅತ್ಯಂತ ಒಳ್ಳೆಯ ಮಾತು. ನಾವು ಕೆಲವು ಸನ್ನಿವೇಶಗಳಿಗೆ ಹೆದರಿ ಹೆದರಿ ದೂರ ನಿಲ್ಲುವ ಬದಲು ನಮ್ಮನ್ನು ಹೆದರಿಸುವ ಒಂದು ಕೆಲಸವನ್ನು ನಿತ್ಯವೂ ಮಾಡಬೇಕು. ಮಾನಸಿಕ ಶಕ್ತಿ, ಬೌದ್ಧಿಕ ಬೆಳವಣಿಗೆ ಎರಡೂ ವೃದ್ಧಿ.

Your time is limited, so don’t waste it living someone else’s life. Don’t be trapped by dogma – which is living with the results of other people’s thinking.
ಪ್ರತಿಯೊಬ್ಬರ ಜೀವನವೂ ಅಮೂಲ್ಯ ಮತ್ತು ಮಿತ. ಇನ್ನೊಬ್ಬರ ಅಭಿಪ್ರಾಯಗಳ ಆಧಾರದ ಮೇಲೆ ಆ ಜೀವನವನ್ನು ರೂಪಿಸಿಕೊಳ್ಳುವಲ್ಲಿ ಕಾಲಹರಣ ಮಾಡಬಾರದು.

If you look at what you have in life, you’ll always have more. If you look at what you don’t have in life, you’ll never have enough.
ನಮ್ಮ ಬಳಿ ಏನಿದೆಯೋ ಅದನ್ನು ನೋಡಿದಾಗ, ನಮ್ಮ ಜೀವನದ ಅಗತ್ಯಗಳಿಗಿಂತ ಹೆಚ್ಚೇ ನಮ್ಮ ಬಳಿ ಇರುತ್ತದೆ.
ನಮ್ಮಲ್ಲಿಲ್ಲದ್ದನ್ನು ಹುಡುಕಿದಾಗ ಮಾತ್ರ ನಮ್ಮ ಬಳಿ ಇರುವುದು ಕಡಿಮೆ ಎನಿಸುತ್ತದೆ ಮತ್ತು ಅತೃಪ್ತ ಭಾವ ಕಾಡುತ್ತದೆ.

ಲೈಫ್ ಬ್ಯೂಟಿಫುಲ್
‘You learn nothing from life if you think you are right all the time’.
ನಮ್ಮನ್ನು ನಾವು ಸದಾ ‘ಸರಿ’ ಅನ್ಕೊಂಡ್ರೆ ನಮ್ಮ ಜೀವನದಿಂದ ನಾವೇನನ್ನೂ ಕಲಿಯಲು ಸಾಧ್ಯವಿಲ್ಲ.
ತಪ್ಪುಗಳು ಸಂಭವಿಸುತ್ತವೆ. ಸಂಭವಿಸಲೇಬೇಕು. ನಮ್ಮನ್ನು ಸರಿಪಡಿಸುವ ಮತ್ತು ನಮ್ಮನ್ನು ಬೆಳೆಸುವ ಸಲುವಾಗಿ!


ಲೈಫ್ ಬ್ಯೂಟಿಫುಲ್
‘A large chair does not make a king’
ದೊಡ್ಡದಾದ ಕುರ್ಚಿಗಳು ರಾಜನನ್ನು ತಯಾರು ಮಾಡುವುದಿಲ್ಲ!
ಕುಳಿತ ತಕ್ಷಣ ರಾಜ ಭಾವನೆ ಮನಸ್ಸನ್ನು ಆಳಿದರೆ ಅದು ಸತ್ಯವೂ ಅಲ್ಲ. ಯೋಗ್ಯತೆಯಿಂದಾದ ಸಂಪಾದನೆಯಷ್ಟೇ ಸತ್ಯ!

ಎಂದಿಗಾದರೂ ಒಂದನೇ ಮೆಟ್ಟಿಲ ಹತ್ತದೇ ಹತ್ತನೆಯ ಮೆಟ್ಟಿಲು ಹತ್ತಲು ಸಾಧ್ಯವೇ?!
ನಮ್ಮ ಬಯಕೆಗಳಿಗಿಂತ ಶ್ರಮದ ಬೆಲೆ ಹೆಚ್ಚೇ ಇರುತ್ತದೆ. ಶ್ರಮವೇ ಏಣಿ. ಬಯಕೆಗಳ ಸಾಕಾರಕ್ಕೆ ಆ ಏಣಿಯನ್ನು ಒಂದನೇ ಮೆಟ್ಟಿಲಿನಿಂದಲೇ ಹತ್ತಬೇಕು!

ಹಾರಬೇಕು ರೆಕ್ಕೆ ಮತ್ತು ಮನಸ ಬಿಚ್ಚಿ….
ಅಜ್ಞಾನದಿಂದ ಸುಜ್ಞಾನದ ಕಡೆಗೆ!
ಕತ್ತಲಿನಿಂದ ಬೆಳಕಿನ ಕಡೆಗೆ!
ಹತಾಶೆಗಳಿಂದ ಭರವಸೆಗಳ ಕಡೆಗೆ!
ಹುಚ್ಚು ಭ್ರಮೆಗಳಿಂದ ಕಟು ವಾಸ್ತವದ ಕಡೆಗೆ!
ಅದೇ ಯಶಸ್ಸು!!

ಕೋಗಿಲೆ ಹಾಡಿದೆ ಕೇಳಿದೆಯಾ….??
ಈ ಪ್ರಕೃತಿ ಎಷ್ಟು ಚಂದ ಮತ್ತು ನಿಯಮಾನುಸಾರವಾಗಿ ನಡೆಯುವುದು ಅಂದ್ರೆ, ಸಕಲ ಜೀವಚರಗಳೂ ತಮ್ಮಷ್ಟಕ್ಕೆ ತಮ್ಮ ಕೆಲಸವನ್ನ ತಪ್ಪದೇ ಮಾಡುತ್ತವೆ. ಯಾವುದರ ಬಗ್ಗೆಯೂ ಅಸಮಾಧಾನವಿಲ್ಲ. ಮನುಷ್ಯ ಮಾತ್ರವೇ ಕರ್ತವ್ಯಲೋಪ ಮಾಡ್ತಾನೆ ಮತ್ತು ಅಸಮಾಧಾನ ಹೊಂದುತ್ತಾನೆ. ಅವನದೇ ತಪ್ಪಿಗೆ ಅವನದೇ ಮುನಿಸು.

Close the window that hurts you.
No matter how beautiful the view is!
ದೃಶ್ಯ ಅದೆಷ್ಟೇ ಸುಂದರವಾಗಿರಲಿ, ಅದರಿಂದ ನಿಮಗೆ ನೋವಾಗ್ತಿದೆ ಅಂದಾಗ ಕಿಟಕಿಯನ್ನು ಮುಚ್ಚಿಬಿಡಿ.
ಮುಂದೆ ನೂರಾರು ಅತ್ಯುತ್ತಮ ದೃಶ್ಯಗಳು ಖುಷಿಯೊಂದಿಗೆ ಮಾತ್ರವೇ ನೋಡಲು ಸಿಗಬಹುದು.
ಭರವಸೆ ಇರಲಿ.
ಯುಗದ ಕವಿ ಜಗದ ಕವಿ
ಕುವೆಂಪು ಅವರಿಗೆ ಜನ್ಮ ದಿನದಂದು ನಮನಗಳು
“ಓ ನನ್ನ ಚೇತನ ಆಗು ನೀ ಅನಿಕೇತನ”
– ಕುವೆಂಪು
– ನಮ್ಮೊಳಗಿನ ಧ್ಯಾನ, ಮೌನ, ಶಕ್ತಿ, ಪ್ರೀತಿ, ದೈರ್ಯ, ಸ್ಥೈರ್ಯ ಎಲ್ಲವೂ ಅಗಾಧ. ಅವುಗಳನ್ನು ಪೋಷಿಸಿ ವಿಸ್ತಾರಗೊಳಿಸುವುದೇ ಅನಿಕೇತನವಾಗುವುದು! ಎಲ್ಲಿಯೂ ನಿಲ್ಲದೆ, ಮಿತಿಯನ್ನೂ ಹಾಕಿಕೊಳ್ಳದೆ ಉನ್ನತಿ ಮತ್ತು ಅತ್ಮೋನ್ನತಿಯ ಕಡೆ ಸಾಗುವುದೇ ಅನಿಕೇತನವಾಗುವುದು!.

ಪ್ರಕೃತಿ ಯಾವತ್ತಿಗೂ ಚಂದ. ಅದು ಯಾರ ಅಪ್ಪಣೆಗೂ, ಯಾರ ಸಹಕಾರಕ್ಕೂ, ಯಾರ ಬೆದರಿಕೆಗೂ ಕಾಯುವುದಿಲ್ಲ. ಬಗ್ಗುವುದಿಲ್ಲ. ಆದರೆ ಪ್ರತೀಸಾರಿ ಹೊಸದಾಗಿ ಹುಟ್ಟುತ್ತದೆ. ಮತ್ತು ತನ್ನಿಂದಲೇ ಹುಟ್ಟಿಕೊಳ್ಳುತ್ತದೆ. ಹಳೆಯ ರೂಪ ಕಳಚಿ ಕಾಲಕ್ಕನುಗುಣವಾಗಿ ಹೊಸತಾಗಿ ನಿಂತಾಗಲೇ ಪ್ರಕೃತಿಗಾಗಲಿ, ಮನುಷ್ಯರಿಗೇ ಆಗಲಿ ಬೆಲೆ. ನಮ್ಮೊಳಗಿನ ಅಹಂ ಅನ್ನು ಆಗಾಗ ಕಳಚಿದರಷ್ಟೇ ಹೊಸ ಚಿಗುರು ನಮ್ಮಿಂದ ಹುಟ್ಟಲು ಸಾಧ್ಯ!

ಕಲಿಕೆಯ ಮುಂದೆ ನಾವೆಲ್ಲರೂ ಹೀಗೆ‌ ಅಚ್ಚರಿ ತುಂಬಿಕೊಂಡ ಅನಾಥ ಪಕ್ಷಿಯ ಹಾಗೆ. ಕಲಿಕೆಯ ವಿಷಯಗಳು ಮಾತ್ರ ಸುತ್ತಲಿನ ಬಯಲಿನ ಹಾಗೆ! ಅಪಾರ ಮತ್ತು ಅನಂತ. ಕೆಲವನ್ನು ಬಿಟ್ಟಾಗಲೇ ಕೆಲವು ಹುಟ್ಟುತ್ತವೆ. ಅರಿವು ಎಷ್ಟಾದರು ಇರಲಿ, ನಮ್ಮೊಳಗೊಂದು ಮುಗ್ಧತೆಯನ್ನು ಸದಾಕಾಲ ಜೋಪಾನ ಮಾಡಿಕೊಂಡರಷ್ಟೇ ಹಗುರಾಗಿ ಹಾರಲು ಸಾಧ್ಯ. ಹಾರಿದರಷ್ಟೇ ಬದುಕು ವಿಸ್ತಾರವಾಗಲು ಸಾಧ್ಯ!

ಯಾವುದೇ ಕೆಲಸಕ್ಕಾದ್ರು ನಮಗೊಂದು ಮೋಟಿವೇಷನ್ ಬೇಕಾಗುತ್ತೆ. ಆದರೆ ಪ್ರತಿ ದಿನ ನಮ್ಮನ್ನ ಯಾರೋ ಮೋಟಿವೇಟ್ ಮಾಡ್ಲಿ ಅಂತ ನಾವು ಕಾಯೋದಲ್ಲ. ಹಾಗಾಗಿ ಸೆಲ್ಫ್ ಮೋಟಿವೇಷನ್ ತುಂಬ ಮುಖ್ಯ. ನಮಗೆ ನಮ್ಮ ಕೆಲಸವನ್ನ ನಾವೇ ಆಗಾಗ ನೆನಪಿಸುವುದು ಸೆಲ್ಫ್ ಮೋಟಿವೇಷನ್ ನ ಅತ್ಯುತ್ತಮ ಮಾರ್ಗ.

ಸೈಲೆಂಟ್ ಆಗಿರ್ಬೇಕು ಅಂತ ಅನಿಸಿದಾಗ ಅಥವಾ ಕೆಲವು ಪರಿಸ್ಥಿತಿಗಳಿಗೆ ನಮ್ಮ ಸೈಲೆನ್ಸ್ ನ ಅಗತ್ಯವಿದ್ದಾಗ ಸೈಲೆಂಟಾಗಿ ಉಳಿದುಬಿಡಿ. ಮತ್ತೇನೋ ಶಬ್ಧಗಳ ಪ್ರಯೋಗ, ಪ್ರಹಾರಗಳನ್ನು ಮಧ್ಯೆ ತಂದು ಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಿಕೊಳ್ಳಬೇಡಿ. ಸೈಲೆನ್ಸ್ ಸಮ್ಮತಿಯೂ ಅಲ್ಲ. ದೌರ್ಬಲ್ಯವೂ ಅಲ್ಲ. ಪರಿಸ್ಥಿತಿಯ ನಿಯಂತ್ರಣದ ದಾರಿಯಷ್ಟೇ!

ಇನ್ನೊಬ್ಬರ ತಾತ್ಸಾರ, ಅಸಡ್ಡೆ, ನಿರ್ಲಕ್ಷ್ಯ ಗಳು ಯಾವುದೇ ಸಮಯದಲ್ಲೂ ನಿಮ್ಮ ಮಾನಸಿಕ ಶಕ್ತಿಯನ್ನು ಕುಗ್ಗಿಸಬಾರದು. ಅವುಗಳನ್ನೇ ಅಸ್ತ್ರವಾಗಿಸಿಕೊಂಡು ಬದುಕುವುದ ಕಲಿಯಬೇಕು. ಅವಮಾನಗಳು ಬದುಕಿಗೆ ಪ್ರೇರಣೆಯಾದಾಗಷ್ಟೇ ನಮ್ಮಿಂದ ಒಂದೊಳ್ಳೆ ಕೆಲಸ ಸಾಧ್ಯವಾಗುತ್ತದೆ

ಲೈಫ್ ಬ್ಯೂಟಿಫುಲ್
ಬದುಕು ಸುಂದರಾ…. ನೀ ಪ್ರೀತಿಸು!
ಬದುಕು ಸುಂದರಾ…. ಆರಾಧಿಸು!
ಬದುಕು ನಿಜವಾಗಿಯೂ ಚಂದವೇ. ನಿರೀಕ್ಷೆಗಳನ್ನ ಇಟ್ಕೊಂಡಾಗ, ಅದಕ್ಕೆ ಇನ್ಯಾರನ್ನೂ ಹೊಣೆ ಮಾಡದೇ ಇದ್ದಾಗ!
ಕನಸು ಕಾಣುವಾಗ, ನಮ್ಮ ಕನಸ್ಸನ್ನ ಇನ್ನೊಬ್ಬರ ಕಣ್ಣಿಗೆ ತುಂಬದೇ ನಾವೇ ನನಸು ಮಾಡಿಕೊಂಡಾಗ.
ಬೆಳಿಗ್ಗೆ ಎದ್ದು ಯಾರಿಗೋ ಗುಡ್ಮಾರ್ನಿಂಗ್ ಹೇಳುವುದರಿಂದ ನಮ್ಮ ಮಾರ್ನಿಂಗ್ ಗುಡ್ ಆಗುವುದಿಲ್ಲ. ಮತ್ತು ನಾವದನ್ನ ಹೇಳಿದ್ರೂ ಹೇಳದೆ ಹೋದ್ರೂ ಬೆಳಗು ಮತ್ತೆ ಸಂಜೆಗಳು ಯಾರಿಗೂ ಕಾಯುವುದಿಲ್ಲ.
ಇನ್ಯಾರಿಗೋ ಇವುಗಳನ್ನು ಹೇಳುವ ಬದಲು ನಮಗೆ ನಾವೇ ಹೇಳಿಕೊಳ್ಳುವುದು ಬಹಳ ಒಳ್ಳೆಯದು. ನಮ್ ದಿನ ಚನಾಗಿದ್ರೆ ನಮ್ಮ ಸುತ್ತಲಿನ ವಾತಾವರಣವೂ ಚನಾಗಿರುತ್ತೆ.

ಜೀವನದಲ್ಲಿ ಯಾವುದನ್ನ ಯಾವಾಗ ಶುರು ಮಾಡ್ಬೇಕು ಅನ್ನೋದನ್ನ ತಿಳಿಯೋದು ಎಷ್ಟು ಮುಖ್ಯವೋ ಅದಕ್ಕಿಂತ ಮುಖ್ಯ “ಯಾವುದನ್ನ ಎಲ್ಲಿಗೆ ನಿಲ್ಲಿಸಬೇಕು” ಅನ್ನೋದನ್ನ ತಿಳ್ಕೊಂಡಿರೋದು.
ಮೊದಲನೆಯದಕ್ಕೆ ನಿಮಗೆ ಹೊರಗಡೆಯಿಂದ ಗೈಡೆನ್ಸ್ ಸಿಗಬಹುದು.
ಎರಡನೆಯದಕ್ಕೆ ನಮ್ಮ ಸ್ವತಃ ವಿವೇಚನೆಯೇ ಗೈಡೆನ್ಸ್.

Mind set has more power than anything else in the world
ಎಲ್ಲದಕ್ಕೂ ಮೊದಲು ನಮ್ಮ ಮನಸ್ಸನ್ನ ತಯಾರು ಮಾಡ್ಬೇಕು. ಮನಸ್ಸು ಒಮ್ಮೆ ತಯಾರಾದ್ರೆ ಯಾವ ಕೆಲಸವಾದ್ರೂ ಅದು ಆಗಿಯೇ ಆಗುತ್ತೆ. ನಾವು ಮೊದಲು ಮನಸ್ಸನ್ನ ಸಿದ್ಧ ಪಡಿಸಿಕೊಳ್ಳುವುದೇ ನಮ್ಮ ಮುಂದಿನ ಎಲ್ಲ ಕೆಲಸಗಳ ಮೊದಲ ಹೆಜ್ಜೆ. ಉಳಿದವೆಲ್ಲ ನಂತರದವು.


Decisions help us start but discipline help us finish
ನಿರ್ಧಾರ ತೆಗೆದುಕೊಳ್ಳುವುದೇ ಒಂದು ಕಷ್ಟ. ಆದರೂ ಹಾಗೋ ಹೀಗೋ ಒಂದೇನೋ ನಿರ್ಧಾರ ತೆಗೆದುಕೊಳ್ಳಬಹುದು. ಇದೇನೂ ದೊಡ್ಡ ವಿಷಯವಲ್ಲ. ನಮ್ಮ ವೀಕ್ನೆಸ್ ಇರುವುದೇ ಇವುಗಳನ್ನು ಪಾಲಿಸುವುದರಲ್ಲಿ. ನಿರ್ಧಾರದಿಂದ ಆರಂಭವಾಗುವ ಎಲ್ಲವನ್ನೂ ದಡ ಮುಟ್ಟಿಸಲು ಶಿಸ್ತು ಅತೀ ಅತೀ ಮುಖ್ಯವಾಗುತ್ತದೆ. ಶಿಸ್ತಿಲ್ಲದೆ ಹೋದರೆ ಶುರುವಾದ ಯಾವುದೂ ಸೂಕ್ತ ಅಂತ್ಯ ಕಾಣುವುದಿಲ್ಲ.

If you want to shine like a sun, first burn like a sun – Abdul Kalam
ನಮಗೆಲ್ಲಾ ಕಷ್ಟಗಳೇ ಬರದೆ ಸುಖ ಬೇಕು!?.
ನಾವು ಸೂರ್ಯನ ಹಾಗೆ ಹೊಳಿಬೇಕು. ಪ್ರಕಾಶಮಾನವಾಗಿ ಕಾಣ್ಬೇಕು. ನಮ್ಮಿಂದ ಒಂದು ಬೆಳಕು ಸೃಷ್ಟಿಯಾಗ್ಬೇಕು…..
ಎಲ್ಲವೂ ಸರಿ. ಆದ್ರೆ ಸೂರ್ಯ ಅಷ್ಟು ಹೊಳಿತೀದಾನೆ ಅಂದ್ರೆ ಅವನು ತುಂಬ ಬೆಂಕಿಯಲ್ಲಿ ಬೆಂದಿರ್ಬೇಕಲ್ಲ?!
ನಾವೂ ಹಾಗೆ. ಅವನ ಹಾಗೆ ಹೊಳಿಬೇಕು ಅಂದ್ರೆ ಅವನ ಹಾಗೆ ಬೇಯಬೇಕಾಗಿರುತ್ತೆ

The best view comes after the hardest climb
ಅತ್ಯಂತ ಕಷ್ಟಪಟ್ಟು ಗುಡ್ಡವನ್ನು ಹತ್ತಿದ ಮೇಲೆಯೇ ಅತ್ಯುತ್ತಮ ದೃಶ್ಯವೊಂದು ನೋಡಲು ಸಿಗುತ್ತದೆ.
ತ್ರಾಸದಾಯಕ ದಾರಿಯೇ ಸೌಂದರ್ಯವನ್ನು ಮುಂದಿಡುತ್ತದೆ. ನಿಂತಲ್ಲೇ ಕಾಣಸಿಗುವ ಸುಲಭ ಸಂಗತಿಗಳಲ್ಲೇ ಜೀವನ ಮುಗಿಸಿಕೊಂಡರೆ ಅದೊಂದು ಕಲಿಕೆಯೇ ಇಲ್ಲದ ನಷ್ಟವೇ ಸರಿ!

Things that break your heart are the same things that open your eyes
ಅತೀ ನೋವಿನ ಸಂಗತಿಗಳೇ ನಮ್ಮ ಕಣ್ತೆರೆಸುವ ವಿಚಾರಗಳೂ ಆಗಿರುತ್ತವೆ.
ಹೃದಯಕ್ಕೆ ನೋವಾಯ್ತಾ? ಆಗಲೇಬೇಕು. ಅದಾಗದ ಹೊರತು ತಿಳುವಳಿಕೆಯೂ ಬರುವುದಿಲ್ಲ. ಹೀಗೆ ಸಿಕ್ಕ ಅರಿವು ಬಹಳ ಬೆಲೆಯುಳ್ಳದ್ದು ಮತ್ತು ನೋವಾಗದ ಹೊರತು ಸಿಗದ್ದು. ಹಾಗಾಗಿ ನೋವಿನೊಂದಿಗೆ ಸಿಗುವ ಪಾಠವನ್ನು ನಿರ್ಲಕ್ಷಿಸಬಾರದು.

There are no shortcuts to any place worth going.
ಯೋಗ್ಯವಾದ ಸ್ಥಳಕ್ಕೆ ತಲುಪಲು ಚಿಕ್ಕ ಪುಟ್ಟ ಅಡ್ಡದಾರಿಗಳಿರುವುದಿಲ್ಲ. ಇರುವುದೊಂದೇ ರಾಜಮಾರ್ಗ!
ಕಠಿಣವಾದರೂ ಕ್ಷೇಮ ಮತ್ತು ಯಶಸ್ವೀ ದಾರಿಯಿದು.
ಸುಲಭದಂತೆ ಕಾಣಿಸುವ ಅಥವಾ ಸುಲಭದಲ್ಲಿ ಲಭಿಸುವ ಯಾವುವೂ ಯೋಗ್ಯವಾಗಿರುವುದಿಲ್ಲ ಮತ್ತು ಶಾಶ್ವತವಾದವೂ ಅಲ್ಲ. ಅಡ್ಡದಾರಿಗೆ ಆಯಸ್ಸಿಲ್ಲ, ಶ್ರೇಯಸ್ಸಿಲ್ಲ, ಯಶಸ್ಸು ಒಂದೊಮ್ಮೆ ಸಿಕ್ಕಂತೆ ಅನಿಸಿದರೂ ಅದು ನಿಜವೂ ಅಲ್ಲ. ಶ್ರೇಷ್ಠವೂ ಅಲ್ಲ. ಆಯ್ಕೆ ಮಾಡಿಕೊಳ್ಳುವ ದಾರಿ ತ್ರಾಸದಾಯಕವಾಗಿದ್ದರೂ ಶುದ್ಧವಾಗಿದ್ದಲ್ಲಿ ಯಶಸ್ಸು ಖಂಡಿತ!.

You cannot change your future. But you can change your habits. And surely your habits will change your future.

-APJ Abdul kalam

ನೀವು ನಿಮ್ಮ ಭವಿಷ್ಯವನ್ನು ಬದಲಾಯಿಸಿಕೊಳ್ಳುವುದು ಸಾಧ್ಯವಿಲ್ಲ. ಆದರೆ ನಿಮ್ಮ ಹವ್ಯಾಸಗಳನ್ನು ಬದಲಾಯಿಸಿಕೊಳ್ಳಬಹುದು. ಈ ಹವ್ಯಾಸಗಳು ಖಂಡಿತವಾಗಿಯೂ ನಿಮ್ಮ ಭವಿಷ್ಯ ಬದಲಾಯಿಸುತ್ತವೆ.
ಹೌದು. ನಮ್ಮ ಬದುಕಿನ ಪದ್ಧತಿಯೇ ಒಂದು ಹವ್ಯಾಸ. ಈ ಪದ್ಧತಿಗಳು ಸರಿಯಾಗಿದ್ದಲ್ಲಿ ಭವಿಷ್ಯವೂ ಸರಿಯಾಗಿರುತ್ತದೆ.‌ ಉತ್ತಮ ಹವ್ಯಾಸಗಳು ಆರೋಗ್ಯಕರ ಜೀವನಕ್ಕೆ ಅವಶ್ಯಕ. ಅವೇ ನಿಮ್ಮನ್ನು ಗೆಲ್ಲಿಸುತ್ತವೆ. ಒಳ್ಳೆಯ ಹವ್ಯಾಸ, ಒಳ್ಳೆಯವರ ಸಹವಾಸ ಒಳ್ಳೆಯದನ್ನೇ ಮಾಡುತ್ತದೆ.

Categories
ಕೃಷಿ ತೀರ್ಥಹಳ್ಳಿ ಬೆಳಗಾವಿ ಮಲ್ನಾಡ್ ಶಿವಮೊಗ್ಗ

ಮಲೆನಾಡಲ್ಲಿ ಎಲೆಚುಕ್ಕಿ ರೋಗ: ಪುಡಿಕಾಸು ಸಾಕಾಗುತ್ತಾ?

ಮಲೆನಾಡಲ್ಲಿ ಎಲೆಚುಕ್ಕಿ ರೋಗ: ಪುಡಿಕಾಸು ಸಾಕಾಗುತ್ತಾ?
– ಎಲೆಚುಕ್ಕಿ ರೋಗ ನಿವಾರಣೆ ಸಂಶೋಧನೆಗೆ 52 ಲಕ್ಷ
– ಆರಗ ಪ್ರಶ್ನೆಗೆ ಕೃಷಿ ಸಚಿವ ಚೆಲುವರಾಯ ಸ್ವಾಮಿ ಮಾಹಿತಿ
– ರೋಗದಿಂದ ಅಡಿಕೆ ಫಸಲು, ತೂಕ ಅರ್ಧಕರ್ದ ಕಡಿಮೆ!

NAMMUR EXPRESS NEWS
ಬೆಳಗಾವಿ/ಶಿವಮೊಗ್ಗ : ಅಡಿಕೆ ಬೆಳೆಗೆ ತಗಲುತ್ತಿರುವ ಎಲೆಚುಕ್ಕಿ ರೋಗ ಹಾಗೂ ಹಳದಿ ಎಲೆ ರೋಗ ನಿವಾರಣೆಗಾಗಿ ವಿಶ್ವ ವಿದ್ಯಾಲಯದ ವಿಜ್ಞಾನಿಗಳು ಕೈಗೊಂಡಿರುವ ಸಂಶೋಧನಾ ಕಾರ್ಯಕ್ಕಾಗಿ 52 ಲಕ್ಷ ರೂಗಳನ್ನು ಬಿಡುಗಡೆ ಮಾಡಲಾಗಿದೆ ಎಂದು ಕೃಷಿ ಸಚಿವ ಚಲುವರಾಯಸ್ವಾಮಿ ಅವರು ವಿಧಾನಸಭೆಗೆ ತಿಳಿಸಿದ್ದಾರೆ. ಶೂನ್ಯವೇಳೆಯಲ್ಲಿ ಬಿಜೆಪಿ ಶಾಸಕ ಆರಗ ಜ್ಞಾನೇಂದ್ರ ಮಾಡಿದ ಪ್ರಸ್ತಾಪಕ್ಕೆ ಉತ್ತರಿಸಿದ ಅವರು, ಸಂಶೋಧನೆಗೆ ಹೆಚ್ಚಿನ ಅನುದಾನದ ಅಗತ್ಯವಿದ್ದಲ್ಲಿ ಸರ್ಕಾರ ಬಿಡುಗಡೆ ಮಾಡಲು ಸಿದ್ದವಿದೆ.ಈ ರೋಗಗಳ ನಿವಾರಣೆಗೆ ಸೂಕ್ತ ಕ್ರಮ ವಹಿಸಿದೆ ಎಂದು ತಿಳಿಸಿದ್ದಾರೆ.

ಹಿಂದಿನ ಬಿಜೆಪಿ ಸರ್ಕಾರ, ಈಗಿನ ಕಾಂಗ್ರೆಸ್ ಸರ್ಕಾರ ಎರಡೂ ಸರ್ಕಾರಗಳು ಪುಡಿ ಕಾಸು ಕೊಟ್ಟು ಎಲ್ಲಾ ಮಾಡಿದ್ದೇವೆ ಎಂದು ಫೋಸು ಕೊಡುವ ಕೆಲಸ ಮಾಡುತ್ತಿವೆ. ಮಲೆನಾಡು, ಕರಾವಳಿಯ ಬಹುತೇಕ ತೋಟಗಳಲ್ಲಿ ಎಲೆ ಚುಕ್ಕಿ ರೋಗ ಹರಡುತ್ತಿದೆ. ಈ ವರ್ಷ ರೋಗದಿಂದ ಶೇ.50ರಷ್ಟು ಅಡಿಕೆ ಫಸಲು ಕಡಿಮೆ ಇದೆ. ತೂಕ ಕಡಿಮೆ ಆಗುತ್ತಿದೆ. ಆದರೆ ಜನ ನಾಯಕರು ಈ ಬಗ್ಗೆ ಗಂಭೀರವಾಗಿ ಯೋಚನೆ ಮಾಡುತ್ತಿಲ್ಲ ಎಂಬ ಆರೋಪ ರೈತ ವಲಯದಿಂದ ಕೇಳಿ ಬಂದಿದೆ.

ದಿನೇ ದಿನೇ ರೋಗ ಹೆಚ್ಚಳ!

ಸರ್ಕಾರ ಸಂಶೋಧನೆ ನಡೆಸಲು ಯಾವುದೊ ಒಂದು ಮೋರಿಗೆ ಕೊಡುವಷ್ಟು ದುಡ್ಡು ಕೊಟ್ಟಿದೆ. ಆದರೆ ಅದನ್ನು ಕೂಡ ಅಧಿಕಾರಿಗಳು ಸರಿಯಾಗಿ ಮಾಡುತ್ತಿಲ್ಲ. ಇನ್ನೊಂದೆಡೆ ಹತ್ತಾರು ಜಿಲ್ಲೆಗಳ ಜೀವನಾಧಾರ ಬೆಳೆ ಅಡಿಕೆ. ಶಿವಮೊಗ್ಗ, ಚಿಕ್ಕಮಗಳೂರು, ಕರಾವಳಿ ಸಂಪೂರ್ಣ ಇದರ ಮೇಲೆ ಅವಲಂಭಿತವಾಗಿದೆ. ಆದರೆ ಈ ಸಮಸ್ಯೆ ಬಗ್ಗೆ ಯಾವುದೇ ಸರ್ಕಾರ, ಜನ ನಾಯಕರು ಗಂಭೀರವಾಗಿ ಯೋಚನೆ ಮಾಡದಿರುವುದು ದುರಂತವೇ ಸರಿ. ಈ ಬಗ್ಗೆ ದೊಡ್ಡ ಆಂದೋಲನ ರೈತ ವಲಯದಿಂದ ಆಗಬೇಕಿದೆ.ಇಲ್ಲವಾದಲ್ಲಿ ಮುಂದೆ ಮಲೆನಾಡು ದೊಡ್ಡ ದುರಂತಕ್ಕೆ ಜಾರಲಿದೆ.

Categories
ತೀರ್ಥಹಳ್ಳಿ

ಛೀ..ಸಾರ್ವಜನಿಕ ಶೌಚಾಲಯ ಅವ್ಯವಸ್ಥೆ ಕೇಳೋರಿಲ್ಲ!

ಛೀ..ಸಾರ್ವಜನಿಕ ಶೌಚಾಲಯ ಅವ್ಯವಸ್ಥೆ ಕೇಳೋರಿಲ್ಲ!
– ನಿರ್ವಹಣೆಯೂ ಇಲ್ಲ…ಉಪಯೋಗಕ್ಕೂ ಇಲ್ಲ
– ಸಂತೆ ರಸ್ತೆಯಲ್ಲಿ ಶೌಚಾಲಯ ವಾಸನೆ ವಾಸನೆ
– ಕಣ್ಮುಚ್ಚಿಕೊಂಡ ತೀರ್ಥಹಳ್ಳಿ ಪಟ್ಟಣ ಪಂಚಾಯಿತಿ, ಜನ ನಾಯಕರು!

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ಪಟ್ಟಣದ ಅಷ್ಟೂ ಸಾರ್ವಜನಿಕ ಶೌಚಾಲಯಗಳು ಗಬ್ಬೆದ್ದು ರಸ್ತೆಯ ಬದಿಯಲ್ಲೂ ಸಾರ್ವಜನಿಕರು ಓಡಾಡದಂತೆ ದುಸ್ಥಿತಿಯಲ್ಲಿವೆ. ತಾಲ್ಲೂಕು ಕಛೇರಿಯ ಶೌಚಾಲಯದ ನೆಲವೇ ಕಿತ್ತುಹೋಗಿದ್ದು ಸರ್ಕಾರಿ ಕಛೇರಿಯಾಗಿದ್ದೂ, ಮತ್ತು ನಿತ್ಯ ನೂರಾರು ಸಾರ್ವಜನಿಕರು ಭೇಟಿಕೊಡುವಂತಹ ಮುಖ್ಯ ಸ್ಥಳವಾಗಿದ್ದರೂ ಅಲ್ಲಿನ ಅವ್ಯವಸ್ಥೆ ಕೇಳುವವರಿಲ್ಲದಂತಾಗಿದೆ. ತೀರ್ಥಹಳ್ಳಿ ಸಂತೆ ನಡೆಯುವ ಟಿಎಪಿಸಿಎಂಎಸ್ ರಸ್ತೆ ಮುಖ್ಯ‌ ರಸ್ತೆಯಾಗಿದ್ದು ಆ ಮಾರ್ಗದಲ್ಲಿ ಹತ್ತಾರು ಅಂಗಡಿ ಮಳಿಗೆಗಳು, ಸಾಕಷ್ಟು ಜನ ಸಂಚಾರವಿದ್ದರೂ ಆ ಮಾರ್ಗದಲ್ಲಿ ಸಂಚರಿಸುವಂತೆಯೇ ಇಲ್ಲವಾಗಿದೆ. ಇದರಿಂದಾಗಿ ಅಲ್ಲಿ ಗ್ರಾಹಕರೂ ನಿಲ್ಲದೇ ವ್ಯಾಪಾರ ವಹಿವಾಟಿಗೂ ತೊಂದರೆಯಾಗುತ್ತಿದೆ. ಸಾಂಕ್ರಾಮಿಕ ರೋಗ ಹರಡುವ ಭೀತಿ ಇದೆ. ಪಟ್ಟಣ ಪಂಚಾಯತ್ ತಕ್ಷಣ ಈ ಬಗ್ಗೆ ಗಮನಿಸಬೇಕಿದೆ.

ಇಷ್ಟಾಗಿಯೂ ದೂರದಿಂದಲೇ ಗಬ್ಬೆದ್ದು ನಾರುವ ಈ ಶೌಚಾಲಯಗಳನ್ನು ಯಾರೂ ಉಪಯೋಗಿಸುವಂತೆಯೂ ಇಲ್ಲ. ಹಾಗಾಗಿ ಪಟ್ಟಣದಲ್ಲಿ ಸ್ವಚ್ಛತೆ ಮಾಯವಾಗುತ್ತಿದೆ. ಹಳ್ಳಿಗಳಿಂದ ಬರುವ ಜನ ಅಗತ್ಯ ಕೆಲಸಕ್ಕೆ ತೊಂದರೆ ಪಡುವ ಸ್ಥಿತಿ ಇದೆ. ಇಷ್ಟೆಲ್ಲಾ ಸರ್ಕಾರಿ ಸುಪರ್ದಿಗೆ ಒಳಪಟ್ಟಿದ್ದರೂ ಪಟ್ಟಣ ಪಂಚಾಯ್ತಿ ಮಾತ್ರ ಸಂಬಂಧವಿಲ್ಲದಂತೆ ತಣ್ಣಗಿದೆ. ಇನ್ನು ಮುಂದಾದರೂ ಈ ಬಗ್ಗೆ ಕಣ್ಬಿಟ್ಟು, ಸೂಕ್ತ ನಿರ್ವಹಣೆಯ ಮೂಲಕ ಜನರ ಉಪಯೋಗಕ್ಕಾಗುವಂತೆ ಸ್ವಚ್ಚಗೊಳಿಸಿ ವ್ಯವಸ್ಥಿತವಾಗಿಡಲಿ ಎಂಬ ಜನರ ಅಭಿಪ್ರಾಯವನ್ನು ಈ ಮೂಲಕ ನಮ್ಮೂರ್ ಎಕ್ಸ್‌ಪ್ರೆಸ್‌ ಪಟ್ಟಣ ಪಂಚಾಯ್ತಿ, ಶಾಸಕರು, ಜನ ಪ್ರತಿನಿಧಿಗಳಿಗೆ ಮನವಿ ಮಾಡುತ್ತಿದೆ.

ಎಲ್ಲೆಲ್ಲಿ ಅವ್ಯವಸ್ಥೆ?

ಸಂತೆ ರಸ್ತೆ, ಕೊಪ್ಪ ಸರ್ಕಲ್, ಆಗುಂಬೆ ಬಸ್ ನಿಲ್ದಾಣ, ತಾಲೂಕು ಕಚೇರಿ ಶೌಚಾಲಯ ಸೇರಿ ಎಲ್ಲೆಡೆ ಅವ್ಯವಸ್ಥೆ ಇದೆ.

Categories
ತೀರ್ಥಹಳ್ಳಿ

ರಾಷ್ಟ್ರಮಟ್ಟದಲ್ಲಿ ಬೆಳ್ಳಿ ಪದಕ ಗೆದ್ದ ತೀರ್ಥಹಳ್ಳಿ ಹುಡುಗ!

ರಾಷ್ಟ್ರಮಟ್ಟದಲ್ಲಿ ಬೆಳ್ಳಿ ಪದಕ ಗೆದ್ದ ತೀರ್ಥಹಳ್ಳಿ ಹುಡುಗ!
– ತೀರ್ಥಹಳ್ಳಿ ತುಂಗಾ ಕಾಲೇಜಿನ ವಿದ್ಯಾರ್ಥಿ
– ಪುರುಷರ ವಿಭಾಗದ ಶಾಟ್ ಪುಟ್ ಆಟದಲ್ಲಿ ಗೆಲುವು

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಯ ಹುಡುಗ ಸೂರ್ಯ ಟಿ. ಡಿ. ರಾಷ್ಟ್ರ ಮಟ್ಟದಲ್ಲಿ, ದೆಹಲಿಯಲ್ಲಿ ನಡೆದ ಖೇಲೋ ಇಂಡಿಯಾ ಪ್ಯಾರಾ ಗೇಮ್ಸ್ ಪುರುಷರ ವಿಭಾಗದ ಶಾಟ್ ಪುಟ್ ಆಟದಲ್ಲಿ ವಿಜೇತರಾಗಿದ್ದು ಬೆಳ್ಳಿಯ ಪದಕವನ್ನು ತನ್ನದಾಗಿಸಿಕೊಂಡಿದ್ದಾರೆ. ತೀರ್ಥಹಳ್ಳಿ ಕಟ್ಟೆಹಕ್ಕಲು ಸಮೀಪದ ತಗಡವಳ್ಳಿಯವರಾಗಿದ್ದು, ದಯಾನಂದ ಟಿ.ಎಸ್ ಮತ್ತು ರೇಷ್ಮ ಜೆ.ಎಸ್ ದಂಪತಿಗಳ ಮಗನಾಗಿದ್ದಾರೆ.‌ ಅರ್ಜುನ ಅವಾರ್ಡ್ ವಿನ್ನರ್ ಮಲೆನಾಡ ಖ್ಯಾತ ಆಟಗಾರ ಎಸ್.ಡಿ ಈಶಾನ್ ಅವರಿಂದ ಕೋಚಿಂಗ್ ತೆಗೆದುಕೊಂಡಿದ್ದಾರೆ. 2023ರಲ್ಲಿ ತೀರ್ಥಹಳ್ಳಿಯ ತುಂಗಾ ಕಾಲೇಜಿನಲ್ಲಿ ಆರ್ಟ್ಸ್ ವಿಭಾಗದಲ್ಲಿ ಪಧವೀದರರಾಗಿದ್ದಾರೆ. ದೆಹಲಿಯಲ್ಲಿ ನಡೆದ ಕ್ರೀಡಾಕೂಟದಲ್ಲಿ ಸಾಧನೆ ಮಾಡಿರುವ ಸೂರ್ಯ ಅವರಿಗೆ ನಮ್ಮೂರ್ ಎಕ್ಸ್‌ಪ್ರೆಸ್‌ ಇವರಿಗೆ ಶುಭ ಕೋರಿದೆ.

Categories
ತೀರ್ಥಹಳ್ಳಿ

ಪೋಸ್ಟ್ ಮ್ಯಾನ್ ಕಷ್ಟ ಕೇಳದ ಸರ್ಕಾರ!

ಪೋಸ್ಟ್ ಮ್ಯಾನ್ ಕಷ್ಟ ಕೇಳದ ಸರ್ಕಾರ!
– ಅಂಚೆ ಕಚೇರಿ ಮುಚ್ಚಿ ಪ್ರತಿಭಟನೆಗೆ ಮುಂದಾದ ನೌಕರರು
– 3 ಬಾರಿಯ ಮುಷ್ಕರಕ್ಕೂ ಬೆಲೆ ಕೊಡದ ಸರ್ಕಾರ ಮತ್ತು ಇಲಾಖೆ
– ಅನಿರ್ದಿಷ್ಟ ಅವಧಿಯ ಮುಷ್ಕರಕ್ಕೆ ಸಜ್ಜು

NAMMUR EXPRESS NEWS
ತೀರ್ಥಹಳ್ಳಿ: ಅಂಚೆ ಇಲಾಖೆಯಲ್ಲಿ ಹಗಲಿರುಳು ದುಡಿಯುವ ಪೋಸ್ಟ್ ಮ್ಯಾನ್ ನೌಕರರ ಕಷ್ಟ ಕೇಳದ ಸರ್ಕಾರದ ವಿರುದ್ದ ಇದೀಗ ನೌಕರರು ಅಂಚೆ ಸೇವೆ ನಿಲ್ಲಿಸಿ ಹೋರಾಟ ಶುರು ಮಾಡಿದ್ದಾರೆ. 3 ಬಾರಿ ನಡೆಸಿದ ಮುಷ್ಕರಕ್ಕೂ ಬೆಲೆ ಕೊಡದ ಸರ್ಕಾರ ಮತ್ತು ಇಲಾಖೆಯ ನಿರ್ಧಾರ ಇದೀಗ ಬಡ ನೌಕರರ ಅನಿರ್ದಿಷ್ಟ ಅವಧಿಯ ಮುಷ್ಕರಕ್ಕೆ ಅವಕಾಶ ಮಾಡಿಕೊಟ್ಟಿದ್ದಾರೆ. ತೀರ್ಥಹಳ್ಳಿ ಗ್ರಾಮೀಣ ಅಂಚೆ ನೌಕರರ ಸಂಘದ ಸುಮಾರು 176 ಮಂದಿ ಹೋರಾಟ ಮಾಡುತ್ತಿದ್ದಾರೆ. ಅಖಿಲ ಭಾರತ ಅಂಚೆ ನೌಕರರ ಸಂಘ. ಶಿವಮೊಗ್ಗ. ಕೇಂದ್ರ ಸರ್ಕಾರದ ಅಧೀನದಲ್ಲಿರುವ ಅಂಚೆ ಇಲಾಖೆಗೆ 169 ವರ್ಷ ಕಳೆದಿದ್ದರೂ ಇಲಾಖೆಯಲ್ಲಿ ಜೀತ ಪದ್ಧತಿ ಶೋಷಣೆ ನಡೆಯುತ್ತಿದೆ. ಬ್ರಿಟಿಷರ ಕಾಲದಲ್ಲಿ ಇದ್ದಂತಹ ಕಾನೂನೇ ಇಂದಿಗೂ ಪ್ರಸ್ತುತವಾಗಿದ್ದು, 4-5 ಗಂಟೆ ನಿಗದಿಪಡಿಸಿ 8-10 ಗಂಟೆ ದುಡಿಸಿಕೊಳ್ಳುವುದು,15 ರಿಂದ 16 ಹಳ್ಳಿಗೆ ಒಬ್ಬ ಪೋಸ್ಟರ್ ನ ನೇಮಿಸುವುದು.

ಆತನು ನಾಲ್ಕು ಗಂಟೆಗಳಲ್ಲಿ 15 ಸೆಕೆಂಡಿನಲ್ಲಿ ಒಂದು ಪತ್ರವನ್ನು ಬಟವಾಡೆ ಮಾಡುವಂತೆ ಕಾನೂನಿನಲ್ಲೇ ಸೂಚಿಸಿದೆ. ಆದರೆ ಜೆಡಿಎಸ್ ನೌಕರರಿಗೆ 30 ರಿಂದ 40 ವರ್ಷಗಳ ಕಾಲ ಸೇವೆ ಸಲ್ಲಿಸಿದರು ಅವರಿಗೆ ಯಾವುದೇ ರೀತಿಯ ಸಾಮಾಜಿಕ ಭದ್ರತೆ ಇರುವುದಿಲ್ಲ. ಕೇಂದ್ರ ಸರ್ಕಾರ ನಮ್ಮ ಹೋರಾಟಕ್ಕೆ ಮಣಿದು 2016ನೇ ಇಸವಿಯಲ್ಲಿ ಶ್ರೀ ಕಮಲೇಶ್ ಚಂದ್ರ ಕಮಿಟಿ ಆಯೋಗ ನೇಮಕ ಮಾಡಿ ಗ್ರಾಮೀಣ ಅಂಚೆ ನೌಕರರ ಸ್ಥಿತಿ ಗತಿಗಳ ಬಗ್ಗೆ ವರದಿ ಕೇಳಿತು. ಆ ಕಮಿಟಿ ವರದಿ ಸಲ್ಲಿಸಿ ಆರು ವರ್ಷಗಳು ಕಳೆದರೂ ಅದನ್ನು ಸಂಪೂರ್ಣವಾಗಿ ಜಾರಿಗೊಳಿಸದೆ ಕೇಂದ್ರ ಸರ್ಕಾರ ಮತ್ತು ಅಂಚೆ ಆಡಳಿತ ತಾರತಮ್ಯ ನೀತಿ ಅನುಸರಿಸುತ್ತಿದ್ದು ಇದರ ವಿರುದ್ಧವಾಗಿ ಹೋರಾಟ ಮಾಡುವುದು ಅನಿವಾರ್ಯವಾಗಿದೆ.

ಕಳೆದ ದಿನಾಂಕ 14-06-2022 ರಂದು ದೆಹಲಿಯಲ್ಲಿ ಅನಿರ್ದಿಷ್ಟಾವಧಿ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದ ಸಂದರ್ಭದಲ್ಲಿ ಅದೇ ದಿನ ಪಿಜೆಸಿಎ ನಾಯಕರುಗಳೊಂದಿಗೆ ಅಂಚೆ ಅಧಿಕಾರಿಗಳು ಸಭೆ ನಡೆಸಿ ಇನ್ನು ಒಂದು ತಿಂಗಳೊಳಗೆ ಕಮಲೇಶ್ ಚಂದ್ರ ಕಮಿಟಿಯ ವರದಿಯನ್ನು ಸಂಪೂರ್ಣವಾಗಿ ಜಾರಿಗೊಳಿಸಿ ಈಡೇರಿಸುತ್ತೇವೆ ಎಂದು ಭರವಸೆ ನೀಡಿದ್ದರಿಂದ ಉಪವಾಸ ಸತ್ಯಾಗ್ರಹ ನಿಲ್ಲಿಸಿದ್ದೆವು.ಆದರೆ ಕಮಲೇಶ್ ಚಂದ್ರ ಕಮಿಟಿ ವರದಿ ಸಲ್ಲಿಸಿ ಐದು ವರ್ಷಗಳು ಕಳೆದರೂ ಕೆಲವೊಂದು ಬೇಡಿಕೆಗಳನ್ನು ಈಡೇರಿಸದೆ ಇರುವುದರಿಂದ ಹೋರಾಟ ಮಾಡುವುದು ಅನಿವಾರ್ಯವಾಗಿದೆ.

ಕೇಂದ್ರ ಸರ್ಕಾರ ಮತ್ತು ಅಂಚೆ ಇಲಾಖೆಯ ಹಿರಿಯ ಅಧಿಕಾರಿಗಳಿಗೆ ನಮ್ಮ ನ್ಯಾಯಯುತ ಬೇಡಿಕೆಗಳ ಈಡೇರಿಕೆಗಾಗಿ ಒತ್ತಾಯಿಸಿ ನಮ್ಮ ಕೇಂದ್ರ ಸಂಘಟನೆಯು, ಅಧಿಕಾರಿಗಳಿಗೆ ಸಾಕಷ್ಟು ಬಾರಿ ಮನವಿ ಪತ್ರ ಸಲ್ಲಿಸಿದ್ದರೂ ಸಹ ಇಲಾಖೆ ಮತ್ತು ಸರ್ಕಾರ ಯಾವುದೇ ರೀತಿಯಲ್ಲಿ ನಮಗೆ ಸ್ಪಂದಿಸುತ್ತಿಲ್ಲ. ಇದೀಗ ರಾಷ್ಟ್ರ ಮಟ್ಟದಲ್ಲಿ ಹೋರಾಟ ಶುರುವಾಗಿದೆ ಗ್ರಾಮೀಣ ಅಂಚೆ ನೌಕರರ ಸಂಘದ ಶಿವಮೊಗ್ಗ ವಿಭಾಗ ಅಧ್ಯಕ್ಷರಾದ ವೆಂಕಟೇಶ್ ಎಚ್. ಜಿ, ಕಾರ್ಯದರ್ಶಿ ಭಾಸ್ಕರ್ ಶೆಟ್ಟಿ, ಉಪಾಧ್ಯಕ್ಷರಾದ ನರೇಂದ್ರ ಅಡಿಗ, ಪದಾಧಿಕಾರಿಗಳಾದ ಜಾನಕಿ, ಅರುಣ್, ಶಿವಾನಂದ, ರವೀಶ್ ಇತರರು ಇದ್ದರು.

ಪ್ರಮುಖ ಬೇಡಿಕೆಗಳು ಯಾವುವು?

– 8 ಗಂಟೆಗಳ ಕಾಲ ಕೆಲಸ ನೀಡುವುದು ಮತ್ತು ಪಿಂಚಣಿ ಸೇರಿದಂತೆ ಎಲ್ಲ ಸವಲತ್ತುಗಳನ್ನು ಒದಗಿಸುವುದು.
– 12,24,36 ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನೌಕರರಿಗೆ ಸೇವಾ ಹಿರಿತನದ ಆಧಾರದ ಮೇಲೆ ವಿಶೇಷ ಇನ್ ಕ್ರಿಮೆಂಟ್ ನೀಡುವುದು.
– ಗ್ರೂಪ್ ಇನ್ಸೂರೆನ್ಸ್ ಕವರೇಜ್ ರೂ 5 ಲಕ್ಷದವರೆಗೆ ಹೆಚ್ಚಿಸುವುದು.
– ಜಿಡಿಎಸ್ ಗ್ರಾಚ್ಯುಟಿ ಹಣ ರೂ.1.5 ಲಕ್ಷಗಳ ಮಿತಿ ತೆಗೆದುಹಾಕಿ ಶ್ರೀ ಕಮಲೇಶ್ ಚಂದ್ರ ಸಮಿತಿ ಶಿಫಾರಸು ಮಾಡಿದಂತೆ ರೂ.5 ಲಕ್ಷದವರೆಗೆ ಹೆಚ್ಚಿಸುವುದು.
– 180 ದಿನಗಳ ಕಾಲ ರಜೆ ಉಳಿಸಿಕೊಳ್ಳುವ ಸೌಲಭ್ಯ ಕಲ್ಪಿಸುವುದು.
– ಜಿಡಿಎಸ್ ಮತ್ತು ಅವರ ಕುಟುಂಬದ ಸದಸ್ಯರಿಗೆ ವೈದ್ಯಕೀಯ ಸೌಲಭ್ಯ ಒದಗಿಸುವುದು.